十二味 (搵食市集)

营业中

休息中

今日到大圍呢度新開一間十二味，佢哋午餐套餐好抵，酸菜魚$68鮮嫩爽口，配以泡菜等配菜，口味酸辣可口開胃。川香回鍋肉$68五花肉、藕片、青蒜炒制而成，五花肉吃起來香而不油膩，藕片既脆又辣，呢道開胃下飯。酸豆角炒肉末$48份量十足，鹹鹹辣辣又帶點脆口，同白飯拌在一起，可以多食一碗。呢D菜式都可以揀辣度嘢，套餐都有贈送紙盒檸檬茶，如果要其他飲品加錢，+$8桂花冰釀小小一樽好得意，好濃桂花香，冰冰甜甜可以解辣。

荃灣間十二味成日排長龍，今日出大圍見倒十二味分店唔駛等位一於食佢啦！十二味最出名是酸菜魚，但因為之前食過，今晚想來一點不一樣的，於是點了酸豆角炒肉末、燒椒皮蛋、大盆花菜同白飯。燒椒皮蛋係糖心皮蛋黎，好好味呀，又唔會太辣！酸豆角炒肉末係老公至愛之一，超級大既一盆，可以一半堂食一半外賣拎走😆咸咸酸酸送假一流👍大盆花菜果然又係好大盆，花菜有別於一般餐廳既上湯、蒜蓉、腐乳炒菜，味道更香濃，配料仲有切到超薄一片的肥腩片，食落一啲都唔膩仲好香脆😍未食過既朋友仔一定要試！而家俾$200即享多款會員優惠卷同九折優惠一年其實佢既點選餐單會員優惠點止9折😆

今日在大圍上堂，正在想想lunch 吃什麼的時候，竟然看見十二味，原來大圍也有分店👍🏻而且就在大圍東鐵站對面，超方便！「十二味」大圍分店是樓上店，面積不細，枱與枱之間有很寛的距離！酸菜魚（中辣）跟白飯，雖然少了寛粉但有很多配料如，菇片，萵筍等..魚片份量不少，而且不會太薄有咬感，又夠滑冇骨！湯底濃郁，酸辣適中！香辣牛肉鍋（中辣）份量很足，配菜有蓮藕片，薯仔片和雲耳等，全部夠爽口，而主角牛肉是用上鮮牛，唔會韌又夠入味，送飯一流👻跟餐送紙包維他奶😝

今日唔知點解冇咩胃口，放工之後決定同朋友去食辣野，佢就介紹咗呢間餐廳俾我。呢間十二味都好似幾出名，亦有幾間分店，我地就去咗最近新開冇耐既大圍分店。我同朋友只得兩個人，所以唔係嗌咗好多野食。我地嗌咗燒椒皮蛋，酸菜魚同夫妻肺片；燒椒皮蛋唔算辣，但好有麻香，皮蛋浸住辣汁夠味道，最緊要係個蛋黃係流心，口感唔錯，味道都幾香濃。主角當然就係酸菜魚啦，份量都幾足，魚肉都有幾多下，唔會好似一啲餐廳酸菜多過魚，魚肉肉質嫩滑冇骨，亦有酸菜同粉條，整體味道酸酸辣辣，中間有少少麻香，都算係好正宗既酸菜魚，必食之選。最後我地都嗌埋夫妻肺片試下，味道方面唔算太辣，但係調味幾好幾入味，令到我地好想加個白飯😂飲品方面我地就嗌咗一杯熱情果梳打，酸酸甜甜好醒胃。其實我地仲有好多餸都好想試，可惜實在係太飽，唯有下次再嚟食，呢間既辣野真係值得再試！👍🏻

Quick Review⭐️⭐️十二味辣！！！辣！！！辣！！！同埋辣！！！🔥🔥🔥口水雞非常好食！唔係死辣，雞亦都唔鞋好嫩，最重要係有層次，唔會係個啲就咁煮完雞再加辣汁喺面嘅渣雞🐔。不過其他野就真係麻麻地啦，全餐最期待嘅係辣子雞，一黎到除咗辣椒就真係唔係好見到雞，玩咗陣尋寶遊戲之後食落口淨係覺得辣，而完全冇雞味，亦都唔香口！口水雞重要有得跟餐。總結係口水雞可以一戰，辣子雞就不了。📍大圍村南道45-47號搵食市集1樓11號舖#foodie #hkfoodie #spicy #chilli #food #hungry #review #hk #hongkong

