十二味 (D2 Place TWO)

营业中

休息中

近排開始天氣凍，就想食返啲川菜暖吓個身。行過D2 Place就比我發現呢間十二味。之前喺其他地區都有見過呢一間嘅分店，但係一直都遲遲未有入去試。今次見天氣凍就一於試吓佢。今次我就因為方便關係就買咗外賣帶返屋企食。我就嗌咗水煮牛肉、嵊州老面小籠包同埋花生宮保雞丁。先講水煮牛肉，份量好大，味道辣得來，帶有少少麻、仲有少少後勁。聞落去都好香，帶點花椒味。牛肉份量都多，牛肉質地有咬口，唔會過分軟腍腍。除咗牛肉之外入邊仲有其他配菜，例如青瓜、生菜同埋寬粉。寬粉好煙靭，值得一讚。撈麵小籠包就有啲驚喜，佢同我哋平時食開嘅小籠包係唔一樣嘅，唔會係皮薄嗰種，而係佢哋係好似包咁樣，有少少似生煎包，包睇做得好好，好煙靭，亦都帶有麵粉香，而內餡係豬肉，但係仍然充滿着肉汁好Juicy，唔會食落好乾。而最後就係花生宮保雞丁，炒得好有鑊氣雞肉唔會好乾柴保持到口感，加埋花生同埋腰果，食落好香口好惹味。呢一碟餸攞嚟配酒一流。整體嚟講，我覺得食物質素好好，絕對帶出川美嗰種香、麻、辣嘅感覺。有機會一定會試吓堂食，試多啲佢其他川菜款式。

今天在荔枝角的十二味點了幾道外賣，真是讓人驚喜連連的川菜館！🍜🔥🌿 **蔥油拌麵**：這道菜的麵條如絲般滑嫩，炒得非常香，蔥花香氣四溢，讓人垂涎三尺。每一口都能感受到那濃濃的蔥香，簡直是味蕾的饗宴！😋🧄🥩 **水煮牛肉**：可以選擇小辣、中辣、大辣，我選了中辣，辣度剛剛好！牛肉片嫩滑入味，鮮紅的湯底讓人欲罷不能，辣得酣暢淋漓，卻又停不下筷子，這就是川菜的魅力！🌶️🔥🥟 **老麵小籠包**：六只小籠包，個個飽滿多汁，輕輕一咬，鮮美的肉汁在口中爆開，令人回味無窮。😋🥢🥓 **川香回鍋肉**：這道菜色澤誘人，回鍋肉片肥而不膩，香氣撲鼻。搭配上青蔥和紅辣椒，味道層次豐富，是一道經典的川菜。🌶️🥬在這樣一個充滿，火候火氣，每一道菜都讓我感受到川菜的熱情與魅力。下次，我一定繼續探索更多美味！🍽️💕

今天在荔枝角的十二味點了外賣，帶回家和家人一起吃，真是讓人驚喜連連的川菜館！🏮黑豆花鮮椒魚這道菜的魚肉色澤誘人，入口彈性十足，鮮椒的微辣讓整道菜更加立體，仿彿在味蕾上跳舞！🐟🌶️而且，一份魚只要138元，還送蒜泥黃瓜、麽妹兒冰粉和飲品半價，真的超級劃算！👍蒜泥黃瓜清脆可口，蒜香撲鼻，是解膩的好搭檔！🥒麽妹兒冰粉透明帶點黃糖色，滑嫩透心，配上葡萄乾，甜而不膩，吃了辣魚後來一份冰粉，簡直是舒心至極！🍨美滋滋芒果蘇打散發著濃郁的芒果香氣，氣泡的清新感瞬間喚醒味蕾，是夏日消暑的絕佳選擇！🥭🥤夫妻肺片，口感有嚼勁，微微的麻辣感在口中蔓延，讓人欲罷不能，絕對是下飯的極品！🥢🍚嵊州老麵小籠包，輕輕一咬，就有濃濃的肉香和微辣，讓人回味無窮！🥟🔥酸辣木耳，口感爽脆，酸味和辣味完美結合，絕對是開胃的好選擇！🌾🌶️

今天公司同事生日我們8個人選了十二味，服務員安排了VIP房，點完餐才發現有些菜品可以做套餐，要求轉套餐，服務員很熱情也很耐心幫我取消及重新入單，雖然我們要求比較多，但是服務員也是不厭其煩隨叫隨到，菜品也是足夠大份，特別是酸菜魚，一上桌就驚艷到我們，同事們都異口同聲哇，好大份，菜品不但香味美，服务也非常周道，給我們留下了美好的用餐體驗，下次還會來光顧。

