北海道十勝豚丼 (已結業)

每次去旺角都食果幾間餐廳 開始有D慣所以openrice下有無新選擇結果搵到呢間價錢OK 食評唔錯既十勝當日可能時間尚早 我大概7點幾到達所以唔洗等位去之前刨過食評見大家都話燒豬肩脥肉飯同冷面好食所以都叫左呢兩個招牌餸叫左個大盛 因為男朋友比較大食close up大盛份量都真係幾多 所以唔係食太多叫普通套餐已經OKD豬肩肉好嫩滑, 薄身 但好入味, 我叫燒汁味我自己就叫左個吉列豬扒冷面非常熱愛吉豬的我 今次十分滿意因為炸粉份量剛剛好 唔會太厚豬扒好滑 亦唔會太薄或太厚 炸得好香最欣賞係佢用個架lon一lon高塊豬扒感覺唔會油淋淋冷面女仔食份量剛剛好配埋芝麻汁 味道OK呢間下次會再想黎食想試埋佢個朱古力咖喱兩個人加埋一百蚊左右以晚餐黎講唔貴 以咁既質素黎講算抵添

話說琴日同友人出咗部S2, 跟手一齊去搵搵有乜好野食, 誰不知發咗呢間正斗豬扒飯正值七八點晚飯時間, 竟然唔使等位; 一到步, 好有日本feel既侍應哥哥就請咗我地入去.兩人各自點咗滑蛋吉烈豬扒飯套餐同十勝烤豬肩脥飯套餐.十勝烤豬肩脥飯 豬扒非常鬆軟, 加埋燒汁簡直一流; 只係啲飯稍為乾身.滑蛋吉烈豬扒飯 可能因為吉烈關係, 豬扒無咁好食; 拜滑蛋所賜, 飯就夠濕了.另外套餐包豆腐沙律同味噌湯.豆腐沙律 非常香滑味噌湯 雖然味道無乜特別, 但多咗隻蜆仔.

其實之前去過幾次...每次都係叫十勝烤薄豬扒飯........因爲試過其他，感覺普通.....講番呢個十勝烤薄豬扒飯。佢d豬扒切得細細舊，而且夠薄，很入味...而且食得出真係有燒烤味，五係煎.不過在我角度而言，其實我不是太喜歡他的豬扒.....他們的豬扒不是很"淋"，屬於煙靭個種....我自己就不是很喜歡..不過在醬汁方面的確實不錯的....濃而不膩，因此配合上白飯更是絕配~~不過在服務上面...感覺上只有某幾個服務員是挂着笑容的。...其他的對客人都滿冷淡..........比人一種工作不愉快ge感覺~~

本人身住旺角, 但完全唔知旺角有乜o野好食(多數都係食茶記呢...),都係因為 OPENRICE ,我先知有呢間鋪的存在.............當我去到等位時, 門口接待的禮貌很好, 好快就已經可以入去坐了~~而我同女朋友各點了"燒豬肩脥肉飯" & "吉列豬扒冷拉麵"豬肩脥真係好爽口, 加上佢o地o的汁好好味呢~~~~~而個吉列豬扒冷拉麵, 豬扒乾身而唔"鞋"口, 冷麵個芝麻汁好香 & 好味, 不過如果個汁可以有得選擇為烏冬/簥麥麵的豉油汁會好o的呢...........總結如有機會一定會再試的~~~~~不過.............我都好想試埋附近其他的食店先會去再試呢~~~~~

從來未試過食飯受氣要受到甘架!!!!之前去食過呢間野覺得吾錯, 但經過今晚我一定吾會再去呢間野食野!!先講食物, 叫左個沙律同兩個飯, 沙律味道都ok, 蘆筍吾會有苦澀味, 但下面就收埋左小小好似爛爛地的菜...如果無的話更好...牛肉石鍋飯黎到, 個鍋明顥吾夠熱...因為d牛肉炒極都吾系好識熟....仲要食左成個都吾見有飯焦...可想而知佢個鍋的熱度系點....野食講完, 到講差到極的服務.....首先, 黎左d野食明明系無任何餐具, 都無諗住俾餐具我地!? 我地吾出聲問個侍應拎, 佢都無諗住理我地!!第二, 第一個黎的沙律個女侍應半隻手指公向插左向D沙律醬上面, 甘我都當系在所難免, 避開果個位吾食就算了!第三, 落單又漏單, 明明叫左兩個一樣的飯, 但剩系黎左一個, 見食左1/3 都仲未黎,同果d侍應講話我地嗌左兩個黎得一個, 佢話系呀, 嗌左兩個呀, 之後又話吾系, 得一個, 我地同佢講甘漏左單, 剩系答 "哦" , 之後吾理走左去!? 第四, 同個侍應講俾茶我地, 又話好, 轉頭返黎又話 " 等下先啦,轉頭先再俾你!" 但系到我地走都一杯茶都無俾我地!! 但系其他台都有囉!

