十二味麻辣小當家 (已結業)

Came here on a random Saturday afternoon, ordered 4 things for the 2 of us. The chicken was my favourite, noodles were decent, fungus were tasty, but the cold skewers did nothing for me…it was like fishballs, local cheesey sausages, cow stomach etc…Generally speaking, things were good and staff were friendly. Will definitely return!

我是麻辣fans, 今次特登走去奧海城三期，我可以吃小辣的人，叫了三個全部同辣有關的食物。第一個酸辣土豆絲，夠酸但唔夠辣（因為得一隻辣椒）土豆絲切得太粗及太油，我去過詠黎園吃過同一菜式，幼絲不油膩，有比較下這個土豆比較一般。山城辣椒雞，材料除咗辣椒、雞、重有腰果，兩樣都炸得好乾身，雞味夠辣又唔多油，辣椒入口唔算太辣，唔錯。經典香辣鍋（1隻辣椒）可以向餐牌自選五款材料，我揀咗燉牛肉、五花腩、腐竹、去骨鴨掌及薯粉，這個有啲失望，唔係隻隻食物都可以入味，鴨掌雖然已經起骨但係好多筋咬唔開，特登叫個薯粉諗住將啲麻辣味索入個粉到，但入唔到味。一隻辣椒菜式太BB辣，啱BB級人仕，下次我要揀2至3隻。

味道幾好 食完返尋味 開頭會覺得少少麻辣 後來會越食越麻 不過都係可以接受既層次 呢個價錢絕對會回頭食本人推介食物有：口水雞同茄子 都係我每次必食既items 有時會埋單會有coupon 送tim

本人需不嗜辣，但卻很能食辣，偶爾亦會跟一班朋友來一餐火辣之旅。首先說一下環境，我們(7人)預約了枱，到了才知道是要坐在室外，沒關係吧反正最近秋涼，但是我們坐在帳篷下，只靠一顆暗淡的燈泡作照明，逼使我們數人長拿著手機用電筒功能方看清。另外，隔壁是酒吧，很多食煙的顧客，我們無能為力⋯⋯說回正題，他們的食品一致獲得我們好評的。水煮桂花魚。若果我們不用電筒，實在無法分辨自己到底在夾什麼。盤中除了魚外，有海帶、寬粉、芽菜。魚肉新鮮，且麻又辣，令人一吃再吃。看似堆滿了不能吃的辣椒，但底下的魚肉和配料是充足的，絕不欺場。新疆大盤雞。這道菜以辣為主，雞件甚多，入面的土豆條很好吃！配飯一流。乾煸肥腸。大腸炸得酥脆，小麻小辣，給人爽朗的感覺，大家都爭著吃這盤，不夠候呢乾煸四季豆。魚香茄子。來點蔬菜平衡一下，味道中規中矩，桌上的配角。冰粉。吃了那麼多辣，需要冰涼的甜點紓緩一下。這個冰粉是我每次到成都也會吃的小吃，但不同的是，這店用上桂花糖漿伴入，故吃時有陣陣幽香。吃畢整碗，整個人也舒服了不少。

麻辣鍋，不得不說，內地的更加正宗，但是這一家，打破香港無正宗麻辣的印象。麻辣，最難做出的是香，這裡做到了，重要的是: 不口乾 不口乾 不口乾！ 必定encore 的小店！兩個人去，點了三個菜，其中麻辣乾鍋是重頭戲.有別於其他店，他們家賣的是乾鍋，即係選好鍋底(如香辣，麻辣等)，好似火鍋咁，選擇你喜歡的肉，內臟等，廚房便會把所有料炒好一大鍋端出.不得不說，經過鍋氣炒的麻辣和火鍋湯燙出的麻辣相當不一樣，個人喜歡乾鍋因為少了燙舌般的溫度，會影響對辣自己麻的感受。最欣賞莫過於所有味道剛剛好，個人不喜歡味重得來又口乾，這家把握剛剛好！

係旺角食野悶悶地可以行去奧海城 環境又好🤤睇戲之前就去左十二味麻辣小當家先揀鍋底再選配菜👇🏼我選了經典香辣鍋再配午餐肉 鹵水肥腸 肥牛 鮮腐竹 素雞黎到個刻係有啲驚訝..因為我一直以為係火鍋😂但原來係炒埋一堆🌶🌶🌶幾惹味 辣得幾過癮🤤BTW要叫2杯豆漿先解到辣😑_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$2xx________________________唔信我嘅可以自己去試試😂地址：奧海城3期地下28號舖