服務態度超差永不光顧侍應倒寫污糟碗碟到我身上，弄污我西裝西褲，冇道歉又唔肯補償，全無待客之道，今時今日應該被淘汰，冇下次，我會改為幫襯其他食店，希望藉此鼓勵其他好店！

今次試一試荔枝角十二味分店的酸菜魚，以其酸辣的口味和鮮嫩的魚肉著稱。呢道菜的主要材料見到有包括新鮮的魚片、酸菜、花椒、八角、寬面和萵筍，每一種食材我太太都很喜愛。其次搭配左香氣四溢的花椒和八角，除了麻辣之外亦有獨特的香氣。寬面則在湯汁的浸泡下，變得更加彈牙，吸附了湯底的精華。而萵筍的脆爽口感則為這道菜增添了一絲清新，平衡左油膩感。另一道酸辣土豆絲作為小菜，第一口有驚喜十分之入味。土豆絲的爽脆和酸辣的調味，比人的感覺食欲大增。整體黎講推薦

久違的想食下麻辣香鍋，記得以前食過十二味晏就既香鍋又抵又好味，今次又再黎喇，因為香港唔係好多地方有麻辣香鍋食嗌左個外賣二人餐，包左個麻辣香鍋（有牛肉、餐肉、薯仔、蓮藕、雞翼同油麥菜）、兩碗白飯同小食（揀左涼拌青瓜），本身其實想食肥腸而且覺得餐肉同麻辣好似唔係好夾所以有諗過嗌自選鍋，但呢個二人餐抵食啲所以就揀左呢個，結果完全冇後悔，原來餐肉先係最夾既餸！仲有蓮藕都係！佢啲料應該全部都炸過，又香又脆脆地又吸哂啲麻辣味，而且份量好多，個外賣盒擺係飯碗隔離就睇得出有幾大份，啲料唔係碎上，餐肉大大塊有起碼8塊，雞翼又係半隻咁上。而且個香鍋望落好似好油，但又冇油膩既感覺，食食下有啲咸，不過配埋飯食係啱啱好既，揀左小辣，感覺係等於譚仔十小，下次可以挑戰中辣，同埋孜然味重過花椒味，如果中意麻既建議要加麻。個涼拌青瓜就冇咩特別，個汁係鎮江醋+蒜味。另外仲嗌左個回鍋肉，呢個就真係咸左啲，可能廚房咁啱失手落多左鹽，我準備買啲椰菜花加落去炒咁個味應該就啱了，$98黎講份量都好足既呢間分店啲姐姐好nice，同埋環境都闊落乾淨，個商場又有好多得意野睇，就算嗌外賣都包得好好唔驚漏油，下次會再黎試下其他野食！

十二味餐廳各區都有分店有時想食惹味中菜就會去幫趁吓因為朋友食素嘅關係，今次冇叫做招牌嘅酸菜魚，我哋點咗個秘製醬香鍋，配咗5款素菜我哋依個秘製醬香鍋,配料豐富包括新鮮萵筍、薯仔、蓮藕、木耳同豆皮鍋底的醬汁入味充分既滑順又帶有微微的酸甜,非常開胃特別係薯仔吸收曬惹味嘅醬香汁另外我哋叫咗個一人晚餐：乾煸四季豆,四季豆煸炒得恰到好處,保留咗脆嫩嘅口感而且落咗唔少蒜泥同調味料,成盤菜回味無窮搭配一碗白飯,十分合拍跟餐送嘅涼拌青瓜都好有驚喜因為好大盒紅糖糍粑配黑糖,非常有特色嘅甜品糍粑Q彈可口,外層帶有酥脆,同黑糖嘅香醇完美融合兩個人食到飽飽素食都可以好滿足

中午lunch 同同事食飯 簡左間食川菜有同事唔食辣 都冇問題 可以簡唔辣👍🏻我簡左酸菜魚 有埋飯同 飲品 小辣 $73有同事想食米線簡左米線酸菜魚 $76味道好好 唔係用調味料包煮出嚟 係真係用醃製好既酸菜 同埋新鮮魚 配埋花椒辣椒等調味料熬製唔會過咸 酸菜都做得好好食 唔會係好酸 唔錯！ 十分推介酸菜魚 我會加埋湯落d飯到食 一啖落口 可以完全食到佢既啲湯汁 十分惹味同自己用調味包整出嚟係兩個效果呢間好食👍🏻👍🏻👍🏻👍🏻 lunch 仲有紙包檸檬茶送 抵呀 見到仲有其他麻辣干鍋 個樣都唔錯 下次黎試下

