十二味 (赫德道)

营业中

休息中

作為一個川菜愛好者，十二味係我成日都會食嘅餐廳🥰不過多數去都係食水煮/酸菜魚/麻辣香鍋。今次同朋友食完飯唔夠飽🤣就去十二味叫咗外賣翻去再食過麻辣小龍蝦（小份） $188雖然話係細份，但份量都好多，有滿滿一大盒！小龍蝦好易剝，肉質爽彈新鮮，好入味。我地叫咗小辣，覺得啱啱好，勁惹味😋除咗小龍蝦之外仲有唔少青瓜🥒，同樣好入味。好啱送酒😍爆辣跳跳蛙 $89一打開覺得同想像中好唔同，蛙切到超級細，再配上大量蒜薹去炒。呢道同樣叫嘅係小辣但會再辣d，入口同樣好惹味，又係一道下酒菜😬嵊州老麵小籠包（6只） $29估唔到十二味依家連小籠包都有！而且價錢好抵，除返開一隻都唔使$5😮不過留意返佢唔係上海嗰隻小籠包，而係老麵小籠包，似係平時食嘅篜包嘅迷你版，點醋食都唔錯

每隔一段時間就會好像食酸菜魚同乾鍋😋呢間完全係我每2星期就會食一次。周圍都有分店~又好食又方便無論Lunch定 Dinner 都勁大份！！！※人見人愛酸菜魚(必食！）魚肉唔腥又嫩又無骨🐟酸菜、配菜俾得勁多，大滿足٩(˃̶͈̀௰˂̶͈́)و個湯又勁好飲，次次都要跟飯😂一啖湯一啖飯加魚加酸菜。真心必必必食！※黯然銷魂炒飯炒完出黎飯粒粒分明，唔會勁濕！勁有鑊氣勁香，份量又多又多配料（切到勁細粒）※酸辣土豆絲又係川菜必點餸！炒得啱啱好又唔會太淋又唔會太爽ʕ •ᴥ•ʔ食呢個餸最驚就炒到好油🥲呢到完全唔會，調味又啱啱好！※Q彈魷魚須+Juicy杏鮑菇果然餸如其名😂魷魚須真係好Q彈、杏鮑菇真係好Juicy。勁香孜然味同辣粉🤤又方便入口唔似平時大大串咬到成面都係油同粉！

當日去食十二味呢間川菜，真係非常出色！首先係酸菜魚，酸辣清爽，魚肉鮮嫩，湯汁入口即化，帶嚐鮮甜。接著食咗麻辣土豆絲，辣中帶甜，土豆絲軟綿可口，辣味與香料交融，令人回味無窮。黃喉螺片香辣多汁，咬下去爽脆彈牙，帶點海鮮鮮味，絕對是送飯神器。辣炒雞片鮮嫩多汁，辣味十足，入口鮮香滑嫩，辣而不燥。最後小籠包，皮薄餡多，湯汁鮮美，口感煙韌，充滿肉汁香氣，每一口都是滿滿的幸福感。整體而言，呢間川菜餐廳的味道鮮美風味獨特，每一道菜都帶有豐富的層次感，而且辣度有多個level選擇，每道菜嘅辣味都有啲唔同～喜歡食辣嘅朋友記得嚟試喔！

小份麻辣小龍蝦🦞 $188麻辣味好十足，好地道，食到停唔到口😋😋。麻辣汁超好食🤩🤩，D汁加飯一起吃，係將味道再提升多一級📈。所以食完之後記得唔好叫佢拎走。用埋個汁點綴其他食物。👍👍呢度有一個🔊買三送一的優惠，喜歡食小龍蝦的朋友就記得唔好錯過拉。黯然銷魂炒飯 🍚$78呢個炒飯有鑊氣，調味剛剛好，我哋選咗唔辣。配料都有好多，有紅蘿蔔🥕、豆🫛、紫洋蔥🧅、雞蛋🥚、欖菜🥬、肉碎🐷和蝦肉🦐，全部配料都切得好好細粒，同飯粒差唔多大細，食落口，味道都好平均，唔會有啲咩味搶咗出嚟。😋😋熱情果梳打 🍹$29冰凍清甜🧊，酸酸地，解辣最好。👍👍👍

同frd黎十二味，連鎖餐廳，之前食過幾次質素穩定。酸菜魚配寬粉酸菜魚嘅湯底微微酸辣，魚肉滑嫩。配埋寬粉，吸滿湯汁，口感一流。酸酸地都好開胃。嵊州老麵小籠包6只以為係上海小籠包，後來先知係肉包。27蚊有6個超抵食啊。Q彈魷魚須10串魷魚須烤得剛好，外脆內嫩，口感彈牙。調味唔算重，可以食到魷魚本身嘅鮮甜，非常惹味。涼拌土豆絲涼拌土豆絲挺爽口，帶有少許酸辣，十分醒胃。土豆絲切得均勻，保持咗爽脆嘅口感，唔會過軟。紅油雞片紅油雞片帶有濃郁嘅麻辣香氣，雞肉嫩滑，香味十足。紅油香而不辣，底下好多青瓜，雞肉都好多。泡椒黃喉脆螺片呢道菜用泡椒調味，帶出鮮辣嘅味道，黃喉同脆螺片都非常爽脆。香辣開胃。食咁多埋單都係6百幾蚊，超級抵食。而且服務無錯，幾好坐。

