半島漁港/阿翁火鍋館

营业中

休息中

半島漁港/阿翁火鍋館地址 : 油塘鯉魚門道80號鯉魚門廣場2樓208B號舖今日與媽媽去探望居住於油塘的姨媽，因為老人家始終喜歡中菜多d，所以我們到鯉魚門廣場的半島漁港晚飯，原來這裏有很多優惠，除了有幾款小菜只需一文外，仲有多款優惠套餐，十分經濟實惠。我們選四分一隻燒鵝，只需一文，用蠟燭慶住，保持温度，燒鵝皮脆，帶有微微的焦香，皮下脂肪少，肉質鮮嫩，十分抵食。另外我們選了一個4至5人餐，有小食一款、是日老火煲靚湯、文昌雞半隻、廚部小菜三款及滋潤糖水。沙薑豬手，炆到好淋，Q彈，充滿骨膠原。老火煲靚湯，今日是粉葛鯪魚豬骨湯，非常足料，廚師好貼心，先將油份隔去，所以上菜時真係一滴油也沒有，湯濃郁又鮮甜，好好味。文昌雞半隻，雞皮薄肉嫩，有鷄味，是我的至愛。豉油皇炒鵝腸，鵝腸洗得很乾淨，絕不肥膩，調味恰到好處，十分入味，與芽菜絕配，美味爽口。豉汁涼瓜鮮牛肉，味道獨特，牛肉新鮮肉味濃，有咬口但唔會靱，涼瓜清脆，食後回甘。金蒜銀絲蒸蟶子皇，一碟有五大隻，味道鮮甜，墊底的粉絲吸收了醬汁的精華，吃下去令人回味無窮。最後食埋甜品，真係大滿足!#半島漁港 #阿翁火鍋館 #油塘美食#香港生活 #香港美食 #吃貨

今日小編去咗油塘鯉魚門廣場嘅半島漁港/阿翁火鍋館，真係食到停唔到口！呢間藏喺商場二樓嘅海鮮火鍋店，絕對係打卡兼滿足味蕾嘅必去之選。首先登場嘅係極品bb乳豬！🐷 呢道菜一上枱已經香氣四溢，個賣相簡直係藝術品！啲乳豬皮烤到金黃酥脆，一咬落去就會聽到「卡嚓」嘅聲音❤️。豬肉嫩滑多汁，入口即溶。最正嘅係佢個醬汁，香甜惹味，將乳豬嘅鮮味提升到另一個層次。真係食到停唔到口呀！跟住係黑椒炒牛仔骨，正到冇朋友！🥩 呢碟牛仔骨炒得香噴噴，黑椒香氣撲鼻。牛肉嫩滑多汁，黑椒醬汁香辣惹味，將牛肉嘅鮮味完美提升。最吸引嘅係啲骨仔，啖啖肉💥，好夠骨感，啲肉仲入晒味，真係食到過癮！壓軸嘅豆豉蒸白鱔，真係一食難忘！🐍 呢碟白鱔新鮮彈牙，肉質幼滑，一啲腥味都冇。最正嘅係佢個豆豉醬，香濃惹味，將白鱔嘅鮮味提升到極致💞。配埋啲薑蔥絲，香口開胃，絕對係下飯之選！總結嚟講，半島漁港/阿翁火鍋館絕對係油塘嘅聚腳點 ！無論係同朋友聚餐定係家庭聚會，都啱哂💯地址：油塘鯉魚門道80號鯉魚門廣場2樓208B號舖

我地點了極品BB豬(半隻)，另外再叫了個套餐極品BB豬，啲皮燒得好酥脆，食落啲皮脆口，肉唔柴口， 食落感覺唔油膩，好食😋一字骨，醬汁見有欖菜，好夠味，味道👌，但骨太大舊，而且骨比較多，比較難咬蝦球，蝦幾大隻，配上酸酸地嘅醬料，食落脆口，可惜有啲油膩，味道幾好富貴斑，魚蒸剛好，都算滑，係無嘜魚嘅鮮味，主要靠鼓油提味，味道👌送嘅紅豆沙，味道普通，好在唔甜整體來講，價錢可接受，服務還好，食物味道還可以

