十八座狗仔粉 (已結業)

天寒地凍 忽然好想念18座的火鴨翅(˶‾᷄ ⁻̫ ‾᷅˵)每枱基本配備 原味菜莆 辣味菜莆 🌶️火鴨翅 $33份量沒變 熱騰騰一碗👅 很多蔥花鴨肉絲份量很慷慨 濃濃鴨肉的香氣〰️木耳絲也是滿滿一碗 爽脆！鹹甜鹹甜的 很好吃☺️配上菜莆 增加口感之餘 味道亦會更上一層樓！不過吃不得辣的朋友 不建議試辣菜莆😆因為他們家的辣菜莆 辣度蠻高的🌶️🌶️🌶️炸魚蓉燒賣 $21有一次跟朋友吃到18座炸燒賣 大家都讚口不絕！💗 燒賣皮厚身 炸得香脆🤩 燒賣裡面軟糯 好好吃！配上自家制醬汁 很甜 少少香辣 十分惹味！黑白炸丸 $21 這是我每次必點的😝兩粒香菇貢丸和兩粒墨魚丸 🍡 外皮炸得皺皺的 乾身裡面則是爆汁！貢丸爽彈！墨丸香甜軟軟的！好吃🥰用餐的時候 也一直看到有客人來單點黑白炸丸做外賣！可想而知 它有多吸引了吧😆😆😆😆雖然都是街頭小食 但忙碌了一整天吃了18座也是心情會變好耶😆😆-地方雖小 可是食物味道很好 應該也是有很重調味料的 因為完餐後 很渴很渴🤣🤣 不過偶然解解咀饞也是相當不錯！！ -店員的服務態度都很好💗 很家庭式的感覺〰️

今晚十點左右行過觀塘，見到週圍食肆都閂左門，見到十八座仲開緊，咁就行入去諗住醫下個肚先啦，先叫左碗狗仔粉，明明我係堂食，點解要用外賣兜裝住？用外賣兜裝份量比用碗小左30%，仲有碗粉攞到買黎係唔熱既，只不過係暖暖哋，咁又係咩玩法呢？老實講句，三十三蚊食碗咁貨不對版既粉，我覺得非常之唔值，尤其係成碗嘢個賣相真係好唔掂囉，質素真係大不如前！！唔會再幫襯佢啦。

最鍾意食粉撈翅，其實就係狗仔粉撈碗仔翅再加上大量菜脯。味道正，重有口感。叫左個紅豆沙，好香陳皮味。估唔到有QR code 落單，但我覺得叫姐姐落單方便啲。環境乾淨，有4-5張枱，2個姐姐都好有禮貌。

🔹️十八座狗仔粉(觀塘)🔹️今日收工諗唔到食咩，口痕想食狗仔粉，就去左十八座狗仔粉買野食啦🥢位置都唔難搵，去到可能係放工時間，都有好多人買外賣🥢炸燒賣 跟 千味醬即叫即炸，都係新鮮整既，到手個時熱辣辣，食個時差D燙到咀。炸燒賣唔點醬料都好食，點左千味醬反而唔岩我口味🥢芫荽狗仔粉作為芫荽愛好者，我見到成大碗裝住芫荽既九仔粉，睇到已經食慾大增☺️面頭灑左冬菜，味道唔錯既，而冬菜本身亦都唔會太鹹，好易入口，配上狗仔粉食，好夾呀

店舖門面有啲窄，大約只有10多個位，但係衛生情況睇落覺得都OK嘅。叫咗一碗狗仔粉，一碗鴨絲翅，再加一個大雜燴走豬皮。個狗仔粉好食呀，整得好夠味，鹹鹹地，應該用咗啲材料去到煲，所以剩係得狗仔粉嘅情況下，整體鹹味都足夠，都夠香。不過就咁一碗粉收$33 都唔平!鴨絲翅非常之足料，杰到不得了，食咗半碗都好飽，佢鹹味都足夠。但係我都係覺得食呢類似要落少少酸味嘅醋，可惜佢冇; 同埋如果冇咁杰會好D 大雜燴走豬皮加千味醬，走辣，因為唔太食得辣。 雖然冇咗辣，但係呢碗野都十分之香惹味，因為佢嘅千味醬真係好香，佢係甜甜地，入邊有好豐富好濃郁嘅味道，但係我覺得感覺上係有輕微嘅辣到，令到整體好香好惹味。本身佢嘅豬腸同埋豬肚都整得夠淋，再加上好惹味嘅醬汁，整體好好食！蘿蔔再加千味醬又係好食啦，不過如果可以再淋啲就更好！

突然好掛住狗仔粉，即使外賣平台貴一貴都要嗌叫咗中辣，平時食得辣嘅我都頂唔順，好辣..菜脯真係好好食，如果可以一樽樽買就好了~另外有叫魚蛋，感覺一般，無乜驚喜，不過可能個人口味問題~

一打開魚肉火鴨翅外賣蓋 撈落非常杰身 撈唔勻會食到好重胡椒粉味 食落覺得甜得黎假 又唔覺得特別有鴨香 如果落些麻油可能會好些 魚肉份量又偏少 都係得幾舊 食落唔夠彈牙 比較多粉 但最後成碗都係食唔哂 加左小辣有菜莆太細粒無咬口 愈食愈覺得難食中伏 都係食返傳統碗仔魚肉翅好味好多 次次都食得哂既 又買左大雜燴有大腸 豬肚 豬皮同蘿蔔 個醬係幾好 但除左豬肚外所以野都太腍 大腸就有些切到好大舊 個人口味我唔係咁鐘意 都係試下就算 最後又係食剩左 蘿蔔感覺唔新鮮