今日發現到一間尖沙咀同朋友傾偈食飯嘅好地方。就正正喺K11後面嗰條街，見到地舖有好多紅色燈籠嘅就係！餐廳範圍好大，所以都應該容易搵位。而且食飯都冇限時，同埋枱同埋枱之間距離都幾遠。非常之適合傾偈同埋敘舊食飯！整體嚟講餐廳都唔算太貴，尖沙咀晚市嚟講，60幾蚊有個小菜。同啲朋友叫白飯就可以一路傾偈一度食。當中特別推薦，大家一定要食酸菜魚。勁大碗，非常足料。材料方面有：酸菜、魚、勁多寬粉、萵筍、芽菜、桂花葉。揀咗唔辣嘅味道，咁就可以同食唔到辣嘅朋友一齊食！小龍蝦就叫咗小辣，佢香辣並且惹味。食完一隻雖然嘴唇有啲麻痹嘅感覺，但係依然都會忍唔住再食多一隻！

外賣一個飯要70蚊已經算好貴仲要係得幾舊菜花 而且不是熱的嚴重懷疑是客人吃剩然後給我的 豬肉也是亂七八糟一舊嘢上次嗌左雞翼餐 比做田雞絕無下次👎👎👎👎👎又沒有肉 竟然可以收到70蚊 不如三送飯 都有好多肉啦味道又唔係特別同埋出色🤮

十二味的川菜一向以味道出色著稱。我特別喜歡他們的口水雞，這道菜味道濃厚，辣味十足，又帶有甜味。底下放了許多青瓜作為配菜，這些青瓜又酸又甜，再加上一些辣油，搭配飯食，味道相當搭配。另外，他們的辣椒油實在太誘人，讓我忍不住也買了一瓶。對於不愛辣的人來說，他們的蔥油拌麵也相當美味。再加上一份鄉村小炒肉，簡單卻美味。這樣的搭配對不喜歡辣味的食客來說絕對是一大享受。最近，他們還推出了一道新菜，小蘇肉，價格在三十多元左右，份量十分足夠。絕對是物超所值。

人見人愛酸菜魚份量好足夠！酸辣味一流，微辣而不膩 ，幾開胃!酸菜同其他配料，例如萵筍、香菇、酸菜都好豐富！酸菜魚食落口非常嫩滑，完全無雪味，口感爽滑！配埋白飯一齊食，一啖飯一啖魚一啖湯，飽肚又好滿足，熱情果蘇打飲落口好香又好清爽，真係爽！而且仲大大杯，好抵飲！好少餐廳，呢個價錢有咁大杯嘢飲啦！配埋食酸菜魚嗰陣飲，好解渴！餐廳舒適寬敞，坐得幾舒服！呢間係一間幾好味嘅川菜餐廳！！！會再黎幫襯呀餐廳店員服務態度好友善

間唔中都會想食下辣嘢，如果咁啱附近有十二味，多數都會去～人見人愛酸菜魚（$248)加寬粉($28)🌶️🐟佢另外都有比較大份嘅版本俾3-4個人share🙆🏻‍♀️就算係正常size，魚嘅份量都好多，魚肉滑嫩。我哋嗌咗中辣，湯汁好香嘅蒜同花椒味，飲落都唔會話好油膩，麻酸辣嘅味道都配合得好好。配料都有萵筍、菇，樣樣都吸滿酸菜湯汁，而寬粉都好煙韌！川式口水雞($73)雞肉偏瘦，而且都多骨，份量正常。口水汁夠辣夠麻，但有少少蓋過雞嘅味道，但都可以接受😊蔥油拌麵($38)上到枱聞到蔥油嘅味道好香，但食落唔係好夠味同有少少乾，有少少失望。食到一半要用口水雞汁撈🙈自己好怕食到太淋嘅麵，呢個麵嘅口感係我鍾意嘅😙男朋友話十二味嘅lunch set抵食好多，價錢會平好多~下次可以考慮lunch嚟食😋

唔想返大陸但又想食麻辣小龍蝦,「十二味」幫到我,我好似去左四川咁。小龍蝦完美吸收左香料既味道,所以我食到豐富既香辣味。聽聞小龍蝦含有豐富既蛋白質,所以好有營養價值。一個人食左咁多隻,真心滿足。另外叫左一籠包,細細件,自家製既肉包,帶點辣,味道幾特別。最後叫左杯熱情果梳打,唔太甜,岩我口味,大大杯,好飲又清新。唔洗300蚊就食到咁多野,真係好抵食。同埋呢度仲有ktv,聽住歌食野,好有feel.呢度環境唔錯!

