十三少 (已結業)

呢間店係我成世人第一次食酸菜魚嘅地方，最近碌OpenRice見到佢執咗真係好傷心😢決定補番個食評俾佢！我哋三個人嗌咗兩碟餸：水煮牛肉同十三少酸菜魚，兩樣都好好食😍牛肉超嫩，面頭鋪咗好多辣椒，但其實只係BB辣，想過下辣癮食佢就啱曬❤️酸菜魚魚肉duang duang下，嫩滑入味！好評！小插曲：呢間好食係好食，但有！曱！甴！🪳嚇到我哋即刻想走，好在嗰日人唔多，有得調位😵‍💫餐廳清潔要俾多啲心機！

早排病咗，瘦咗少少。胃口一好返，即刻想黎食酸菜魚。呢間係堅尼地城嘅川菜餐廳一直都係我心目中嘅酸菜魚number one。病愈好返，就即刻諗起佢。.涼拌土豆絲：係每次嚟都必要嘅前菜，酸辣爽口，辣度恰到好處，土豆絲切得夠細，食落好似面咁，但係脆度又能夠保留。.酸菜魚：主角酸菜魚一如既往地出色。花椒香氣出眾，魚肉鮮美滑溜，萵筍爽脆，蘿蔔香甜帶點酸香，菇菌菇香滿瀉。微辣酸香嘅湯底無論就咁飲，定係泡飯都非常合適。.麻辣滷豬手：第一次食佢哋嘅豬手，滷水汁無過鹹，有點點麻辣香氣，不會過辣，豬手滷得軟淋，一咬就輕易離骨，非常下飯。.紅糖糍粑：黏黏糯糯嘅糍粑炸得外脆內軟，令人欲罷不能。黑糖汁甜度適中，黃豆粉嘅份量比得好大方，如果客人都唔夠嘅話，店員都好樂意為大家後加👍🏻，抵讚。～～～十三少 西環堅尼地城山市街10-14號山市樓地下1-3號舖人均：$180

這家位於堅尼地城的十三少是我在香港很喜歡的一家川菜我最常點的是他的自選麻辣香鍋這次跟朋友來所以人比較多就多點了一個酸菜魚他的酸菜魚份量也很大很好吃很正宗。香鍋就是一如既往的好吃

傳統四川菜可能大家都食過，不過最近留意到有唔少新派精品川菜餐廳🌶️，前排試左位於西環嘅十三少，餐廳菜式款式多樣，其中以酸菜魚同埋麻辣香鍋出名，另外仲有多款特色小炒，幾啱一班朋友或者家人黎食，另外晚市2人套餐$348，包括一款前菜、一份主菜、一份小炒同埋一份甜品❗️‣ 涼拌土豆絲土豆絲切得幾好，涼拌食落幾清新😋，口感幾爽口，份量都唔少‣ 酸菜魚 作為招牌菜之一，賣相擺盤好吸引，鱸魚魚肉肉質幾嫩滑🥰，煮得啱啱好，酸菜味道都幾正宗，配料有花椒、萵筍、白蘿蔔片、薯粉等等，湯底亦好香濃，總體水準幾高😝‣ 乾煸四季豆 另外一款川菜經典菜，四季豆爆炒完聞落好香😍，食落口感夠爽，味道唔錯，幾啱送飯‣ 紅棗雪耳燉冰糖 呢款送嘅糖水味道正常，唔會太甜，雪耳口感唔錯，飯後用黎消滯都唔錯😚‣ 紅糖糍粑 即叫即新鮮整，熱辣辣食落口感外脆內軟糯，表面一層黃豆粉配埋紅糖漿一齊食落，味道好正，甜而唔膩🥰💭 C͟o͟n͟c͟l͟u͟s͟i͟o͟n͟餐廳環境都幾舒適，可以用手機落單好方便，上菜都幾快，重點係食物精緻得黎質素都唔錯，如果唔食得辣可以嗌微辣或者走辣👍，價錢亦合適，鍾意食川菜嘅朋友不妨試下😋💰Total: $382.8 ($191.4

