北海道十勝豚丼 (已結業)

自從早期雜誌經常介紹這間的豚丼...加上其價格又不算貴...已經很想試試~約了久未露面的雞一聚~~可能時間尚早, 見還未有人龍便決定了在這吃Dinner~一進門又是那港式的"二三四"歡迎詞~還多了句"futari sama"~ 可是發音也是不正確的啦~~Menu選擇不多~只集中賣豚的話質素應該不錯吧~~大多可要淨飯或加少許錢轉為餐~~想了很久決定了要吉烈豬扒冷麵Set~吉烈豬扒冷麵Set~*上檯時覺得蠻豐富的~~連鄰檯也不禁一望 -v-分別有吉烈豬扒,冷麵,幾片紫菜, tonkatsu汁, 冷麵用的芝麻醬汁 & 磨芝麻的小碗. 可以自己磨芝麻...但只得那丁點芝麻怎樣磨也磨不碎......冷麵份量看似很多...實際上是用生菜墊高了...冷麵蠻彈牙~ 芝麻醬汁伴吃味道很夾,很對胃口~ 可惜汁不夠多...多一點用來伴生菜吃也不錯~至於主角吉烈豬扒我沒多研究...炸得不太油...可惜肉有點實...不夠鬆化....但沾tonkatsu汁吃OK~ 可是汁也太少了 >< (我是tonkatsu汁怪 XD) 跟著店員的介紹用紫菜夾著來吃// 味道不見突出...而且很狼狽"" 但淨食紫

很少在旺角開飯, 今天卻是一例外. 原來打算去板前試個北海丼, 下午茶時間嘉樂商場那一間仍有廿多人排隊 , 似乎沒有值得浪費排隊時間, 立即轉戰到女人街中的十勝豚丼.沒有翻看過專兄的相簿, 不打緊, 點幾個它的推介便知一二. 薄燒豬扒飯豬扒略硬, 不過醬汁和飯下得很足, 也有點點洋蔥絲提升口感和味道. 我要了原味燒汁, 暫時覺得這個口味不錯. 米飯也很有日本米的煙韌口感.原來想要豬肝, 店長說沒有, 那就退其求次要個紅豆糕吧! 這裏的紅豆糕口感有點像大菜糕, 不過上面的紅豆也滑, 挽回不少分數.可能運作上上手了, 服務以旺角區來說很滿意, 我一個小小甜品, 也會待我吃完那個薄燒豬扒飯才另上; 添麥茶次數也很足夠, 而且那杯麥茶也很好.糧尾又是一個好選擇.

看了幾本同期的雜誌，都介紹這新店，既然交通方便，一試不妨。三個人，點了大盛厚燒豚肉飯，在原味網燒、辣味及白鹽三款汁中選了原味，還有吉列豬扒冷麵定食、豚肉薄餅、煙豬肝和芝士煙肉年糕。大盛厚燒豚肉飯先來——已經沒有傻得去相信加$15會如雜誌說「份量加倍」──可是一看之下，仍覺得份量小。在相片所見的是一塊豚肉，下面還瑟縮著一塊三分之一大小的，似在別處分過來的三件。伴菜是生洋蔥，不喜者注意。驟眼看豚肉似是燒成，咬下去卻不對勁──我吃的是邊位較薄及較小的那一件，咬下去不但完全無吃叉燒邊的脆口或味道，簡直是全無燒過的油香味，肉除了腍之外，只覺無味。燒汁是色比味濃，觀賞作用較大。飯無飯味，又腍，汁流到飯上，更腍。煙豬肝是冷盤，煙燻味濃，切得薄薄的仍是有點硬。可以鬆化一點厚身一點就好。一試不妨。豚肉薄餅的餡料仍是淡淡的，餅身是有點乾硬，可幸上桌是熱辣辣，在這餐算好吃。煙肉芝士年糕上的芝士雖然半溶，但完全沒有燒過的痕跡，也不知是怎樣弄熱的，簡直神乎奇技。現在想來又好像沒有說明是會燒的，也許只是我一廂情願。但至少得下點調味罷。唉，早知把三十元儲起來。吉列豬扒冷麵定食就最正常，豬扒和冷麵分開盛，附上一撮椰菜

