十八茶 (已結業)

開係小編屋企附近的台式飲品店😚開既時候都幾期待～開業個排都見佢地好努力宣傳！不過始終覺得飲品既定價偏貴😿所以競爭力自然就較低😿🧋珍珠鮮奶鐵觀音烏龍茶 $36如圖，呢個價錢黎講都幾細杯😹味道冇乜特別，奶味幾重，反而冇乜茶香😿不過小編好欣賞佢地自家設計既杯，每個杯都有一句句字🥰🔎評分：可以唔試👎🏼其實小編已經好多日冇見佢開🥹Openrice又冇寫到佢結業～希望老闆下次開業時，可以考慮一下定價啦😉「世界所有的相遇 都是久別重逢」🩵

是日同朋友千里迢迢去到元朗逛下～搭車都搭左超過一個鐘頭行到攰又凍凍地想飲杯嘢其實元朗都好多茶飲店，不過一場嚟到梗係唔好飲連鎖店，所以就揀咗呢一間十八茶啦一去到店員就好有禮貌，話可以介紹俾我哋睇吓有咩好飲不過我哋都係自己睇就算🤪最後我就揀咗一杯，白桃火龍果鐵觀音烏龍-熱，本身想叫走甜，不過最多只可以微糖店員話唔會好甜～而家仲做緊兩杯有八折，聽落好抵不過本身個單價都有啲偏高 我呢一杯原價就要$38😮一飲落去就覺得好甜 ，可能自己飲慣無糖😂不過係好飲嘅，仲有啖啖的紅肉火龍果肉👍🏻唯一真係可以再少d甜就好啦～

小店以電影英雄本色入面，飾演Mark哥既周潤發既ok手勢作logo👌🏻每個杯身亦印有周潤發電影中既金句🎬設計十分特別。店主想鼓勵所有香港人，遇到任何事，我地都一樣會ok💛🔸十八招牌新鮮水果茶 ($42)水果茶以四季春作茶底🫖茶味清香，水果新鮮款式多，有橙🍊檸檬🍋蘋果🍎熱情果、柚子肉等等，果肉飲到最底仲食到，十分足料。呢兩日天氣悶熱，飲落份外消暑解渴💦🔸酸甜草莓乳酸奶 ($39)一飲落去食到粒粒士多啤梨果肉🍓乳酪的酸，加上士多啤梨的甜，味道好濃郁，感覺天然開胃🤤

🥤椰椰芒果西柚沙冰 $43捉緊夏日嘅尾巴 所以點都要飲吓沙冰😂😂未講味道之前 想讚下個包裝杯身選擇咗用磨砂質地嘅物料感覺挺身同高級啲👏🏻👏🏻而且容量都幾多下雖然佢係杯沙冰 但唔會飲到成口碎冰/冰粒咁打到好滑身 類似smoothies 口感入口以為會重椰汁味 但🥭芒果味出啲個人鐘意再酸啲底部有椰果粒粒同西柚果粒增添番個咬口 正常甜啱啱好夏天飲都幾唔錯🥤梨梨蘋果四季春 $39第一啖飲落去以為飲緊🍐梨汁估唔到🍐嘅比例會咁明顯之後四季春味都忍唔住走出嚟😂你以為佢地會唔夾咩⁉️⁉️⁉️點知反而有驚喜 適合🍂秋天飲因為🍐雪梨都有滋潤功效同樣底部有粒粒雪梨 遺獨🍎份量較少 得面層幾塊如果多番啲蘋果味就更好🫶🏻🫶🏻呢杯揀咗少甜 我喜歡🥰

小店係近日新開,飲品都有好多款仲有期間限定添🤭可能你今次飲完下次已經冇咗🤣而店員都好nice咁同我地推介飲品😆🔸爆芒芒果茉香綠茶 $38真係超多芒果仲要係真嘅果肉🤩芒果都偏甜,配埋茉香綠茶一齊好清新✨茉香味好出🤙🏻整體不過不失😜🔸芝士芒芒沙冰 $43本身以為正常甜會有點甜但飲落係芒果天然酸甜味😳唔會覺得係假甜😂而飲品入面係有勁多新鮮芒果粒😍真係飲到最後一啖都仲有✨芝士奶蓋就不過不失啦但同沙冰撈埋一齊都好夾💦🔸椰椰芒果西柚沙冰 $43沙冰係加咗奶唔係單只得生果🙌🏻一入口好冰涼真係好爽再食埋椰果更有咬口😆而整體甜度ok🫶🏻但西柚味就飲到後尾先有少少~整體都係不錯的🔸鮮橙柚子冰茶 $39呢杯係朋友叫嘅,聽到介紹呢杯有Anson lo 代言嘅ooha二話不說就叫咗😂😂飲品底係Ooha柚子海鹽氣泡水🫧飲品偏甜但就好清爽💦而橙同氣泡水嘅顔色好夾,值得打卡一下🤪而味道方面就正正常常,冇話好特別😗

