十二味 (搵食市集)

营业中

休息中

好耐冇食過酸菜魚啦🐟放工就去大圍十二味🤪第1次來大圍的十二味超多人🥺等左陣先有位新裝修所以店面都乾淨企理👍🏻客人手機自助落單Scan QR code方便快捷~一舉兩得又可以減少員工同食客的接觸🥰酸菜魚分左大同細size, 可選要寬粉/不要寬粉的今次order左細size冇寬粉的(中辣🌶️🌶️🌶️) 🤭超大盤~內附好多芽菜😅酸酸地又夠辣十分惹味😋食辣野當然要叫埋可樂先夠爽啦😄仲有好多不如小炒😁不過太飽食唔落咁多下次來可以再試下其他款小炒/干鍋

好耐無去大圍食野， d 餐廳唔同晒。朋友想食辣野，鄰近大圍火車站有間川菜，即刻入去試試。入到餐廳聞到陣陣既麻辣香味，好吸引咁。我哋點左麻辣香鍋配豬大腸、牛舌、蓮藕腐竹、魷魚。超大碗勁多辣椒，賣相幾好，食落仲好香麻辣味，啱晒我地鍾意重口味嘅人。另外在叫咗招牌水煮牛肉，肉質嫩滑，下面配有芽菜同薯粉，超入味。鍾意食辣嘅朋友一定要試吓。我哋再點左蔥油拌麵同清炒萵筍。蔥油拌麵本身都好香好入味，建議食咗麵先再食主菜，否則麻辣香味會蓋過蔥油味。清炒萵筍都有驚喜，用豬油炒，特別香滑。

大圍最近開左間川菜館，原來已經有好多間分店！坐底之後scan QR code點菜，之後就會有侍應拎張單俾你，登記會員會有折扣添。菜式多元化，除左主打菜酸菜魚、仲有水煮牛肉、口水雞、小龍蝦、麻婆豆腐等。見得隔離枱碟酸菜魚咁大碟，我同個frd驚食唔晒，所以淨係叫左酸菜魚加寬粉。酸菜魚可以揀唔辣、小辣、中辣同大辣，第一次食就試下小辣先。上菜後見到上面舖左好多辣椒，但食落又唔算太辣，加埋花辣，會有麻既感覺，好過癮。D魚切到好大塊，好滑身，酸菜分量好多，食極都食唔完咁，仲有雞髀菇添。不得不提就係寬粉，又滑又彈牙，索晒湯汁夠晒味。鍾意食酸辣既朋友唔好錯過啦！

上網睇吓有咩食，竟然發現大圍開咗十二味，快啲約朋友去試吓先！十二味嘅位置就係搵食市集嘅樓上，地址都方便唔難搵乾煸四季豆 揀咗小辣 入口香辣惹味 唔會成口油麻辣香鍋 揀咗中辣全素 蔬菜配料新鮮爽脆不過略鹹同埋油左啲 食完想飲好多水大大碟三個人食好飽了 酸菜魚 魚片滑溜 不過唔知點解覺得啲魚肉有一陣泥味 揀咗中辣但湯底偏酸 紅糖糍粑 新鮮炸起 熱辣辣脆卜卜 脆皮不會太厚 外脆內軟 紅糖漿唔會好杰 也不愈太甜 同吃感覺甜蜜 吃甜品很喜歡這個感覺 Overall 食物都OK 地方坐得都舒服下次再嚟試其他野食

呢一晚約左朋友食飯，因為食之前book左係大圍睇醫生，所以就順便係大圍食埋飯。等緊睇醫生果陣就一路上網睇下有咩好食，發覺雖然大圍唔係好大，但附近都幾多餐廳，仲要好多都好吸引添！跟住見到呢間十二味，係食酸菜魚既就入左去啦～早一兩年前，有一段時間都成日見人上去深圳吃喝玩樂，最鐘意就係飲喜茶同埋食酸菜魚，我就一直無去，但都想試下酸菜魚，而家開到連香港都有！緊係要試下。我地叫左個酸菜魚加飯，第一次食真係幾驚喜，好鮮，湯底好香，有淡淡鮮魚味，又有麻酸味，好惹味，係令人食上癮既味！魚肉都滑，去左骨，好岩我呢啲懶人食～將啲湯到落去啲飯當湯飯咁食好正。本來都驚食唔飽，但係食下食下好快都已經好飽～每人百零蚊就食到美好嘅一餐。