今晚與太太去到位於尖沙咀赫德道的「十二味」吃晚飯。這餐廳帶著古典中國風格的裝修設計，讓人仿佛置身於古代宮殿之中，燈光柔和，我們坐在卡位上，座位寬闊舒適，讓人倍感舒適愉悅。 除了美味的食物和優美的環境外，服務人員亦招呼周到，殷勤服侍，而且上載速度非常快，讓我們感受到賓至如歸。 首先，我們點算了這裡的招牌菜，人見人愛酸菜魚加寬粉必定是魚，這道菜份量非常充足，魚肉鮮嫩，搭配了特製的酸菜，酸酸辣辣，非常開胃，伴隨米飯或蔥油拌麵去吃，實在一絕。另外，惹味跳跳蛙亦是一道不錯的小食，色香味俱全，田雞肉及韭菜花配料新鮮，炒得香辣惹味。我們喜歡。酸辣無骨鳳爪酸辣到恰到好處。大盆花菜炒得好有鑊氣，椰菜花鮮嫩入味，非常吸引。 飲品我們則選擇了熱情果蘇打，清新怡人，是用餐時的最佳搭配。 總而言之，尖沙咀赫德道上的「十二味」絕對是一個非常值得一試的餐廳，下次定會再來。

近年港人經常北上搵好野食，其實香港本地都已經有，要諗川菜，一定唔少得十二味，啱晒一班鐘意食辣既朋友仔🤩。今次揀左尖沙咀分店，樓梯上一樓，店面大位置多，而且唔會有好逼既感覺😌。  聽朋友介紹，力推香鍋，黎到點都要試試！呢個係用香鍋做基底，然後再自己揀唔同配料，配料最少要由5款食材組成。肉食揀左田雞，之後再配上牛百葉，蓮藕片，金針菇同娃娃菜，再加上寬粉打底😎香鍋既辣味同香料味滲晒入蔬菜入面，用黎用飯一流！  食完重味野，真係要叫野飲，選擇唔算多，但勝在大杯抵飲，CP值搭夠。叫左熱情果梳打同芒果梳打，飯後清爽解渴👍🏻。  整體黎講都算幾滿意，調味方面係可以輕手番啲，唔想北上又想食川菜，揀十二味實冇死，真心要試試個香鍋😌。  

見十二味係我平時既飯堂就俾個正評佢啦我平時lunch幫襯多，因為lunch真係仲平而家又開到成香港都係分店，建議自取可能仲平又大大份，d豆呢真係食極都仲有 大滿足呢間分店，真係勁多人呀今日食夜市，所以叫左d平時無食到既野炸串套餐呢幾串邪惡既野…好好食只係食完要返屋面壁蔥油拌麵欣賞佢既麵質有d咬口，完全係合我口味撈飯一流，完全食唔停魚肉嫩滑，撈汁又開胃豆…最鍾意就係佢大大碟但價錢係好抵食！飯都送到三碗裝修算係咁啦，一望就知大陸野，唔洗返大陸食

呢間已經成為咗我嘅家常便飯食堂好耐每一款川菜都超級惹味🤤🥢呢度嘅酸菜魚係必點嘅菜式超嫩滑嘅魚片湯底又辣又酸又麻本人覺得係數一數二嘅好食👍🏻入邊仲有好多唔同嘅配菜包括金菇、萵筍鍾意寬粉嘅仲可以加錢加埋 索埋啲湯汁一齊食真係一流😍食十碗飯都冇問題😆🥢另外試咗佢哋嘅招牌香鍋選擇五款菜起我地揀左金錢肚、牛肉、雞翼、田雞同肥腸所有食材用佢哋招牌嘅辣醬炒埋一齊 香氣同鑊氣都十足！佢哋入邊仲有本身嘅配菜蓮藕、土豆、芽菜等等又係一個超好餸飯嘅菜式喺OpenRice或者網上訂座平台book枱會有折扣添🫶🏻-推薦指數: 🌟🌟🌟🌟🌟/ 5 (教分‼️)鍾意食川菜嘅一定要試吓👍🏻-📍十二味 (赫德道) (尖沙咀)🔎尖沙咀赫德道1-3A號利威商業大廈地下6號舖及1樓(西環、旺角、荃灣、尖沙咀、青衣、荔枝角、大圍、大角咀、黃大仙、土瓜灣、九龍城、沙田、中環、元朗、銅鑼灣、北角、觀塘、香港仔、屯門、筲箕灣、將軍澳，都有分店‼️)