十三姨酸菜魚 (粉嶺中心) (已結業)

同朋友兩個人去食叫咗二人餐$238，有得選擇招牌十三姨酸菜魚 或者 人氣蕃茄湯清甜魚，另外揀一款小菜同兩款前菜。小菜就揀咗腩肉炒花菜。呢到環境好舒服燈光光猛，唔會坐得好逼。酸菜魚大大兜，唔單止係碟大，魚片份量仲好多，入面仲有萵筍，芽菜同水晶粉，所以好足料。

今日食乜好🤔諗住係商場行下睇下有乜好食，見到呢間酸菜魚排哂隊，鍾情於酸菜魚既我😁當然唔執輸，排埋一份😂唔止酸菜魚🐟原來仲有多款川菜，小食同烤魚！不過今日我當然要叫我最愛既酸菜魚啦！仲叫咗一個蕃茄湯魚薯粉🤤比小朋友食呢個二人份量酸菜魚魚肉超多又滑，湯底酸味辣味岩岩好🥰配埋水晶粉，簡直係絕配！我連湯都飲埋😬蕃茄湯魚薯粉（1人份量）啱晒唔食辣嘅朋友🤗濃濃蕃茄味，配搭魚肉同薯粉，原來一樣食唔停口再來一杯冷泡桂花烏龍茶🥤食到捧住個肚走！直得回顧🤩

試咗蕃茄甜魚 份量足 ，幾好食略嫌唔夠熱 …打咗唔少折扣….又落單到出餐落不到5分鐘…大概都估到 服務1般 唔算忙但可以有回頭 試多次。 下次試埋酸菜魚，希望個湯可以熱d出。

🌶️十三姨酸菜魚​📍 粉嶺中心地下（唔係商場入面,近冒險樂園）​👉🏻👉🏻menu​📢QR code落單📢To唔食得辣人士: ​ 餐廳八成食物都係辣🌶️​圖1️⃣ 桂花冰粉 $28冰粉質地似涼粉（冇咁實正）幾鐘意，但可惜桂花味唔夠出，唔係就完美​圖2️⃣家常紅燒牛腩麵 $48包埋前菜（涼拌青瓜+黑木耳）好爽口，開胃好食主菜牛腩好腍，好好食，完全唔黐牙，麵質正常發揮，湯底好好味，唔會過鹹​圖3️⃣ 招牌十三姨酸菜魚米線 $72個酸菜魚真係超級好食😋仲要冇骨（本人唔鍾意食魚都覺得好食）可惜米線太淋，係敗筆👎🏻下次轉叫飯/薯粉​圖4️⃣十三姨秘製雞翼(酸菜魚米線加$18小食）雞翼有陣香味好好食，皮脆雞肉嫩😋​（評分：5杯☕️最高分） 食物：☕️☕️☕️☕️ 環境：☕️☕️☕☕️ CP值：☕️☕️☕️ 服務：☕️☕️☕️️️️️️️️️️️️（收得唔好，網速慢，落order都慢）​✨會再幫襯? 會，酸菜魚&雞翼係重點​

經過粉嶺中心搵食，見到十三姨新開張，就入去食個午飯。店舖裝修清雅，以淺木色及米色為主，店內卡座寛敞，更有三角屋頂設計的大卡座，私密度高，坐得舒服。#招牌十三姨酸菜魚米線 $72鍾意食酸菜魚無骨啖啖肉，呢度採用生魚片，都幾大碗，魚片份量多，質地嫩滑唔腥，湯底夠熱夠酸唔算辣，可以飲晒都得，配料有芽菜，萵筍，米線硬度適中。#肥腸血旺飯 $68豆瓣醬汁鹹辣惹味，肥腸夠肥美夠乾淨有咬口，血旺入味，撈飯食一流。套餐包凍酸梅湯，濃郁夠酸唔太甜。#十三姨酸菜魚地址：粉嶺新運路33號粉嶺中心地下149-151號舖電話：28982301

