十二味 (將軍澳中心)

营业中

休息中

我哋叫咗份經典香辣鍋🌶️🌶️🌶️(中辣少鹽少油)我認為中辣係最好🌟唔會辣到食唔到本身食物原味道😋呢份鍋係至少要order 5樣餸的🖐🏻田雞(最正)👍鮮蝦鹵水肥腸(好大碌)嫩牛肉蓮藕片(必叫)我哋兩個人食👫其實一份香辣鍋都好夠！已經好飽😆但係又好想試吓個黑豆花水煮魚$138所以都叫咗份水煮魚魚份量唔多，但黑豆花好驚喜同個水煮湯好夾下次要加埋薯粉，一定仲正！埋單後，侍應俾咗兩位薄荷糖俾我哋

叫香鍋叫左5個送黎到得4個送。同外賣平台反映，要求退番一個送既錢，佢話店家已出餐所以唔退款。佢唔出餐我點知佢會送少一個送，店家推卸責任，服務極差，野食味道又唔係特別好，無下次。

收工後不知道吃什麼，叫了外賣，這個永遠都不會讓人失望的晚餐。叫了肥腸，萵筍，蓮藕，還有豬頸肉。豬頸肉真係何其多。每一樣都食得很滋味！而且非常大份量！一個人吃到很爽

叫咗一碗外賣酸菜魚，食完覺得個胃好唔舒服，肚好脹，因為佢碗野啲勁油膩，又難消化。嗰啲魚肉有浸腥味，一咬就碎開，成碗嘢都係黃色嘅油，得個辣字同埋好鹹。個胃keep住好痛，同埋好肚脹，超唔舒服，辣到喉嚨都痛，死頂咗一個鐘之後，就忍唔住嘔晒出嚟。全部都係油同酸菜，原來全部都消化唔到。同埋真係好油好油，過咗一個鐘之後都係成碗油嘔返出嚟😖。抖左陣，再變成肚痾。屙油同埋好肚痛。我懷疑呢間餐廳非常之唔乾淨，而且啲材料都係劣質地溝油，所以人體消化唔到，一食嘅話就會屙嘔返晒出嚟。結果，全日就係咁樣又屙又嘔又頭暈，個胃又痛。真係好後悔叫咗呢間野！真係驚影響健康。奉勸大家唔好幫襯，勿用生命作賭注。

7點半入座 8點3都未有嘢食😅玩嘢嗎 同一時間嗌入座嘅已經食嘢未食先成肚氣😅😅再後面入黎果檯三個字酸菜魚同一大兜嘢都上齊曬不過有一說一啲嘢食都幾好食份量都大兜 但入到去等一個鐘先食得就真係過份啲

現場口外賣，等咗30分鐘都貨比。重點係，叫其他平台外賣重快。食屎。要等，重要你三叫，四叫都無人理你，你講要唔要去依度食。炒個香香煱都不知所謂，決定不會再食依間，垃圾。

之前去觀塘分店，觀塘店服務員姐姐態度有禮又親切，朋友未到齊都叫我入坐先，慢慢等，給我的印象很好！今次去將軍澳店，之前也和朋友幫襯過一次，估唔到今次的服務員態度令人氣憤。去到是下午茶時段，大約得1/4的枱有顧客，我同店員話想坐近門口位置的枱，店員態度敷衍點我同其他人搭枱。我心諗你又有咁多空位，咁我再次要求問店員並指住我想坐嘅位置，結果店員比個黑面我，並命令式的態度指住要我坐搭枱位置，最後我立即走人。我來幫襯，並無欠你錢！呢D服務員害死公司，害死香港，希望貴店高層老闆可以審視員工！

［130］用家自費分享！Walk in唔使等，約一成滿得三台客。0️⃣CP值，❌️❌️❌️建議大家不要去！2024/3/12/星期二/11:40，平日午膳時段，因係會員，經常幫襯十二味各分店，知道晏小小就會多人，所以今日早小小去，將軍澳分店第一次試，店舖都算易揾，裝修正正常常。我們是大約第4台入座，好快自助QR code落單，轉頭就送上飲品小食，但上菜安排就超級混亂，好耐好耐都未上菜，眼見後來嘅客都食緊了(酸菜魚)，向啲服務員亞姐追單，敷敷衍衍話同你跟進，又過咗好耐未上菜，當時全舖已滿座，大部分客人都食緊了，我再追多次單，又隔了很久，見有酸菜魚出來，以為是我們的，竟然比左剛入座的客，嬲到起身走！垃圾級安排，服務員個個企係度，敷衍了事，沒有實際同你跟進。❌️❌️❌️建議大家不要去

麻辣川菜之前都試過不少，我想除咗影水芙蓉之外，將軍澳中心呢一間十二味啲出品都算唔錯， 今晚特登西貢走過來，再次識佢嘅口水雞和水煮牛。 還有叫咗個四季豆小辣， 味道適中，正常可以。 另外就是水煮牛， 湯底麻辣野味，牛肉嫩口，份量也算多，再加埋底下的番薯粉，都係百幾蚊，已經很抵食。 最後介紹返佢嘅口水雞，事先聲明佢份量不多，是小食，我們通常叫兩份，因為啲雞肉又滑又彈口，再配埋啲口水雞醬汁，簡直天衣無縫，令人回味無窮！ 呢啲小店真係要繼續支持，唔好俾佢關門！

