千歲擔擔麪

营业中

休息中

千歲擔擔麵其實就是詠藜園的分支, 所以每次品嚐的, 必然有其擔擔麵, 對比起原本口味的, 改良版本味道更濃, 有辣肉碎, 口感和味道層次更豐富. 小籠包的處理也可以, 湯汁夠, 肉餡也香嫩, 包皮不會太厚, 只是頂端會加厚, 方便食客從頂端夾起來, 也算是窩心的表現. 至於牛肉餡餅, 外皮香脆肉汁澎湃, 但是比起清真可以再改善的就是整體麵皮依然偏厚, 而且牛肉內餡味道比較單一.整餐最有驚喜的是大千雞, 其實就是香辣雞丁的方便版, 用上沒有骨的雞腿肉, 這裏的雞肉嫩滑, 肉汁不比之前提過的遜色, 更重要是先炸後炒的處理, 外皮薄而酥香, 味道能夠吸收入雞肉之中, 辣到剛好, 以小菜來說恰如其份.She is a branch of Yongli Garden. It offers a tastier version of the original flavor with spicy minced meat, rich texture, and layers of flavor. The xiaolongbao is well-prepared with enough soup, tend

最近去咗千歲擔擔麵食咗佢哋嘅改良版擔擔麵同小籠包，真係有水準！擔擔麵係佢哋嘅招牌之一，佢哋將肉碎加入麵裡，令味道更加豐富。而且可以揀辣同唔辣，我就揀咗唔辣，都好好食😋小籠包係呢間餐廳嘅另一個亮點，佢哋嘅小籠包皮薄，一口咬落去，滿滿湯汁。肉汁鮮美，每一顆都彷彿一個小小的美味驚喜。午餐套餐係呢間餐廳嘅特色，價錢亦都好抵。套餐包括前菜、湯同白飯，非常豐盛。我揀咗個青瓜做前菜，青瓜爽脆，清爽解膩。銀芽鱔糊超多銀芽，口感好爽口！鱔糊夠入味。另外散叫咗紅燒豆腐，紅燒汁夠味。

來到裕民坊撘車，點知又遇上觀塘塞車，咁就係商場食埋飯先啦。商場唔大，但食店好多，轉了一圈決定食千歲擔擔麵。店員示意隨便揀位坐，坐低後便送上熱茶同餐牌。食物都幾多野揀喎，仲有二人餐、四人餐等。⭐豆干馬蘭頭好耐之前在一家外國店食過覺得好好味，便試下此店的豆干馬蘭頭，味道做得不錯，爽口鹹香，只係份量略微少了點。⭐詠藜園擔擔麵餐牌上有幾款擔擔麵，揀左佢招牌名稱的擔擔麵，要辣的，賣相幾正常，滿滿的湯同香蔥，香濃花生醬味確實不錯，個人覺得再辣點更好😋⭐楊家小籠包皮薄湯汁多，熱辣辣的小籠包好正。⭐炸銀絲卷炸得很香脆，點埋煉奶食好好味。⭐羊肉餡餅即叫即煎的羊肉餡餅，勁熱呀，一咬爆開的湯汁，又脆又鮮味😋味道滿分，但size太細了，棋子餅餡餅，一個唔夠喉，下次一人要食夠三個😆上菜勁快，食完成餐都唔使一個鐘，哈哈🤭

講開今日去嗰家食堂，真係一個字—正！👍 上來先拍拍張相，內置濃厚古早味嘅氣氛，一陣子就忍唔住落手落腳。開頭嘅鎮江肴肉滑得嚟又甜，啖啖肉，入口即溶！皮蛋豆腐嘅組合爽滑得滯，真係會令人一試愛上！🥢跟住嚟個擔擔麵，攪一攪，麵條彈牙得來湯底惹味，溫和嘅辣度剛剛好，辣而不燥，真係開胃！搭埋功夫小籠包，啲皮透明得黎唔破，一咬入去，肉汁四溢，滋味滿分！賽螃蟹蛋白炒得金黃鬆軟，吸滿咗鹹香蟹肉嘅鮮味，唔係好重口味，但係味道足，食落心情大好。最後加上條蔥爆牛肉，火候揸得正，牛肉又嫩又多汁，真係無得頂！總結呢頓飯，口感豐富，層次分明；每一道菜都俾我嘅味蕾過足癮！下次再約埋啲臭朋友嚟撐場，講真，呢啲地道味，簡直係現代都市裏頭留住嘅寶，記住㗎，尋味觀塘，一定要嚟試下！🍜

