北海道十勝豚丼 (已結業)

繼上一次食過好貴既吉列豬扒之後，今次被北海道豬扒吸引了。其實鋪頭位置雖然在旺區，但被露天攤檔阻住，比較難搵。店子大部分食物都係豬肉類，就如店名。選擇不算多，大致可以分為豬肩脥肉，薄切豬同埋大大份既厚切豬扒。這三款都可以配辣醬汁，燒汁或者海鹽來燒。首先評燒汁配薄切豬。食起來好乾身，好似豬肉乾。肉味不重，而燒汁類似鰻魚燒汁，水準一般。最慘係分量少！再來燒汁配厚豬（其實就係豬扒）。比薄切稍微好一點，但肉味依然有欠，食呢個不如食焗豬扒飯，因為肉質方面實在太相似了，只是比較厚一點!最後係我叫既鹽燒豬肩肉，也是我認為最好的一道（一笑）。簡單黎講，就係豬頸肉，比較肥，有油香，而且肥瘦均勻，實屬佳品！肉質比豬頸肉好，有texture，所以煮完唔會卷埋一舊。既然肉好，稍微下海鹽就可以帶出香味，係最佳配搭。不過第二次去質素下降了，好明顯唔夠肥，失色不少。 也是失去笑臉的原因記得一定要加大，因為肉，飯多三分一，抵食好多

朱古力芝士咖喱厚燒豬扒飯 ($45)見到個名覺得好奇怪,朱古力芝士咖喱,完全想像唔到係咩味。橫顧四周,都好似無咩人食咖喱飯,真係有點擔心。幸好只是咖喱加上少許朱古力漿和芝士,撈勻了也是咖喱味,少少辣。厚燒豬扒有點鞋。豬肩胛飯($35) 豬肩胛好似豬頸肉咁,肥肥地,肉質爽,幾好味。不過飯就有好多汁,又甜,搞到d飯好濕。份量都足夠,一個人食都好飽。士多啤梨/蜜桃梳打($18 買一送一)我覺得士多啤梨似藥水味,不過我男友反而覺得蜜桃似藥水味...芝蔴薯餅($12 一件)平時的薯餅係用薯仔做成,但這個係用黃芯番薯做成的,都幾特別。味道也不錯,外表炸得脆脆的,番薯肉又甜甜的軟棉棉。

Little did I know about nice restaurants in Mong Kok, I searched around Openrice.com to get more information about that. I found this restaurant in Women Street and to be honest, I never knew there are so many restaurant around the area. Not to mention many of the restaurants were nicely furnished!This restaurant is a specialist for pork. As you can see from the menu, they had two pages four large picture recommending different kinds of pork dishes. We ordered a set and a separate bowl as I am n

今日去左女人街覓食, 去左呢間尖東都好似有的東東~~四個人叫左四個飯, 有厚切豬排、薄切豬排、豬肩脥同埋吉列豬排+雞蛋~~四樣試哂之後真係各有特色~~厚切豬排食落好有質感, 薄切豬排就肉味濃D, 豬肩脥好彈牙, 吉列豬排+雞蛋就比較似平時食果D,但係上果時D雞蛋真係新鮮落的~不過個飯真係太乾太少汁…就算之後加左汁都係唔得…所以都唔係好食得哂…(我地四個都係試燒汁, 但係太少汁喇! 試唔到咩味) 但講番轉頭, 咁既價錢咁既裝修我又覺得還可以的~平均一人都係四十蚊~貴吉野家少少~而且有個侍應都幾好的, 雖然好多野做但都幫我地影相 =)但會唔會再去呢就…睇下點啦~ ps:: 食沙爹梗係去尖東好時啦, 平靚正~~!!!

這條街的餐廳多數我都食過，當然要找一些沒試過的試試!因為我比較貪新不用等位就最好不過，看看餐牌的價錢都比較很平民，岩晒我呢D小市民~先叫了一個十勝烤薄豬扒飯的招牌菜，一片片薄薄的烤豬肉!吃下去有點鞋口，而且醬汁又不夠!略為淡~整碗飯都沒味!很難食下去.....幸好叫了2個小食，餃子和炸蠔，都是比較普通而朋友的滑蛋吉列豬扒定食，豬扒厚而大份!比我的還好~買一送一的飲品就太過糖水....整體都是一般般!不過價錢比較平，當然不能比下去~