🎶天青色等煙雨，而我在等你🎵最近天陰有雨有種淒美嘅感覺，路過西環見到十三少一間滿滿中國風裝橫嘅餐廳🏮，感覺對了就進了😋環境：7.5/10未入鋪頭已經比門外裝修吸引，店內承接門外中國色彩，令大家代入感更強🥰食物：8/101️⃣十三少酸菜魚（標準）$248魚肉大片冇骨，薄切但唔會失去口感，標準嚟講份量都多😝而湯底味道濃郁而唔會重味精味，食完唔會好口喝👍🏿加上有菇片，萵筍，蘿白為配菜，相當豐富！2️⃣椒麻皮蛋 $42外型晶凝通透中間唔係綠色糖心，而係黃色糖心冇咗浸石灰味😍醬汁部份調味得宜，相當惹味😋3️⃣ 川式口水雞 $78肉質嫩滑係重點👍🏻口水汁相當掛身，醬汁香辣帶麻但唔會太勁，我本身唔太食辣都覺得啱啱好，識食一定係食配菜青瓜，吸哂醬汁仲正😍4️⃣ 紅糖糍粑 $48📣第二重點推介📣糍粑炸到外脆內軟，仲要好乾身冇油味，紅糖醬唔會過甜，配合豆粉令到更乾身而微帶豆香，將味道提升，可能我真係太鍾意食甜品，所以推介大家一定要叫🥰💰性價比：8/10 $250/人，酸菜魚來講相對抵食性價比高😍，仲有2人4人sets，另外一提，店家仲請左我食紅棗雪耳糖水，清潤又解膩，sweet💞

酸菜魚推薦🙌🏻魚肉係每日新鮮屠宰湯底係純魚湯 每日早上熬製 3小時而成 加上多種四川既香料同辣椒 配上老壇酸菜味道集麻、辣、香、酸於一身 非常惹味🌶🌟蒜泥青瓜青瓜清甜爽脆加上蒜泥 好開胃💯🌟酸菜魚選用新鮮鱸魚 魚肉十分嫩滑鮮香亦唔會一夾就散 酸菜口感爽脆酸度亦適中湯底鮮甜不油膩 配料仲有萵筍,蘿蔔片等 份量十足👍🏻🌟乾煸四季豆傳統既川滬菜之一 送飯既首選😆四季豆干香脆嫩 炒得夠乾身又夠鑊氣 🌟紅糖糍粑外脆內嫩 香糯可口再灑上大量黃豆粉 搭上紅糖 甜而不膩😋

最近天氣不斷落雨，濕氣好重。行行下見到一間裝修好似中國客棧既舖頭，原來係『十三少』，一間食川菜既名店，舖面咁有特色，就不妨馬上試佢一試！ 一入到舖頭，感覺好舒服，近住窗邊既好似一D包廂位，有屏風隔住，而店中間既位置係卡位，枱與枱之間既距離都好闊落，令人坐得舒服。如果想私隱度再高D，不妨坐入店入面果入既位，好似私人包廂咁，可以慢慢食慢慢風花雪月！ 一坐低之後，店員就為我地奉上2杯水，一大支水壺同埋一個免費既小食 – 炸黃豆。我地可以一邊食住脆卜卜既黃豆，一邊睇下個餐牌。其實佢都有好多唔同既川菜供應，例如麻辣香鍋，水煮魚同酸菜魚等等，而且仲有2人餐同4人餐! 👉🏻涼拌土豆絲 雖然呢一碟好似係前菜咁，但份量一D都唔少，每人都起碼可以夾到5-6次先食得晒。千祈唔好睇佢好似冇乜醬汁咁樣，其實醬汁已經比土豆絲完美咁吸收左係入面，每1條都滋味滿滿，好入味! 土豆絲食落爽身，鹹鹹甜甜中又帶有微辣，作為開胃菜的確好出色呢!👉🏻酸菜魚 遙遠地見到個店員雙手捧住一個好大既碟過黎既時候，我地都嚇一嚇，碟碌菜魚有成6分之一張枱咁大，仲要包2碗白飯，今餐一定勁飽!! 勁好既係，呢度個酸菜魚都可以加$26加薯粉，岩