個人來講不愛吃中餐，可能因為油膩感高又多肉，不是我偏好的口味。偏偏我又特別喜歡吃辣，喜歡得連油膩感也不怕了，只要辣得過癮就好。某天下午辣癮又起，在網上搜了一下，便決定開車來到十二味麻辣小當家一試。水煮桂花魚 $238水煮魚是我最喜歡的香辣菜式，沒有之一。這裏的水煮魚辣味卻一點不足夠，魚則是不過不失。特色麻辣鍋 $38 （雞軟骨 $38、美國肥牛 $46、牛百葉 $38、雞軟骨 $38、薯粉 $20）既然這裏主打的是香鍋，那自然也要點上一份。香鍋最少要配搭五種材料，加起來大概兩百多塊錢，跟外面比好像有點貴。不過香鍋一到，我卻有點驚訝，因爲配料分量很多，但是辣椒卻很少。香鍋也果真完全不夠辣，但是配料還算新鮮，分量也太多。生啤 500mL $68飲料方面，我們點了生啤，配辣的一流。我們用了一些折扣，所以比原來的價錢要便宜。可能因爲個人口味關係，我真的不喜歡不辣的中菜。這裏的菜式真的很不夠辣，導致我覺得它跟普通中菜無分別，應該也不會再來下一次了。

同朋友打完波 去左奧海城附近行下搵飯食。原來奧海城下面而家有好多餐廳，中西日韓咩都有。今晚同波友揀左食川菜，食麻辣出身汗！最衰夜晚落雨，如果唔係住露天位又開揚又可以食煙，唔錯。我地點左個水煮魚。麻辣味好出，夠香 夠麻，辣味好出；魚片好入味，加上底下既薯粉同芽菜等配料，愈辣愈興奮。涼拌萵筍唔係度度都有得食呀，多數火鍋度都會有既配料。好香麻油味，又爽口又清新既開胃小菜，我最愛！尖椒皮蛋呢度既尖椒唔講得笑，辣到噴火 哈哈，不過岩哂我。皮蛋配上麻辣汁，又香又好味，正！食下辣野，飲番兩杯啤酒；同朋友吹吹水 已經成為我地打波後既小樂趣。男人的浪漫！

呢牌胃口麻麻，食得太清淡啦，口啖啖咁，心思思想吃四川野，約左老死奧海城睇戲，看罷齊齊想食辣，揀左呢間。呢間十二味，裝修好靚仔，好田園，入面有個可愛細蚊仔公仔在牆上，加上木桌木枱，好簡約，還月露天座，幾好！口水雞麵來了，雞真的好嫩滑，那麻辣汁，又香又麻又好辣，加上的汁酸酸地，充滿了芫茜、香芹和胡椒的味道，汁醬好好食，吊到D雞鮮味，令人好開胃，麵是幼麵，是做擔擔的那種，好滑好煙韌咁，加埋D麻辣汁一齊食，好食過擔擔麵！友人和我也愛呢個香酥炸肉，外皮有脆漿，炸到好脆好香，入面半肥半瘦，入面好JUICＹ有油香，好辣好麻，送可樂最正！辣子雞真係好辣！！！又好麻！！！但係呢個真係好好味，愛死了炸到好香腰果，Ｄ雞入晒味，食到噴火，重有係Ｄ辣椒干，好香好辣，邊飲可樂邊食，一味雪雪聲咁，好過癮！

地道四川菜，我咁大個仔都未試過，你可能都未試過。呢間店子地方唔大，但值得落場試試。呢度最特別係有一種叫香鍋嘅食品，先揀咗醬料，再揀一啲肉類或者蔬菜類，共五款，每一款另外加錢，揀好咗之後，廚師就會執好材料將佢炒埋一鍋，份量相當大，價錢絕對唔係平，不過現場所見有好多喺內地嚟嘅人都來到呢度食，而且非常熟手喺張單點呢個香鍋，呢度廚房同埋樓面嘅人好多都係講普通話，所以我都相信應該係四川人開嘅地道四川小店。每款菜式份量都唔少，兩個人的話就叫一個鍋就夠，再食下其他菜式。