六日晚飯繁忙時段好多人等位，都要等成半個鐘先入得。見唔多人叫酸菜魚，普遍都係叫乾鍋。土豪版酸菜魚 $328★★★★☆湯底夠濃郁，但係偏向油膩，食完係會有口渴。魚片份量都幾多，食極都有，魚片基本上冇骨幾嫩滑，但食落唔算特別新鮮。配料幾足，酸菜夠味，但湯底會越食越酸，而一啲比較易入味嘅例如萵筍會好酸辣後期。三個人食都完全夠食，仲加上有闊薯粉、金針菇、蘿白之類，整體呢個份量係夠食。涼拌土豆絲 $43★★★★☆土豆粗幼剛好入味，食落夠哂爽脆，有D蒜蓉加酸辣味啱啱好。雖然唔係特別難整嘅菜式，但酸酸辣辣勁開胃，食酸菜魚覺油膩，整番一兩啖一流。🌶乾煸四季豆 $68★★★☆☆呢個正常發揮，同一般出面食到嘅味道一樣。四季豆保持爽脆唔會太淋，連埋啲肉碎幾開惹味好餸飯，餸酒都一流。川式口水雞 $68 ★★★☆☆口水雞個醬汁幾出色，餸飯一流。雞肉都一般啦，唔係特別嫩滑，雞胸位都係鞋乾，都係個醬汁搭救。加上佢應該係整定一份份，個雞雪左一段時間，雞肉口感唔係話咁好。🌟總括：酸菜魚份量多幾抵食，但偏向油左少少，落單個陣可以問下可唔可以少油。其他小菜普通正常，睇自己鍾意食邊款叫。

真係成肚氣，今日嗌咗外賣自取去到鋪頭話冇，個阿姐仲寸貢貢話可以宜家落嘅但起碼要等三個字，雖然佢口音係譚仔阿姐feel不過態度仲衰過人地唉。。。點解今時今日香港飲食業搞成咁

4點45分入座前已同職員講 5點後係咪有6折，因為冇book到OpenRice ，職員正面回答5點後係有6折的！仲講話下次記得book返今次唔洗 ，到左5點02分叫野食，食完埋單，阿姐唔認帳話冇6折要正價收費因為冇book枱 ，夾硬拎左張信用卡碌左！未搞清楚張單就碌卡 ？完全誤導消費者，口頭承諾已有法律效力，本人保留向海關及消委會投訴的權利！投訴完仲偏幫職員..話已經講左冇book位冇折 但我地2個人4隻耳明明聽到話有折…跟本垃圾以後唔會再幫襯！

第一次食呢間餐廳，食物方面雖然份量算大，但味道方面就麻麻，而且非常之油。叫了午市套餐酸菜魚，味道很酸，而且非常油膩。撇除食物他們的餐牌也有古怪的地方，我二人去食，叫了一個午餐酸菜魚，另外嗌咗一個牛肉麻辣香鍋，都是套餐，跟白飯及飲品。之後因為想試口水雞，就單點了一個口水雞成為$73 ，但嚟到嘅份量跟午餐的口水雞套餐相同，一問之下那位服務員竟然說，你雞的份量是跟午餐的相同，但你單點丫嘛，不會有飲品及白飯的，但單點價錢是$73喎，套餐反而是$ 53喎，這真是令人費解！就算唔係因為食物油膩同一般，咁嘅態度真係冇下次。

難怪香港人不想在香港餐廳消費，因為除左味道之外，服務也很重要，本人經常幫襯你們12味，因為味到可以價錢適中，但我相信以後都不會再去了。事緣昨天9月17號星期日，下午16:15，我們一行四人到達你們將軍澳中心店（B1樓B15店），（你們可翻看當日這時段的閉路電視），我經常吃你們的午餐，所以知道你們午餐直至下午16:30，但為免自己弄錯，所以在門口櫃枱再詢問你們的女店員一次，當時門口櫃枱有一女職員回答説…16:30己經沒有了，當時我回應說…現在衹是16:15而已，她便不耐煩再說…快啲入嚟坐啦、唔係冇得食架喇，她這種態度和語氣使一般人都會感覺不友善，一個不知所謂的服務員令貴餐廳損失了一單4人的生意（消費不多，可能祇是200-300元左右），也不知道是否貴餐廳有此政策，叫服務員對待吃即將截單的午餐客人，可以如此不禮貌和不尊重呢？香港的餐飲業競爭大，不要讓一粒老鼠屎搞壞一鍋粥，寫這段文字不是要你們改進，衹是吐出自己的悶氣而已。香港人個個都知餐廳請人難，這粒老鼠屎不打東家可以打西家，倒霉的就是餐廳老闆，很多餐廳倒閉後，餐廳老闆也不知道是什麼原因，有時真的替餐廳老闆不值呢！

由於冷氣太凍想換個位置都黑面，收銀姐姐態度十分惡劣，究竟乜事，自己就著曬長袖衫，客人覺得凍就俾面色，我係來幫襯架，唔係來受氣，就算啲嘢再好食都唔會再來幫襯，冇下次，失望