平時都係食日本嘢同西餐多，好少特登去食中菜，今日男朋友突然心血來潮話好想食酸菜魚，於是我哋就去咗大圍一間叫做十二味嘅酸菜魚餐廳度食啦。十二味分店喺香港都好似好多間，去到邊度都見到，而大圍呢間都好就腳，就係喺火車站行一兩分鐘都到。呢間餐廳樓面都幾大，估唔到閑日嘅夜晚都咁墟冚，食嘢嘅時候講嘢真係幾乎要嗌出嚟對方先聽到🤣呢度叫嘢食可以用手機scan QR code，非常好，疫情期間最唔想就係掂到大家共用嘅Menu。因為兩個人食酸菜魚基本上都好夠飽，所以我哋就淨係帶咗一盤酸菜魚然後加咗兩個白飯，再加飲品。酸菜魚嚟啦！其實我唔係一個會食熟魚嘅人，但係酸菜魚係非常少有地我會食既魚！因為有酸辣嘅湯底已經完全可以遮蓋左我唔鍾意嗰浸熟魚味～而且呢度嘅魚感覺都新鮮，唔會有嗰種魚腥味。而且呢一個辣味嘅程度都啱啱好，唔會泰勒又唔會唔夠啦，超啱我呢種食唔到超麻辣但係又鍾意食少少辣嘅人。初頭其實都有少少驚會唔會唔夠飽，後來見到之後都覺得擔心係多餘嘅，因為魚嘅份量真係好多！呢啲湯底撈埋啲飯嚟食真係正～飲品方面，叫咗款解辣嘅飲品，有芒果梳打，非常配合。滿足的一餐。

黎到呢到大圍，好想一個人食麻辣野，見到呢間十二味食客如雲，真係想立即入去大快朵頤。好彩唔洗排隊，好快都入左去坐，服務亦好好，好有禮貌，一個人都安排左卡位。叫左一份水煮牛肉（小辣）＄148諗住一個人食岩岩好啦，估唔到真係份量多到食唔哂，呢個份量真係差不多2至3人份。 我數過牛肉差不多有30塊以上，超足料，而且麻辣好香又唔會太辣，岩岩好，湯底似乎用左d秘方去調配，食得出有新鮮蒜粒。一句講哂好食。另外因為驚太辣，叫多左個蒜泥青瓜＄38青瓜清爽，蒜粒大大粒好香好清新。

大圍其實真係好少辣野食，十二味係大圍開左一排，次次夜晚排隊都無機會食。今日放假同屋企人食lunch, 12味個lunch set都幾抵食，$48起，飲品加$5起。.我地3個人一人叫一個餐Share , 叫左「田雞麻辣香鍋$58」「酸菜魚$68」「干扁四季豆$48」，以呢個份量來講價錢幾抵食，辣度我哋全部揀左中辣。麻辣夠香同麻，辣味十足。酸菜魚幾正，幾多酸菜墊底，加埋魚片夠滑同厚身。田雞香煱有啲驚訝唔係原煲上，不過配料夠晒多，蓮藕片薯仔片雲耳，吸晒個香鍋汁餸飯岩晒。.Lunch set仲唔使加一幾抵食，好似$200做會員仲有8折，下次唔使點排隊可以再黎🤣

夏天好想食啲酸辣野，開胃啲～約左朋友一齊去十二味食酸辣魚二人枱有啲細 放左酸菜魚就唔係好多位放其他餸，不過好彩咁岩我地食完一樣，佢就再上一樣，時間岩岩好就唔覺無乜位。先上既係酸辣土豆絲，作為前菜叫做唔錯。可能涼拌土豆絲會好食啲🤔？然後上左酸菜魚，淨講酸字真係一流，有酸菜都有酸蘿白，好味！不過啲魚如果係完全冇骨就好啦！最後上既紅糖糍粑,唔係講笑真係正！可以的話想嗌多份😂可能下次單買佢番屋企食都唔錯😂😂

十二味算係我既飯堂！午餐相當抵食，份量又充足！每星期都要食一次，但食黎食去我都係最鍾意佢酸菜魚。我食開唔辣，覺得佢既酸味岩岩好，而且魚肉超夠份量，食極都好似仲有咁，雖然魚肉唔係完全冇骨，我數過食晒成碗都只有５，６條骨，魚肉超嫩滑，厚度唔會一夾就散，又唔會過厚變老，係暫時香港食過最岩我口味既酸菜魚，可以用湯撈晒成碗飯食！青瓜爽脆，酸甜岩岩好，相當開胃降膩朋友叫既家鄉回窩肉，相當惹味，但比起五花肉，我更鍾意食佢既蓮藕，炒到香氣濃郁，又鮮甜爽脆，忍唔住就係咁夾佢Ｄ菜！會有十二味公仔既口罩套比你，相當貼心每個套餐都會附送小菜一小碟，木耳酸辣開胃，又可以食多樣野咁

