半島漁港/阿翁火鍋館 (南昌薈)

营业中

休息中

知道這個飲食集團旗下的「半島漁港/阿翁火鍋館」在星期一至五的晚飯時段，即使只得兩位客人，也可以優惠價格 $1便吃到1/4隻「極品BB豬」、1/4隻「至尊燒鵝」或半隻「海南文昌雞」。既然這麼抵食，我便與太太在一個平日的晚上來到最近自己的「半島漁港/阿翁火鍋館」南昌分店，吃個豐富的晚餐。兩夫妻都喜歡吃乳豬，「極品BB豬」當然是我們的首選。這乳豬皮薄而脆，肉地偏瘦，肥肉不多，水準不錯。除了這最抵食的「極品BB豬」，我們還點了2-3位用的「晚飯優惠套餐」（$488）。這套餐可在 6款小食中任選一款，燒味可在三款中任選一款單拼或雙拼，廚部小菜就可在二十款小菜中任擇其二，再加上「是日老火煲靚湯」或「豆腐海皇羹」，還有滋潤糖水奉送，都可算非常豐富。在六款小食中，我們揀了「手拍青瓜」。這小食份量極多，爽脆的青瓜，微辣的味道，十分開胃。是日老火靚湯是「沙葛熱小豆煲瘦肉」，湯味濃甜，我倆每人都可分到兩碗。燒味雙拼----「燒腩仔拼蜜汁叉燒」是我們的選擇，燒腩仔和叉燒都燒得不錯，而我倆各有所好，太太覺得肥瘦適中的蜜汁叉燒較為好吃，而我就較喜歡皮脆肉腍的燒腩仔。兩道小菜，「剁椒蒸大鱔」味道濃郁，大鱔肉質結實而

約咗家人到半島漁港食晚飯，呢日叫咗以下幾款菜式:至尊燒鵝皇 - 燒鵝係其中一款$1菜式，燒鵝皮脆肉嫩，充滿鵝油香，肉質juicy，配上醃蘿蔔條很解膩，很驚喜這道菜完全沒有將貨就價。奇味沙拉骨 - 一字排唔嚡但有𡁻頭，醬汁酸酸甜甜，加上沙律醬，很開胃。半島小炒皇 - 小炒皇用上蒜芯、炸魚仔、魷魚、蝦乾及腰果，味道微辣，當中部分材料食落香脆，蝦乾同魷魚就增加咬口，蒜芯就又爽又甜，整體感覺平衡。原隻菠蘿脆皮咕嚕肉 - 菠蘿是新鮮菠蘿，食落零舍鮮甜多汁，咕嚕肉炸得香脆，掛上甜酸汁，很送飯。啫啫蝦干唐生菜煲 - 生菜炒得爽脆，加上蝦醬調味，一嚟到就香噴噴，即時食慾大增。豉椒炒鵝腸 - 鵝腸爽脆，用豆豉爆炒，很惹味，再加上洋蔥青椒，中和了內臟嘅膩感。例湯 - 是日例湯係粉葛赤小豆瘦肉老火湯，飲落清清哋，去濕一流。紅豆沙 - 食到陣陣陳皮果香，紅豆沙少甜，煲到起晒沙，好食過好多外面糖水鋪嘅出品。另外，店員服務週到，家人對呢餐都很滿意。

今次我地帶埋父母去食飯，長輩一般都鐘意去茶樓食，而呢間就係深水埗南昌區比較好既一間，佢地有火鍋同小菜食，我地就揀左食小菜😁佢坐位都係正常茶樓位，都闊落，平日仲有好多特價食物，重點就係$1燒味，超抵食‼️燒鵝例牌（$1）佢地門口掛住一隻隻既燒鵝，見到咁大隻就揀左燒鵝，旁邊仲有個師傅即燒乳豬，相信我鵝都係咁樣整，隻鵝都好多肉食，例牌都唔細😋迷你冬瓜盅（$168）呢個冬瓜盅係限量既，我地叫完見隔離枱已經冇得食，要食就要一坐低即叫，佢一d都唔迷你，勁大兜，又足料，我諗夾埋有10碗起碼，我地4個人食都食唔曬😆薑蔥鮑魚雞煲（$168）雞煲既鮑魚比我想像中大隻，唔係是但比d細既hea你，總共有4隻，雞件都幾多，多埋煮得入味👏🏻沙爹粉絲金菇牛肉煲（$138）呢個牛肉煲唔係用肥肉，係用嫩既牛肉片整既，同樣都係好大煲，上枱既時候仲係滾，d粉絲索曬d汁好惹味，不過吸曬d汁既關係有d乾，再多汁就更好😉四季豆茄子炆豆腐（$118）食咁多肉，叫番個菜類啦，茄子炆豆腐整得幾好味，個醬汁用黎撈飯都唔錯🍆食完成餐飯埋單既時間，店員仲話送糖水比我地，好好人，而送比我地既就係綠豆沙，可以清下熱都唔錯🥣呢間酒樓可以話大件夾抵食

