影片
营业时间
今日营业
11:30 - 22:00
星期一至五
11:00 - 16:00
17:00 - 22:00
星期六至日
11:00 - 22:00
公众假期
11:30 - 22:00
以上资料只供参考，请与餐厅确认详情
有关奖赏计划
👌🏼酸菜魚 魚片嫩滑，湯底酸辣恰當，正正常常大路水平，唔會話唔好味，但層次稍嫌單調左d。😋牛肉麻辣香鍋 牛肉有孜然香味，質地係炒餸嗰種牛肉。除咗牛肉，仲有有薯仔條、雲耳、蓮藕片，炒得幾有孜然香味，惹味又唔會太油。嗌咗小辣，一開始食覺得剛剛好，不過越食越辣，食到最後就會覺得啲變左中辣🥵。😋口水雞麻辣醬惹味帶少少甜味。雞件唔算特別滑，但係都正正常常。符合預期嘅味道。午餐$78起，有雲耳又有飲品。抵食。環境：★★★★☆ 食物： ★★★☆☆ 性價比：★★★★☆ 推介度： ★★★☆☆
继续阅读
係附近返工，由十二味仲係樓下小店開始幫襯。幾年間佢搬鋪，可惜貴咗又細份咗，重要換左班姐姐態度極差，特別係收銀+帶位個個女仔，黑口黑面亦完全冇諗住要解決入座問題。幾個月前一行5人，3位同事先去拎位，去到被告知繁忙時間齊人先準入。都理解佢地生意好，但一眼望入去，幾張枱都係1個人霸緊4-6個位。我哋忍唔住問門口收銀「點解有啲人又入得？」，亦嘗試同佢講我地可以坐一張4人枱就夠，但門口姐姐扮聽唔到，完全無打算再理會我地。而之後有再幫襯過，又變成唔洗齊人都入得。今日再次一行9人，4位同事先去攞位。當時入面共有一張6人卡位，兩張4人枱，但兩張4枱中間有一枱食客用餐中。門口姐姐只offer我地分開坐，我地嘗試同佢溝通，希望可以先坐四人枱，等中間張枱食完再坐返埋一齊，姐姐聽完就行開唔理我地…再次入內嘗試溝通，睇下可唔可以問下中間張枱願唔願意移過一枱，姐姐只係機械性重複「繁忙時間齊人先可以入」「繁忙時間用餐時間係90分鐘」，然後再次行開。生意好少一兩張枱既客都唔覺。但帶位同事完全唔helpful，全程黑口黑面唔想理，同同事決定咗以後都唔會要去！
继续阅读
由三期嘅細舖轉到嚟二期嘅大鋪十二味嘅菜式豐富，今次試嘅經典香辣鍋、飄香無血王、黯然銷魂炒飯、老面小籠包同川式口水雞都各有特色。經典香辣鍋：湯底香辣濃厚，配料新鮮豐富，適合愛辣嘅食客。唔過有啲調味稍嫌濃厚，建議可以更平衡啲。飄香無血王：呢碟菜色色澤誘人，口感爽脆，香氣四溢，非常開胃。不過有啲料理可以更入味啲，增加層次感。黯然銷魂炒飯：炒飯粒粒分明，香氣撲鼻，鮮味十足。不過炒飯稍嫌油膩，希望可以更清爽啲。老面小籠包：小籠包皮薄湯汁多，餡料鮮美，一口咬落去湯汁四溢，美味可口。川式口水雞：口水雞醬汁香辣鮮美，雞肉爽嫩多汁，正宗地道。
继续阅读
🤍午餐平價之選 超惹味川菜🤍十二味係我香港最鍾意嘅川菜 因為晚市好貴 所以特登黎食午餐 真係性價比幾高🤤🤤<川香回鍋肉 🥘> 💲68有包一支飲品 豬肉嘅肥瘦適中 蓮藕都好脆好好食🤤 叫左中辣 都唔會好辣 調味好餸飯 不知不覺就會食完成碗飯🥰<牛肉麻辣香鍋 🌶️>💲71 都係包一支飲品 呢個我嗌咗小辣 牛肉份量好多 薯仔沾滿香料 好惹味🤤 我個人非常鍾意香鍋 不過夜晚超級貴🥲 所以午餐食真係非常抵🥰📍十二味香港各區
继续阅读
今個五一假期同男朋友去左奧海城行街睇戲，之後我地揀左一間都好有特色既川菜餐廳「十二味」，有勁多分店，每次經過都見到大排長龍。今次我地排左一陣，終於入到去喇，入面環境都唔錯，坐得舒服，服務員好有禮貌。由於我同男朋友都怕辣，但又想食川菜，於是我地叫左一涼拌土豆絲，同埋一個秘製醬香鍋，分別叫左肥牛，豬頸肉，五花腩，蓮藕片同埋鮮腐竹。土豆絲好爽口，充滿蒜香味，有微微既酸味，愈食愈開胃🤤而且涼拌有好清新既感覺。等左無幾耐就到我地最期待既香鍋上菜喇～秘製醬香鍋，香味四溢，令到我地流晒口水🤤，食慾大振，而且仲好大份，有小量芫荽，洋蔥，而且啲配菜好入味，配白飯十分好。其實佢哋仲有酸菜魚，同埋其他川式既野食，隔籬枱上菜嘅時候都聞到好香嘅味道，不過我哋都好細食，所以冇叫到咁多菜。最後我地兩個都食到勁飽，好滿足😌
继续阅读