十八茶 @hkeightean 充滿住香港🇭🇰本土特色，不論logo顯現獅子山⛰同英雄本色，杯身仲印有唔同本土電影對白，係香港人既味道😎新張期間買第二杯飲品有八折，細細聲同大家講，黎緊仲有中秋限定，好期待😌*蜂蜜柑桔檸檬四季春🍋 少糖 $40裏面仲有百香果，飲落酸甜甜好清新開胃由於裏面加咗蜂蜜所以唔會過酸，啱曬咁熱天氣*酸甜草莓乳酸奶🍓 少糖 $39好足料，用真士多啤梨blend成， 味道一啲都唔假，仲有好多果肉沉底*西柚芒果乳酸奶🥭 $39一樣咁足料，飲落有啲似楊枝甘露，如果酸奶味再出啲更加吸引🙈

望住呢間茶飲店既logo覺得熟口熟面🤔估唔到背後既意思係咁有勉勵💪🏼佢就係電影英雄本色入面Mark哥既ok手勢👌🏼原來店主對於呢一個動作情有獨鍾🫢因為Mark哥遇到咩大事都好 都只係會交出一個ok手勢👌🏼店主想藉此鼓勵所有香港人 無論遇到咩事 我地都一樣ok的💛而十八茶呢個名 都係店主想意味住十八區都有十八茶🥤實行遍地開花咁話😆我都好期待可以區區見到佢 加油呀🥳➷飲品由水果茶去到奶蓋沙冰呢啲都會有🤪如果想了解多啲邊款岩自己飲 都可以問下店員💁🏼‍♀️佢地會好詳細去介紹佢地既飲品 咁就唔驚買唔岩喇😌❐ 十八招牌新鮮水果茶特別一提 係飲品既杯上面會印有唔同既經典電影金句💬享受既時候可以順便考下自己認識幾多 對港產片又有幾熟呢講返杯水果茶先🫢水果茶用上四季春茶底四季春係比較清淡既烏龍茶 唔會搶咗水果既味道🍊茶底清優 飲落口有啖啖茶香😶‍🌫️要讚佢敢選用檸檬作為生果既一部分🍋檸檬好容易會出現苦澀味 所以檸檬一定要好新鮮😌糖份我只係揀咗3成 因為水果本身都有糖份有甜味所以我就認為唔需要太多 加埋本身百香果同檸檬既微酸🤤咁成個味道中和咗就覺得好好飲 新鮮清新之選👍🏼❐ 芝士芒芒沙冰芝士奶蓋做得幾厚身👍

炎炎夏日☀️ 係街上行幾步就出晒汗🥵俾呢間叫做「十八茶」嘅🅛🅔🅖🅞 吸引咗有個大大個香港經典電影 Mark哥 既大大個嘅🅛🅔🅖🅞另外亦有一個簡約又直接💛 既線條山🅛🅔🅖🅞🔸十八招牌新鮮水果茶 $42講明係招牌當然要叫黎飲下啦😌好多款水果係入面有檸檬、橙、蘋果、百香果、柚子，係成個杯都滿滿的水果超級真材實料‼️係夏天飲好岩，飲落清新酸酸甜甜~🔸蜂蜜金桔檸檬四季春 $40呢杯同樣都係酸酸甜甜，檸檬🍋既酸好醒神而且入面仲有百香果嘅粒粒，有咬口🔸酸甜草莓乳酸奶＄39大愛草莓🍓 乳酸奶同草莓係好夾～飲落味道濃郁，口感軟滑👍🏽重點係飲每一啖都有草莓果肉，好食又好😍🔸特濃Oreo 可可拿鐵 $38見到有Oreo就吸引左，第一啖已經飲到果啖Oreo味但又唔會話好甜，飲之前要搖一搖先呀！