下單到自取足足等了45分鐘有多，Apps顯示可自取但其實根本未完成！多番要求退款，員工一味拖延，如果趕時間的切勿下單，以免一肚氣！行政非常混亂，感覺很差！勿中伏！

呢間位於荔枝角長順街15號D2 Place TWO 2樓212B, 213, 216A號舖噶十二味 (D2 Place TWO)，平時就響大圍食開，今日因為有啲嘢做，所以就過咗嚟呢邊，朋友又話對呢間好有興趣，甘就決定食區啦！酸菜魚，十二味必點嘅一道菜，因為係午餐所以配埋白飯，同埋包一個紙包飲品，一個套餐七十幾蚊都幾抵食，魚肉鮮嫩滑，口感上帶着點椒麻微辣感，湯汁酸辣香濃，配飯一流。田雞麻辣香鍋，田雞肉質嫩滑，麻辣鮮香。口味微辣中帶有甜鮮。配埋蓮藕豆芽等配菜，口感豐富，送飯神器。呢間真係耐唔耐都要食佢一轉

大家好今晚去了D2 place既十二味食酸菜魚今次都係我今年第一次在香港食酸菜魚這碟酸菜魚份量都幾大我叫了小辣 不過都見到幾多麻辣味道都係酸酸地 麻麻辣辣甘樣魚肉都係滑既無乜骨酸海都幾夠味可左寛粉 應該是紅薯粉有少少煙韌吸埋D酸酸地都幾好食除了魚肉同酸菜仲有D萵筍同蘿蔔吸左酸湯幾好食除左酸菜魚外仲叫左嵊州老麵小籠包(6隻) 這款小籠包包皮是好似真係包同埋有D牛肉辣辣地總括這家酸菜魚份量都幾大味道都算正宗同在大陸食差唔多最好加埋寛粉都應該二至三個人食

十二味（荔枝角）九龍荔枝角長義街15號D2 place 2期2樓今晚同朋友去D2睇戲，睇之前就係呢度搵食，朋友提議食十二味，一於試下，由於時間關係，要外賣喛食，都係咁好味👉經典香鍋💰$38 每款餸+$😋😋😋😋.8/5朋友唔食得辣，所以揀咗唔辣，叫咗蓮藕、萵筍、嫩牛肉、豬頸肉同鮮腐竹，樣樣都好入味，就算叫唔辣，都一樣咁惹味，仲有得少鹽少油，大大盒，食極都食唔完👉大盆花菜 💰$88😋😋😋😋.8/5以為成碟都係椰菜花，點知係有好多肉片，有微微辣味，特別惹味，花菜爽口，有咬口，肉片又唔韌回頭：yesyesyes!外賣，仲要擺咗一段時間先食，都咁好味，堂食一定會仲更加好味

今日要同幾個同事一齊ot，諗住買外賣食返餐好先繼續做嘢，諗起呢間平時會食lunch嘅餐廳，試過佢嘅酸菜魚都幾好食今晚就決定encore返office食點咗一個涼盤鳳爪，食落鳳爪外皮非常q彈，同炆煮嘅效果好唔一樣，好似食緊海蜇嘅口感，爽口彈牙，味道開胃惹味，唔會太辣，食落可以話係無骨，方便又好味。酸菜魚嘅份量十足，整整裝滿兩個大外賣碗，魚片非常多，厚身又夠嫩滑，湯底非常濃郁，用上唔同香料烹調，酸菜，青麻椒，辣椒等等，食落又唔會太鹹，酸同辣平衡得好好，仲有加左萵筍煮，我好鐘意食，魚同配料都好味道。我鍾意個湯底到帶埋返屋企，第二日再煮啲米線配嚟食🤣

一入店大大隻字就見到「民以食為天」5 個大字，再加上天花上掛咗好多好大嘅紅色燈籠，氣氛好喜氣洋洋。座位幾寬敞。人見人愛酸菜魚（走辣）Boiled Fish with Pickled Cabbages整體份量好多，兩個人都食唔曬。魚肉十分多，冇骨，淡淡肉，湯底濃郁，酸菜爽口，鍾意個酸菜嘅味道，酸度剛剛好，令整道菜爽甜！又開胃！仲有蒿筍同埋菇，十分健康。因為家人有少少唔舒服，但係又想食酸菜魚，所以要求走辣，估唔到個味道咁清新❤️見到食評話適合2-3人食，所以我哋兩人冇加到寬條麵，因為怕食唔晒怕浪費食物啊！冰粉好足料，唔會水汪汪，好多桂花，冰粉又多又大塊，好有口感，整體味道好清甜，溫度夠凍，好滿足，完美句號。