影片
营业时间
今日营业
07:00 - 00:00
星期一至日
07:00 - 00:00
以上资料只供参考，请与餐厅确认详情
在油塘区想吃火锅，首推必定是鲤鱼门广场二楼的「阿翁火锅馆」。阿翁主打无限时任饮任食，没有时间压力，没有加单限制，绝对适合一大班同事朋友狂欢。🍣1. 日本刺身阿翁有个窝心之处，就是火锅前的刺身鲜味序章。每位均有厚切三文鱼、北寄贝、希灵鱼、鱿鱼刺身各一块，诚意十足。
🍲2. 招牌鸳鸯锅经典皮蛋芫荽汤和沙嗲汤，重口味的又得，清清的又可以，绝对是火锅汤底中的必点之选！🦪 3. 环球海鲜盘海鲜盘有新鲜生蚝、扇贝、青口、蛏子、竹虾、鳝片。生蚝和扇贝十分肥美，蛏子和竹虾亦非常大只，沙嗲汤涮煮后脆嫩爆汁。朋友教落，生蚝放入皮蛋芫荽汤轻涮10秒，再撒炸蒜粒，鲜甜倍增！🐂 4. 极级牛颈脊绝对是阿翁火锅名物，每桌会按人数提供一盘，单单这碟牛颈脊都值回票价。牛颈脊如霜降油花织成大理石纹路，火锅专家教落红汤涮8秒，清汤则涮12秒。咬下瞬间，肉汁与脂香在齿间爆破，浓郁度堪比和牛！
🥟 5. 至尊水饺王
拳头大的水饺，薄透面皮裹着大大只完整鲜虾，再加止猪肉末与木耳丝，鲜味十足。
🥘 6. 蚝皇鲍鱼扣玉掌
每人一份的蚝皇鲍鱼扣玉掌鲍鱼浸润蚝皇酱汁，鲍鱼弹牙；鹅掌胶质黏唇，没想过餐厅这么夸张落重本。
🍺 7. 任饮啤酒汽水
任饮任食少不了啤酒汽水，任均选择。
🥬 8. 自取火锅配料区
有鹅肠、丸类、面类、菜类，基本款式应有尽有。还有剔剔纸可以选择肉类、海鲜等等，一定够饱肚。油塘区任饮任食，必定去阿翁火锅馆。
继续阅读
🍽半岛渔港/阿翁火锅馆（油塘）📍鲤鱼门道80号鲤鱼门广场2楼208 B舖呢餐真系矜贵又丰富，食材好高级，每样都食得好满足！🦐🍲🥢 ～环球海鲜盘 🐟🦞海鲜种类齐全，包括 三文鱼、甜虾、墨鱼同带子等等，入口啖啖新鲜，滑溜鲜甜，绝对系海洋嘅精华！ ～蚝皇鲍鱼扣鹅掌鲍鱼同鹅掌肉质嫩滑，吸满蚝皇汁嘅浓香，软腍得嚟仲保持有口感，滋补得嚟又好美味，感觉非常豪华！ ～阿翁极级牛颈脊🥩🔥用料上乘，牛颈脊牛肉味香浓，油脂分布均匀，肉质特别香嫩好滋味，一大碟都好快俾我哋秒杀，完全食到幸福感，顶级享受🥰～至尊水饺王🥟💥水饺皮薄馅靓，咬落去仲有肉汁，皆因馅料鲜甜，猪肉同虾肉都好新鲜，好味呀！其实仲有好多任吃嘅食物可以挑选，但系每人限定有的高质食材已经食到我哋好饱，所以都系试咗其他少少，有四宝丸、鲜虾滑、猪膶、鳝片、大鱼头同炸响铃，食物款款新鲜好味，真系食得超满足😍另外值得一提的系经理彬彬有礼，服务殷勤，令我哋食得非常开心，值得推介！😋👍✨
继续阅读
好多人会"钟意"街坊老店，因为字号老，有感情。但其实好多人，平日系唔会去帮衬嘅。因为好多呢啲店，环境其实唔系咁好，而且传到第2，3代，质素好多时都走样。所以我心目中嘅街坊店，就系住得近嘅街坊，经常会再帮衬嘅店。而食物质素，衞生环境同埋最紧要嘅服务，就系令我呢个油塘街坊重复咁嚟嘅原因。我经常嚟打边炉，特别钟意望住个鱼缸，同埋一只只嘅烧鹅。个鱼缸有劲多鱼同海鲜，干净到不得了，完全冇水渍，绝对媲美，或者系一超越西贡𠮶啲大海鲜酒家，甚至干净过海洋公园。你见啲鱼安安乐乐咁游水，你就知道自己一阵可以安安乐乐咁食。🍖个打边炉话就话系任食，其实，本身嘅配套已经多到唔使再叫第二round。一开始就有个刺身拼盘，啲刺身新鲜得嚟又肥美，直情好似不计成本，件三文鱼厚到冇得再厚。鲍鱼鹅掌，两者都炆得好腍，所以唔会哽胃。🍖个海鲜拼盘交足货，真系劲多膏㖞，打开蟹钳好实净就知道唔系水货，只蚝好饱满，咬落系劲多汁，鱿鱼应该唔系冰鲜货，先至咁有爽弹嘅口感。仲有只虾嘅肉好实净又鲜甜，全个拼盘都好好味。🍖仲有个碟极级牛颈脊，肉味真系好出，会轻轻喺牙缝之间回弹，我哋叫咗个鸳鸯锅，沙爹𠮶边就衬晒个牛，芫荽皮蛋就发挥海鲜嘅威力。当然仲有任饮啤酒汽水，如果头先讲开怀旧，佢有即切西瓜，同埋反沙嘅红豆沙，街坊嘅回头率高系人之常情。