早已咨詢過曾惠顧過這店的朋友們意見，結論祇是普通，而又以厚燒豬扒飯較為可取，沒有薄燒豬肉那麼又乾又硬的感覺，直至看到飲食男女介紹後，才鼓起勇氣，試了一個外賣飯盒，打開飯盒一看已覺不太對勁？豬扒約掌心般大小，半吋厚，顏色祇有少部份輕微黃色，莫說是燒豬扒，就連煎豬扒也談不上，很明顯是用水烚熟後再煎，意圖「製造」一點燒過的假像，而更不幸的是，廚房連這一點點誠意都欠奉，相信每面煎不過五秒時間，所以沒有燒過或煎過的香味，尤幸豬扒肉質鬆軟帶一點甜味，尚未算不太難下嚥，醬汁亦頗特別，帶點酸味，沒有一般日式醬汁甜得涸候的通病，而飯粒是珍珠米溝普通米，吃不出雜誌上所說跟備長炭一起煮過後濾走了雜質的清甜味，口感不好，賣相亦不佳，以四十元一個豬扒飯來說，連快餐店質素都不如，相信很快便會成為金融海嘯下下一個結業者。還有，請店主別再向傳媒吹噓甚麼曾在十勝帶廣元祖豬肉飯店學藝，如果這店在十勝帶廣營業的話，半天便可以結業了，又是一間拾人牙慧魚目混珠的無恥之徒。

響飲食男女見到介紹這裡的豚肉飯，放學後便來試試了。餐廳夠大夠整潔，座位寬落。不過可能我是下午茶時間去，樓面得兩個女仔，手腳慢了點，但仍有禮貌。-- 燒豚肩胛丼配白鹽海風 (友人配了原味網燒汁)：豚肩我真是第一次吃，一隻手指的厚度，很有咬口，而且有肉汁。我覺得白鹽較燒汁能帶出肉味。-- 薄燒豚丼配原味網燒汁：這是友人叫的，分了一件。真的很簿，吃了沒多大感覺。還是推薦豚肩-- 芝士豚肉XX：很好味呢！可能我個人喜愛吃芝士。一碟有兩舊，豚肉面有塊小芝士，而咬開豚肉，則feel到芝士汁在sum出來。之後見到隔離檯食緊個吉列豚冷麵，賣相也像很美味呢！下次一定去試下！

今日出去旺角, 順便試試下前排有好多飲食專欄介紹過既十勝豚丼. 星期日下午一點幾, 店內滿座, 不過只是等了一會便有位.我們試左薄燒豚丼和燒豚肩胛丼. 白鹽海風比網燒汁好, 白鹽海風用鹽和胡椒來調味, 沒有網燒汁那麼鹹, 比較能吃到豬的味道! 薄燒豚雖然有很多塊豬排, 但肉質很鞋很硬, 牙力差一點也咬不開! 燒豚肩胛的肉質比較爽口, 沒有薄燒豚那般鞋和硬, 感覺像吃豬頸肉. 豚丼的米飯說是用備長炭作燃料來煮, 但實在食唔出! 雖然用的是日本米, 但吃起來不大粘, 而且不夠熱, 一大敗筆!! 定食包括豆腐沙津同麵豉湯. 豆腐沙津的豆腐只有一小片,實在少得可憐! 且豆味較弱; 沙津則無甚特色. 麵豉湯內居然有蜆肉, 難得!!這裡聲稱是以豚作主打菜, 但豚的味道實在好一般, 不見得有何突出之處, 而且份量較少, 對胃口大一點的人來說一定要叫"大盛". 侍應的服務態度, 又不見得像之前的食家所講咁好, 反而我覺得侍應反應慢, 加水超耐 (姊姊差點想自己出去拿茶壺加水, 只是被我們阻止!). 感覺上不外其事, 只是女人街內的一間普通食店而已, 實在俾唔到一個笑臉佢!

睇到今期個飲食男女介紹..所以就同老公黎試下..叫左一個北海道豚肩飯同吉列豬扒冷麵..只係分別三十蚊同四十八蚊~味道的確不錯呢北海道豚肩飯仲有3隻汁選擇..今次試下原味網燒汁..味道香濃.而且夠曬汁..gd!個冷麵就更好..酸酸甜甜好開胃~總括而言.咁既食物質素同價錢黎講~真係超值!*特別要提一提waiter/waiteress 既態度好好..會主動加水..走既時候個個都會同你講"多謝曬"..你同佢講唔該..佢仲會同你講"唔洗客氣" tim!!

