北海道牧場餐廳 (已結業)

昨天晚上點了黑椒汁牛排煎意粉和咖哩深诲魚柳反 。牛扒是半塊生生地半塊熟的，見到都唔想食 。黑椒汁成pat 槳咁，D意粉又淋 。深海魚柳又鯹，係D㗎喱汁好小小入得口。以後都唔會再去呢間店！

首先一間餐廳,你服務仲衰過茶餐廳, 一入到去首先冇人greet你, 之後我見到個牌寫要先買飛, 甘去counter睇餐牌,睇左10秒左右就問我坐邊(態度唔算有禮貌), 其實係要揾左位先出去買餐定買左餐先坐低, 都唔緊要, 我話我唔知坐邊, 佢好快就話 「你一定個人就坐果度」(態度仍是唔算有禮貌), 咁我拎個餐牌坐過去, 行過去途中又大大聲問我食咩, 佢叫人去買飛先, 甘其實安坐低搵左位先再出去買餐, 好亂, 呢個都唔係重點, 飯類價錢唔平, 叫個咖哩漢堡扒飯有杯熱飲要$69, 但第一次出來啲飯係生既未熟透, 生既飯都可放上枱比人客食,叫佢換,再等多10分鐘左右, 出左個新既, 但啲飯仍然係生既但比之前果個好少少咁多, 之後我只係食左漢堡扒同件蛋同少少飯就走, 因為lunch時間要趕返公司, 走果時冇拜拜或多謝之類既說話, 食物品質差, 服務態度差, 環境一般！

今日，我約左個團友去食晚飯。見好耐無食過北海道，就去食下啦。一入去，同以前有好大分別。以前係我舉隻手，侍應就會迎接我落單：而家我要走去收銀處俾錢落單。望下個餐牌樣樣至少40幾蚊，咁就叫左個Juicy 和牛漢堡扒、火腿、北海道3.6牛乳炒蛋多士套餐再加一個迷你通粉。之後三分幾鐘之後上菜，先上個通：個通粉好大陣罐頭湯味,熱度係夠熱。但個味就真係有點假。個通粉個份量係好迷你，都唔知有無半碗飯咁多。之後就上果個和牛；碟上有個黑椒汁、和牛、33.6牛乳炒蛋和多士：多士唔夠熱；牛油有搽，但無牛油香；3.6牛乳炒蛋完全唔知D咩事，食落去奶味又無、蛋味又無、炒蛋外型似唔係一路用細火煮一路搞；搞到蛋好鞋。個和牛漢堡扒係厚就厚啦，係keep 到牛的肉汁：牛的熱度可以話俾你聽，無。本人建議：1.      我會覺得食一個餐要60幾蚊，你食物的質素要令人覺得值！至少啲野要夠熱。2.      服務pattern由侍應主動落單改到自己去收銀處俾錢。完全唔覺有服務可言。

心情差到爆，除左難食我唔知點形容！20蚊貨色賣80蚊！和牛漢堡即係漢堡扒加雞蛋！超市貨色！牛乳雪糕蘇打即係汽水加一球無奶味的雪糕。咖喱飯好似隔夜飯？服務差到爆！絕對無下次！

本身和朋友想揾個地方食個快嘅lunch，見佢幾多人喺度食緊，而朋友食過美孚分店話ok，咁連鎖嘅應該唔會太差就入去啦。叫左嘢，第一樣嚟嘅係凍抹茶牛奶，一飲，嘩點解會咁難飲咁嘅味嘅？成杯嘢係用代糖嚟做甜味，仲要係好甜。嗰種甜令人好反感好想嘔，飲每一啖最後仲會苦苦地，朋友話之前飲過唔係咁嘅！結果兩杯幾乎冇乜飲過擺埋一邊算數。(呢兩杯每杯跟餐要加12蚊）跟餐迷你火腿通（圖左），三啖左右份量，味道不過不失。咖哩漢堡扒飯 68本來唔諗住影相…塊炒蛋好行貨，有少少奶味但冇滑嘅口感，係成塊熟蛋。漢堡扒ok，熱嘅，味道唔錯。飯就真係幾硬，好乾，隔夜飯嘅口感。最正係個汁，好似日式超市賣一磚磚嗰啲煮開，已經冇乜料喺裡面，質地水流流，仲要俾好少汁！喺圖中睇唔到其實係好淺，撈啲硬飯都唔夠撈，真係… 俾多啲汁唔洗咁姑寒啊？呢碟嘢68堅唔抵！朋友叫嘅漢堡扒炒蛋多士餐，蛋係一樣唔滑其餘尚算正常，唔難食當佢pass就算了。但一般茶記都好食過佢咁囉。如果好好好鐘意飲代糖嘅朋友，應該可以嚟。

本身係想食對面薔紅，但男友話未食過呢間，雖則兩年前食過尖咀果間還可以，我見menu份量唔多就入左去食。入到去得三枱客，講緊夜晚七點peak hour。不過我都食得下劣食，應該無問題。一坐埋枱，白雪雪嘅枱面一hi埋去原來成枱面都係糖！搞到我成身都糖！叫個疑似店長物體埋黎抹，點知勁求其抹，成個枱角仲係糖個位仲要滴冷氣水⋯最後都係要調位。叫左四樣野：卡邦尼意粉雪糕西多士鮮奶綠茶杏仁朱古力第一樣野上係野飲首先兩杯野已經貨不對辦篤cream呢？而家杯頹野跟餐都加$12喎，都算。先講自己杯朱古力，第一口仲還可以，飲到第二啖，飲到生水味，係勁奇怪，都算，我都飲左大半杯。到杯綠茶先離_晒大譜！成杯野溝左生水，搞到奶同水同糖分開味不突止，杯野無綠茶味，飲完落口啲奶居然有啲苦味藥水味，飲一啖久久不能消散.....結果成杯只係飲左兩啖真心未飲過咁難飲嘅鮮奶綠茶！！！等左輪，到個意粉個汁都仲叫正常，係重蛋黃味。但最重點係啲意粉，嘩，都等左十幾二十分鐘先上嘅一個意粉居然可以未熟得晒！我自己煮心急有咁嘅情況就仲接受到，但一間連鎖店居然咁⋯算啲意粉仲夾左幾粒通心粉，可見其求其程度⋯之後到我個西多士讚左先，兩個雪糕都