呢間酸菜魚成日夜晚經過都見到排晒隊咁，難得中午時間唔洗等位，一於就試下佢啦～1️⃣ 🍛 15招牌十三姨菜魚飯/米線 （$72）一人份量既酸菜魚份量都唔細，魚肉做得好滑，入口即融。味道方面我地就選擇左小辣，對我黎講辣度岩岩好，唔太辣但又有麻既感覺。🤤成碟菜魚仲有唔少芽菜同酸菜，的確幾開胃～2️⃣🍗啖啖無骨海南雞飯配椒麻汁（$68）椒麻汁呢種醬汁比較少見😯，黎到既顏色同我想像中有少少出入🤣但味道係唔錯的，唔辣但帶有麻的感覺，同雞肉配搭上黎又幾好食喎 值得一讚既係無骨海南雞同樣做得好滑，唔係鞋zap zap的雞肉👌🏻
3️⃣🍡紅糖糍粑 （跟餐加 $28）食親酸菜都會想叫紅糖糍粑食，感覺食左先夠完滿。☺️雖然我地放耐左先食，但糍粑仍然維持到外脆內煙韌的口感，加埋紅糖糖漿同黃豆粉，味道更豐富😚4️⃣🫖 醒胃酸梅湯（跟餐）5️⃣🧃熱百香果蜜（跟餐）飲品就正正常常 (但唔記得影相添🥲)，個人認為味道偏甜左少少。整體黎講都幾抵食，味道都唔錯，難怪會多人等位，可惜白飯煮得淋左少少🤏🏻。

難得早收工，同同事食飯見到有間 十三姨酸菜魚就諗住試下叫左個晚市4人套餐 $438，揀左1.）招牌十三姨酸菜魚（大）2.）腩肉炒花菜3.）口水汁啖啖無骨口雞4.）擂椒松花皮蛋5.）雞絲涼皮6.）秘制雞翼4隻跟4個飯，4杯飲品另外見到有 籠籠粉蒸牛肉好似好正，就叫左個黎試下酸菜魚- 好酸，酸到乸喉腩肉- 一般口水雞 - Ok皮蛋 - 正常涼皮 - 麻麻雞翼 - 好食點知中哂伏深深不忿就上OpenRice 睇下有冇人 介紹過點知冇所以打篇食評告知各位不可一不可再

本來諗住今晚同家人打邊爐，點知去到比個勁細既位我，但附近有好多卡位是沒有人訂的。根本不足以放到全部菜，都算。坐左10分鐘完全冇人理。人都冇個，叫佢地直行直過。跟住冇法諗住轉外賣，之前先離譜。叫完比哂錢等左25分鐘，都沒人叫我地 。要我入去自己睇。先知原來一早放左係到。我問個職員點解吾叫我地，完全吾理。等外賣其間，好多人得2個人冇訂枱佢地都直接比卡位，我吾明我係咪得罪佢地班職員😡最後拎個凍外賣直接回家🤮個酸菜魚切到有大d有d細, 而且腥。仲有個腎虧皮蛋。咸到一個點🤮。之前食明明好有水准，都吾知係咪轉左師傅，餸菜味道差，服務感度更加差🤬會永遠black list哩間分店🤮吾會再來。

近三年受疫情影響經濟衰退，加息令樓價下跌，朋友新婚趁低吸納，選擇在粉嶺置業，新居入伙當然要賀一賀。附近行左一轉，商場食肆林立，臨近地鐵站，巴士地鐵交通方便。難怪朋友由九龍搬咗入嚟。餐廳環境寬敞，乾淨衛生，品味裝橫。座位寬躺舒適。酸菜魚係重慶名菜，辣椒、花椒、生薑、酸菜配上魚片，坊間有大量酸菜魚店，味道各有不同。呢間店舖出品的酸菜魚味道偏酸帶小辣，魚肉較厚身，加左豆腐，寬粉份量十足，嫩嫩滑滑，也是另一番風味。腩肉炒花菜：花菜爽口，腩肉香口，配合一齊甚是合拍，花菜好香口，但又仍能保持口感，是比較出色。麻辣豬耳：豬耳薄切，撈勻麻辣醬和香菜，色澤金黃吸引耳球，豬耳爽嫩有嚼口，食完満口麻辣，甚是過癮。擂椒松花皮蛋：皮蛋介開切好，拚砌得意，值得一提的是他們的上菜速度真係到位，好合乎香港人講求的效率。十三姨秘制雞翼：夠乾身，外皮香脆，24元3隻，全場無加一，每枱還有一壺熱水提供，認真抵食。好啱街坊食客。朋友說她已當這里是他家飯堂了。紅糖滋粑：外皮香脆，內面煙煙韌韌，軟棉口感，一口咬落去，形成强烈對比。沾滿紅糖醬，更加美味，增加食慾。仲有烤魚食添，天氣變涼黎食啱哂。