又到旺角搵食啦~~~西門町同呢間十勝揀因為台灣野~好多地都食到咪試下呢度~叫左一個厚豬大盛飯($55)同吉豬冷麵($48)個飯都唔錯~夠熱...豬扒d 味唔算好濃..都燒得都幾出色不過估唔到係個冷麵最好食~d 冷麵汁好濃味加埋d冷麵真係好夾~d 麵又彈牙~雖然佢叫我地用紫菜包住冷麵食~個感覺一般..但淨食個d 紫菜都幾脆呀~唔錯~最後要講佢d service~d 待應d禮貌幾好~成日都幫你加水...係mk...真係少見見親都係趕你走多...不過希望唔係因為唔full~佢d service咁好啦..下次都會黎番...因為價錢都叫ok~地方都乾淨啦

十月三十日﹙四﹚一向都好怕到旺角女人街，花園街呢類人迫人的地方，更莫講走到街旁暗處的餐廳覓食。看過這裏的食評自開店來好壞參半，有點興趣一試，趁著一天假期，便走過來試試。下午三時左右到訪，店內只得幾枱客人也不出奇。店內格局以淺啡色日式怖置為主，環境在旺角區來說算乾淨企理，隨即被安排坐於一個sofa位。看看餐牌，選擇不算太多，大部份也是以豚肉為主菜的拉麵或飯類，還有一些沙律，小食……等。單點了一個網燒豚肩丼﹙$30﹚配原味網燒汁，價錢比想像中便宜，可加$8跟set有味噌湯和前菜，不過對這兒的沒興趣，一心來只是吃豚。加$3可要一杯汽水/檸茶，眼見隔鄰枱的凍檸茶完全不像樣，要杯七喜安全一點。等了十分鐘左右我的網燒豚肩丼便送到，份量不太少。先吃一件豚肩肉，肉質幾爽唔會燒得太老火，反而略嫌燒的火喉不太足，外表焦一點就更好。豬肉本身肉味欠奉，吃起來淡淡的，但始終是$30的質素，不會特別期望是甚麼上等豚肉。白飯用的珍珠米，當然也不會是甚麼上等米，以這價格水平來說可以接受。燒汁味道唔錯，下次或許會試一試那個海鹽白汁，據隔鄰枱的兩位小姐所說好好味。丼除了豚肉外還附上一點大蒜，吃過後口中大半天也殘留那味道，

雖然食評只係好壞參半，但本身太鍾意食豬，所以無論如何都要嚟試吓。傍晚六點左右嚟到，只得一枱客，可以揀位坐…一早諗定要厚燒，由於太肚餓，叫咗大盛！太太就揀咗普通版薄燒，大家都係燒汁。套餐包小食─豆腐沙律、麵豉湯。豆腐唔滑，少少豆味，麻麻地。相反麵豉湯好濃，仲有兩隻蜆喎，味道算唔錯。主角出場：厚燒毫無疑問比較有質感，但入口仍然鬆軟，不過味道唔夠，比較淡口。大盛就真係幾大碗…薄燒爽口有o趙頭，味道亦夠。相對好味啲！米飯似乎係最差o既一環，太爛…不過，咁o既價錢(貴吉x家唔係好多咋)，有咁o既水準，又無”特別”招呼。所以俾個笑！

已很久沒寫食評了，所以一口氣寫番之前的那些。幫襯這間餐廳已是上月的事了，而且還光顧了兩次，第一次新開張時的中午，吃了烤薄豬扒飯和吉列豬扒飯，午間光顧可加三元有汽水飲。價錢ok ，新開張中午沒甚麼人，坐得舒服，而且侍應不少，服務不錯。唯美中不足的是吉列豬扒飯不好吃，吉列豬還是萬豚屋的好，這裏太乾身，有點鞋口的感覺，味道也不太理想，反而烤薄豬扒味道很好。而且可選多款醬汁，海鹽白風燒的味道不錯，又不太搶豬肉的味道。第二次幫襯夜晚，可能早去不用等位，但越食越多人，吃了厚切豬扒和薄燒的依然都是海鹽的好味，但最衰叫了一吃小 食，甚麼豬肉芝士，還是推介，上桌和圖片不相符，只是一件免豬肉餅上面 有點芝士，一點不好吃也不討好，都不知點解會是推介， 並且有頭髮在內，實是討厭， 扣大分。而且人手超少，服務不周，最有趣的是付錢後，我和男友坐著等找錢，侍應居然覺得錢少費時找給我們。真的有點過份，因為 我不應為一間有頭髮在 食物內，又服務 不周的食店在收加一後，還可 以再給貼士。 我看都應該不會再幫襯的了。