继续阅读
上几次嚟半岛渔港饮茶，睇到佢地嘅任饮任食火锅介绍都觉得好吸引，刚好大少自己有节目唔同我地食晚饭，所以就决定同老公两个人嚟试下，睇下系咪真系咁抵食。主打嘅任饮任食火锅除左大部分嘅食材都系任食之外，佢仲会包一客环球海鲜盘、拼盘、阿翁极级牛颈脊、至尊水饺皇同埋蚝皇鲍鱼扣鹅掌，真系好丰富咁哦。店员姨姨安排好我地坐位之后，先会好详细讲解拎食物嘅方法，其后就会送上酱料俾我地用。当我地点好汤底后，就会开始为我地送上食物。先嚟前菜 拼盘，当中有三文鱼、带子、甜虾同埋赤贝，每样都系厚身得嚟又新鲜，可以话系顶级之选。之后就到 蚝皇鲍鱼扣鹅掌，鹅掌非常滑嫩，而鲍弹牙多汁， 两者蚝皇味道丰富，煮得够晒入味。其后就到一系到火锅食材，有劲丰富嘅环球海鲜盘，送上枱嘅时候真系睇到我哗..哗声。有生蚝、花蟹、扇贝、青口、竹虾同鱿鱼。样样食材都食得出佢地嘅新鲜，尤其系生蚝同埋花蟹，十分鲜甜肥美，完全可以用一食难忘嚟形容。当然唔少得阿翁极级牛颈脊，依个老公话系超高水准，肉质肥嫩而且有弹性，腍得嚟又带点烟靭口感，牛味仲超浓郁添。至尊水饺皇同样都好有惊喜，超大只嘅水饺系皮薄得嚟仲可以包住大大只鲜虾同猪肉末与木耳丝等腌馅料，入口口感非常丰富，食完超级满足呢。汤底方面我地就拣左皮蛋芫荽汤同沙嗲汤嘅鸳鸯锅，两个汤底都好足料，皮蛋芫荽汤嘅清香，沙嗲汤嘅浓郁，真系想点食都得。除左以上食物之外，仲有好多吃嘅可以透过菜单点选。虽然食左高质食材都已经好饱，但最后我都叫左四宝丸、黑豚肉、猪膶同鳝片，食物款款新鲜好味，真系食超满足。强烈推介四宝丸，四款都劲弹牙又入味呀。另外，场内仲有自取配料区，有鹅肠、丸类、面类、菜类等自己夹，款式应有尽有，总有一款你系啱心水嘅。当然唔少得任饮嘅饮品类同埋是日甜品嘅西瓜。今次真系食得非常满足，原来晚上八时后入场仲有八折，咁下次可以叫埋大少一齐再嚟食过啦！
继续阅读
相约阿妹食饭，佢推荐佢楼下 @peninsula_cuisine 半岛渔港，有$1优惠又有套餐提供好抵食，重点系味道不错又大份量❣️果然都真系几惊喜，$1 优惠既选择好多，有脆皮BB猪、至尊烧鹅同文昌鸡，而且仲有海鲜系列都有$1选择，有白灼海生虾、金银蒜蒸生蚝、豉汁蟠龙鳝、蒜蓉粉丝元贝同梅菜蒸原条吊水鲩（详情🔎请看餐厅细则）$398套餐加$1烧鹅，我地见到套餐已经好合符我地口味，原个菠萝咕噜肉炸得脆口，甜酸汁味道合适❗️白汁明虾球就有点夸张😂好巨型，外层系酥炸脆皮包住原只虾肉，一个人食二件都觉得饱饱地❗️另一道菜色就系蒸鱼（一斤），去酒楼我特别喜欢食蒸鱼，始终都系酒楼整得比较好食，熟到刚刚好，所以我都加配一碗白饭😂我见隔离枱有叫蟠桃寿桃大大只咁靓，我又唔执输𠯆返2只，莲蓉同蛋王比例不错而且甜度适中，$20/个真系几抵食！阿妹仲想食桂花糕又叫左一份，味道清香同赠送既红豆沙好夹❗️#foodiehkig #hkfoodblogger #hkfoodie #hkig #hkfood #lifestyle #foodiesofinstagram #hkfoodshare #foodiemilkteahk #hkfoodieblogger #hkfoodpic #香港探店 #食在香港 #美食推荐#美食日记 #吃货 #ufoodphoto #ufoodvideo #抵食中菜 #一蚊优惠#半岛渔港 #中菜 #任食火锅 #平民美食 #小菜 #中菜套餐 📍半岛渔港（全线）Follow me💪Follow me🌟Follow me🫶🏻如果喜欢我既分享，请给我的post♥️及追踪我@foodie_milktea_hk，谢谢支持💕
继续阅读