Lunch time時間黎到大圍，同事揀左呢間十二味，位於馬鐵站對面既搵食市集1樓，位置夠哂便利，行馬路就到。午市套餐選擇多，價錢相宜，都幾抵食！酸菜魚四川名菜之一，必試！魚肉嫩滑唔易散，處理得好唔會有腥味，湯底鮮香味美，口感醇厚，飲落酸酸辣辣惹味又開胃。
牛肉麻辣香鍋集麻、香、辣於一身，可以自選辣度，小辣岩岩好～味道相當香濃，牛肉嫩滑入味，配菜種類多，味道層次豐富，夠哂足料～
乾煸四季豆炒得乾身好夠火喉，經爆炒後特別惹味，四季豆口感脆嫩好鮮美，拌飯一流。

自己本身都鍾意食四川菜，呢一間四川菜之前都有食過，發現其實佢嘅午餐係最抵食，特別鍾意食佢嘅尖椒肉沬。餐廳係自助點餐，需要用手機，但係如果操作上有困難嘅話，店員亦都會幫手。我每逢食四川菜，都一定會點尖椒肉沫。午餐有前菜食，前菜係黑木耳，酸酸辣辣。我哋另外亦都叫咗個土豆，佢嘅薯仔係一片片，完全將啲辣汁朔晒，而且我好鍾意佢哋嘅辣椒本身炒得唔係好辣，但係有種好香嘅味道。呢度為返，每人都只係60幾蚊， 60幾蚊食到咁樣嘅午餐，我覺得係好值。

十二味都終於開到嚟大圍啦！之前喺其他區食過，覺得佢川菜嘅質素都好唔錯，相信食過嘅朋友就知道，佢令到大圍有多一個食好西既選擇啦佢嘅位置就係將大圍A出口對開，佢嘅位置非常易去，其實亦都係位於搵食市集嘅樓上，不過由於佢係位於2樓嘅位置，所以一定要行樓梯上去，如果行動不便嘅朋友，可能相對冇咁方便2樓呢個位置都幾闊落，每枱之間都有一定嘅寬度，有部份係卡座位置，雖然裝修普通，但係環境夠曬光猛，地方都幾整潔除咗環境整潔，餐具都唔錯，餐廳有清水提供，如果要落單，就可以自行掃QR code落單，呢個落單模式，都係大勢所趨了掃完QR code之後，落單程式就會自動彈出，每樣菜式都有圖片參考，價錢亦都有表明，如果以川菜來講，佢價錢其實唔算貴，不過如果以整體來講，位於大圍區來講，價錢可能就比較中上首先要推介俾大家嘅有呢個，佢係 焗煸肥腸，如果鍾意食川菜嘅朋友，特別係麻辣嘅菜式，大家一睇就知道呢個肥腸一定係正嘢，因為除咗佢色香味俱全，大量嘅乾辣椒及麻辣，佢豬腸嘅數量亦都非常多而肥腸亦都煮得非常吸引，口感一流，大部份嘅肥腸，外層都係炸到勁脆口，乾身得來，但係亦都有少少肉汁，重點係非常香口，而且份量非常多，絕對令你

十二味係旺角已食過一次❗️最近係屋企附近大圍開左一間。所以再去食 果到既酸菜魚 有幾個size簡 另外重有川菜小炒。等等 除左食酸菜魚重叫左個回鍋肉！💓冷氣夠服務好🥰咁近 可以再去啦👍🏻

又係十二味 無錯我又去喇事原係咁既 佢係大圍新鋪 大圍火車站附近餐廳室內環境比我想像中大而且我見佢午餐價錢正正常常 唔貴一如以往 都係QR cord入單麻婆豆腐套餐$52(小辣)麻婆豆腐放闊邊碟起初我真心似為 乜咁少既 夠唔夠飽嫁然後發現 原來碟夠深 份量都好夠豆腐滑的 辣度適中 當中仲有碎碎肉碎套餐內包有白飯一碗 係一個餸飯好物酸菜魚$68(可選擇辣度)又真係幾大盤 主角當然係魚 白滑冇泥味份量都唔少 酸但又唔係好辣除魚外 仲有酸菜及萵筍紅糖糍粑$488條 新鮮炸好 外脆內軟 內質地好似年糕本身糍粑無乜味道 表面有黃豆粉再沾上黑糖中式甜品亦不會過甜呀 跟餐包飲品 可以加錢轉特飲熱情果梳打大大杯 唔會太酸 亦可以醒醒胃😜滿意

