北海道牛乳蛋糕

营业中

休息中

疫情嚴重，又再收緊條例，今次冇得堂食了😩今次旺角收工經過見到有間新開張嘅北海道3.6牛乳蛋糕，一於過去八卦下先日本直送原材料100%現場製造，蛋糕師傅同員工全部都戴上口罩同帽，而且睇到佢哋現場製造，外賣帶回家食，衛生安心又放心😊重點係日本原味道喔。除咗有唔同口味嘅蛋糕之外，仲有好多唔同款式嘅撻，有咸亦有甜，任君選擇今次我買咗👇🏻🌟照燒牛肉芝士批，牛魔王嘅我必然之選，牛味十足🌟錦爽流心芝士雞批，雞肉嫩滑配上流心芝士，正呀🌟酸乳酪芝士批，酸酸美味嘅乳酪特別醒胃，芝士味十足🌟芝士鮮奶撻，牛奶味香濃

最近喺屋企坐到悶，決定去買啲甜品食，屋企附近開咗一間新嘅蛋糕店，甜品款式有好多，買咗勁多🥰🥰連續幾日都有得食呢度專賣北海道牛乳蛋糕，我揀咗流心芝士，冇改錯名，表面係芝士粉，裏面係流心芝士，連個蛋糕底都係有芝士㗎❤️估唔到個蛋糕都幾大個，成家人食都得！同埋切開果下好刺激😆流心嗰下好震撼，拉到絲！如果凍咗，佢嘅芝士就會變得好軟身。蛋糕食落好鬆軟，牛奶嘅香味好濃郁，芝士味好重。另外叫咗幾個甜品吉士忌廉泡芙，超級推介！裏面嘅吉士醬同埋忌廉多到爆，好creamy，個泡芙都好味道，帶有糖霜，好鍾意佢嘅質感☺️另外，仲有士多啤梨雪山同埋藍莓雪山，賣相好靚，切開嘅時候裏面會見到有果醬同埋新鮮藍莓或者士多啤梨，味道香甜。而蘋果批裏面嘅蘋果肉好多，食落好有層次，做得唔錯！因為屋企人多，所以仲叫咗牛奶撻同埋酸乳酪撻(下圖)，前者奶味香濃，回購率高❤️後者就比較特別，有新鮮感！亦都有買鹹批，牛肉批表面有香草，食落味道濃郁，仲有雞肉批，餡料豐富。返到屋企嘅時候其實已經凍咗少少，叮返熱食更滋味😆個蛋糕質素好好，仲有好多甜品款式，價錢又實惠，而且服務都OK，呢間舖頭都幾多人排隊，但係真係值得排！

店鋪：北海道牛乳蛋糕 (旺角)地址：旺角豉油街60號鴻都大廈3座地舖早幾日行過旺角波鞋街諗住買返對鞋👟，見到新寶戲院樓下開咗間新嘅飽餅店有極多人排隊🍰，原本諗住買啲野返屋企食，但因為太多人嘅關係，決定下次再黎買過🙈今次去到見到呢間北海道牛乳蛋糕主打多款古早蛋糕之外🍰，仲有十幾款批同撻🥧，無論係賣相定香味都深深吸引住我🤤，決定買啲返去試下花咗$150買咗7個撻同批，等屋企人係疫情期間，唔洗出街都有野食😋，係云云嘅選擇當中，我揀咗鮮忌廉吉士泡芙($25)、錦爽流心芝士雞批($20)、照燒牛肉芝士批($20)、酸乳酪芝士撻($20)、芝士鮮奶撻($15)、草莓吉士焗雪山($25)同藍莓吉士焗雪山($25)，值得一提嘅係佢地都用咗北海道直送嘅3.6牛乳同材料黎整架🇯🇵同大家特別介紹幾款我比較鍾意嘅😍，大大個嘅鮮忌廉吉士泡芙非常吸睛👀，本身以為會好膩好creamy，畢竟係用咗忌廉同吉士做餡料，點知咬落口泡芙好鬆脆😚，而豐富嘅忌廉同吉士唔甜得黎仲有好香牛奶味🐮，忌廉打到好實，係雪櫃拎出黎食有少少似食緊牛奶雪糕咁🍦，絕對值得encore芝士鮮奶撻同酸乳酪芝士撻都係熱食♨️，拎返屋企之後叮咗20秒再食，