其實係第二次黎第一次太耐~唔記得咁啱又經過~見唔算多人又唔洗等~咪試下佢有有退步啦上次覺得佢個吉烈豬扒冷面幾好~所以番食再叫一個豬脥肉套餐先講個冷面~都冇退步~醬汁依然係呢個面既靈魂不過要提下吉豬同一般茶記冇分別而個豬脥肉真係唔錯好有咬口~但又唔太硬!出面就真係未試過呢種口感既豬扒啦整體黎講都ok 環境唔迫~service ok~keep住幫你加水round $50 一個人~我覺得已經唔錯啦未試過朋友可以試下

星期五, 女友收早, 佢話帶我去旺角食好野, 話有人介紹女人街有間日本壽司好正云云…咁叻? 睇你去得邊…去到, 行左好耐, 做左日本以前個首相(左藤右藤), 都仲未搵到。問曰: 請問你知唔知邊度咖?答曰: 知, OK便利店轉個彎就係。回曰: 轉左好耐啦喎, 條街都來回行左好多次啦, 知唔知店名呀?對曰: 唔知呀！無問到店名呀！……小弟頓時語塞 (無言以對)女友問: 咁而家點呀?小弟回: 係囉, 咁而家點呀? 打電話問下啦不如…嘟～嘟～嘟～(電話中, 無人聽), 天氣又熱, 仲要在熱辣辣的女人街做企街, 真係心火上升嘟～嘟～嘟～小弟: 是但搵間啦(當時的氣氛就好似咸蛋超人心口果盞嘟嘟燈咁著哂燈, 要出招啦。)女友: 咁呢間多人食就呢間囉...(指下指下咁)轉向左邊少少一望...十　勝　豚　丼 (麻煩打少少燈光落塊面同個招牌度吖唔該)要攞飛等位, 侍應姐姐話好快到, 有客埋緊單, 下一張就到, 係好快, 原來我地之前有人等緊, 係人地快, 唔係我地快有位。等...等了又等, 條街人來人往, 要成日行來行去俾人過, 結果等了大約20分鐘入座。侍應先送來兩杯無味的茶及餐牌, 決定選了厚燒豬扒飯

幾個月前食過覺得好食，還推介朋友來，先後食過兩次，今次係第三次去喇！叫左十勝烤薄豬扒飯，點知上檯時侍應小姐問邊位要薄豬扒飯，我一望到碗飯d肉，我真係好想同佢講："小姐，我地無人叫肉片飯喎..."o個d所謂薄豬扒，同打邊爐肥牛一樣咁薄，點會重叫做"扒"呀？明明之前食過都唔係咁既，而家變左肉片重要好似白"火合"咁，又無汁又無色，有d飯重係硬既，個飯煲可能火力唔平均，浪費左d珍珠米...另外佢地做生意手法好聰明，侍應同我地講某款飲品買一送一，咁我地咪要兩杯囉，要買一送一嘛... 點知隔離檯得一位人客，佢地就會講某款飲品"半價"，咁人地咪要一杯都有優惠價，早知我地可以叫一杯就得，或者一杯指定款飲品同一杯正價非指定款。我都明白成本上漲生意難做，但係你個招牌菜攪成咁，我d friend一聽到就話以後都唔嚟食，我覺得反以你加小小價都重可以接受，因為d食物有吸引力，但係而家攪到咁，幾平都無用... 可惜！

朋友推介我試十勝烤豬肩脥飯難得途經此地，就即管試下十勝烤豬肩脥飯味道ok~唔乾身又幾軟~ok!!!餐飲真係不得了!!!!味道似"溶化了的思樂冰"!!!好唔掂服務真係唔多得，落左單等左9年都未到原來係漏單...... 當時都唔係好多人客姐....d職員掛住吹水...叫幾聲先應.....唉....不會再幫襯了~

跟朋友一起進內用晚飯，我點了一個叉燒冷麵($45)，朋友則點了一個朱古力醬咖哩餃子飯($55)叉燒冷麵：冷麵不錯，麵身夠爽口，提供的麻醬和芝麻並不吝嗇。不過我個人不太喜歡那些叉燒過肥，雖然入口很嫩，但脂肪跟瘦肉混在一起的感覺我不很喜歡，跟吃五花腩沒什麼分別，害得我不可以完完全全把脂肪去掉。另外隨餐有紫菜附送，據說是用它捲著冷麵吃，不過那些紫菜過腍。朱古力醬咖哩餃子飯：我對它不感興趣，沒試。不過朋友說沒有又鹹又甜那種奇怪的感覺。個人覺得OK，不過我應該不再回頭，畢竟豚肉不是我那杯茶。