{十二味💙}#kong_girl_foodie出街食#十二味.午市套餐$48起！免加一！.❣️乾煸四季豆 $48 包一碗飯+飲品一人份黎講都算好大！有獲氣！不錯！呢個係全場最平嘅午市套餐！.❣️辣子雞 $128上菜個下見到好大碟！心唸好正！但夾個下先發現辣椒同雞比例係9:1！而且唔夠香口！.📝總結環境都幾中國風！中意深圳feel可以去🤣！食物質素就正正常常啦！.❣️食完俾分時間❣️🌟食物: 7/10🌟環境: 7/10🌟服務: 7/10🌟打卡: 7/10🌟推介: 7/10.📍 十二味大圍村南道45-47號搵食市集1樓11號舖#香港 #香港美食 #美食分享 #香港吃貨 #hkfoodie #hkfood #foodie #hk #food #hongkong #hkig #大圍美食 #大圍

一向都好鍾意食海鮮嘅我，自從知道有麻辣小龍蝦呢樣野之後，真係為之瘋狂，同老公一樣勁鍾意食呢啲嘢，辣同海鮮就係我哋嘅至愛🤩但係我哋都比較細食，樣樣野都好想食，最終我哋叫咗一份細嘅小龍蝦，同埋一份水煮牛肉，小龍蝦我哋加咗刀削麵，點不知水煮牛肉個配料都有薯粉喺裏面😝😝😝講返小龍蝦先，麻辣味唔算太出，我哋已經叫咗中辣，都唔算好辣，但係麻味就一啲都唔夠，不過整體來講味道都算入味，刀削麵沾咗呢啲汁好好味，小龍蝦都已經算係大隻，至起碼蟹鉗都有肉，數量都剛剛好二人份量，至於水煮牛肉份量比較多，平時出邊嘅水煮野係配料同辣椒比較多，但係佢反而相反，係牛肉比較多，再加埋薯粉，真係好飽，佢仲有少少芽菜配料，牛肉都好滑，大大嚿啖啖肉，呢個我哋嗌左小辣同埋中麻，麻味好夠重，辣味剛剛好👍🏻👍🏻👍🏻相信送飯係一流，飲品叫左杯百香果，唔會好甜，大大杯又有少少解辣，不錯不錯👍🏻

👧🏻Wodafoodie in Tai Wai曾經有段時間每個星期大家都北上食酸菜魚/燒烤/麵包，但其實香港都食到酸菜魚！水準仲要唔差！我每次都食呢間🤤✨ 人見人愛酸菜魚+粉條 $266可以揀唔同辣度或唔辣，岩曬d又想試下但又食唔到辣既人。我揀左小辣，🐟魚肉好嫩滑又無骨😍粉條軟硬度適中，配埋酸菜同個湯一齊食真係好惹味呀～～☺️兩個人如果唔係好肚餓，其實叫一個正常份量酸菜魚+粉條都好夠飽👍🏻大食既朋友仲可以叫埋佢個黯然銷魂炒飯同紅糖糍粑，勁好食！😋好開心大圍都開左分店，以後唔洗特登出九龍食啦😙📍 十二味 (搵食市集) (大圍)大圍村南道45-47號搵食市集1樓11號舖

十二味的川菜好食就係人都知㗎啦，不過佢啲分店主要都係喺港島同九龍，新界人就好慘。終於，喺大圍開咗分店啦，正呀喂呢間分店係樓上舖，地下有個細細嘅門口，再行上去餐廳都幾大，擺咗好多張枱，坐滿咁濟嘢食方面同其他分店一樣水煮牛肉$148:超級大碟，香辣麻味有齊晒，仲要有勁多配菜，豆芽、青瓜同寬粉，而且牛肉都好嫩，份量亦都好多武隆尖椒雞$98好香的花椒味道，但雞唔算辣，配菜蓮藕好好味，好甜好脆口兩個人食到抱住肚食，人均150$

好想食辣見到有間四川麻辣新開次次行過都陣陣香辣味決定去試試伏🌯🍖🍱🧆🍳菜式🌮🍙🥗🍕🍔（5🌕滿分）1. 炒萵筍 🌕🌕大大碟 清炒咁味道清甜 配辣野一流2.辣子雞 🌘辣椒係多呀但係又唔夠咸 又唔夠辣雞肉可以多d3.酸菜魚🌕佢真係用新鮮魚肉既去皮去骨都做得幾好幾好食❤️更多試伏實錄💛真心分享唔做假💚