自疫情過後粉嶺這個地方的店舖都不同了，這次我走了一圈選了這間十三姨酸菜魚作為晚餐。大家不要以為酸菜魚只有辣的，其實很多店舖也提供其他不辣口味。這次我和朋友選了這個晚市自選2人套餐，當中選了人氣番茄湯清甜魚，另外韰女加了豆腐及午餐肉，此套餐附上兩碗白飯，由於我和朋友都不多吃澱粉，所以就不要了。先說蕃茄湯清甜魚，濃厚茄汁味道，魚滑鮮嫩，富有魚味，夾起時仍不會立刻散開，可見魚的烹調時間實在恰到好處。喜歡蕃茄湯的朋友不要錯過了。豆腐在蕃茄湯吸滿甜味精華認真不錯，當我們吃到一半時才發覺有烏冬底在內，烏冬使用的有點像讚崎烏冬，沒有發漲，反而讓蕃茄湯很掛湯的感覺，每一口都有鮮甜蕃茄湯的口味。這個二人套餐可以配三個小食，我們選了雞絲涼粉、蒜茸拍青瓜及口水汁啖啖無骨雞。雞絲配辣醬辣得過癮，涼粉爽口並不粉及散。蒜蓉青瓜蒜味濃，開胃前菜來說很好。口水雞的辣醬並不是只有嫲嫲而沒有鹹和辣的味道，所以吃起來10分夜魅，而且無骨雞肉下方備有青瓜，濃味和清新味互相配合。飲品方面都是基本的汽水及涼茶加多寶，還有自家製冷泡桂花烏龍茶，絕對解渴。

呢排粉嶺開咗好多新餐廳😍見到有比較少見嘅川菜，入面仲有烤魚，即刻去過吓口癮！💎$268 原條烤魚（酸菜味）烤魚一上到台之後見到真係哇咗一聲🤣超大條🤩份量好多除咗原條鉗魚之外仲有好多其他配料例如酸菜、萵筍、蓮藕、薯仔等等好豐富😍因為我哋都唔係太食得辣所以就叫咗最少嘅辣度🤣好易入口～開爐煮耐咗之後烤魚帶有酸菜嘅香味而因為魚嘅外皮煎香左每一啖食落去都係外脆內軟又有酸菜嘅開胃又有魚肉嘅嫩滑🤩好正煮耐咗嘅時候酸菜嘅味道會比較濃呢個時候加多少少水再煮就可以調節返湯底嘅濃度😆.💎時蔬一份叫嘅烤魚仲附送埋一份時蔬係份量好多嘅大白菜😎等烤魚食到差唔多嘅時候就可以落埋落鍋度打邊爐白菜吸收左酸菜湯底嘅香味好好食😍.💎 川北涼粉除烤魚附送嘅川不涼粉，食落十分爽滑，拌入花生、青蔥及辣味，味道鮮辣香口，啱晒做開胃菜。.💎 $24 十三姨秘製雞翼 (3件)本身雞翼已經調味，鹹度適中，食落鬆脆，肉質厚實，唔會過多炸粉！.💎 $68 椒鹽小酥肉同樣地，呢個炸嘅小酥肉都係啖啖肉！表層一個薄脆嘅炸片，食落唔會過於肥膩，而以椒鹽烹調令到食物添加多一份麻味，更加香口。.💎$46 紅糖糍粑 (4件)最後甜品嗌咗呢個紅糖糍粑，本身