第1次見去廁所會有侍應帶路..當然係男帶路...我都係男..因為個商業大廈廁所要員工do卡先入得好似..講返叫左 豬肩夾肉..唔覺有乜味..食到一半友人話佢碗 厚切豬肉難食我先醒覺留意自己食梗咩味...之後試左佢所講既厚切豬肉..真係味道似煲湯d瘦肉..口感似叉燒..洩呀..咁就48佢個..我個38..肉係小d幼d..味道好過佢..但都係差..想想下..吉x家經濟有埋汽水好過呢度..點會咁好生意..= =

the 豬肉 in 十勝 is 一般 only, too dry and not much tastebut I think for this price ($35 for bowl), it is acceptable,十勝豚丼 is very 抵食!!and I like the 生洋蔥 in the rice, which brings out the taste of teh porkif the 味道 and 醬 can be improved, the food will be more attractiveif you want to have pork which is 不肥膩, 十勝 is not a bad choice

十勝烤薄豬排飯 ，套餐都係$38 (包左麵鼓湯同豆腐)，都幾抵食。味道方面，選左個燒汁，豬肩脥有d硬同乾身得滯，唔算太惹味，如果無左d汁, 應該咬唔開!十勝烤豬肩脥飯，套餐價都係$40，呢個烤豬肩脥不錯，唔太軟又唔太硬，咬落去口感幾好，肉質爽口，配埋個原味網燒汁，真係ok架!小食 - 芝士煙肉年糕，咬落去好軟身，因為有芝士及煙肉再加上年糕，味道係甜 + 鹹。但價錢唔太抵，3件盛惠$30~

睇完火紅的葉問後, 想起連午餐也未開, 決定先黎過early dinner熱熱身半個旺角地膽的小女子, 今日腦內是空白一片 於是只好到女人街搵食 突然心血來潮憶起這間食豬扒的店子 於是未到六點預備開餐了 記憶中此店已開了一年有多 開業年初也有長龍等位情況出現過所以小女子幾次也過門而不入店內燈火不光猛, 簡陋得有點過份 成個餐牌菜色一眼睇晒 清一色豬….. 豬 … 同豬 …… 當然還有其他的單點小食呢 薄燒豬肉定食 Jumbo size (燒汁)另一個單點 燒豬肩肉飯 (燒汁) 先來套餐沙律: 小許生菜, 一片青瓜, 一小專豆腐, 沙律漿是超市買到的胡麻漿, 份量之細實在小家, 真係可有可無 麵豉湯 : 絕對是開粉之作, 頂多放多一粒蜆同上 如無必要, 不建議點套餐 薄切豬肉, 正如其名夠薄, 還有點干柴的樣子, 可憐到連一點點肥也沒有 (比我還瘦) 感覺非常一般, 而豬肉味不夠所以燒汁有如劃龍點精之用, 令到食味大大提升了, 用上珍珠米也是基本的要求, 但整體也不是十分美味 燒豬肩肉飯: 飯面有大量生洋蔥, 從不喜歡生洋蔥的辛味所以狠狠地掃走所有 豬肩口感有如豬頸肉, 比

之前打過呢間分店既食評~上次食過此店的食物分叮係:薄燒豬扒+朱古力咖哩餃子+豬肩肉今次諗唔到食咩~於是又叫男友陪我試食其餘2樣我未試既豚肉飯喇!厚燒豬扒飯$40單品嗯...醬汁我揀了原味網燒汁~因為喉嚨不太舒服就不點辣的了,本應想試鹽味..但店員說是無汁的...於是還是選了原味~高次的厚燒確實是比3mm薄燒的豬扒厚得多~不過只屬普通豬扒的厚度~!雖然比薄燒的貴10蚊但肉質吃落口時卻不覺得有什麼驚喜~本以為會很出色的~肉質是偏實的..而肉味卻比其他的稍遜色..可以跟吉野家的雞扒飯相比~看似沒有醃過的豬扒燒好後面上掃了一層燒汁配珍珠米飯~朱古力咖喱吉列豬扒飯$52-58不記得了另外男友點了這個...吉列也算合格的..不過豬扒也是像厚燒那類的再炸了~不算是很香脆,可能有咖哩汁的關係~雖然是合格的,但要50元以上吃一碟還是覺得不值...荔枝soda$18買一送一男朋友覺得比百香果的好飲~而且荔枝一向比蘋果的夾我覺得我不覺得有什麼特別~不過男友要飲野我見純粹9蚊杯算平就order了~以下係總結我對此店的豬扒喜愛程度而定的ranking:1.豬肩肉飯 <---食落最爽口,肥瘦適中,似比較厚