半島漁港油塘分店美 🍽️✨今日我同朋友去咗半島漁港油塘分店，聽聞佢哋而家有$1優惠，忍唔住想試下！😍$1至尊燒鵝皇 🍗我選咗至尊燒鵝皇，真係超值！一/4隻燒鵝皮脆肉嫩，咬落去香氣四溢，肉質滑溜，完全冇失望！而且賣相靚到爆，實在太驚喜啦！✨椒鹽鮮魷 🦑接住嚟，椒鹽鮮魷都唔可以錯過！魷魚炸得金黃酥脆，椒鹽味道恰到好處，食完一口就停唔到！😋白汁明蝦球 🍤白汁明蝦球味道鮮甜，每一口都充滿蝦肉的鮮味，外脆內嫩，真係好好味！🍽️海皇粉絲什菜煲 🍲呢個海皇粉絲什菜煲真係一大碗，海鮮新鮮，粉絲吸晒湯汁的精華，味道濃郁，令人回味無窮！😍口水雞 🍗🔥最後，口水雞就係我心目中嘅最愛！雞肉嫩滑，配上特製醬汁，香辣入味，根本一口唔夠！🤤環境都好舒服，服務態度一流，店員笑容滿面，真係令人感到好開心！👍

明天假期，今晚和老公去打邊爐。朋友介紹這間火鍋放題的食物非常新鮮，而且價錢實惠。星期一至五只需$268一位，而且無限時任飲任食。酒樓地方很大，坐得很舒適。我們都吃得很飽很滿足。重慶辣雞鍋湯底香辣濃郁，雞肉鮮嫩入味，搭配各種香料和辣椒，讓人吃過不停。不嗜辣的我就覺得辣了一點，但老公則覺得味道很好，十分惹味。蠔皇鮑魚扣玉掌鮑魚很鮮嫩，蠔皇醬汁濃郁，讓鮑魚的鮮味更為突出。鵝掌亦非常入味。刺身拼盤三文魚厚身，蝦肉鮮甜，還有帶子、赤貝，全部刺身都很新鮮。至尊水餃皇水餃的外皮薄而有嚼勁，內餡有4隻鮮蝦，味道鮮美，每一口都能感受到蝦肉的鮮甜，非常滿足。環球海鮮拼盤拼盤中的海蝦、蠔、蟶子和帶子等時令海鮮新鮮無比。阿翁極級牛頸脊牛頸脊肉質鮮嫩，油花適中，在火鍋中灼一灼便可吃，肉質更加軟滑，味道濃郁。我們點了胡椒豬肚雞鍋湯底。其他的食材如美國雪花肥牛、黑豚肉、鱔片等，均質量上乘。我們還點了脆鯇片、鮮蝦滑、墨魚滑和炸魚皮。配料區自助的配料區提供了多款新鮮的蔬菜和丸餃類，烏冬、菠菜、娃娃菜等都新鮮可口。特別推薦鵝腸，口感爽脆，令人驚喜。飲品與環境飲品選擇多，還有汽水啤酒任飲。