10月12號去到旺角，不妨去試下最近好多介紹既十勝！ 網燒汁厚燒豬排定食：豬排肉有點 "鞋"，但感覺無用什麼化學品製過，比較自然，所以 OK！ 鹽燒豬肩脥定食：肉質嫩滑，鹽燒帶出肉質本身的原香味，不錯之選。 定食包括豆腐沙津同麵豉湯：兩樣都OK。*環境：一般日本小店格式，可接受。*服務態度：真的不錯，有著日本人服務精神。服務員姐姐解釋，豬肉來自美國，用上北海道既煮法。男仔大食既話，可以加錢要多d飯，女仔份量應該可以。仲有值得留意係d日本米係用備長炭作燃料，睇大家食唔食得出啦！老公鐘意果度d茶話好香喎，無論如何以40零蚊食到一個啱既質素既定食，價錢都好合理。KL

終於有耐性, 去呢間十勝, 站在門外狹小的行人路上等位, 全因為想試下呢間經常有好多人排隊的小店, 質素如何。結果呢? 小食方面係不錯的, 所叫的煙豬肝和芝士免治肉餅都好得, 前者的煙燻味令豬膶本身的腥味大減, 醬汁亦起到點睛作用; 肉餅就勝在大塊得黎又好鮮味, 雖然芝士不算多(點都冇去東榮火鍋打邊爐食的芝士牛丸那種震撼效果!), 但一分錢一分貨啦!反而, 厚燒豬豚肉, 真係冇乜味, d汁又流晒落d飯度, 變左d肉唔夠味啦! 滑蛋吉列豬扒, 炸得唔夠脆, 好在味道方面好過厚燒者, 而在滑蛋中加些小蝦米, 也是聰明的做法。不過, 要等咁耐, 對我黎講, 就覺得唔係太值得 ..............

對不起這一篇比較長，個「喊表情」唔係食物質素，係服務質素。請耐心閱讀，相當感謝女朋友老早已留意這間新的日本餐廳，睇雜誌介紹相當吸引，由於比較近我工作地方，所以之前就與同事試過午餐，評語係食物不錯，不過服務比較粗疏（漏單），可能因為新開張運作未順，尚可接受，還有就是比較貴，當去＜潮樓＞飲茶食到飽都只係$70一位，旺角女人街都要＄５０蚊一位就相對比較貴了，晚飯的話就相當抵，偶然一試無妨。今晚打完波，為了一試這間新舖，明知＜十勝＞收11點都與女朋友趕落旺角，十點到達，過了晚市時間只剩三四枱客，侍應小姐提醒我們收11點，我們快點了幾個菜：1. 網燒汁厚燒豬扒飯套餐2. 地獄汁薄燒豬扒飯套餐3. 芝麻汁露笋沙律4. 免治芝士豚肉5. 豚肉串燒6. 可樂一杯7. 紅豆糕上次食套餐，向女朋友提過面豉湯有蜆肉，好有心思，話剛說完就有位「大姐」跟我們說，面豉湯沽清，可轉他飲品，因為我已點了可樂，便順手問一下可否就咁轉左做飲品，不收可樂一杯錢，佢竟然要向上級查詢！可能因為開張不久呢Ｄ突發事件唔識應對，還可以接受，跟住佢轉頭答我「可以轉」就走左去，另外一杯呢？你唔問架！！！結果女友又要調轉頭叫番佢落單！！！

旺角揾食難女人街內食肆愈來愈多正好令我有多一些選擇見報紙介紹特來一試先試飯用炭煑除了有點爛食唔到特別 豕肉切得很薄但都唔淋而且只靠汁的濃味豬肩肉心想會特別一點吃後我覺得是豬頸肉好肥早知係豬頸肉我唔會食最好的竟然係例湯湯肉有硯肉味道剛好一試無防