千両 (港威商場)

营业中

休息中

午餐想食壽司咁岩見到佢，走入去試下，整體體驗舒服對得住價錢，平日就要等下位。先講環境，坐位舒服唔迫，燈光同設計好似去左日本職人餐廳，偏暗黃燈光有家居感覺，可以暫時避開office 都市世界。食物方面，lunch set有好多選擇由鍋物到壽司都有，今次試左極上9格壽司套餐，最中意食嘅帶子味道都唔錯，唔會腥，壽司飯濕度都ok唔會好乾/酸味太出。配菜就有味噌湯，蒸水蛋，沙律同類似蕃薯泥，蕃薯泥好好味，應該混合左日式調味，例如味噌，混合出來唔會蓋過蕃薯嘅原味，都唔會成話好濃味噌搶曬。最後叫左甜品，北海道芝士蛋糕配抹茶雪糕，實物蛋糕好細只有約1/4手掌大小，味道中規中矩，雪糕建議快啲食融化速度好快。

兩天前，和位大家閨秀到這裏午膳，因為食量稍大，亦有點纔，所以叫了三個套餐（質素都一如既往地好），靜靜在一角享用這幸福。千兩一向是性價比很好的地方，我倒是首次到這店。用膳時已經覺得今天朋友穿著很粗疏，心情亦有點暴躁，數次要求添餐具/紙巾/酸薑/芥茉等，連外賣盒也要了三次（不同容量）。膳後閒話家常之際，朋友突然小聲哭起來（先後三次），原來她家裏發生了很大的衝突，抑壓著的情緒終於爆發出來。這期間又要了數次紙巾（總共是六、七次）。我當然是尷尬地開導著，減少被路人甲乙丙，誤作始亂終棄的現場版教材。尤幸一小時多宣洩過後，她拾回心情。期間要了兩次咖啡，不同的服務員，一如之前的十多次服務，既有效率，亦有禮貌地執行了我們所需的，叫咖啡那次的誤會，也細解心地釋了情況。在適當時候，數次添茶，收拾餐具和檯面的紙巾，沒有不耐煩，沒有暗示是時候打道回府。謝謝妳們！

今日到千両吃午餐，發現他已經轉咗新餐牌，每一款都好吸引。中吞拿魚腩丼定食$158真係估唔到150幾蚊有中拖羅，而拖羅的質素相當唔錯，相當肥美，肉質纖細柔滑，充滿油份，其實同大拖羅唔會差好遠，魚脂甘香，又有魚味，加上滑滑吞拿魚蓉和三文魚子，味道鮮味非常可口。 再吃一口清爽嘅沙律，呷一口麵豉湯十分滿足。

The environment and ambience was dim and private - not a bad thing for patrons to enjoy in the overall dining experience. We ordered a few different things to try: (don’t remember the names of them but here’s a semi-description lol 😂)~ A tuna belly, sea urchin and salmon roe rice bowl~ 300ml of house sake ( i think they were doing a special on this)~ Snow crab & sea urchin hand rolls~ Soft shell crab roll~ Seared salmon roll with salmon roe~ Deep fried tofu with mentaiko.We were pretty full afte

一行到尖沙咀海港城、同朋友諗住揾個地方醫肚。走埋去食咗間「千兩」，一入去就俾份極上拼盤搶晒眼。食晒11件海鮮，個個都叫得出味👅！牡丹蝦彈牙得嚟甜美，帶子肉多得滯，啖啖肉感真係好正！海膽滑溜溜、淡淡鮮甜，啱哂鍾意細膩味道嘅我。至於三文魚子、爆汁嘅快感真係太上心頭啦！冇得輸嘅係玉子同三文魚，一個甜咗星星點點🌟，一個魚味新鮮得黎肥美。大吞拿魚腩同中吞拿魚腩比賽，肥美滑口！食完之後，油甘魚感覺就普通咗少少，不過都算順滑。雖然唔係專業評論家，但都要讚一句，食完呢啲令人心情好轉咁多嘅美食，真係滿足到喊！尤其係喺繁忙嘅街頭，搵到咁嘅好地方，實在太掂👍！大家有空過嚟尖沙咀，記得嚟呢度試下，真係冇得彈！🍣👌🥢

