千之壽 (已結業)

聽過好多人話呢間好抵食...咁咪去試下囉~~昨晚去到...排o左個幾鐘...終於有得食~~~一入到去...第一個反應係.."嘩.........咁殘o既...."牆身d批當甩甩地...個鋪又細...d 位又逼...又要同人搭檯...搭都唔緊要..最麻煩你...其他人走...要我地成檯人起晒身..其他人先走到...>_<"不過都算..如果佢d野好食...都冇所謂啦....點知..一坐低....睇住佢俾我o個個碗.........一隻小小小強....o係我面前...由個碗到...爬出o黎.....難為同我地一張檯..又食緊o個3位食客.....睇晒全程.....咁我都算啦~~換過隻碗啦~~~order o左幾樣野...蟹子沙津..三文魚壽司...花之卷等等....蟹子沙津...多就多...不過食到尾就出晒水.....三文魚...舊魚就大..d 飯好散...d 手卷....d飯使唔使咁多呀..................其他野都係普普通通.....總括o黎講....得個大字......大得恐怖.......唔鍾意....但反而試唔到好多款就飽晒....為o左食d 咁o既野

吃了三文魚次身, 鰻魚壽司, 蟹子沙拉, 加洲卷同豬排旦飯d野碟碟都好大碟, 三文魚次身有八件, ok 新鮮鰻魚壽司條魚等於普通既鰻魚壽司上面條鰻魚既三至四倍, 但係舊飯係normal size. 一般既鰻魚壽司係個腩, 但係佢只不過係由腩至尾都上埋碟. 同埋唔係燒得太好, 鰻魚唔夠肥美, 燒汁麻麻.因為飯同魚既比例太唔平均食既時候原全唔覺得自己食緊壽司.蟹子沙拉有一個湯碗, 30蚊好多蟹子同沙泣, 普通既蟹子沙拉變大版, 食到最後好似開始有水出加洲卷都係普通, 得個大字豬排飯麻麻, 豬排同飯都唔掂結論: d野係大件夾抵食, 材料同功夫都唔係一流. 咁既價錢仲想點. 不過唔係咁鍾意佢整到個壽司唔似壽司.

上星期去過田中, 所以噙日同我男友去左食, 噤住比較下啦!! 我地超早去到.. 下午5點半(事關大前晚7點去到等左好耐結果放棄左) 噤住早d去, d services 都好d啦!! 嘩點知~~ d人懶過鬼呀!! 我飲完杯茶勁耐都無人去添, 要叫先識去做, 果三條友企晒係我後面發呆... 仲要全場黑口黑面... 都唔知係咪做生意架!!!!!!!!!!!!叫左個三文魚壽司, 佢塊魚真無厚過田中呀!! 不過d飯散晒... 個軟殼蟹手卷只係食到胡椒味...食完先知原來元氣已經係好好食架啦!! 以為花之卷應該會好d啦~ 誰知.. 果三塊三文魚咬唔開架! 又唔新鮮喎! 最利害都莫過於個炸蝦野菜天婦羅啦!!! 根本就係炸垃圾.. 無一件野係有味架.. 連蝦都可以係無蝦味... 真係好難整喎~~~ 最慘係食完出左門口唔夠15分鐘已肚痛...一共肚痾左3 次, 我男友肚痾左2次!!經過呢次教訓... 我相信唔會再有下次架啦!!

睇完呢度d食評,同個fd 2個人去左試下啦,都諗住好大碟,但比想像中太大啦^^1.芒果蟹子沙律($33)-嘩~真係好大碗呀,食咁耐日本野都未試過叫個沙律咁大碗架~2.什錦刺身(十八件)($148)-有八款刺身,三文魚好多件,真係好似其他食評人咁講,成隻手掌咁大件;甜蝦幾甜,海膽都幾甜,無鯹味;北寄貝,八爪魚,帶子,吞拿魚...又話得18件,點知每款都有成4件,食到唔想食~坐的位都幾迫下,間舖都幾細~刺身幾新鮮!!本來諗住叫其他炸物,但食埋d刺身已經好滯,d沙津仲有成大半未食呢~

自從04年和男友光顧此店後，一想食壽司就諗起這裡。今次星期六晚來，未到7點就要等位。不過都無動搖我們要光顧的決心。約半個鐘就有位喇~不過要和另一pair男女share四人枱。無計啦，太多人了。坐好買下menu點野食，發覺好似加咗少少價，不過仍然係抵食。我們點了海膽拼三文魚剌身(4件)$60、黃金魷魚壽司$15、帶子壽司$19、天婦羅炸蝦卷$38。海膽屬一般，三文魚則又厚又滑。黃金魷魚就滿到瀉，帶子甜又滑，第一次試天婦羅，普普通通啦(我對蝦無乜特別興趣)。其實好想試下蟹子沙律。但我倆無可能會吃得哂，因為勁大碗，我想...有四人分量，哈哈，唯有一大帶朋友去食先order喇~~

