十八座狗仔粉

营业中

休息中

外賣好多樣嘢，多次甩漏，現場的確係滿坐，咁係咪代表可以求其呢？之前發生嘅唔講，今次又係買多樣，其中一個係魚肉粉外賣$44，拎到返屋企，都幾個巴士站嘅路程，打開睇冇魚肉唔洗慳成咁呀！？ 有嘗試致電35656106想投訴，但無人接電話，唯有靠openrice反映下啦。

店員態度極差。優先做外賣，堂食等到極都唔理。個點單system有錯，仲串個客話我地點錯。比佢睇左system截圖我地唔錯，又無拉拉走左。excume me？？？係咪好想串人先走來香港做服務業呀😂

This is a local restaurant originated from Jordan (TST region). Now it is a franchise with a number of shops in different places in HK. And this shop is located at LKF, a famous tourist spot. What I wanted to share upfront is that the staff inside are very impolite and noisy. They were kind of in an argument when I was in the shop and it was very irritating and annoying to have food in such a place. While I was have my meal, one staff requested me to move seat to pack more visitors. It was norma

今日(2023年12月16日下午4:30)問門口個女店員魚蛋有冇唔辣，眼尾都冇望人粗聲粗氣答”冇!”好似佢啲魚蛋係宇宙最強咁，我情願俾多一倍錢過去Omusubi買個湯飲吓好過，人哋賣杯湯都又介紹又試飲咁，超值回票價

老蘭有魚旦燒賣食，外國朋友想試下，所以入左去。門口亞姐話每人最低消費$20,冇問題，話明都可以!一坐底就聽到亞姐連爆粗口，大駡之前的大陸客人。我係香港人都覺得好難聽。遊客區比D咁嘅服務，去番深水埗旺角會好D!好彩我D朋友唔識聽🤣

行街經過想食少少野依下肚，點知一肚氣！個門口個男職員把口臭過渠水 係咁鬧客個女職員又唔想做咁 由呢幾年當時次次經過 都想食碗到今次又唔好食又唔足料 態度又差 碗仔翅好似一pat 糊 看似好濃但其實冇咩味（應該只係落生粉令到佢視覺上好似好濃）咁做生意法 態度咁差就算好食都唔掂更何況係越嚟越難食！最嬲係個男職員，一邊做一邊粗口問候，聽到人都唔舒服 好似全世界得罪左佢咁..個呀姐又係 十問九唔應⋯⋯一間咁細既鋪 種類唔多 都做到咁差難怪港人北上消費 見呢間野之前都排長龍食到依家只得返遊客幫襯，就知道唔會再有下次！

今时今日咁嘅服务态度真是倒米。大集会里面的肠还未洗干净，D汁也偏甜。9仔粉嘅芫茜可以话是一住菜咁来形容，而且吃到一些不新鲜的味道影响晒口感啦，总之中环这家不推荐了。

去開蘭桂坊飲嘢，又有少少肚餓唔想食正餐嘅話，十八座狗仔粉就一定係最佳之選💕.狗仔粉必叫❣️作為香港老街坊，狗仔粉可謂由細食到大，可以話十八座狗仔粉都算呈現到狗仔粉嘅原汁原味，有舊香港嘅味道，讚👍🏻！.另外都有叫到燒賣，可惜燒賣真係唔係太好食，本身燒賣嘅質感已經差，又加上啲奇怪味嘅豉油，同埋唔知點解要放一啲蔥喺面，成件事加埋奇奇怪怪，要食燒賣嘅真係唔好喺呢度叫😣.整體來講，大家都可以嚟試一試去過狗仔粉，同行朋友食嘅碗仔翅都唔錯😌飲開酒嘅都可以嚟食吓