店名：阿翁火鍋館/半島漁港地點：油塘鯉魚門道80號鯉魚門廣場2樓208B號舖1.古法雙東羊腩煲羊腩煲非常出色，羊腩淋身，醬汁惹味，配料豐富，有枝竹，馬蹄，冬菇，大蔥，仲要係份量十足，羊腩份量足，炆嘅時間又充足，真心推介2.環球海鮮盤會配上時令海鮮，今日有蟶子，扇貝，魚，蝦同埋生蠔，樣樣新鮮3.刺身拼盤刺身肥美，今日有蝦、三文魚、帶子同螺頭，師傅會因應時令海鮮，自行提供四款4.至尊水餃皇水餃皇不愧水餃皇，有成隻嬰兒拳頭咁大，食嘅時候發現去面嘅餡料有六隻蝦，食到嘅時候都我哋都哇左一聲，勁香麻油味5.阿翁極級牛頸脊佢可以選擇本地手切肥牛或者極級牛頸脊，咁話明極級牛頸脊，梗係試試佢啦，佢會用人頭去分返我地嘅份量，2-3人會係細份，但唔好以為細份就真係好少，嗰度都有十幾塊，油脂分佈均勻，入口好好食6.蠔皇鮑魚扣鵝掌鮑魚非常淋身，唔駛好用力就咬開，非常正，鵝掌正，不過記住趁熱食食完上邊幾個菜式，就可以打邊爐啦😂，不過大家要注意，如果想選湯底（冬瓜瑤柱鍋，皮蛋芫茜鍋，招牌鴛鴦鍋，清湯鍋同龍蝦鍋「需另+88」）只可以選擇重慶辣雞鍋，另外二個鍋（豬骨鍋及羊腩鍋）只可以加湯打邊爐。想食羊腩鍋嗰啲第一時間叫

今晚冇煮飯，同媽咪撐枱腳，唔知食咩好，就揀咗乜都有嘅火鍋，無限時火鍋放題都只係$268，店員服務態度好好，不停收碟，而且好有禮貌湯底我哋揀咗豬骨煲非常足料蠔皇鮑魚扣肉掌，鮑魚同鴨掌都好腍同夠味極級牛頸脊，油花分布均勻，入口即溶，而且牛味濃郁 估唔到任食都有咁嘅高質素，普通肥牛片完全美得比！刺身拼盤，酒樓食刺身，真係第一次，有驚喜三文魚都好肥美，赤蝦大大隻啖啖肉海鮮拼盤，任食嚟講海鮮都性價比高，蟶子，帆立具，蠔同青口等等，好豐富至尊水餃皇，薄皮包住脹卜卜嘅餡料，好味以上每人有一份另外仲有其他海鮮類、肉類、丸類任叫任食任飲，自助吧竟然有我最愛嘅豬肚、鵝腸、竹笙，飲品都好多選擇，啤酒都係任飲，8:30後入座仲有八折，好抵

🌟🍽️ 今日去咗半島漁港食晚飯，而家佢哋有個超抵優惠，1蚊就可以換購一隻燒鵝,切雞或者乳豬，簡直係食神降臨！今晚我就嗌咗一個1蚊嘅燒鵝例牌，仲有一個398嘅套餐，裡面有白汁明蝦球、鮮菠蘿咕嚕肉同埋清蒸富貴班，真係食到我心花怒放！🌈首先，嗰隻燒鵝真係外脆內嫩，皮薄得嚟又香又脆，肉質鮮嫩得令人想一口接一口！而白汁明蝦球，蝦肉彈牙到不得了，配上白汁，簡直係天上掉下來嘅美味！鮮菠蘿咕嚕肉就更加係一絕，酸酸甜甜，咬落去果汁四溢，真係好開胃！至於清蒸富貴班，魚肉鮮甜得令人驚訝，蒸得剛剛好，完全保留咗魚嘅鮮味，真係好正！🐟✨佢哋而家有任食火鍋，只需二百幾蚊一位，仲有海鮮食，真係超值！想像下，邊食邊煮，仲可以隨心所欲選擇自己鍾意嘅食材，真係好過癮！🔥🦐總之，半島漁港真係一個唔可以錯過嘅好地方，無論係優惠定係食物質素，都令我好滿意！下次一定要再嚟！💖