自裕民坊重開後，當中有唔少新開食肆，一樓平台花園更富有特色。滿滿綠化環境，不似繁忙既觀塘區。#千歲擔擔麪 主打京川滬菜，相對於附近價錢親民!!入座後，店員隨即問開咩茶，有普洱同香片選擇。並推薦擔擔麵為必食之選!!詠藜園擔擔麵$43擔擔麵有分傳統同改良版，辣度更可自由選擇，一上枱已經嗅到超濃郁芝麻花生醬。湯底濃郁，配上彈牙爽口麵條，仲有少少肉碎!!楊家小籠包$48剛剛蒸出嚟熱氣騰騰，每隻都好飽滿，咬開粉皮，有湯汁流出，配上醋汁一齊食，好味。咕嚕肉$93咕嚕肉都做得大碟，卷住少量蛋汁落油鑊炸，所以係啖啖肉，配菜有好爽口洋蔥同青红椒。酸酸甜甜嘅小菜， 送飯一流。咸肉津白$88火腿味道咸香、津白熬到軟林林，好岩老人家食，食落肚仲暖笠笠同友人食到好飽, 下次黎要再試埋佢地既甜品。

這天晚上，去到位於裕民坊的千歲擔擔麵吃飯。餐廳座位寬敞，坐得舒適。選擇了全日二人餐。涼菜二選一，我們選擇了鎮江肴肉，口感軟綿細滑。咸肉豆腐湯非常清甜，材料也豐富。回鍋肉辣度不高，容易入口。黃金蝦球香氣四溢，蛋黃醬滿滿的包裹着蝦球，十分滋味啊。底下墊了一些豆角，也有包裹着蛋黃醬，味道一流。濃湯翡翠苗以非常清淡但味道香濃的湯底烹調，很合個人口味。功夫小籠包皮薄餡靚，盡顯大廚功架。兩碗招牌擔擔面，是細碗的份量，走了蔥，配合家人喜好。

家庭飯聚在「千歲擔擔麵」， 儘享川滬粤美味佳餚。餐前小食~由香脆花生米與大豆芽菜打序幕。蜜汁火方~蜜汁火方是浙江傳統名菜，而浙菜又是中國八大菜系之一，在香港也不是每間菜館都會供應的菜式，因此我們也不會錯過一嘗滋味，金華火腿色澤火紅，蜜汁透明，十分討好，入口甘鮮味美，配合薄胞、青瓜片與夾饃，火方的香軟、青爽，香脆，果然沒有令我失望。銀芽炒鱔糊~是我久遺了的上海名菜，鱔魚是營養價值高又有補益功效的「好魚」，配合爽脆銀芽炒，爽而不糊口，味道香濃。椒鹽肉排~肉排鬆軟香脆，入口散發出椒鹽的陣陣鹹香，伴隨香脆的炸蒜吃，口感極佳。上海粗炒~那些年，上海粗炒曾經是街頭麵食，麵條與椰菜，簡單的食材，却炒出香、濃、鮮的味道，現在的上海粗炒已經出得大廳、上得大枱，眼前的粗炒也經過改進，保留著香、濃、鮮的味道，也減輕油膩感。豆沙鍋包~ 我每次到上海館子必吃的甜品，喜歡它外脆內軟、甜而不膩，色澤金黃的賣相也很討我歡心。