千両係我最常食嘅日本餐廳，雖然唔稱得上最出色，但就係我對日本料理嘅一個基本指標，唔會有失準我最常叫嘅係刺身拼盤，佢哋每日會有限定嘅由日本豐洲市場直送、百分百鮮度嘅優質時令食材。另外都會有由加澳韓入口水產，質素都唔錯㗎✨ 而且呢度會有seasonal menu，所以冇咁容易厭同有時都會有驚喜💕 而壽司米飯嘅口感亦好恰到好處，完美地配合魚生嘅鮮味。佢哋另外嘅日本料理都做得唔錯。先講千両 嘅鍋物，份量唔大份，但係都足料，而且湯底都好鮮甜。而佢哋嘅串燒就中規中矩，唔會燒燶但唔就無其他居酒屋燒得咁香，但價錢就比出面平。如果食唔飽都可以試吓佢哋嘅甜品，都係唔錯㗎！

喺這家小店嗰陣，真系有一種“返到屋企”嘅感覺。一入去，就聞到咗香噴噴嘅炒麵香味，真係引人入勝！首先點咗碗牛肉湯麵，啖啖肉嘅牛肉又嫩又滑，湯底又香又濃，似乎飲咗會再青春返3年咁！然後試咗個經典蛋餅，皮脆蛋香，入口即化，再加埋啲特製醬汁，簡直係齋啖到停唔到口！😋🍜🥢雖然呢啲美食平平無奇，但係啲味道真系讓人憶記猶新。賣相雖然唔算吸引，但係口感同味道就真系贏晒啦，絕對系隱藏版美食嘅代表！充滿熱氣蒸騰嘅小店，皮笑肉唔笑嘅大叔，以及隨處可見嘅香港生活氛圍，啲食物同埋呢種感覺絕對值得一試！如果你想搵啲地道食物嚟填飽肚子，記住唔好錯過呢間小店！👍👨‍🍳💯

🔸 雜錦刺身漬丼醬油漬刺身，刺身已經經過調味，更加提鮮！刺身包括三文魚、吞拿魚、油甘魚、珍寶帶子、甜蝦、三文魚籽及玉子，厚切刺身，用料豐富！總括🔹外賣平台不時提供優惠， 消費滿100減50！特別化算！

2023年11月7日 (星期二) 2:22pm 24°C 店內裝潢以日式為主，時尚為本，中央設置大型迴轉座位，旁邊為卡位，店外更設置室外餐卡位置，感覺舒適、優閑，可以自成一角。 環境光亮整潔，餐具乾淨。 當天本人參加合味道紀念館的穀物麥片工作坊，故此特地挑選此餐廳用膳。 人數：2人 HK$215.6 不用等位 直送魚鮮角切刺身飯定食 - 所有刺身均鋪滿一整碗，三文魚、吞拿魚、甜蛋和魚籽色彩配搭鮮明，而枝豆萬紅叢中一點綠，賣相絕對 100 分。魚塊厚切，質感鮮嫩，滑溜美味，珍珠米完全不乾硬，兩者皆沒有冰冷感覺，吃畢後，身體不會覺凍，符合本人要求，值得一讚！【推介之選】❤❤❤ 蔬菜沙律 - 新鮮蔬果，只要一拌勻芝麻醬，頓感滋味開胃。【推介之選】❤❤❤ 麵豉湯 - 豆腐粒和菇菌，配搭創新。 茶碗蒸 - 蛋感滑溜，內藏一隻大蝦和瑤柱，鮮美無窮。【推介之選】❤❤❤《 影 片 》：《 門 面 》：《 餐 牌 》：《 環 境 》：【 溫 馨 提 示 】：❶ 每款食品都是即叫即製❷ 另收加一服務費