D蛋太熟塊吉列豬扒我估一係反炸幾次一係就用d勁cheap嘅舊油炸真係勁勁勁勁勁難食果陣油渣味勁重飯又凍嘅連大家樂都好食過佢😩怪5知得入到都見到個個都食面！！！！

朝早起身突然好想食甜野，就過嚟北海道牧場餐廳，試下佢地嘅waffle，順便食埋個早餐。結果就真係得啖笑啦點咗個比利時朱古力waffle，配北海道牛乳雪糕，我另外加咗一個牛奶雪糕蘇打。soda嘅泡沫入面竟然有蟲仔！！！后嚟再整過杯俾我都無點飲。waffle等咗半個鐘都未上，一睇單，根本無落到！oh shit..再點個早餐套餐、一杯牛奶。通心粉味道就係普通味道，反而牛奶味道仲ok，系新鮮，不過無濃郁嘅奶香味。蛋可以有分幾成熟，煎得唔錯。

呢日到2pm先有時間食lunch 隨意衝入一間餐廳就算了....為了省錢 同友人想了一個折衷的辦法先來一客「日式咖喱漢堡扒飯」($64) 加$6有「迷你火腿通粉」 加$5將餐飲轉做「凍檸樂」兩份分通粉其實唔算太迷你 當早餐都okay 火腿有兩大塊... 通粉煮得幾爽... 個湯 隱約食到有肉味 但唔知係咩肉 飲兩啖又唔覺得涸喉喎...個咖喱飯 賣相認真麻麻... 咁大個碟 啲飯菜測埋一邊.... 日式咖喱真係咁嘅..？小妹不知道 只係覺得好鹹 咖喱(辣)味要食多幾啖先食得出... 塊扒入面的牛肉打得唔夠勻循值得一讚係招牌牛乳滑蛋 的確滑 的確奶味濃郁 而且分開一層層 口感和味道一流

忽然奇想吃蕃茄系列就即時諗到公司附近黎間餐廳。午市套餐多款選擇、有三文治、公仔麵、通粉、飯。。。。等等。要了個熊本蕃茄厚切午餐肉通粉套餐、只三十八元、抵食！蕃茄湯底非常濃稠、芙蓉疍煎得嫩滑、還流心呢！厚切的午餐肉啖啖到胃。隨附咖啡一杯、說不上上等品質、尚算不錯。

唔知點解，間餐廳分店就越開越多，d食物質素就越來越差？乾蒸蒸又凍冰冰，再多嘅奶醬都無法滲入，何來好感？唯一可取的是炒蛋還算滑，但只能算是家庭貨色！點解個面唔煮熟一d？就一d，至起碼唔好硬到半嚿面都未散開嘛！兩個餐都係$29，至唔抵嘅竟然係兩杯嘢飲！如斯不思進取，你能留得住幾多人嘅胃？

傍晚六點幾去到，唔駛等位，同朋友坐低。但叫餐、用餐以至走的時間，男餐廳經理都o係餐廳唔同位置「做低頭族」。每次都要叫佢先知客人等緊。而且餐飲永遠遲黎，我差唔多食完所有野，先黎杯奶茶；朋友個杯仲要漏單。而且見到D野飲出左，經理同員工係水吧傾偈，講左一段時間先出野飲。食物方面，我只不過叫最基本既通粉餐，但麵包係凍既，通粉味道亦好差。冇諗過現在既牧場水準咁差，唔會再幫襯。

今天和舊同事相聚，選了北海道牧場餐廳，十二時半到約等了十分鐘。我點了炸雞餐肉蛋飯，炸雞和餐肉造成圓形，餐肉厚切味道可以接受，但是冷的，而炸雞的雞不新鮮，沒有雞味又不夠滑。最可怕是蕃茄汁和飯是凍的，蕃茄汁本身好假，好像是地們蕃茄醬開稀有的味道，飯又凍又硬，沒有飯味，非常冷飯菜汁的感覺，55 蚊一個餐真是不值。

中午在這間餐廳門口一定會排滿人, 我們特意揀了平食一晚, 然後去wooloomooloo 飲野weekdays的晚上真的很靜, 可以不用排隊, 入去自己揀位! 叫了少量東西, 感覺很好 餐肉蛋三文治餐 ($44)這個是我食過最厚的餐蛋治! 很厚的一層抄蛋, 抄得剛好, 不會散開大滿足凍阿華田 (加$5)不得了, 那些阿華田下了很多粉!!! 我飲完要把阿華田的粉括個乾淨, 好飲! 蘋果撻配雪糕 ($32)雪糕真的超有牛奶味, 這個很喜歡! 可惜切了少影, 好味!

Came with my friend after work as we were hungry and wanted something to eat. As my friend has many allergies, I always let her choose where to eat. And where she chose was Hokkaido Dairy Farm Milk Restaurant.They don't have afternoon tea sets which is surprising as most other places around them do. This probably explains why it was so quiet.Menu is in English and Chinese with photos. You order and the food is brought to you. You pay in cash after you're done your meal.Char Siu and Egg Sandwich