位於觀塘裕民坊商場嘅❤︎︎千歲擔擔麵❤︎︎係名店✩詠藜園✩旗下嘅新副線，主要承傳✩詠藜園✩擔擔麵，主打食上海菜，店內空間感十足，有間大房可以容納12-15人，好適合開會/聚會，窗外望住園內花草🪴水池，真係好寧靜寫意，呢到嘅一人午市套餐都係$75咋性價比高，茶芥都係$5/位，推薦大家來試吓。❤︎︎詠藜園擔擔麵❤︎︎$43來呢到一定要嘆返碗招牌菜嘅擔擔麵啦，佢地自家製嘅芝麻花生醬超濃郁😋麵條爽彈又有肉香👍🏻必食之選。❤︎︎京蔥牛肉❤︎︎1人餐$75呢個午市一人餐，會跟一個前菜，一碗白飯同湯，必定食得飽👍🏻爽脆嘅京蔥吊出牛肉嘅香味，味濃香口，送飯一流。❤︎︎麻婆豆腐❤︎︎1人餐$75麻辣味岩岩好😋豆腐好滑好軟嫩，呢個菜又係好好送飯。❤︎︎鎮江肴肉❤︎︎前菜入口好似肉味啫喱一樣😆口感軟淋淋的，食而不膩。❤︎︎雞絲粉皮❤︎︎前菜粉皮彈牙順滑，香濃嘅麻醬同花生醬味，雞絲同青瓜份量足料，撈埋一齊食，簡單美味。❤︎︎楊家小籠包❤︎︎$48小籠包即叫即蒸，上枱時重出煙架😍外皮煙韌，餡料爆滿，連埋湯汁一齊食，每一啖都香濃鮮甜。

早排到裕民坊食晚餐時見到有間中式餐館【 千歲擔擔麪 】。店舖唔算太華麗的裝潢，但環境都好舒適。今晚同家人試下食晚餐🥢咕嚕肉💲93肉質嫩嫩，配上酸酸甜甜的醬汁，口感豐富。酸辣麵💲46麵條彈牙有嚼勁，湯汁酸辣開胃，配料搭配得宜。香蒜海蜇 💲85海蜇的質地爽脆，搭配蒜香，味道扑鼻。生煎包 💲39煎得金黃酥脆，加上芝麻，好香口。內餡鮮嫩多汁。茶位💲5@小食💲6.【 千歲擔擔麪 】📌 觀塘協和街33號裕民坊YM² 3樓302A號舖

同屋企人想食上海菜，見到裕民坊三樓有間環境不錯的上海菜餐廳，決定試一試。銀芽炒鱔糊 $168鱔糊爽脆惹味，銀芽清爽，但主角似銀芽多啲，如果鱔糊份量多一些就更好了。椒鹽肉排 $93啖啖肉，豬扒肥瘦適中，加上惹味的調味，很香口。上海粗炒 $88份量大，味道濃郁，每樣食材均勻地沾上醬汁。改就良擔擔麵 $52濃郁帶辣，芝麻同花生味道出色，香氣十足。麵條細滑，但不會過軟，軟硬適中，掛湯放果出色。楊家小籠包 （4隻） $48皮不厚，多肉汁。茶位 $5/位餐廳食物同味道都不錯，想食上海菜的話，是不錯的選擇。

食左多年詠藜園，我家三代都係食佢的。呢間第三次幫襯。今次有d失望同之後應該去返黃大仙食。擔擔麵的麵質和湯都同老鋪差多。有人覺得詠藜園最好食的係擔擔麵。我覺得最好食的其實係炸花生。最前第二次幫襯已經無左涼面，現在炸花生都無埋。

今日好想食上海菜，醒起觀塘裕民坊3樓的平台，有間#千歲擔擔麵 ，一於搵埋同事收工一齊去開餐囉☺️。花雕醉雞，酒味清甜，雞皮香滑爽口，雞肉🍗是脾位故很嫩滑，夠清凉前菜首選。大家都喜歡食生煎包，因豬肉餡料鮮滑多汁，包底煎到好香脆，size啱晒一口一個☺️，點埋醋更好吃。紅油水餃🥟，比起紅油抄手，水餃的皮就厚身啲，咬落有煙韌感，紅油帶點辣又甜甜地。青菜煨麵，湯底是奶白色的，飲落鮮甜夠熱度，配料有青菜🥬、磨菇跟旬夠健康，麵條亦爽滑淋身。