我呢d戒口人士,又比我找到合我吃的東西了之前來吃過滑蛋,厚和薄燒豬扒飯,都是感覺普通,今次就睇下有乜新野先!晚上8點幾,店內都有8成滿,我幸好分到卡位,就看一下餐牌,見到有新野昆布汁煮薄豬腩片和烤豬肋骨飯,前者好像很肥,後者好像很少肉,所以我就揀了第3者十勝烤豬肩脥飯套餐,而朋友就叫了烤豬肋骨飯套餐,因為等候需要10min左右,所以就留意一下周圍,發現有人在投訴落錯單,再同朋友閒聊一下,等到我的飯了先吃前菜豆腐,很滑,配汁很清爽,湯就等會先喝,好,吃主菜了,豬肩脥肉可以用四個字形容:入口鬆化,那些不知道是不是京蔥入口沒什麼味道但有很濃烈的蔥味,又可以用四個字形容:齒頰留香(真的吃完一小時口內還有蔥味),我吃原味網燒汁,用來拌飯吃還不錯,滿分10分有7.5分另外朋友的烤豬肋骨飯套餐,雖然只有4舊,但都給我嚐到一舊,肉味很濃,味道不錯,但骨也很大舊,感覺唔夠送飯,滿分10分有7分最後飲埋個味噌湯,只有蔥花同1.5粒蜆肉,很清淡,是普通貨色總括來說,食物味道是不錯,但是在食飯過程中一直有侍應漏單和送錯野去第2台,見到佢地追杯朱古力都追左15min,幸好不是我

這天跟朋友黎到旺角區，心中已有兩個心水餐廳，一係西門町、.一係就十勝豚丼，呢兩間都末試過呢。 西門町永遠都要等位，於是立刻過去對面十勝。7:00pm 十勝只係6成滿，好容易就找到卡位坐 Our order : -燒豬肩脥肉飯 set & 十勝烤薄豬扒飯 set ( 連 白蜆麵鼓湯及豆腐 )賣相吸引，印象中兩味道差不多，豬肩脥同豬扒好滑，煮得夠入味，味道幾好。白蜆麵鼓湯及豆腐未有嚐試，no comment。吉列豬扒湯麵吉列豬扒，內軟外脆，唔會太乾，正路水準。麵條嚥嚥韌韌，有口感；湯底味道尚算不錯。汁燒墨魚嘴墨魚嘴一般，又淡又硬，不吃也罷 青蘋果Soda超青色的Soda，味道比較假，order 左唯有盡飲啦 整體上okay，一試無妨，係得主打燒豬肩脥及烤薄豬扒比較可取！

旺角實在太多食肆，走進通菜街真的如何選擇，今次我們選擇不用排隊，裏面不會太少人為原則，誤打誤撞到了十勝豚丼，外面只有兩個人才排隊，裏面職員說很快會有人埋單，所以等了不到十分鐘就有空位了。在外面等的時候，可以先看餐牌，被那朱古力咖喱XX飯吸引，甚麼咖喱會有朱古力，莫非整色整水之作！？所以就點了個咖喱牛，太太點了薄燒豚飯配甚麼海鹽汁之類，再叫多五隻餃子。咖喱牛意外地有點辣，但又覺得偏咸，牛肉是肥牛，有薯仔和紅蘿蔔，看和吃都可以接受，若咖喱濃一點和不要太咸就更好，細嘗好像沒有朱古力味，可能我有問題罷！薄切豚肉配海鹽汁，可能有點期望，起碼此鋪所標榜的正是豚肉，所以有點平平無奇，豚肉算多，但配上那汁就有點莫明奇妙，吃不出其獨到之處。餃子也是沒有甚麼特別，跟來的醬汁吃不出是咸、酸、甜，不知道與餃子配合後能帶出餃子那一味的獨特。最後稍為優勝的就是相對較廉宜，如果下次經過又沒有其他選擇都可以考慮的。

大熱天時都諗唔到邊到可以坐得舒舒服服食碗麻醬冷麵, 呢個時候如果你響旺角, 十勝幫到你雖然呢到出名賣豬但我存心貪有個冷麵食...好彩味道都無令我失望, 中規中矩. 豬扒就一般啦... 對面個飯仲搞笑...飯粒過硬, 一塊塊的薄豬肉不只少, 而且無味又柴皮, 真是送飯的劣品...感覺上只有冷麵是可取的, 這間店子主打賣豬, 但主角卻差到不行, 真是太有點兒那個了