晚市優惠三寶真係超級抵食，$398 嘅價錢就包咗咕嚕肉、清蒸海斑同白汁明蝦球。有最好送飯嘅咕嚕肉，餐單寫明條魚會約一斤左右，即係唔洗擔心佢係得手板咁大條斑，蝦球又係好好送飯啦其實今次黎既重點係為咗個一蚊雞優惠！我地揀咗份燒鵝因為我地揀既食物都係套餐，所以落單後好快就上菜喇首先係菠蘿咕嚕肉同燒鵝到先咕嚕肉酸甜味剛剛好，每舊肉都係一口size，但係炸皮唔算好厚，整體口感好好而隔離嘅至尊燒鵝，鵝肉唔會太乾，啱啱好嘅肥瘦比例，製作都算係好認真。入面幾條係蘿蔔條黎既，唔知係咪好似食日餐咁，食少少爽甜蘿蔔解膩呢擺盤又幾有心思喎清蒸海斑係我哋第二道菜，條魚大約一斤，夠晒新鮮同肥美，蒸得啱啱好，保留咗魚本身嘅鮮甜味，啲豉油又唔會太鹹，同行小朋友用豉油撈飯話唔夠汁，仲要加碼最後呢個白汁明蝦球，蝦球非常爽口彈牙，白汁唔會太重手，反而帶出咗蝦嘅鮮味，幾有層次感。酸酸甜甜嘅炸野一向都係最受小朋友歡迎，唔洗剝殼就有蝦食，大人細路都食得好愉快除咗以上之外仲每人叫咗一碗飯最後係食得晒嘅!總括嚟講，$398 晚市食到海鮮小炒仲埋1蚊燒鵝，呢個價錢喺香港嚟講真係好抵，值得一試！

迎月夜，老公想吃火鍋，一於去附近的半島漁港嚟個任飲任食火鍋🥘。每位$298，便包一份刺身拼盤🍣、阿翁極級牛頸脊🐮、至尊水餃皇🥟，蠔皇鮑魚扣鵝掌及環球海鮮盤🦐。吃火鍋又怎可沒有蔬菜🥦🥬？除了以上的限定食材，我們更可隨意到自助食品吧自取多達數十款的蔬菜🥬🥦及丸餃類🍢🍡，飲品🍺🧃及甜品🥣(今晚是紅豆沙)亦可任飲任食呢。湯底方面🫕，我們今晚選了坊間少有的淮山杞子水魚湯，鮮甜滋補。食材方面，上至海鮮，下至蔬菜也非常新鮮。現在酒樓更有8pm後入座8折的推廣，加上無限時任飲任食，的確吸引。

話說今日約左朋友食飯，但朋友想食中菜，網上搵到一間評價不錯既半島漁港，咁岩又係附近，我地決定試吓酒樓環境清潔，坐得舒服。閒日有得揀特價餐，都幾抵，仲有$1燒味，正最後我地揀咗3人餐+$1燒鵝。小食係沙薑豬手，夠開胃豆腐海皇羮份量多又足料，味道夠鮮清甜，仲要1個人分到2碗以上！特價$1燒鵝份量十足，仲要有個火保溫，燒鵝皮脆肉嫩，好味另外仲有叉燒同燒腩仔，叉燒半肥瘦，入口鬆軟燒腩仔皮夠脆，肉軟熟，口感佳剁椒蒸大鱔，沒有腥味，而且爽口又惹味金銀蛋浸時蔬，菠菜清甜，鹹香味美甜品係桂花糕，有桂花香味，口感香甜鬆軟，為今餐寫上完美既句號！最好埋單都係$626，我地食得好飽又滿足，除番平均都20x，仲平過食日式放題，味道又唔錯，半島漁港係一個好選擇。

今年揀咗中秋正日，同屋企人係油塘一間酒樓晚飯賀中秋，酒樓馳名係燒鵝，好好味！如果平日晚飯食燒鵝，佢會有一個爐將燒鵝熱住，確保燒鵝暖暖，唔會覺油膩！但今日人太多，欠奉了！上湯龍蝦伊麵兩隻波士頓龍蝦，細隻咗少少，但肉質都算彈牙，伊麵味道唔錯，份量夠！馳名秘製燒鵝皮下油脂分佈均勻，唔算太肥，皮香肉嫩有肉汁，如果有爐熱住，就更理想！招牌燒乳豬乳豬皮燒得酥脆，肉質好入味，唔係太肥，好食！總括黎講，呢餐中秋晚飯中規中矩，算合格喇，但其實可以一家人一齊做節，已感到好滿足！