又去食啦, 真係忍左好耐, 好掛住佢d大大件suszi, 去食個日係星期六間, 等左好耐, 七點半等到成八點半啊!今次叫了一客刺身雙併(帶子併吞拿魚)$58, 吞拿魚不過不失, 水準一般, 但勝在厚片咬落有質感, 帶子好好味, 好鮮甜好正, size一般, 好回味!!花之戀$38二件, 真係抵到啊, 舊野係大件到用筷子一次都夾唔晒架!! 由於太大件個, 賣相係差少少, 但三文魚超新鮮, 食完認真有d飽肚感. 壽司方面(各$15二件), 鰻魚雖依舊大件, 但係鰻魚好明顯縮左水, 平日鰻魚CUT開有2邊會平舖係飯上面, 但而家只係得一邊舖係上面. 立魚都OK, 但都係一般貨啦! 蟹子Salad壽司都好正, 因為salad勁多, 由於男友一早估到壽司上有勁多salad, 所以都唔叫salad啦, 真係叻!!另叫一個鮮蝦野菜天婦羅$58, 有3隻蝦但係唔係好大隻同唔係太新鮮, 蕃薯,茄子同冬菇都好正, 芉頭就麻麻. 下次都係叫雜菜天婦羅雙併好過其實呢度真係好抵食, 最唔好係次次都要排長長長長龍, 同埋坐得迫迫迫迫d, 如果唔係會去多幾次!

今日做完一日運動後好肚餓因為想食日本野專登搭車入黎元朗食兩個人叫左蟹子沙津,花之卷壽司,鰻魚壽司,牛油炒金菇,燒魷魚筒同三文魚刺身三文魚刺身～嘩,呢個一上檯已經令我地擔心食唔食得晒,一客有成八片又厚又長,長度有一個手掌咁長,一人食四塊都飽左一半花之卷壽司～又係一大堆蟹子o係面,有三片又厚又大既三文魚圍住,一件有成個女仔拳頭咁大鰻魚壽司～一客有兩件,飯團係正常size,但面既鰻魚一件有平時街巿賣一條咁大,味道一般,但就好抵食牛油炒金菇～一客似係用左兩三包金菇炒成,炒得唔油但都冇牛油香,好彩都幾好食燒魷魚筒～個汁似係現成燒汁煮成,魷魚燒得剛剛好,唔會un,唔錯但都係無乜特別蟹子沙津～好大盤,又有好大堆蟹子舖面,但最後因為太飽,結果要打包番屋企我地差唔多六點去到本來好肚餓但最後飽到食唔晒又要打包(唔駛額外收錢)咁都只係200 蚊左右超值唔怪得到六點九我地走時已經有十幾二十人o係舖外面等位啦!

成日聽人講呢間野d魚生抵食夾大件，今晚順路去見識下。因為未夠六點就去到，唔駛等位，不過如果遲15分鐘都要等，真好彩!兩個人叫左什錦刺身($138)牛油金菇($3x)牛仔骨飯($44)同埋軟殼蟹手卷($23)。一上個刺身就知"奶"野，因為真係大到無輪，一定唔止餐牌上寫的十八件。有海膽、帶子、劍魚腩、三文魚、吞拿魚、北寄貝同油甘魚(而家諗起都有d想嘔....)件件等如人地兩件咁滯!!!!!我都係第一次食刺身會食剩，真係哽唔落，唔係飽咁簡單，係有d"意膩"!個軟殼蟹手卷又係大到嘔，成隻蟹"突"晒出黎，女仔食一個都飽。不過d飯仲係熱，有d怪。至於個金菇，我估落左四、五包去炒，食極都食唔完。牛仔骨飯亦都有成七、八塊牛仔骨。我男友邊食邊話個老細一定係中左六合彩!當見埋隔離位的沙律、甜蛋壽司、仲有成廿幾隻一碟的蝦刺身($55only,好似去釣魚咁)，就真係睇到我地眼"突突"!抵就係極抵食，多d人去會好好多，起碼可以食多幾樣野。不過就坐得唔係幾舒服，勁搭，好迫下。會唔會再去呢?呢一刻真係唔識諗，可能三文魚上左腦....

友人快回美國讀書.特地來餞行就坐之前首先等了一個小時, 幸好友人有座架,我們在車上等候,一小時後有位了.我們急不及待點了數客菜色.花之卷($32)....小飯團被三大塊三文魚包著, 被大件, 很抵食.蟹籽沙律(不記得)....極大碗, 用一個粉麵舖裝雲吞麵碗上菜,蟹籽又多, 最低層的芒果和沙律配合得不錯,芒果甜度適中.鹽燒鯖魚($52)...本人極喜愛的日本菜色, 除了魚皮放得太多鹽外, 沒有甚麼可挑剔. 不過比起在上水的藤原拉麵店還有少許距離。炸蠔( ?) ...有八件,上菜時頗熱,入口要小心,蠔的味道得以保存.可食得過.甜旦寿司($12).....甜旦厚逹3cm, 我和友人二人吃一件,吃後已覺飽....想留肚吃其他食物的不宜吃黃金魷魚寿司,三文魚寿司($18),,,,,同樣分量極大..味道ok....不過可惜的是....吃到一半...有一隻蟑螂出現..友人立刻用紙巾把牠捉著放在地下...那位友人立時無胃口...另外三個包括我在內繼續填飽肚子...幾分鐘後...第二隻蟑螂出現.......這次到我無胃口...結賬時還竟然無折扣....不是食物好就得架....唉..因著蟑螂....我第