天氣涼涼地，突然之間好想食辣野川菜，今次揀咗呢間位於堅尼地城嘅分店，之前一直留意咗好耐😂今日約埋朋友仔一齊去食😋餐廳裝修中式風格，古色古香，座位好寬敞，店員笑容親切有禮‼️➺水煮魚🐟一上枱…嘩❗️大大盤、紅紅嘅🌶️辣椒鋪滿面，新鮮嘅魚片連魚皮，魚肉厚身，完全無骨，食起來會食到啖啖辣味和魚肉。水煮魚的精髓在於鮮嫩的魚片，配上又香又辣的湯底，辣而不燥，麻而不苦，🐟魚的質感細緻嫩滑。配料🈶️芽菜同水晶粉吸收哂湯底精華，好入味😋份量都好大碟，大🈵️足‼️➺椒麻皮蛋 晶瑩剔透，蛋黃半溶呈現糖心，醬汁酸辣惹味，入口微辣醋香充斥整個味覺，酸辣開胃爽口帶勁‼️➺川式口水雞開胃的醬汁配上香嫩雞件，叫人難以抗拒‼️雞肉鮮美嫩爽，紅油奔放潑辣，清爽帶辣，十分不錯。最後附上一碗🥣滋陰養顏糖水➺ 紅棗雪耳糖水，味道清甜😋😋😋

很喜歡食川菜的我，梗係要約同我至趣相投嘅朋友仔一齊去食啦💓喜歡食辣嘢～十三少係我一直想去！去咗西營盤呢一間分店，外面裝修非常古色吸引🏮入邊座位寬敞, 而且仲要用QR code落單！好方便～❇️蒜泥青瓜冷盤做得非常出色，青瓜都好入味！一路傾偈一路食好滋味！❇️乾煸四季豆炒得非常香口加埋免治豬肉！十分惹味！而且份量都好大碟！❇️水煮魚主菜嚟啦！非常期待嘅水煮魚，滿滿嘅辣椒見到都興奮😘魚質口感豐富，非常入味！再加芽菜和水晶粉，都夠晒飽肚！二人份量都非常大碟啊😍

餐廳裝修細至大門嘅獅子門把，大至掛滿雀籠、百藥櫃，都滲透出陣陣古典優雅嘅感覺☺️裝修都咁細緻，食物都唔馬虎。餐廳招牌菜「十三少酸菜魚」係用每日新鮮嘅魚+鮮魚熬製 3個鐘嘅湯底+來自四川嘅香料同辣椒+ 老墰酸菜，啖啖都係心機🫶🏻最後仲有養顏糖水-紅棗雪耳糖水食😊😊∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 椒麻皮蛋 $42皮蛋金黃剔透，口感大致上同普通皮蛋差唔多，蛋黃部分有少少黏性，但呢款嘅蛋香味比較濃，真係齒夾留香！加埋辣椒、醋 & 辣油，味道好過癮😆❥ 川式口水雞 $78用新鮮雞去整，雞皮爽口，肉質相對地滑溜，骨唔多，啖啖肉，仲好鮮味。再配埋又香辣又麻嘅紅辣油同辛香料，好惹味😋❥ 十三少酸菜魚 (標準) $248魚肉有厚度、大大片，肉質嫩滑。當中嘅配料: 酸菜、蘿蔔、萵筍除咗保留到本身嘅口感之外，仲吸晒鮮甜嘅魚湯。整體味度集麻、辣、香、酸於一身🤩∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴

呢排天氣開始又凍返，要數暖笠笠美食必定有酸菜魚份。之前食過呢到嘅酸菜魚水準唔錯，今次同朋友黎再encore。蒜泥青瓜 $32先叫咗個青瓜做前菜，青瓜口感非常之清爽，落咗大量蒜蓉去撈起，蒜味香濃。川式口水雞 $78另外叫咗碟口水雞，雞肉白滑，麻辣口水汁濃郁過癮，辣勁十足。十三少酸菜魚 $238主打嘅水準依舊唔錯，魚肉大片冇骨啖啖肉而且超級嫩滑，湯底金黃吸睛，辣味同酸味嘅平行岩岩好，帶少少麻，味道相得益彰，仲有酸菜、萵筍等配料。紅糖糍粑 $48最後甜品有必食嘅紅糖糍粑，糍粑做到外脆內軟，口感煙靭，紅糖味亦夠香。。。十三少 (西環)西環堅尼地城山市街10-14號山市樓地下1-3號舖。。

🍪【#堅尼地城】十三少 Master 13💥$338酸菜魚二人餐💥.【2人滋味套餐】$338 (4/5)(涼拌土豆絲、十三少酸菜魚、乾煸四季豆、兩碗白飯）呢個二人餐夠三個人食！每碟餸份量都唔細，特別係碗珍寶酸菜魚！土豆絲夠酸同爽口，酸菜魚調味到位，花椒味突出，魚肉結實，個湯送飯好開胃！以前食過夠鑊氣又乾身嘅四季豆，今次終於食返同一個味！免治豬肉富油香，成碟菜更加惹味。整體嚟講好食，滿意！呢度紙巾額外收費，有需要就自備紙巾。~~~~~~~~~~~~~味道 Taste：🍪🍪🍪🍪/5環境 Ambience：🍪🍪🍪🍪/5💸消費 Spending：$186 /人 Person🔥推介度 Recommendation：4/5.📍 十三少 Master 13@master13_hk.

