千之壽 (已結業)

尋晚入元朗諗住去金田食壽司,醒唔起佢哋星期二休息,於是去咗對面嗰間千之壽,我都係第一次去,等咗好耐.我最唔滿意就係佢哋舖頭入面明明有位都留空唔比人坐,要人白等.當晚我哋叫咗壽司,都好大舊,不過啲飯好酸,一啲都唔好食,再加上她們嘅服務態度,去一次已經足夠.

我覺得佢地D野真係好大件，D味道都唔錯!!我最鐘意食既係佢地既三文魚壽司，長長既三文魚配小小既壽司飯，口感幾好，D三文魚都幾新鮮! 係九龍一定食唔到~ 仲又炸蝦天婦羅同埋炸南瓜天婦羅，好香口，唔會淋"借借"，D炸粉又夠薄，食落去唔會成口粉，幾好!另外有個燒雞泡魚乾都好"正"，好香好野味，我同我老公都好鐘意食，值得推介!不過唯一唔好既地方，就係座位比較迫，佢地既大枱只有一張，係"tat tat me"位黎既，如果佢地可以擴充一下，地方闊落D，我一定會帶埋成班friend再入去食過!!!

同dad & mom去食千之壽, 紅日竟然唔駛排隊, 叫左個芒果蟹子salad$33, 花之戀$35二件, 滑蛋豬扒飯$35, 再加多款sushi芒果蟹子salad依舊大大碗,但係salad醬超多, 搞到好漏啦....芒果唔新鮮, 蟹子好多同埋個salad主要都係青瓜為主, 唔夠甜味.滑蛋豬扒飯可以話係好難食, 估唔到呢個咁低難度的食品都做得咁差, 個滑蛋好老又好少, 個豬扒就ok, 但係飯又唔係日本米, 又好濕, 唔掂......花之戀係好抵, 2件都係$35, 三文魚好fresh, 但係由於太大件, 好易散開同埋超飽肚.... 三文魚sushi都重係好長好fresh, 但係立魚就唔新鮮, 咬落淋pat pat, 帶子新鮮又甜, 黃金魷魚都ok, service就唔得, 叫極都無咩人理, 同埋坐得超迫, 但係一分錢一分貨, 無計啦.....

今天晚上，我們兩人在此吃罷後，埋單計數收我$255，我們曾初步計算應是$165，於是再入內查証，初時，她們再計也是$255，但再對一對，原來她們將兩項不是我吃的食物算到我的份上，不知是奸商？還是另有內情？大家幫襯時，小心小心！

雖然出名好食，但係都唔洗咁串呀?!星期日一心由沙田搭車出去食，去到2:30見到門口無人等..諗住好啦.咁遠水路黎喥有得食，入到去同佢講四位,佢話無位，我見到中間有二個位，問佢可唔可以加多兩張圓"桡"佢話唔得(空間是足夠的)我同佢講我專登黎食..唔介意坐二人台..佢話其實3:30落場..我話唔緊要..我地會3:30前走..佢都堅決唔俾..咁我就問佢可唔可以叫外賣..佢攑張紙同筆俾我..then 叫我出去填..一踏出門口,頭都未拎轉..佢啪一聲關埋對門果下感覺真係嬲到...即刻拋低d紙筆走人..大佬呀..有生意都唔做..仲要咁絕..咁受氣..幾好食都無用啦..奉勸大家唔好幫襯佢..等佢以為自己咁巴閉我就唔信無第二間好食過佢~~

記得第一次去食係三年前既事，之後間中都有去食下，時至今日D食物件頭雖然都仲係咁大件，但係就冇以前咁新鮮啦，不過D員工既服務態度就冇乜點變都係麻麻，總括黎講都係差左，但係又吹佢唔漲依然係咁多人排隊喎。其實而家係元朗食日本野有大把選擇啦!我諗我都未必會再去囉...

朋友好想食日本菜，於是o黎依度dinner~ 都幾多人，要等約10 mins~ 我o地三個人叫左5個dish都勁食剩野；無他，食物真係好大份:　三文魚刺身(8件)-大份係好，新鮮度都ok，不過我嫌佢切得太厚，影響口感~蟹籽沙律-好大份呀...計我話八個人或以上分都得!味道就一般啦，因此食剩好多好多~吉列炸蠔(8件)-鍾意食蠔o既朋友覺得麻麻，我覺得ok啦~牛油炒野菌-普通o既一道日式蔬菜~炸雞翼餃子-原本最有期望o既菜色，食落發覺都幾難食下..　食物真係好大份，所以唔可以話唔抵；但味道、環境、服務都唔得~ 另外，有則趣見聞：我o地食食下野，waitress唔知做乜泊張檯o黎~ 原來有另外三個客人o黎，餐廳又冇位所以就泊埋一齊食...雖然預左依度唔係高級餐廳，不過通知都可以o卦?

終於可以同老公食這間出名日本菜,喲三文魚真係好大件呀.仲有8件,味道都ok啦.不過真係好抵呀.我們去到都9點幾,但依然好多人,但可能我們係平日同埋9點幾所以好彩吾洗等.有機會都會去食多次.