有次行經呢度見到門口海報D晚安優惠好吸引,仲話有1蚊乳豬/燒鵝/文昌雞揀tim今晚諗唔到晚餐食咩,又想食下小菜,所以就黎試下喇晚市都幾爆場分開咗一邊打邊爐一邊小菜手拍青瓜配上蒜泥帶有小小辣味, 清爽之選老火煲靚湯 - 粉葛赤小豆豬骨湯媽媽湯味,飲落冇味精湯渣已經好細心咁另外裝起咗出嚟店員仲周不時過黎幫我地添湯重點係份量都幾大壺呢個size我地2個人每人飲左4碗先清底燒味雙拼海哲燻蹄+ 燒腩仔燒腩仔外皮做到芝麻皮，咬落脆卜卜肉質食落鬆化,軟腍無渣而且半肥瘦適中燻蹄薄切蘸上蒜醋汁,好開胃至尊燒鵝價錢真心大癲冇諗過真係有1蚊價以為呢個價錢會好流啦點知用哂托盤加熱住黎到仲要咁岩係鵝脾位燒鵝皮脆,個肉質帶有獨特香氣食落鵝油味道好香,肉質咬落juicy必食！跟住臨走先見到呢張咁震撼嘅相就咁睇都覺隻隻燒鵝既質素好靚剁椒蒸大鱔剁椒既辣同鱔肉本身既鮮甜味道好夾鱔肉好新鮮,食落肉質好爽彈, 帶有魚油香而且骨位都係響中間, 所以唔太識吐骨既朋友都好易處理到台式三杯雞煲黎到見到個份量嚇一嚇雞煲size 😂個煲黎到滋滋聲,鑊氣十足雞件配上蒜頭,小青椒,紫洋蔥同其他香料炒出嚟嘅濃郁香氣,仲有小小酒嘅味道,特別開胃

Weekday Dinner 🔥 半島小炒皇 $128小炒皇惹味香口，有爽甜蒜芯、香炸炸魚仔、魷魚、蝦乾及香脆腰果，味道帶點微辣，口感豐富，很下飯👏🏻👏🏻🍍 原隻菠蘿咕嚕肉 $148賣相吸引，咕嚕肉外脆內彈牙，配上酸酸甜甜的新鮮菠蘿及甜酸汁，很開胃🤤🍚 臘味糯米飯 $148天氣轉冷就會很想吃臘味糯米飯，除了香噴噴的臘味，香脆的花生更加分不少，再於表面舖上煎蛋絲增添美味👍🏻🐷 極品BB豬（+$1）星期一至五晚市可以以$1加選一款燒味（有海南文昌雞、至尊燒鵝皇、極品BB豬），2-4人可獲1/4份。BB豬外皮脆口，脂肪均勻，超值又好味😋😋😋🫘 最後更送上紅豆沙作為甜品，充滿陣陣陳皮果香，紅豆綿密，很滿足。🫖 茶位 $15/位🥜 花生 $10餐廳闊落，裝修古典，晚上座無虛席。除了食物不錯，餐廳服務殷勤，很加分💕