十八座狗仔粉～相信唔小朋友仔都食過～小編耐不耐都會來回味一下～以下呢幾樣都係小編必點既～翅滾火鴨脾！！大大隻火鴨脾淡淡肉～鴨肉味道濃厚質地有咬口～而塊火鴨皮絕係精華中既精華～食完果種滿足感～～真係非筆墨可以形容！招牌火鴨翅～呢果係非常非常地道既碗仔翅地～當然然加入左火鴨絲後味道層次更好！黑白炸丸～有2粒牛丸2粒墨魚丸炸出來味道比教香口～魚蓉燒賣～～魚蓉燒賣呢個就係地道掃街小食既皇者～香港人最愛之一！可應小編廢啦提提大家佢既小辣都好辣😂差d要大叫「媽！好辣丫！」怕辣既得都係食返原味唔辣！

出名嘅十八座狗仔粉果然名不虛傳首先係超級足料「不」起黎啖啖都係有料到菜甫同木耳爽脆香口 不過狗仔粉就比較林身魚肉就好彈牙整體嚟講係比較結身嘅碗仔翅唔同連鎖店溝咗水浠撈撈嘅食一碗已經超級飽肚

外賣還好，堂食不了無謂的執著唔俾筷子食客，話狗仔粉特式就係用匙羹食，最多俾2支竹纖你CLS, 堅持嚟做乜，用筷子食又唔會難食咗😑😑個阿姐仲要話：我哋自己都係咁食你點食關我咩事啫，使唔使受過專業訓練先嚟得食😮‍💨+$5油渣，以為有幾好食，點知係俾一包仔你自己倒落去，仲要係炸到乾晒嘅，同大角嘴X記冇得比半夜買返屋企當宵夜係ok嘅，但真係唔係佢廣告講得咁神其他小食燒賣魚蛋嗰啲，仲衰過旺角啲遊客檔，講到自己香港原味道⋯⋯⋯嘥氣味道：普通，好多味精其實

鋪面對住大馬路 沿住裕民坊上就會見到 唔算係好難搵入到鋪叫左狗仔粉同鴨肉翅撈粉，撈粉都係用狗仔粉。佢枱面上會有啲調味料比你撈狗仔粉食，最特別既一定係辣菜蒲！ 係佢地自製既辣菜蒲。唔食得辣我建議真係落少少就好，因為真係好辣，但落左真係香好多，好好味 平均30$ 左右一兜粉/翅。價錢都算合理，食完都夠飽

其實粉絲同魚翅都係冇味，個標題呃你入嚟睇姐。最初第一次食18座狗仔粉係四年前睇到米芝連人推介，18座狗仔粉最失敗嘅地方就係叫自己做狗仔粉，因為佢嘅碗仔翅先係主角。火鴨絲非常足料，與其叫佢做火鴨絲碗仔翅不如叫佢做碗仔翅汁撈火鴨絲。疫情關係冇街去，成日留喺屋企睇劇集睇到半夜1、2點就開始肚餓，觀塘區半夜其實冇乜餐廳開到咁夜,唯獨是狗仔粉開二十四小時。半夜仲可以食到米芝蓮餐廳，真係貓頭鷹嘅恩物，仲要$100唔洗今次心血來潮想食多啲菜就叫咗生菜魚肉，點知有驚喜。魚肉爽口彈牙，上高仲有少少假嘅翅，可能外賣關係，生菜食到底有少少浸黃左。燒賣唔差，耐冇食，想食下都唔錯，不過唔食得辣嘅人要注意，佢嘅小辣都幾辣下。佢半夜暫時冇得上網用app order, 泊低架車係禁區去買，通常5分鐘搞掂。不過前邊如果遇着個醉酒客就另計

問定是否可以另上辣菜脯比我先決定買，買左4碗坐個幾鐘頭車返到屋企發現冇比辣菜脯我，個阿姐玩野？無法舒緩心情沒有辣菜脯的粉仔是沒有靈魂的，買返黎點食！做唔到野就請多個人啦！

媽媽一直都想試試這狗仔粉，今日終於帶佢去官塘嚐嚐狗仔粉味道店舖裝修有點似涼茶舖，牆上掛滿好多與藝人的合照，坐位唔多，但星期日中午，食客只有一、兩個人我地叫左兩碗狗仔粉，一個秘製千味大雜燴狗仔粉，似麵條，但較短，湯，入口濃郁，較稠，有蝦米，香菇香味，加上有爽口菜脯，香蔥味枱上有一樽勁辣菜脯（啡紅色），只加上少少，已經好辣，但整碗粉味道明顯更加豐富大雜燴，係一碗既邪惡但又好味的食物，個醬帶點甜甜味，豬腸肥美，豬肚、豬皮爽口，白蘿蔔清甜

📍米芝蓮街頭美食 -- 十八座狗仔粉🐶小編好中意street food😳因為港式嘅街頭小食真係好有特色❤今日就同媽媽食呢間上過米芝蓮嘅狗仔粉專門店😳-------⭐馳名狗仔粉（$30）湯底係濃稠嘅質感 有冬菇碎調味 上面鋪滿菜甫 鹹鹹地真係好惹味好香❤唔夠嘅話仲可以自己加架😂😍狗仔粉淋淋地但不失咬口 滑捋捋嘅口感真係好正😳咁有香港特色嘅小食 值得一試呀❤-------價錢：$30-------評分（10分滿分）賣相：8味道：8性價比：7回頭率：7------店鋪資料名稱：十八座狗仔粉地址：觀塘物華街1號地下前往方法：觀塘站A出口