午餐套餐：麻辣豬手香鍋 58$桂花冰18$1。環境這次我是約1點多進入餐廳，餐廳環境不大，我一個人到此用餐，幸好還有一張空台，令我能夠在室內享用午餐。進入之後，門外也有大約三四個人來到，但是都已經沒位置。就只好到室外氣溫高企的餐桌上用餐。店內衛生不俗，是新簇的裝修，餐具也是潔淨的。若是想有室內位置坐的朋友們，可避過12-1點這個時段，再來吃飯。2。服務這個不詳細點評，服務員態度尚可吧，但不太熱情，要自己揮手才會理你。我入內之後，等了約兩三分鐘，看著其中一個店員，她才意識到要給我餐牌點餐。送餐速度也是迅速的，大概10分鐘左右我的菜就上來了，不會讓人覺得等候得不耐煩。3。食物質素這個我為什麼放在最後一個點評呢？因為1和2只要不算是過於令我扣分的情況，只要尚可我都仍能接受。但是吃飯最重要的便是食物的質素，若一餐飯質素低下，只會帶給客人不愉快的感受。簡單說下吧：辣度中辣但對我來說像微微辣一樣，沒什麼味道。香度較濃（可能因我本來吃開辣）這種辣不麻不辣，是香的佔較多。豬手大約7.8件，份量尺寸很小，沒什麼肉（令我很失望），咬起來也很韌，需要費大力氣才能咬掉。不建議大家點這個，我本身是很喜歡吃豬手的

上周三连续去了午饭和晚饭，周四中午还叫了外卖。中午套餐性价比很高，初次尝试感觉有惊喜，香锅的火候非常好，土豆条脆脆的。晚餐点的酸辣土豆丝炒🉐️很地道，香脆可口。很正宗的川菜！

好耐無黎奧海城～今日表姐坐完月，終於可以同埋媽咪妹妹去探佢。探完bb 就順便係樓下食埋飯先走。The Heritage樓下有好多食肆都好chill好舒服；同樣設有室外座位，我好中意。我地三個都係嗜辣之人，即刻比呢間麻辣小當家既香味吸引左入去。不過果日太太太太熱了，實在好想歎住冷氣食辣野所以無揀到好想坐既室外位。好靚好光鮮既招牌老重慶水煮魚麻辣味香濃誘人！！魚片大塊但嫩滑爽口，口感一流。下面既薯粉係扁而寬果款，加埋芽菜，吸哂麻辣湯底既味道，浸到入哂味，好煙韌彈牙，份外好味乾煸四季豆又一好味之選肉碎炒得非常香，加上四季豆熟度適中，爽口唔太稔，好好味讚～呢杯高屋酸梅汁賣相就好好了，有個靚杯裝住仲要有埋蓋。可惜味道偏甜，飲唔到酸梅湯既味道；不過勝在夠冰夠凍，解渴一流飯後逛左陣奧海城，覺得呢度都幾好住。飲食好選擇，購物又多種類，仲係正地鐵上蓋，真係無得頂～

愈辣愈開胃近排雖然天氣熱,但好想食辣野..同朋友係奧海城行完街後,就上網搵下有咩 “辣店”可以試下,點知就搵到十二味麻辣小當家。有室內同室外坐位選擇,我同朋友選了室內。裡面裝修幾有中國味道..主菜來了,一大碗水煮魚,看到這麼多辣椒好足料呢,岩晒我D "辣妹"！ 幾麻辣好爽～魚片大片同滑,沒有魚骨, 真係好適合我這些怕吐魚骨的人呢。這味香辣脆骨蝦,除了蝦,還有雞軟骨,非常入味脆口,伴飯真是一流。吃辣加上天氣熱有點口乾, 最後叫了杯桂花冰釀, 有些少酒味,頗解渴～

有個朋友好中意食辣，自稱"小辣妹"既佢，帶左我黎呢間鋪頭食。呢到既餐具好有中國特色，幾精緻香炸酥肉有少少辣，朋友仲食到有少少麻，炸得好脆唔係全瘦肉，會有少少肥肉，好甘香呢個口水雞麵都幾辣！我個人好鐘意食麵偏淡，撈埋d口水雞汁岩岩好！口水雞肉質嫩，無咩肥膏，醬汁麻辣，食完條利係會好似比電電咁好過癮！少少辣，口水雞仲辣過佢。如果腰果炒得脆d, 雞粒多d會更好。豆漿既包裝好得意，朋友話幾香豆味，不錯。椰青水唔會太甜，食完口水雞飲番啖都幾爽餐廳上菜速度ok, 環境不錯，侍應說普通話。