之前都有講過，主打酸菜魚烤魚既餐廳愈開愈多。唔知係咪因為冇得番大陸食呢d菜式，就算愈開愈多，呢d餐廳既生意都真係唔錯，某d仲要排長龍。今日就近近地，喺粉嶺中心度試下呢間十三姨酸菜魚。我地兩個人，咩都想試下，所以叫左個二人餐。二人餐包一盤酸菜魚、一個主菜、兩份小食，仲有兩碗飯同兩杯飲品。小食先上。蒜蓉拍青瓜味道調得岩岩好，夠咸得黎又有蒜香。青瓜清新又爽脆，而且一d唔苦，係非常好既開胃小食。另一小食係雞絲涼粉。呢個小食原本係叫俾唔食得辣既佢食既，因為以為係麻醬雞絲粉皮d frd🤤點知黎到係有d似川北涼皮咁樣既，所以又變左主要係我食既。不過佢既味道同口感都做得唔錯，雞絲既量唔少，而上面混左豆瓣醬既辣醬就更多加。呢個小食都算重口味，咸香辣，配上又涼又滑既涼粉，又係一道又好食又感覺好奈冇食過既涼拌小食。😌👍🏻主菜我地揀左椒麻雞。辣食唔到唔緊要，食到麻都幾好，因為麻係一種非常有趣既感覺。椒麻雞既份量都比想像中多，但又唔係俾得多雞胸。雞肉啖啖肉，大件又嫩滑，食得爽。而且個醬汁就做得幾出色，咸香又好夠麻，食到樁爛既花椒，所以個麻度真係好夠，唔止口腔，成個咀唇都麻哂。😋😋酸菜魚既辣度冇得揀少d辣，因為個

今日放假同屋企人黎左粉嶺中心呢十三姨食酸菜魚！呢度二人餐都幾豐富！可自選酸菜魚一份+小菜一款及兩款小食！仲包左白飯及飲品！呢度用生魚啖啖肉，酸菜仲突顯佢嘅湯嘅味道。而佢嘅湯比平時食開嘅唔算辣，仲可以飲哂佢、配料有芽菜、萵筍及水晶粉！超好味！口水雞無骨,食落去啖啖肉仲鋪滿醬汁,麻辣蒜香味重,不過食落去個雞吾夠入味！川椒皮蛋味道唔錯、份量都唔少.雞絲涼粉略嫌整得過淋而且越食越辣！蕃茄擔擔麵配炸雞翼麵質好滑軟硬適中，不過湯底用得太多茄膏感覺過酸！雞翼係即叫即炸.外脆內嫩滑好正！

粉嶺突然開多左幾間食呢類酸菜麻辣食左佢幾次，個人覺得酸菜魚幾好佢分三款魚，配菜另計，價錢一般散叫係貴d二人餐食酸菜金湯抵食d我個人偏向呢個烤魚ok可揀蕃茄，水煮，酸菜味水煮一般，太油死辣呢個好一般，辣冰粉

最近呢個商場翻新開左好多新嘢食，見到呢間成日好多人等位，終於的起心肝去試吓，結果超有驚喜🙌🏻晚市招牌2人套餐 $228 (魚&仼選3份小食😍)招牌十三姨酸菜魚🐟魚肉嘅份量好足👍🏻唔腥又夠滑，仲有好多寬粉芽菜同萵筍，索哂啲汁超好味😋秘制雞翼4隻雞翼熱辣辣，食得出係即炸，皮脆肉嫩🫶🏻椒麻汁啖啖無骨雞🌶雞肉嫩滑，椒麻汁除左麻仲帶少少酸味好開胃，仲有青瓜解膩一流🥒雞絲涼粉🌶以為係麻醬點知係口水汁😂每樣份量都好balance白飯&酸梅湯 X2總括嚟講，算好抵食嘅餐廳，食物份量足，好岩家庭客👍🏻 但係要小心餐牌冇標明🌶嘅食物都會係辣，見到隔籬枱有小朋友食唔到辣想退，但員工表示會比廚房鬧冇幫手🥲