今午約同三五知己，到官塘裕民坊YM2千歲擔擔麵聚聚和吹吓水。我揀了個4人套餐涼菜可4選2，我揀了鎮江肴肉和皮蛋伴豆腐。湯可2選1，我揀了酸辣湯。小炒可4選2，我揀了蔥爆牛肉和賽螃蟹。海鮮有松花桂魚。菜可2選1，我揀了濃湯金華火腿津白。點心有功夫小籠包。還有4碗招牌擔擔麵，可選辣和不辣，我揀了辣。鎮江肴肉這碟涼菜不錯，肴肉有少許鹹香味，再配搭有甜酸味的鎮江香醋醬料，入口即融，層次感十足。皮蛋伴豆腐豆腐口感非常之滑，連同糖心粒粒皮蛋一齊食，感覺非常之夾。酸辣湯湯裏混了豆腐絲、木耳絲、瘦肉絲、荀絲、冬菇絲、蛋花和蝦仁，材料都頗為豐富，但可惜這個湯不夠酸和辣，而且蝦仁不夠新鮮。蔥爆牛肉京蔥炒得夠軟身但咬落還脆口，感覺香甜，牛肉質感夠滑和腍，每一條京蔥和每一片牛肉都剛好粘上濃濃的醬汁，鑊氣十足，滿足了我的味蕾。賽螃蟹除了蛋白外，這道菜還加了少許蟹柳和搖柱，感覺不太單調，但可惜味道淡了些和有些油膩的感覺。松花桂魚這道菜顏色鮮艷，魚身切花切得非常仔細和美觀，咬落外脆內軟，甜酸甜酸的味道刺激了我的味蕾，令我垂涎三尺，胃口大開。濃湯金華火腿津白津白煮得非常之腍，完全吸收了濃湯和金華火腿的精華和香味，味覺

約咗朋友今日去觀塘食午餐， 原來觀塘有個裕民坊商場都幾新幾靚。 我哋揀咗呢間千歲擔擔麵， 佢就喺三樓平台，景觀幾開揚舒適， 可以望住一片綠油油嘅草地享用午餐。 改良擔擔麵改良版即係普通擔擔麵嘅基礎上， 加上炸醬。 個人覺得分別唔大。 酸辣炸醬麵小辣又幾開胃， 有酸辣擔擔麵嘅感覺🤣 一囗鍋貼細細粒一啖一口， 鍋貼皮如果可以煎香啲更好 紅燒獅子頭成個拳頭咁大嘅獅子頭， 夠曬飽足 蔥油餅滿滿嘅芝麻好香， 佈滿成個餅面👍 配合埋勁多蔥花， 香上加香😋千歲擔擔麵係一間貼地嘅上海菜館， 價格親民， 食物水準平均， 喺附近做嘢嘅朋友可以不防一試， 係一個午餐唔錯嘅選擇👍

很久很久以前是去鑽石山吃，味道真係無得頂。之後去黃埔吃，吃不出風味。今日再去YM2吃，只覺得擔擔麵仍OK，其他點心則麻麻。首先茶有普洱和香片揀，茶位$5@餐前小食係大豆芽菜，每碟$6。我覺得有D韌，所以食完有D渣。擔擔麵叫咗詠藜園果隻，不辣。湯底香濃，麵質5錯～酸辣抄手(6粒)，成碗湯浮著6粒抄手，真的傻眼了。。。碗酸辣湯又5似酸辣湯，只係酸+辣油，內里有d 炸菜蓉吧，我真係5識形容。抄手肉餡實實，5欣賞。。。。一口鍋貼(5隻)，係煎得香口，內有肉汁。可惜皮有點厚，搞到黏牙。。。