影片
係新光戲院既則邊,之前放學一定會經過依檔十三座牛雜，同埋佢真係好出名，不過之前係身邊日日有得食就唔覺珍貴,依家無得食就好想食番,於是放工就專登走過去。同之前一樣成條人龍已經係到等緊買牛雜,另外一邊就係買魚蛋燒賣個D,除左牛雜,佢既魚蛋都好好食,夠哂彈口,汁又夠濃。牛雜方面佢既牛肚煮得夠淋夠哂入味，又唔會林哂無咬口,牛腸都好肥,無一次撞過無肥膏係裹面,所以係正既。食左一串都係唔夠,決定買多碗細既,從來未試過買一碗,因為細細個邊有咁多錢,食一串就已經好開心,原來有一碗係有蘿蔔,好夠林,吸哂佢D滷水汁。食落一流同埋佢唔苦,依到滷水汁好香而且我覺得佢D來貨都應該好靚,因為次次黎食都無咩點變,慢慢食完依碗咁好食既野之後,就要轉車番屋企,雖然唔健康,但耐唔耐食一次都無所謂既。
继续阅读
今年二月份知道北角新光戲院隔離o既13座牛雜,因為租約期滿需要三月底結業,當時已經諗住搵時間去試下呢檔牛雜,因為咁耐都未試過 認識呢間牛雜係因為舊年四月底睇到新聞,話為食廉政專員「貪湯」叫o的下屬o係返工時間專程去呢間13座牛雜,用納稅人o的錢分兩次豪掃共$1600牛雜及魚蛋招待客人 ,真係巴之閉! 好多人都因為睇完呢單新聞後認識13座牛雜 牛雜佬父親以前係用手推車賣牛雜,每晚都會停泊手推車o係柴灣邨第13座,九年前就o係新光戲院隔離開設呢間牛雜小食店經過傳媒報導後,通常食肆執笠前一,兩日都會好多人幫襯,仲可能提早賣晒關門添! 唔想去到最後機會時先買唔到牛雜,我就o係三月中有一日放工後去北角,當晚大約 7:30pm 去到13座牛雜,見到大約10個人排隊買野,我諗唔算特別多人,排左5分鐘就輪到我買13座牛雜一o的都唔平,因為被為食廉政專員食到貴晒 ,而家一串$10,細碗$40,大碗$60 ,價錢會貴過其他賣牛雜o既小食店,不過我從未食過呢間牛雜,好多人都話好好食,平時我又好少機會食牛雜,咁就豪一次用$40買碗細o既返屋企啦! 買牛雜其中一種樂趣係可以聽到牛雜佬用把剪刀剪細牛雜o既 "習習" 聲,十分過癮! 牛雜佬問我想要邊款牛雜,最初我覺得有o的奇怪,買得一碗牛雜唔係每個內臟部位都會有o的咩,唔知點解要食客選擇乜野部位,由於每款都想試下,就叫牛雜佬每樣都俾o的啦! 事後諗返應該唔好要蘿蔔,因為低本好低 當每款牛雜剪好細細件之後,牛雜佬都講究清潔衛生,蓋好碗蓋,抹去碗側邊o的汁先放入膠袋,之前睇到排我前面o既哥哥叫牛雜佬俾o的芥辣及辣椒醬,所以我都要求呢o的醬料,如果唔係佢地唔會主動放入膠袋 ,醬料已經入好o係個膠杯,食客可以按個人喜好落合適份量 呢碗牛雜拎到返屋企就大家一齊食,呢間牛雜內臟都算洗得乾淨,食唔出異味 牛雜好多部位都有,例如牛肚,小腸,大腸,牛肺及牛膀,每款都有幾件,另外仲有兩件蘿蔔添! 將牛雜加o的芥辣一齊食,味道相當唔錯! 鹵水汁夠濃,不過稍嫌牛雜佬俾得唔夠鹵水汁 牛肚煮得夠淋入味;小腸有白色o既油脂,若果熱辣辣時候食係最好,當晚拎到返屋企已經唔夠熱,變左油脂有o的凝結 ,小腸又唔係成日食,間中食少少都無妨;大腸都係有肥膏;牛膀幾淋,起沙,食落係粉狀感覺;牛肺煙韌;蘿蔔都算炆得淋,吸左鹵水汁幾好食呢間13座牛雜o係 OpenRice 獲得超過100個好評,可謂實至名歸,今次結業令大家無奈!為食廉政專員「貪湯」叫o的下屬去豪掃牛雜及魚蛋 ,真係會食到o的野貴晒 ,業主就係睇見牛雜佬有西裝友大豪客幫襯,唔大幅加租真係對唔住自己! 現實就係咁殘酷,好多報導都話牛雜佬難敵高昂租金結業,我相信牛雜佬其實已經發左 ,只不過唔想賺埋o的錢拎晒去交貴租,為左啖氣索性唔做! 究竟牛雜佬係唔係唔再搵地方開檔,呢個真係一個謎,只可以話大家後會有期!