嚟到元朗見到開咗一間台式茶飲，經過見到好多人買，做緊吧通減$5又或者買第二杯八折，見咁抵又想買來試吓！店員好友善，好詳細介紹飲品有啲咩特色，咁就叫咗三朋友share飲！真係好有驚喜三杯都好好飲，竟然冇一杯有伏，大推啊~🥭芝士芒芒沙冰 少甜 $43 (9/10)用咗綠茶底，飲到有輕微嘅綠茶味。芒果味好香濃，好出，甜度啱啱好，底部仲有好多芒果粒粒，啲芒果肉好甜，沙冰打到好細滑，幾乎飲唔到碎冰粒粒，好好飲！店主話因為新鮮芒果嘅品質唔穩定，所以都有用到比較新鮮嘅芒果醬去調味，務求帶到最好嘅芒果味，真係好誠實好有誠意！🍓草莓鮮奶沙冰 少甜 $43 (8/10)士多啤梨味酸酸甜甜，好清新開胃，飲到有加到新鮮士多啤梨嘅果肉，再加埋新鮮嘅士多啤梨醬，士多啤梨味好出，甜度都剛好，都飲到奶嘅香滑，感覺好似飲緊奶昔咁！沙冰打到好細滑，幾乎飲唔到碎冰粒粒。芝士奶蓋好厚😍偏鹹香，海鹽味好出，都飲到芝士都幾香，奶味唔算好出，質感都比較濃杰，真係幾好飲。🍹十八招牌新鮮水果茶 $42 少甜少冰 (10/10)見到茶嘅面頭有新鮮蘋果，橙，百香果。水果茶非常清香，淡淡嘅新鮮水果味道，飲落酸酸地，一啲都唔會甜好fresh好

今日去元朗同朋友食飯見到呢間開咗冇耐嘅手搖飲品舖～用獅子山同英雄本色做Logo設計 好有香港既味道☺️杯上面仲印咗電影對白 好特別😆店員亦好細心同我哋介紹啲產品～同朋友分別買咗兩杯飲🧋🥤十八招牌新鮮水果茶 $42呢樣係店內必點招牌所以try try佢😋飲落去味道真心唔錯 清爽解渴！唔係出面好甜個啲水果茶～用左五種新鮮生果去沖分蘋果百香果橙檸檬同柑桔真材實料 so fresh🍎🍋🍊🍏白桃火龍果鐵觀音烏龍茶 $38因為兩種都係甜甜地嘅水果所以飲落去比較甜😚唔鍾意太甜 建議可以選擇微甜喔！呢個水果配搭再配埋烏龍茶真係好夾～淡淡的烏龍茶味🍵全部都係我鍾意嘅🥰店員仲推介埋奶蓋下次再經過試一試奶蓋😆

呢日同呀女上完堂好口渴，經過呢間未試過就買幾杯飲下先☺️.🍎十八招牌新鮮水果茶 $42見到招牌緊係要試下！好多款水果🤩（檸檬、橙、蘋果、百香果、柚子），飲落清新酸酸甜甜好岩夏天飲👍🏻 百香果柚子粒粒好有咬口，少甜剛好，水果味濃厚茶味反而無咁重身，如果飲完茶會訓唔到又喜歡清新口味就岩哂！.🍑白桃火龍果鐵觀音烏龍茶 $38呢杯jo大愛！喜歡濃口味呢杯就岩哂😝好多水蜜桃果肉好驚喜超清甜大大杯，加上茶味香濃大推👍🏻.🧋珍珠鮮奶鐵觀音烏龍茶 $36最愛的珍奶點可以唔叫，烏龍茶底嘅珍珠奶茶一向正，珍珠和茶底也不錯👍🏻.呢間大大杯，jo要同老公飲先飲得哂🤣值得一讚水果茶好足料新鮮清甜，同每個杯都有一行字好有意思😉同埋staff真的好好好人🥰而家新開張，買第二杯有8折！經開推介買來試下👍🏻