🍱餐廳：半島漁港/阿翁火鍋館（油塘）🏫地址： 油塘鯉魚門道80號鯉魚門廣場2樓208B號舖媽咪鍾意食粵菜，今晚喺大本營行完街就穿過去鯉魚門廣場去半島漁港/阿翁火鍋館開餐，皆因朋友上次話呢度有一蚊小菜，好抵食，絕對同意呀！唔單止用一蚊叫咗¼隻燒鵝，我哋仲叫咗個$768四至五人套餐，結果梗係又食又拎啦🤣～燒鵝有明火熱住不會凍，皮脆肉嫩，係足四分之一隻嘅，所以一蚊雞必定要點，超值之選🤗套餐包括有：～小食一款*沙薑豬手夠淋好入味，上枱有錫紙包裹着，能保持溫度，相當唔錯😃～是日老火靚粉葛鯪魚湯很有家溫暖的感覺，非常足料，阿媽同家姐都話靚過佢哋自己喺屋企煲🤣～文昌雞半隻雞肉感覺新鮮嫩滑，調味適中，點少少薑蓉一齊來吃冇得頂❤️～廚部小菜三款*金蒜銀絲蒸蟶子皇五隻係大size嗰款，有五隻，唔單止蟶子好食，啲粉絲都好正，食得真滿足😍*豉油皇炒鵝腸鵝腸好爽口，豉油皇調味很惹味，有很多芽菜仔點住醬汁來吃，好掂😁*豉汁涼瓜鮮牛肉牛肉不會靭，加埋涼瓜豉汁味道很匹配，呢個家常小菜值得推薦呀！～精美甜品有陳皮紅豆沙同桂花糕，紅豆煲得夠火喉，口感綿密；桂花糕不會太甜，很清新，有兩款甜品吃真的太完美😊總括嚟講，呢度小菜款

到底$268火鍋放題可以食到啲咩?先講湯底，平時食開既放題都只可以普通湯底或者雞煲二選一，呢到係可以食曬2樣架!!先黎雞煲，雞既份量正常，肉質鮮嫩，而且好入味👍🏻食到甘上下可以轉反其他清湯底今次我揀咗冬瓜瑤柱湯，天氣熱就岩曬啦，清清地又可以消暑☀️入座後職員都會主動送上以下一系列既食物::人頭計1份蠔皇鮑魚鵝掌鮑- 鮑魚質地偏硬，都幾入味，建議襯熱食~一份刺身拼盤🐟每日款式會唔同，三文魚厚身，蝦都好鮮甜好新鮮每位一隻大大粒至尊水餃皇☁️呢個真係食一粒都夠曬，入面既鮮蝦多到數唔曬!!一份環球海鮮拼盤🦐有海蝦有蠔有帶子等等既時令海鮮，一大盤仲有冰底，慢慢食都仲係甘新鮮阿翁極級牛頸脊一碟🥩牛味好重，拍得住出面牛X既貴牛架~如果想再叫就要加$138自助吧仲有大量火鍋配料自己揀，飲品櫃都超過8款慢慢揀，就連啤酒都係任飲架!!終於可以同朋友來一場不醉無歸既約會啦!!依加20:30後入座仲有8折優惠!抵到爛!

一路都聽朋友推薦呢間阿翁火鍋店，所以我今日特登嚟試吓佢嘅火鍋，真係有驚喜因為佢火鍋一個價錢就已經包咗刺身同海鮮，仲要係佢嘅海鮮都好鮮甜，餐廳裏便仲有好幾個大水缸用嚟裝住活海鮮。佢會先上刺身，海鮮，廚師推介嘅菜，靚牛肉，然後先至到自己無限任點嘅部份。咁當然第一輪上嘅一定係最靚嘅，而且都好夠飽。除咗餐廳上面可以點嘅肉類之外，出邊亦都會有一個自助區無限任拎唔同嘅菜同主食仲有飲品，當然佢哋仲有甜品。因佢哋係中菜廳嘅關係，所以佢哋嘅甜品係桂花糕，甜甜地，淡淡桂花味，好正。