继续阅读
十三座牛雜是我的心頭店之一，多年來每次想吃牛雜，必定會來這裡買一串。偏偏多年來一直沒有為它寫食評......直到今天，發現它明天要結業的時候，我後悔了。我決定當天找機會作最後一次朝聖，和補上一篇食評，至少當作是一種懷愐和紀念。由於報章廣泛報道，當天下午四時半到達的時候店鋪已經大排長龍。店裡只有4位店員，忙個不停，排了快兩個小時，才終於買到招牌牛雜串($10)和細牛雜一碗($40)。吃牛雜最忌清洗不乾淨，其次怕弄得不好吃。這家店我光顧多次，內臟總是清洗得相當乾淨，從未吃出異味，看報章說是因為老闆用傳統的粗鹽怯味洗淨，可下了不少功夫。店員手起刀落，把各部位剪成小塊串起，再放在鐵碟端上以防牛雜汁滴落到衣服／地上，非常貼心。雖然食指大動，還是讓相機先吃。鋪面貼了結業告示滿滿的一盤牛雜～大排長龍的一天，還有好奇的途人以為是新光戲院在賣飛我點的牛雜串有以下部位（個別部位用了以前拍的照片）：一串大約六件，以前還有蘿蔔－現在沒有了金錢肚：這兒的金錢肚經長時間烹煮變得軟腍入味，最愛之一蘸上芥辣，味道一流！毛肚：質感和金錢肚略有不同，沒有一格格的網紋，通常連著一層膠質小腸：吃下去油香滿溢，熱辣辣的時候吃下去脂肪吞下去的時候彷彿是半溶狀態；很多人害怕它的飽和脂肪，確實危險，可是如果明天結業，還管那麼多幹嘛？牛腸：這個部位大概是大腸？沒有其他部位好吃，不過還是有嚼勁牛膀：牛膀是牛的胰臟，是我必吃的部位之一。這裡的牛膀煮得很軟，吃下去淋得起沙，混合著牛雜汁的味道在嘴裡化開，正！蘿蔔：蘿蔔只要在汁中煮得夠久變能入味。充滿牛雜汁精華的蘿蔔也很好吃。一般的牛雜串還包括牛肺，很有嚼勁，可是因個人喜好我每次都會點走肺。還有一個溫韾提示－－客人可以要求老闆給「脆骨」，數量不多，很爽脆！做牛雜是辛苦活，在這個做生意講求搵快錢的年代，還有人願意用這麼熟練的技術做出入味軟腍的牛雜，我除了欣賞那種味道，更欣賞老闆的敬業精神。沒有他的堅持，十三座牛雜大概沒可能支撐這麼久。可惜的是即使十三座牛雜每天大排長龍，最終還是屈服在昂貴的租金之下...有時候真希望香港能擠出多點讓港式小食店生存的空間。這種味道，可不只靠入口新解食材就能做到的。十三座牛雜明天便結業了，明天必定人頭湧湧，這篇食評就當作一篇個人紀念。十三座牛雜，後會有期!
继续阅读
之前係北角返工都冇機會試，今日難得路過就買黎試下雖然有唔少人係到排隊，但係店員仍然慢慢剪牛雜，真係慢工出細貨接過串牛雜再放上醬料牛雜好新鮮，味道亦好濃，牛腸夠哂肥美，牛肚亦好爽口。雖然十蚊一串有啲貴，不過質數的確比其他店嘅牛雜高
继续阅读
比較少在港島活動，但到了北角，怎也要到13座牛雜來一串，過過癮。常要輪侯又總不會輪太久，人多但未多到叫人絕望。牛雜十元一串不便宜，但感覺豐厚，新鮮，物有所值。牛肚、牛肺等等很爽，腸就比較油亦較難咬開，雖然味較濃，但個人就不太喜歡，不過有時下單時懶選，一件半件就算。以牛雜來說，此店新鮮程度和味道都是上上之選，人龍得有理由，等一下，也值得，引得我來了一次又一次。
继续阅读