— 𝐵𝑒𝑒𝑟𝑃𝑖𝑔 𝑅𝑒𝑣𝑖𝑒𝑤 —【 元朗新開創意飲品店·足料飲品員工服務周到 】#beerpig元朗 #BeerPig飲品系列✨總分：🍻🍻🍻🍻🥃 8.78 / 10 分✨推薦：#😋幾好食喎✨大家有興趣就記得｜𝐿𝑖𝑘𝑒•𝑆𝑎𝑣𝑒•𝑆ℎ𝑎𝑟𝑒｜呢個𝑝𝑜𝑠𝑡喇💖—#🍻🍖 質素：🧋爆芒芒果茉香綠茶｜$38呢到既招牌就係水果茶系列，淨係睇水果茶都已經有8款咁多小編揀呢款水果茶都係熱門之一，茶底味道幾突出，茉香同芒果味道同樣香濃，唔會蓋過其中一邊既香氣，仲有滿滿既芒果肉增強口感✨評分：9 / 10 分🧋椰椰芒果西柚沙冰｜$43夏日炎炎，最岩就係飲沙冰降下火呢杯沙冰份量都好大杯，裝滿左個杯仲有個小山丘，好抵飲～沙冰飲落好綿，味道偏重椰奶同芒果香，而底部仲有層好厚既椰果同西柚肉，加左西柚肉唔單只口感提升左，亦令杯飲品整體感覺更加清新，飲落喉好消暑解渴✨評分：8.5 / 10 分🧋酸甜草莓乳酸奶｜$39最後一款係小編最欣賞既一款飲品～乳酸奶同草莓🍓真係絕配既配搭，飲落口感軟滑，酸奶同草莓既味道夠曬濃郁，仲有啖啖士多啤梨果肉，係會飲上癮架～✨評分：9 / 10 分—🐷食評評分：- 呢到既飲品款式非常多

鐘意飲台式飲品既我，見到元朗新開左台式飲品店，當然要試下啦~ 十八茶既logo非常可愛❤️而杯上既slogan亦會不定期更換~🔍 十八招牌新鮮水果茶($42)水果茶有百香果、柚子、橙、蘋果同檸檬，充滿水果味，就算正常糖都唔會覺得甜，味道唔錯~🔍 酸甜草莓乳酸奶($39)呢款飲品係期間限定，職員話每個月都有唔同~甜度方面我叫左少甜，因為乳酪酸酸地，所以整體都唔會太甜，仲可以食到士多啤梨粒粒，感覺好天然，而且幾好飲~

而家天氣日日都咁熱😵‍💫 行過見到元朗又新街有新飲品店開張🎊 呢間十八茶logo幾得意😝 杯上仲印有唔同本土電影對白🥹 店員仲會細心講解menu🥹除左主打新鮮水果茶，佢哋仲有鮮奶茶、鮮奶拿鐵、梳打、沙冰、原味茶、海鹽芝士奶蓋茶同埋期間限定嘅系列✨新張期間買第二杯飲品仲有八折🫶🏻 酸甜草莓乳酸奶 $39三杯之中我最中意係酸甜草莓乳酸奶❤️yogurt同草莓真係無懈可擊嘅組合😍佢口感唔算係好rich好膩嗰種～酸酸甜甜令你一直想飲落去🥰 仲有粒粒草莓果肉口感豐富🍓十八招牌新鮮水果茶 $42呢杯亦係必試之選🫰🏻好欣賞佢哋嘅新鮮生果竟然有金柚肉！ 唔少得百香果、檸檬、橙、蘋果 🍎🍊🍋 果味清香😍消暑解渴💦海鹽芝士奶蓋四季春茶 $39另外海鹽芝士奶蓋四季春茶嘅奶蓋份量偏多🥰 好幼滑🤍海鹽味道可以突出啲就更好啦😜Menu

又新街出名多嘢食..行過附近..買嘢..見到尼間新開嘅茶店..家姐就話想試吓..家姐不嬲都好鍾意飲台式茶..就買咗三杯試下..芝士芒芒🥭奶蓋芝士味濃厚，估唔到個芝士奶蓋做到好棉好滑，又唔會杰撻撻好容易啜，芒果好香芒果味，仲有d果肉咬下。草莓乳酸奶🍓我鐘意食草莓乳酪，所以覺得勁好飲，好似大啖大啖食草莓乳酪咁，即刻愛上咗😍😍😍，大推！！另外杯招牌水果茶，水果味濃郁，鍾意飲水果茶嘅人啱晒😋😋😋新張期佢第二杯仲有8折👍🏻👍🏻👍🏻用八達通減$5😆😆😆