去過兩次，感覺尚可。女人街內食肆裝修不要太講究，最重要是出品如何？主打豬肉飯，其實豬肉比較硬，假若加點肥，相信口感會有所改善，做得更滿分，然而他們沒有考慮這一點，所以整体so so！反而是放的醬汁比較好，配上白飯是不俗的。其實女人家食肆林立，相對想飽餐一頓而又比較就腳的話（因近街尾），這家可以一去。聚會傾計，我相信去其他食店會比較好。

聽就聽得多, 今晚都係第1次黎食咋。7點幾都唔洗等位, gd!叫左個十勝烤豚肩脥丼$38, 配冷豆腐及麵豉湯, 份量一定夠女仔食, 男仔唔夠食可以叫大盛$45。豚肩脥其實係咩位我唔知, 但係唔太淋又唔太硬, 好咬口哦。d 飯配燒汁食好味, 不過多d 汁就仲好啦, 如果係珍珠米應該更加好味。麵豉湯奇蹟地有硯肉的。野飲半價有一杯, 叫左個青蘋果疏打, 好飲哦, 又唔太甜。下次黎食, 想試冷麵啊!!!

米奇米妮叫左個十勝烤豬肩脥飯、昆布汁熬薄豬腩片飯同埋十勝烤薄豬扒飯大盛。烤豬肩脥飯個質感似豬頸肉，彈牙又唔韌，仲要每一舊都好大舊咁，好食！昆布汁熬薄豬腩片飯，豬腩片好薄(切到好似肥牛咁)，所以唔會覺得好肥，唯一敗筆係個豬腩片有骨…… 昆布汁 (昆布係一種海草)好香，鹹鹹地咁，撈飯好好食！比起網燒汁好食好多！十勝烤薄豬扒飯大盛(網燒汁)，米妮貪佢好似好多豬扒咁先叫，但係原來個豬扒好韌，好痴牙，唔好食，真係得不償失！網燒汁其實就係燒汁，有d甜甜地ge味。個沙津係芝麻醬豆腐加椰菜，一般la。反而個湯有驚喜，有蜆仔係入面～！30幾蚊一個晚餐，做到咁ge質素，真係唔錯～

經常到這家店吃，大多也是吃吉列豬扒冷拉麵冷拉麵配上沙律醬，清新可口，十分開胃，是炎熱夏日的美食！這店以豚肉作為賣點‥‥我的吉列豬扒，其實的覺得普通，豬扒賣相與口感也不錯，但不算突出‥‥而友人吃的豬肩脥，這個算是全店最好吃的豚肉類‥‥如果可以烤豬肩脥配上冷拉麵，這真是完美‥‥

睇過其他食評話ok, 上星期同朋友就去食十勝試試. 有以下結果.十勝烤薄切豚肉, 個朋友話講真唔好食, D肉好硬好鞋, 完全無味,食咗一半都唔想食, 係d 汁令到飯有味. 十勝烤豚肩脥丼, 其實都係豬頸肉, 但個名唔係,我就係唔想食豬頸肉, 諗住豚肩係第二樣野, 但問個店員佢話唔係豬頸肉. 我話想換, 佢話唔得. 之後我話我唔食豬頸肉, 佢都無理我, 仲黑面, 態度極差, 其中一個男仔仲突然好串同我講, “豚肩同豬頸肉都係咁上下地方既肉, 你下次order前要問清楚, 態度極差差差, 但唔係一個係咁, 幾個員工都態度唔好, 今次食得好唔開心, 我以後都唔會再光顧

本人以約同2個朋友去十勝,講真十勝D豬扒飯好一般, 但價錢都OK, 所以有時都會去食, 但今次D服務態度極差, 我地3個人坐了一張4人檯, order 完之後突然有個店員話要我地同另外3個人坐埋一張檯, 我當時say no, 話唔想昤轉檯, 其實當時仲有吉位, 唔係滿坐. 但個d店員好不滿, 之後就黑面, 放下食物時好大力,又晤同我地加茶, 而且其中一個突然用好串既語氣同我地講, 你地3個人, 多咗一個位, 一陣間如果有人要坐, 你唔可以say no, 個位要俾人坐,但當時仲有吉位, 我當時覺得好失望, 服務態度仲極差過茶餐廳,服務態度差到極,我以後都唔會再去.