不嬲都幾鍾意食狗仔粉✨ 第一次幫襯中環店，啱啱行入去第一步就已經比個女員工喝停，好大聲咁叫我地買嘢食先，因為佢哋而家喺先買嘢食後入去坐。冇問題嘅，但唔係個個都知你地有呢個做法。見女員工話一個入去坐另一個出邊買，所以我地其中一個就入去先，點知一入到去又俾佢鬧話要買嘢食先😅咁。。點呀？有呢個做法冇問題，但女員工態度係惡劣，其實客人都願意配合，只係當下入鋪唔知道姐。。☹️講番野食先，嘢食一般，水準不及其他狗仔粉。。。燒賣太冧冇乜口感，碗仔翅都溝多咗水咁，但狗仔粉ok，overall 真係失望左🥲

我叫一兜翅, 一兜魚肉, 個男仔以為我話兩溝..我話唔係, 係兩碗, 唔係一個人食, 兩個人食, 即係$35+$35..佢都唔明我講乜, 入面個阿姐搭咀問係咪鴨翅同魚肉湯….係咪我每次都要講全名? 唔通以為我兩溝要求分開上? 個阿姐仲話我講到佢地唔明…哈哈好攪笑講返正題…火鴨魚肉湯無咩期望…味精味濃, 個鴨係去左湯底? 真心唔明 招牌火鴨翅一來杰得滯, 二來唔鐘意佢調較個味, 有D似加瑤柱汁溝出黎但無鮮味可言.其實之前試過一次伏, 隔一年又唔記得左, 真係要記住咁都做得住真心佩服

之前不嬲都有幫襯開，從來未去過一間態度咁差嘅，個女嘅一開口已經好唔耐煩，你同佢講嘢扮聽唔到，諗住行近啲講想食咩，佢居然話你叫外賣行入嚟做咩，叫外賣喺出面叫😂😂😂… 我叫碗粉食啫，唔知以為得罪你啲咩！

🔥十八座狗仔粉📍中環德己立街20號🥄粉撈翅 $54入面有木耳絲鴨撈狗仔粉 ，兩樣狗埋都算夾既，加埋豬油渣同埋辣菜脯，口感不錯帶有辣味且好飽🥄秘製千味大雜燴 $55有大腸，豬肚，豬皮，蘿蔔加秘製千味醬，如果加埋麵係咪會變左周星星食神既街邊拿渣麵仲有豬紅魚旦，對我黎講無乜特別，可以話做宵夜岩晒，不過蘿蔔都好淋總括黎講，不過真係無無以前咁好食，純粹得個飽字，價錢就算抵既，做宵夜飲住啤酒都算一種享受既 哈哈

黎到中環真係冇諗過會喺度食狗仔粉，主要原因係喺中環同朋友食完嘢，飲完酒吹吓水之後，啲嘢食完全消化晒想食返個宵夜得來，又唔想食得太飽就行過見到十八座狗仔粉🤣🤣🤣我完全唔知道中環都有估唔到十八座狗仔粉開到周圍都係以為價錢會好貴 但其實好似都差唔多以為質素冇旺角嘅咁好 食落又覺得幾OK喎狗仔粉有咬口，湯底落左菜冬菇油渣蝦米個人覺得香得黎又有層次配料亦夠多，每一啖都有唔同既配料同粉條十分搭配再加上蔥花同愛辣人士必加既辣菜甫食到停唔到口 正！

係中環地區食野貴就一定架喇，但估唔到都有平民食堂，就係好出名嘅十八座狗仔粉😁呢間最出名嘅食物睇佢店名已經知道，仲係米芝蓮推介必食，當然要叫返碗黎食下啦。我心目中嘅狗仔粉係類似銀針粉 ，但當碗狗仔粉放係我面前發現佢似切左小段嘅上海粗面，加左辣菜甫，食落更加好味，令碗狗仔粉昇華左另一境界🤣另外仲叫左杯麻辣魚旦，對於我食得辣嘅人如果可以再辣d會更加惹味

Lunch唔想食咁多野去左試呢間狗仔粉小食就啱啱好！呢間十八座狗仔粉係米芝蓮推介，喺正蘭桂坊斜路。✨ 十八座魚肉翅 $36Signature faux shark’s fin mixed with minced face dish成碗每一啖都係鴨肉🥣，非常足料，魚肉非常彈牙！🤩喺中環定價都幾親民 👍🏻