匠工房秀吉

营业中

休息中

係openrice search左係又一城最抵食。$48 燒餅+奄列拉麵，超大份，但拉麵味道就普通。好耐無寫食評，所以忘記影相。寫食評因為想 俾個讚職員姨姨，買左無位坐，問姨姨，佢好詳細＆用心教我點行去food court 食，讚！👍

今日行又一城Taste嘅時候，順便買咗一份燒餅/奄列炒麵返屋企食！由order到完成全程唔洗5分鐘就搞掂，大部分食材都係先整定哂，所以冇咩特別要求。首先賣相唔錯、份量都算幾大份！燒餅會搽咗一層醬油mix沙律醬在面上，餡料有高麗菜絲、豬肉！個人覺得粉漿太厚，搞到塊餅變得好結實，豬肉片煎得好香脆…奄列炒麵有一層薄薄的蛋漿包住啲炒麵，上面會有蕃茄醬！炒麵就係好普通嘅雜菜炒麵，蔬菜嘅比例不多，麵質尚可接受，不算太糊。基本上冇乜要求，會覺得好抵食而且出餐速度快，最緊要只係賣$48。

匠工房秀吉📌九龍塘達之路80號又一城MTR層MTR05號舖Taste內🕰星期一至日 10:00-22:00 Okonomiyaki & Omusoba 燒餅&奄列炒麵 💰48 即使係外賣，兩樣嘢食都仲暖👍🏼燒餅主要係麵糊同椰菜，仲有少少紫姜；雖然麵糊本身冇咩味，但係面頭嘅大阪燒醬同沙律醬令到佢好惹味，椰菜就令到佢冇咁膩🫓至於奄列，上面加咗茄汁&沙律醬😋炒麵配料有唔少豚肉片、椰菜同埋青椒，不過自己唔太食青椒(個人口味問題🥲)，唔係嘅話都ok嘅，略嫌啲麵(意粉)太淋身🤏🏻

今日逛又一城的超級市場，無意中發現了這間久違的「匠工房秀吉」，最後一次光顧大約是6年前了，不過事隔已久，自從樂富和沙田的分店都結業後，已經沒機會食，原來這店還存活著，二話不說，先買個外賣日式燒餅當小吃，尋找回憶的味道。本來想叫「全餐」(Set C)，一次過回味它的三個重點品項：八爪魚球、炒麵和燒餅，可惜剛吃飽了，唯有三選一。店家效率極高，付款後沒一分鐘就已經可以取餐，明顯是預先做好的，本來擔心會冷冰冰，但還好燒餅夠熱度，熱度可以一直維持至我回到家中，大約15分鐘車程吧！燒餅賣相吸引，表層淋有大量醬汁和木魚碎，感覺足料！餅體中的麵糊跟椰菜絲比例大約是 4：6，吃起來質感帶點鬆，沒想像中死實，口感還不錯，還有一塊豬肉片，豬肉片就麻麻吧，沒什麼味道，質感亦比較乾嚡，不吃也罷；餅體本身其實沒什麼味道，主要都是依賴表面的燒餅汁和沙律醬，汁醬是平常吃慣的那種味道，帶點酸甜的醬汁和沙律醬，配上木魚碎的香味，跟燒餅合起來是不敗組合，撇除難食的豬肉片，以$25這個價位來說，是很不錯了！6年多後重遇這個燒餅，還是跟回憶中的味道一樣呢！

學生時代嘅美食同埋價錢都仍然喺度，記得以前放學去SOGO最抵食就係呢一個大阪燒，廿蚊又好食又夠飽肚。意外地係OpenRice search到原來九龍塘都有得食，喺又一城商場裏面想平平哋食日本嘢就可以嚟呢度，不過只可以企喺度食同埋得兩張枱😅價錢仍然仲係好親民，而且仲好足料添！出面食過大阪燒都要$100蚊另外個炒麵真係炒得好香又熱辣辣配上章魚小丸子呢個餐真係滿足晒我所有願望不過章魚小丸子來講我都係鍾意食日船多啲（因為佢個蛋黃醬真係好好食）

以前學生時期成日食沙田foodcourt間秀吉但執左之後就無再食過lu今次黎又一城Taste入面呢間重拾下回憶😂佢位於Taste既中間位 一樣有塊玻璃隔住比你望住佢整旁邊只有兩張吧枱企住速食🤣依舊有唔同配搭比大家揀不過以往呢個價係包飲品 呢度無😟同埋比錢唔可以比cash 要用電子貨幣💁🏻‍♀️除左呢個menu 佢旁邊都有個櫃都有散買可樂餅 吉列豬扒之類都可以一試🤔叫左個set A 份量都好多炒麵有肉片同蔬菜 都好足料👍🏻燒餅啲粉食到最後好膩😂 但個醬好食🤤————————————————————總結其實燒餅黎講味道就唔會話極好食但價錢咁平又過到口癮真係不錯👍🏻性價比都幾高！不過真係好飽🤣 細食既散叫就好了反正跟set無野飲😂

九龍塘又一城雖然食肆林立,但有時候唔太肚餓,想食light d... 我就會到taste 行一轉睇睇有咩岩食先... taste 3個月前大裝修完,不少餐廳也進駐到超市,變得熱鬧... 其中一間就係我今日去幫襯既”匠工房秀吉”。匠工房秀吉跟快餐一樣，左手黎右手去，主打八爪魚丸，燒餅及炸物。今次我就試左４粒八爪魚丸＄２０ ４粒八爪魚丸＄２０係有點貴，每粒八爪魚丸既ＳＩＺＥ又的確比一般大３分１，食落每粒入面都真係有八爪魚，但燒得唔夠耐，一咬外跟內都係一樣一堆麵粉的感覺... 立即打曬所有折扣..