今日去食酸菜魚，大圍呢間分店好多人呀，可能加上假期前，建議可以捷早訂左位先。同行2個人所以叫左個人見人愛酸菜魚，簡左少辣，仲有得簡中辣同大辣架! 上台既時候係超大盤，魚幾滑，魚有少少骨，如果完全冇骨就好! 我地加左寛粉，入面既窩筍好爽口，好好食。呢間既酸菜係偏酸個款，叫左少辣之後，係酸味比辣味重一D。個湯汁完全係可以撈飯食! 另外，佢都有好多川菜，叫左個酸辣土豆絲，炒到好爽。底部多辣油，要撈下先再食呀，呢款就辣味重D。最後叫左個紅糖糍粑，好煙韌！

今晚用OpenRiceApp訂外賣自取辣子雞$193, 回鍋肉$115，總數308打電話餐廳直接訂外賣辣子雞$148, 回鍋肉$88總數$236, 好似餐廳自取仲有折用App訂比餐廳直接訂貴左$72為什麼貴那麼多，又不需要送餐

嘩十二味又開分店喇，終於開到沙田大圍，夠晒近我，變左我嘅飯堂一如既往，lunch set 好 好 好抵食！重要嘢要講三次！lunch set 好 好 好抵食！lunch set 好 好 好抵食！lunch set 好 好 好抵食！❤️酸菜魚 $68套餐已包左一大碗飯， 飲品，雲耳小食酸菜魚湯底夠濃，酸菜又夠晒多，仲有啖啖無骨嘅超滑魚片，正！！！雖然只係午餐，魚片起碼超過15舊👍🏻配埋萵筍，菇菌類，配菜十足！❤️川香回鍋肉 $68五花肉夠晒香，食完一舊再一舊，晤會太油，夠晒搶口，送飯一流，值得一提嘅，呢到啲飯大大碗，男士們一定夠晒飽！❤️牛肉麻辣香鍋 $58每次黎都必叫，夠晒香。辣。正！牛肉份量多，麻辣香鍋姐係干辣椒🌶️干炒蓮藕，切片薯仔，雲耳，油麥菜，夠晒多料！總括而言，食過好幾間十二味，每間嘅食物質素keep 得好好，而家每間嘅服務都好好，而大圍呢間新店，地方夠大，係正火車站一出就係，夠晒方便，期待十二味再有更多分店👍🏻👍🏻十二味 (搵食市集) (大圍)大圍村南道45-47號搵食市集1樓11號舖

今日朋友生日，話想食辣野😂咁我係附近搵下有無木食嘅川菜餐廳啦，點知俾我發現，十二味竟然有開分店係大圍🤔就即刻帶朋友去食，睇下係咪水准係咪每間都差唔多😎一入鋪頭，已經見到好多人係度😗個個都有一大盆野係枱面，走埋去睇先見到個個都點酸菜魚黎食，份量好大份，所以我地都有點一份黎食🤣另外，我地怕我好食唔曬，所以只係再點多入麻辣口水雞(中辣)，刺激下味蕾，而家諗起都流緊口水😍等左無幾耐，就已經有一盆酸菜魚黎到，份量真係好足，酸菜多，魚更多😎 未食已經聞到好大陣嘅花椒味， 食落啲魚超滑，最緊要係一啲魚骨都無，所以怕骨嘅朋友可以放心叫黎食😀另外，口水雞相當出色啵😮 我地叫左中辣， 辣度啱啱好，亦都唔係油浸咁款🙂份量都叫做十足，比出面街個啲多😀總括而言，今餐叫做相當唔錯，朋友都有讚無彈🤣最驚喜係酸菜魚份量超多，魚無骨😎下次一定帶怕魚嘅細佬黎食，等佢食到魚之餘，又唔洗怕骨😍

我不嬲都係十二味既忠粉😁 因為佢既酸菜魚味道同我北上食既好相似，水準十分高👏今日出左大圍搵朋友食lunch，原來新開左間十二味，我當然唔會放過🤣兩個人叫左個午市套餐既酸菜魚(少辣)，單點左黯然銷魂炒飯(走辣)同埋一個冰粉😋午市好抵食唔駛加一，酸菜魚大大兜👍魚肉勁滑兼無骨而且一啲都唔腥😍配料萵筍爽口，啲菇索晒個湯底好好食！湯底麻酸辣鹹味比例剛剛好🤤黯然銷魂炒飯係第一次試，有好多配料，鮮蝦，肉碎，雞蛋，豆角等等，非常有鑊氣！炒到金黃色粒粒分明，師傅好技術！👏👏冰粉係朋友點既，佢超中意食呢類jelly狀既野食，微甜冰涼，解辣一流👍👍十二味真係永無令我失望😊😍👏