影片
第一次嚟，乜都唔知，見到牆上的餐牌，發現可以自己來料加工👏🏻👏🏻👏🏻即時去附近街市買海鮮🦀🦀魚湯必試，一啲都唔腥😋😋仲要夠晒熱，超好飲👍🏻👍🏻椒鹽豬扒也要推介之一，香口好味啖啖肉🐷🐷新鮮即叫即製，必食‼️‼️講番海鮮，加工一流，足料夠味，完全將海鮮既精髓帶出😗😗😗特別是近收檔時間🤑🤑買到抵海鮮再加工，抵食🤩🤩有肉有湯要加個菜🥬🥬鮮嫩可口，青綠翠口。
继续阅读
話中文博多精深絕不為過，比如成日出現響金庸小說既「江湖」一詞，英文係好難搵到一個詞語可以傳神地演繹。另一個個人覺得既例子係「獲氣」（哩度當然係指食野）。是日去左一間以「獲氣」聞名既飯堂試其名物椒鹽豬扒飯。話佢係飯堂亦不為過，因為佢真係北角電車總站飯堂，本身為電車員工提供食物，但又會做街客生意。甫上枱，一陣椒鹽味噴鼻而來，椒鹽豬扒的確交足功課，件數多，鬆軟，可惜底下既白飯只有微溫，或多或少扣左少少分，但整體而言性價比都屬於高。食到中段，鄰座叫左個炒麵，一上枱真係嚇親，成座山咁高。食完，走人，獲氣係有既，但唔係想像中咁多，或者又係老套講句：「希望越大，失望越大」
继续阅读
前幾日去完北角電車飯堂食完椒鹽豬扒飯之後，今日乘勝追擊，再嚟電車飯堂開餐，今日叫咗個時菜牛腩飯，食後感～牛腩炆得非常軟稔，每件牛腩都帶有少少肥膏，認真香口，好食到震！個汁調較得好好味係，唔會水汪汪，但又唔會杰撻撻，飯粒一直保持水準，堅掂！
继续阅读
經過多次，終於鼓起勇氣跟朋友到此員工飯堂試一試。店內沒飲品販賣，歡迎自攜飲品，此處為傳統食堂模式，地方大眾化，會有人搭檯。牆上貼著食物的名稱，或者你想食咩講，煮到就有得食。 仲有是日蒸選，姐姐會同啲熟客仔介紹有咩蒸魚食，再加一兩句閒話家常，令人感覺人情味濃。此次叫了咸魚雞粒炒飯及咖哩魚炒米，份量十足咖哩為黃色茶記咖哩，唔會太辣; 魚肉為白身魚塊，炸粉薄薄一層; 配以煎至香脆的米粉，完全感受到鑊氣十足。咸魚雞粒炒飯，感覺一般，咸魚可能去了找尋夢想，所以只餘下一丁點兒在碟內; 火氣夠，飯炒得夠乾身; 雞肉雪味甚重，但咸魚味又不夠，令到食之無味。看到同桌的椒鹽豬扒吃得滋味，如果有機會想再來試試。
继续阅读
坊間的不少雜誌， 總是喜歡用一些術語，如＂隱世＂或＂邪惡＂等等。總之能形合大眾市場口味的就行，而且還愈用愈濫的原因，劣食也可成為必試。對於真心喜歡飲飲食食的老饕來說，看到還真是＂哭笑不得＂！事實上，香港這個＂豆腐潤＂咁大的地方，究竟真的有幾隱世？筆者我認為隱世的定義是：大隱隱於市，很方便去或就在左近，但就是＂無乜人知＂，然而食物卻有著驚喜的表現。要不然就是九曲十三彎才去到的地方，只可以叫做＂山旮旯咁遠＂，卻未能稱為＂隱世＂。而位於春殃街附近的北角電車總站，就可配得上＂隱世＂這一詞！只要是港島區的居民，都應該知道香港有數個電車總站，包括：跑馬地，堅尼地城，西營盤，北角和筲箕灣。電車車長每逢到尾站交更的時間，總會到站長室旁的飯堂休息和用餐。而在這幾個站中有一處飯堂是特別的受到注目，那就是北角電車飯堂。最清楚它的存在，除了電車司機外，應該就要數春殃街一帶的街坊或街市佬，因為它有做著外賣，加上師傅買材料大部份時間就在春殃街，更可謂近水樓檯先得月。那為什麼還是沒什麼人知道呢？很簡單的原因，它既沒有裝修，而且又本身是員工飯堂。不知實情的人又怎知道原來它會做街客生意？它的門口外更是有一道膠簾，所以在外面是完全察覺不到的。但你大部份時間都會嗅到很香的鑊氣，而走進內部才發現別有洞天，雖然裝修簡陋，冷氣也不算大，但也勉強算是個似樣的飯堂。這裡不設任何飲品，但是有香濃普洱提供，絕對比點心店更似樣，甚至茶味有接近傳統茶樓的質素。而菜單水牌都貼在牆上，除了有大量菜式選擇，價錢更是貼地到不行，大部份粉麵飯由$34起，最貴的也不到$40元，經濟又抵食。講到它的招牌菜，也最受歡迎的，當數星洲炒米和椒鹽豬扒飯。兩年前初到此地試過其星洲炒米至今仍然回味，兩年一別，先行翻兜的仍然是它。師傅是即叫就即做，這邊落單，轉頭就立即執碼落鑊炒，盡見專業！這星洲炒米材料並沒有蝦仁，收得$34這價錢也預料到是這情況。不過它有著充足鑊氣和大碟份量搭夠。至於在其他的配料上：洋蔥、乾蔥、辣椒、芽菜切絲叉燒，另外還加上少許火腿肉，配料上說不上豐富，但量多又夠平民，吃得夠飽之餘又不會投訴，還想怎樣？不過這個咖哩粉的香味倒沒兩年前理想，內裡也少了一點點的蝦膏香味。師傳說因為附近的印尼香料店執笠，之後換個好幾間的貨都沒以前用開的出色，或者需要到很遠的地方找其他代替品才行，總括而言，水準還是比兩年前要失色了一點點。青島還是我到附近的7仔自己買的，這裡的好處是可以自備飲料，自由度很大。總結：只要電車一天還存在，我相信它也一直會存在。而它的＂隱世＂也絕非浪得虛名。若三不五時覺得想食貼地一點，又或路過春殃街一帶，不妨試試題入去看看，你絕對會有著驚喜。當然嘛，麻甩級飯堂，別要求坐得舒服，想舒服的話請叫外賣自行帶走。下次再食，應該是輪到它的椒鹽豬扒飯，到時再補一篇吧！
继续阅读