兩個人order左1) 三文魚刺身。一上桌真係俾佢嚇親。八件手掌咁大0既三文魚，質素可接受，但食左兩件已經唔想再食‥‥‥(2) 金菇牛肉卷。又係八大件。金菇同牛肉本身都唔新鮮，兼且個汁太甜。唔掂。(3) 蟹子沙律。size 係一個食湯麵0既碗，仲要堆到山咁高。味道唔差，不過都係果句︰少食多滋味。價錢係好平，但唔會有下次喇應該。我諗一大班人柴娃娃0既話都可以一試~

首先,我建議要lunch堂食.lunch比較少人,唔洗排隊,一到夜晚d饑民出動,絕對要等返三五柒個鐘先有飯開.仲要係佢地師傳唔夠班,一到夜晚多order個時就柒國咁亂,整左一大堆垃圾出尼.我試左一次食夜晚之後就永世難忘唔敢再試.d飯又濕又散,呢d叫壽司?定係BB飯?難得d人仲敢繼續排隊,好野,值得嘉許.但係lunch係元朗區如果想食壽司的話我就絕對推薦,因為lunch同夜晚絕對係兩個世界.佢價錢都算OKAY,14蚊一碟三文魚壽司,大大條咁,對比其他壽司鋪,都可以算抵既,d份量同田中個d壽司差唔多,但係我絕對推薦千之壽,因為相比之下,田中個d先可以真真正正咁做到大而無當,金玉其外既境界.佢d刺身雖然談唔上新鮮,但係佢既份量足以將功補過.同埋起馬佢無田中d壽司個種既腥臭味.其他壽司都唔錯.試過手卷d紫菜係脆既,幾好.不過嫌佢飯太多,咁多飯食得好辛苦.值得推界既係芒果蟹子沙律,早前係28蚊,依家加價到30蚊,我就開姑對佢有所保留.份量都幾大,絕對可以當飯食.蟹子芒果都算足.不過試過個base有苦味,可以唔岩季節.其他熟食未試過.一句講唒lunch去食都可以接受,元朗區都算數一數二好,但係我由

一個字正, d o野又新鮮又抵食又大件, 又平. 不過d座位就少左d, 無論幾時都咁多人等位. 最衰冇得book位啦. 如果唔係就perfect啦

之前都有去過, 尋日心思思又要去食過... 去到差唔多兩點幾, 於是一坐低就叫野食, 因為太肚餓啦.... 我地兩個人叫左什錦刺身拼盤($138), 好多料呀.... 又好新鮮, 仲有叫左個冬菇天婦羅($30), 雖然加左價($28-->$30)但係數量多左好多..好好味呀... 之後因為男友愛食帶子, 咁就叫左一客帶子壽司($18)&一客蟹子壽司($14), d蟹子多到好似唔使錢咁, 要我一羹羹食...埋單$200兩個人仲要好飽, 好抵食.(如果唔計車錢, 因本人住香港區)

我都好耐無去啦... 講起都有成年幾啦, 之前因為沙士問題同埋自己本身住係香港島, 好少機會會專登去食... 不過我好鍾意佢地既"冬菇天婦羅", 好大碟又多, 比起元神只有6隻, 我覺得好好多.. 諗起都想食啦... 仲有, 芒果蟹子沙律, 帶子刺身....一流呀... p.s. 千萬唔好眼闊肚窄呀.. 因為真係好大碟架..

因為一間懶"經貴"的田中壽司,食野限時四十五mins, 搞到成個元朗都係日本料理, 但係好多都係唔掂, 呢間千之壽就正啦!舖頭位置麻麻同埋唔係好大, 四十個位咁上下啦,可能因為咁價錢做得平d啦,又唔會限時, 唔駛食到趕頭趕命,好!講番食物..芒果蟹子salad($28),size好大, 係我食過咁多次蟹子salad中之最大, 但絕對無偷工減料, 芒果勁甜,蟹子好似堆山咁多,另外配青瓜絲,蟹柳絲咁, 好fresh, 好味, 必食推介什錦刺身并盤($138)有十八件刺身, 除了一般三文魚,吞拿魚,八爪魚,北寄貝,甜蝦之外,重有鯨龍,帶子,重有一板海膽,平日一板平極都要八十啦,加上元朗區d壽司店係標榜king size,d剌身真係好厚好長, 唔係薄到透明個d喎,一定勁過灣仔元神,係咪勁先?? 必食推介之二啊!!金菇牛肉卷($28),雖然無咩特別,但係牛肉唔會鞋,ok啦!!天婦羅雙併($28)可以選二款野菜天婦羅雙併,南瓜同鮮冬菇係我favour,炸得夠火喉又唔油, good!!(什錦天婦羅做$68反而好似無雙併咁抵)壽司都係買$15一客咁上下, 但係上面個塊魚係長到拖地喎,壽司必食係饅魚,立