D壽司手卷超大件...勁誇張...大到有D嚇人...根本唔可以一啖係食...野食黎到時大家都好開心...掛住同D大型壽司影相...但係實在太大件啦...食兩三件已經飽飽地...果件手卷入邊D飯誇張到成碗飯咁多...俾D飯塞飽哂...但材料唔多新鮮...其中有D飯唔知係咪太多醋...攪到酸酸地咁...係個芒果蟹籽沙律OK囉...十二個人...埋單每人八十幾...係好抵..但唔好味果下弊呢...仲要排咁長龍...唔值

之前朋友介紹去食都覺得好好味~好大件~..開頭D 務服都ok去多幾次越黎越衰~~ 叫佢整野好似咩咁~整到好大聲~比錢受氣咁有次我老公去叫外賣喇~佢就咁掉張紙同筆比我老公~張紙我老公都未拎實佢就放手~跌落地下呀~佢見到都另轉面走喎~~跟住就無去到果間野食喇~去都只會去投訴佢~哼嬲到我丫

上星期6晚同朋友去食，6:30pm去到已經有好多人排緊隊，排左差唔多一小時先輪到，不過已經好過田中ga la。呢間最抵食gei就係魚生，我地例牌叫左個三文魚魚生($55/8件)同壽司($15/2件)，另外再叫左3款壽+一條魚。d魚生好厚好大件，大到我地唔知點入手食，不過d飯就軟身左d...唔係咁好。不過咁gei價錢真係好抵食!

家姐請食, 叫得唔係好多野, 不過sushi 同手卷都好大, 大到食完一件等於食完一碗飯。請人地食我都會再去, 自己少數人食就唔會去, 每件都太大件, 食唔到幾多款就飽左, 個蟹籽沙律($30) 夠4-6 人食, 點叫其他野好?!?!~1.推介-- 雞泡魚乾, 超好味2.sushi/手卷-- 超大, 一件等於出面兩三件, 個手卷個樣大到有點恐怖3.牛柳/牛仔骨-- 同一個汁, 係幾好食, 不過如果兩樣野唔同汁會更加好4.天婦羅-- 0的炸粉唔得, 藍天會好食好多5.加州反卷/炸蝦天婦羅卷-- 太多飯lar...今次同埋小朋友(發育中)去食, 咁就好抵, 如果平日食開細細碟, 食多款式的就唔好去了, 食物只係一般, 得個\"大\" 字。

15/10 6:30pm食完陸記行左一陣,6:30左右黎試呢間日本菜,呢個鐘數見人山人海,我地等左半個鐘先有位.我地叫左2件三文魚壽司$15,軟殼蟹手卷$25,芒果蟹子沙律$33,野菌煮豆腐$30.三文魚壽司---三文魚尺寸十分長,亦相當新鮮!唯飯團吾夠實,飯粒無口感.軟殼蟹手卷---一般.軟殼蟹可以再脆身d.芒果蟹子沙律---超級巨型,size約有湯碗咁大,蟹子份量同芒果亦吾少.兩者皆屬新鮮.青瓜同蚧柳絲既比例系9:1.不過$33,抵食架啦.野菌煮豆腐---味道吾錯!豆腐炸過再用汁煮,仍保持到內裏十分嫩滑!野菌夠甜鮮.埋單$101,以食物質素可以講系超值.但d服務真系差到震.個長髮女侍應不停踢到我男友張櫈,仍當若無其事.叫佢加茶叫左幾次都無反應.我諗呢間店既老闆真系再培訓下d員工.

其實第一次去食嘅時候都幾驚喜嘅, 話晒都係一般價錢就食到刺身勁大件嘅壽司, 不過唔知係咪個老板都係諗住去親食嘅人都好似乞兒咁, 受盡佢哋嘅恩惠呢? 令到d員工塞得幾多人得幾多人, 可以將gor張所謂"塔塔米"ge坐位"質"十二個人搭枱一齊坐, 講真, 若果係大家認識嘅就真係無所謂, 唔識嘅大家要保持距離你話食得幾唔舒服, 而且佢要人除鞋入去坐, 張地氊勁污糟呀, 完全唔理人感受, 總之好似趕牛咁趕, 當正你係低等動物.還有呀, 話說當日我們共四位, 因為佢要大排長龍, 咁我與其中一友人先去等位, 當到我哋有位嘅時候, 已有三位到達(但其實我另外一位友人可於兩分鐘內到), 都唔俾入, 而俾咗下一位三人到齊入座, 但座四人枱, 你話幾咁stupid, 完全唔識做生意, 當時真係好嬲, 我已經三番四次提及另一位友人只在附近, 都好似要用佢嘅準則做事咁, 佢話唔俾你入就唔俾你入.而且, 講真, 服務態度嘛嘛, 經常呼喝客人, 例如安排客人坐"塔塔米"座位時, 會無禮貌大聲地說"要除鞋架", 真係好笑, 我唔覺得佢哋張地氊會乾淨得過嗰個人對鞋囉. 要求落單反而又要客人三催四請, 收客人食完d碗碟

唔..我聽朋友講話哩間野好好味,d野又大件咪心思思黎試下law,但係真係冇令我失望,仲比我預期中大同埋好食tim,但真係要排好耐呀,一入到去我點左1份3文魚壽司,蟹子壽司,海胆壽司,同埋加州反卷.而熟食就點左牛油炒野菌.嘩.手先講條3文魚先啦,真係好長呀.已經嚇到我隻眼突左出黎喇.之後到蟹子壽司,好似堆緊一座山咁,到海胆壽司啦,嘩!又係勁,d海胆多到丫...唔知點形容!!!個加州反卷就正常d囉.但係都有8件!!!而個牛油炒野菌就好好味,牛油既味道好適中.總括黎講我覺得呢餐係絕對抵食,我諗我都會繼續黎既.而且d野食又上得快.唔似其他餐廳咁等到頸都長都仲未有得食!!