喺正新寶戲院隔離開咗間新嘅北海道蛋糕店🍰每次行過搭車都聞到好香，今日一於買晒返屋企食，自從疫情，避免出街，買外賣返屋企食就最好不過😝呢度既蛋糕仲會有時間表列出幾時出爐🥳🥳🔺酸乳酪芝士批😍酸酸甜甜，特別開胃，酸甜的平衡剛剛好😊又唔會遮蓋左芝士嘅味道，幾鍾意呢個味道🤩🔺芝士鮮奶撻，撞正出爐時間，熱辣辣真係超吸引，入面既芝士鮮奶好滑，啲牛奶係用北海道牛奶整嘅🤩而芝士味好濃， 完全係我既最愛😳🔺 富士蘋果金寶撻，讓人幸福無比的味道🤟🏻酥皮焗得好脆，配上清甜嘅蘋果饀，蘋果饀係炒軟左，特別清甜，再拎去焗，一軟一脆既感覺，好著❤️🔺錦爽流心芝士雞批，鬆化的批皮配上雞肉，重點係流心芝士，簡直係靈魂之處，外脆肉嫩很好吃，第一次食表示好有驚喜🥳🔺鮮芒果吉士焗雪山 ，藍莓吉士焗雪山，蛋黃用黎做吉士醬，蛋白就用來做雪山，啲蛋白口感好似棉花，吉士醬甜甜的，蛋白打出黎既雪山好有口感，而且一啲都唔甜❤️🔺鮮忌廉吉士泡芙，烤好的泡芙蓬鬆脹起，中間填入奶油餡，鬆脆嘅泡芙皮再加上香滑嘅忌廉，外脆內滑，口感好得意，成件事好有層次🤟🏻🔺宇治抹茶朱古力蛋糕，係每日限定嘅蛋糕🎂抹茶同朱古力嘅組合真係魅力沒法擋啊😍 抹茶味香濃而帶點回

無意中經過這間餅店，被香噴噴的蛋糕香味吸引了過去，眼見鋪頭是售賣蛋糕和批類為主，仔細一看，原來鋪頭的蛋糕都是由日本直送原材料在現場製造的，剛巧遇正開店優惠有八折，即時買來些試吓！椰汁斑蘭古早味蛋糕（$100），清新的斑蘭綠色，睇落好吸引，帶回家還是暖粒粒的，口感鬆軟，帶着淡淡椰汁、斑蘭香味。錦爽流心芝士雞批（$20），配搭十分吸引，芝士雞批裏邊有雞肉、蘑菇、火腿，口感有點似卡邦尼。富士蘋果金寶撻（$25），見到呢個甜品二話不說即買，香甜的富士蘋果配上金寶脆脆，入口鬆化而香脆。酸乳酪芝士批（$20），食得出落料好足，酸乳酪同芝士的比例剛剛好，不會黏口。芝士鮮奶撻（$15），芝士味濃郁，但又不掩蓋鮮奶的味道，口感細滑，配上曲奇皮，一個字，正！藍莓吉士焗雪山（$25），Creamy的吉士醬與藍莓醬，擦出了奇妙的火花。還有草莓吉士焗雪山（$25），換上了草莓醬，酸酸甜甜，頂頭仲有粒士多啤梨添。鮮忌廉吉士泡芙（$25），看似簡單，但泡芙做得好鬆脆，夾著忌廉和吉士醬，口感極有層次。當日買到返屋企，旋即被屋企人秒殺，大家都讚賣相靚，好食同埋價錢合理，仲話如果用來做散水餅一流添😆😋

流心芝士蛋糕($100)雖然新開張，但成日都好長龍，之前想買過好幾次，次次都賣晒，今日終於買到，掙扎咗一陣究竟試原味定係流行芝士，最後老闆就推介我試流心芝士....蛋糕上面加左少少芝士去焗，賣相真係好吸引，味道一啲都唔會失望，蛋糕好香軟，好香蛋味，蛋糕中間有勁多芝士醬，一切就流心，芝士濃稠度控制得十分好，拉絲&慢慢流出黎，芝士鹹度好好，唔會搶咗蛋糕本身嘅香味，但係有增加層次感，超級加分，大大滿足今日仲試食左紅豆綠茶朱古力蛋糕，都好好味，老闆話星期三正式推出，下次會試試其他口味