今個秋冬季又係各款魚類盛產嘅時間, 見到咁啱千両新menu以秋季魚類配搭清酒.帶出細膩又上盛嘅旨味 「職人壽司」6點松葉蟹腳伴醋啫喱壽司松葉蟹鮮而甘甜 蟹味濃郁加上醋啫喱令蟹嘅鮮味更突出大吞拿魚腩配法國魚籽醬壽司大吞拿魚腩肥美 魚油油脂豐腴入口無筋而且帶入口即溶口威大吞拿魚腩加上魚籽醬更顯高貴魚籽將脆卜卜 每粒都極鮮味甜蝦昆布漬壽司由好多粒甜蝦製成甜蝦甘甜 質感滑溜多隻甜蝦疊埋一齊食 鮮味極濃炙燒厚切銀鱈魚壽司本身油分濃嘅銀鱈魚經炙燒後濃而香溢嘅鱈魚油脂慢慢浸出入口魚肉質感香滑充滿鱈魚魚油香氣活螺壽司活螺刺身好脆身又爽口螺肉厚肉又新鮮平目配炙燒裙邊壽司魚油油分香醇油脂感極濃郁嘅裙邊位一入口就感受到一陣濃厚炙燒甘香日式抹茶布甸配豆腐雪糕抹茶布甸茶味都幾濃味道唔會過澀但帶陣陣甘香配上紅豆。白玉。雪糕層次感極豐富清酒paring 一共3款清酒配搭唔同嘅日式美食每一款清酒都remark配咩食品係最夾渦 山田錦純米吟釀米吟釀神開一粒一善特別純米酒加賀の月琥珀月山魔純米吟釀三款清酒清澈通透入口米味及果香平衡又濃郁

一至兩個月內我都會去千兩食一次午市套餐同一個套餐可能半年左右都加咗$10-$20甚或有啲套餐好快就消失咗🥢八両定食 💰$108依個定食算係最抵食有沙律、麵豉湯、七至八件壽司、烏冬、炸物全場大部份人都係食依個始終價錢喺套餐入邊最平而且份量係最多味道上係正常嘅冇話特別好食但由於海港城依間嘅客人比較多所以佢嘅壽司、或者炸物就一定係即叫即整以依個價錢喺尖沙咀海港城食午餐就一定唔算貴坐嘅環境上就一般好多時都會安排坐吧枱吧枱就真係比較狹窄特別係好容易撞到隔離嗰位客人但冇辦法個店舖其實都唔大另外午市排隊嘅時間等候都比較長12:15pm前都會比較快啲有位因為有好多客人係會員會用電話排隊但係唔係會員嘅話去到先拎飛就一定會排耐啲

外賣訂咗多款卷物但全完唔得，卷物大多散開，令到唔想食之外，又有啲出水，最後放棄咗啦！以為尖沙咀區會好些啦！但唔係囉！真的十分失望，這樣黎睇，想有下次都比較難囉！

小編第一次食千兩，個人感覺佢係超越一般嘅日式餐廳。呢次叫咗好多嘢食值得一讚嘅就係焗粟米，白桃梳打，同埋佢個刺身。刺身食落非常之新鮮。 壽司飯咬落亦都好有口感好彈性，另外一個燒金薯。又係非常之好味非常之甜，整體上食物對得住個價錢。 而服務質素就非常之好。由於我食嘅時間唔係太多人，所以喺門口等咗唔係好耐就入座。

原來千兩嘅午餐好多選擇佢哋而家做緊豐州直送嘅海鮮午市定食一個套餐$200-$300當中包左茶碗蒸，刺身，飯，麵豉湯，同埋沙律啲海鮮都十分之新鮮，用料豐富，品種繁多，價錢都算合理，例如有鮑魚，牡丹蝦，海膽，三文魚，Toro，油甘魚，帶子等等當中最貴嗰個set差唔多$300有海膽同埋魚子，海膽新鮮冇臭味，三文魚子同海膽好夾，而刺身方面都係好新鮮，茶碗蒸熱辣辣好好味，沙律菜爽口，配上沙律醬。以後可以多啲午餐嘅時候嚟食

今日過咗嚟尖沙咀海港城呢邊行街行到咁上下嘅時候朋友就話想食壽司！入邊其實都冇乜好多壽司嘅選擇，所以就去咗食千兩！我哋都食其他分店都知道佢嘅水準有一定嘅質素！除咗壽司之外，比較驚喜到我哋嘅有佢嘅刺身！甜蝦非常大隻同埋新鮮，食落去有甘甜嘅味道，食咗出去本身貨源係非常新鮮！帶子亦都非常大粒，每一粒咬落去都厚身，食落佢都有口感，而且都係好鮮甜，正！油甘魚亦都充滿魚油嘅香味，刺身都好厚切！絕對對得住呢個價錢！有機會會再返嚟幫襯！