上次朋友食過十三少嘅酸菜魚之後一直對佢念念不忘。咁啱呢排天氣都凍咗，晚餐就約朋友食酸菜魚。今次方便居住港島的朋友，相約到堅尼地城分店用餐，雖然地理位置不算方便，在港島綫尾站，但餐廳距離地鐵站5分鐘左右。餐廳外表很有古建築的風格，內部裝修亦非常古色古香，雅致幽雅。<二人邂逅滋味餐> $388呢個二人嘅滋味餐好抵食，三個人分享都得。除咗有小菜之外仲有得食蟹飯同埋酸菜魚，適合選擇困難症人士。蒜泥青瓜小菜可以三選一，今次就試一試佢嘅蒜泥青瓜，青瓜醃得好入味，碎蒜俾得好足，爽脆開胃。十三少蒜香荷葉蟹飯份量充足，兩隻蟹擺盤吸睛，仲鋪滿唔少蔥花，蒜香味突出，打開個蟹蓋見到大量嘅蒜蓉粒，將所有配料攪勻一齊，蟹嘅鮮味同埋荷葉嘅清香撲鼻而來。十三少酸菜魚主角當然喺酸菜魚啦，試過不同餐廳酸菜魚，十三少會是我地會返黎再食既餐廳，好鍾意十三少既酸菜魚。今次叫咗小辣，其實仲可以加$26要寬粉，不過酸菜魚已經夠曬大份，所以就無加到。魚片厚身爽滑，吸飽酸菜嘅精華，食落香口，酸菜調味相當出色。配料有菇片、萵筍及白蘿蔔等，菇片有先煸香過再加入酸菜魚，連埋些酸菜一齊食好惹味。

第一次品嚐十三少，餐廳好有品味，不錯！整體酸菜魚唔錯，但5明點解乜都加咁多蒜頭🧄同埋辣味只有小辣5辣同正常，店員話正常比小辣會辣D勁多蒜頭，食完口氣同放屁全是蒜頭味😂😂好臭呀，情況持續左成日，其實有無必理咁多蒜者🧄😵‍💫荷葉飯都勁多蒜。。。。多到食蒜多過食飯🫣荷葉飯我地覺得無咁出色，似普通比較濕既蒸飯，蟹🦀️無味，蒜多到令成個荷葉飯失色😅😅食濃味野如果有得配熱茶會更完美，可惜只有水，有熱同常溫only皮蛋不錯，蛋黃黏口👍🏻最後有糖水送，好味！如果是熱的就更完美整體，如果有下次不會再嘗試上面的，會想試水煮麻辣個D產品，因為5想再放蒜頭屁同柯蒜頭屎，真係好臭🤣🤣🤣

幾乎每一區也分店的「十三少」最近推出抵食的冬季二人套餐，包涼菜一款、主菜兩款，可以一嚐招牌的酸菜魚，更可加配原個椰皇燉響螺。近著堅尼地城站的西環分店，寬敞的環境很舒適，帶點現代的中國風格。二人蟹逅滋味餐 - $388涼拌土豆絲根根分明的土豆絲，蘸滿酸辣的花椒油，入口又柔韌又脆，味道香而不膩，非常開胃。十三少酸菜魚可走辣的酸菜魚十分罕見，蒜香味會更濃郁。招牌的酸菜魚採用鮮鱸魚製成，一片片雪白的鱸魚片肥美肉厚，份量非常豐富，魚肉嫩滑無刺，不腥又不易散開，加上四川正宗老壇酸菜和潮汕酸菜，以及原魚湯底，味道充滿層次。十三少蒜香荷葉蟹飯(細)即叫即蒸的荷葉蟹飯份量超多，兩隻膏蟹的蟹膏鮮甜微鹹，蟹肉很鮮甜多汁，荷葉飯粒粒軟潤而爽鮮，帶有荷葉的清香，連同蒜蓉混起來非常惹味。紅棗雪耳糖水惠顧晚市即送，濃甜潤滑的糖水最適合乾燥的天氣滋潤身心，又能解辣。