店名：半島漁港地址：九龍南昌站西邨路19號南昌薈1樓102號鋪今日同朋友黎開南昌尼做野，諗住搵阿地方醫下肚仔，見到半島漁港，早前試過佢個放題打邊爐，我地非常欣賞，今次就試試下佢個小菜，一行四人，叫咗六餸一湯1.至尊燒鵝（例） $1一蚊燒鵝冇得輸，除咗燒鵝之外佢仲可以揀BB乳豬同埋文昌雞，不過一台只可以嗌一款，但係都非常美味，啖啖肉，Lucky2.優惠三寶 $398 -欖角骨 -清蒸富貴班(約一斤） -白汁明蝦球優惠三寶套餐性價比高，欖角骨惹味可口，外脆內嫩，富貴班足有一斤，四人食啱啱好，蝦球新鮮酥炸，爽口彈牙👍👍3.花膠四寶羹 $208配料十足，入口非常清甜，花膠份量又多，有火腿絲，叉燒，竹笙，竹筍，木耳等配料，正4.如意竹笙羅漢齋 $118唔算太油膩，配料都十足，有竹苼，粟米乾，木耳，雲耳，數種菇類，配搭起來都好5.日式燒汁脆鱔 $78脆鱔肥美，沒有腥味，配合埋個燒汁非常好味6.茶介 $607.花生 $108.白飯 $30總括而言，我哋四人對今餐小菜非常滿意，但中途發生咗啲小插曲就扣分不少，事緣係叫菜時，問多少少野，落單哥哥好悔氣答唔知，語氣重要好差，同行友人都窒左一窒，

今日同朋友約好去南昌既半島漁港食晚餐。今日去到店員好快就安排好座位，食住花生飲住鐵觀音諗下食咩先。今日點左例湯，燒鵝皇，半島小炒皇，奇味沙拉骨，原隻菠蘿脆皮咕嚕肉，啫啫蝦干唐生菜煲，豉椒炒鵝腸。例湯：今晚例湯係粉葛赤小豆唐排骨，味道清甜可口。燒鵝皇：$1燒鵝皇真係無得輸，性價比好高。可以用1蚊3選1。燒鵝味道夠味，皮脆肉滑。半島小炒皇：炒得香口，料都好多。蒜芯加上蝦干，魚干仔，腰果等配料炒起來既有蔬菜新鮮又有海鮮香味更有腰果脆口口感。奇味沙拉骨：肉質好，味道一流。配起沙拉醬食落又第二個口感味道。原隻菠蘿脆皮咕嚕肉：成個菠蘿裝著咕嚕肉，菠蘿新鮮鮮甜可口，咕嚕肉脆口肉質好，唔會太肥而脆漿又唔會太厚。啫啫蝦干唐生菜煲：熱辣辣窩侍應再在窩中炒一炒以防燶底。蝦干香口有蝦干味道，肉碎與生菜夠野味生菜新鮮。豉椒炒鵝腸：豆豉洋蔥青椒爆香再爆炒鵝腸。鵝腸爽口彈牙，配起豉椒炒野味可口。仲有紅豆沙送添,紅豆夠淋甜度岩岩好

天氣漸轉寒冷，係時候打邊爐🍲。朋友聚會相約南昌薈半島海港/阿翁火鍋館貪其有無限時任飲任食火鍋，仲贈送海鮮拼盤、鮑汁鮑魚花膠、刺身拼盤、重慶辣雞鍋/澳門豬骨鍋/時令羊腩煲。湯底款式眾多，有冬瓜瑤柱鍋、皮蛋芫荽湯、招牌鴛鴦鍋、滋補藥膳鍋、秘製麻辣鍋、蕃茄薯仔鍋、姬松茸什錦鍋，總有一款啱口味。三選一（重慶辣雞鍋/澳門豬骨鍋/時令羊腩煲）：重慶辣雞煲好惹味，雞件嫩滑，仲有數舊雞髀肉，甜辣醬香，麻而不辣，食完雞件再打邊爐！刺身拼盤：厚切肥美三文魚🍣、嫩滑帶子、彈牙螺頭、軟糯甜蝦，整體新鮮。海鮮拼盤：竟然有花蟹，肉質紮實，鮮嫩多汁、大大粒扇貝，仲有彈牙蟶子！海蝦呈上時仲郁緊！脹卜卜墨魚仔、仲有啖啖肉肥美生蠔，全部都好新鮮。鮑汁鮑魚花膠：花膠可以補充骨膠原、鮑魚夠晒入味，就咁咬都可以食到，炆得夠腍。至尊水餃皇：話明係水餃王，內餡充滿粒粒蝦肉，食得出蝦肉新鮮，保持汁水，仲有雲耳絲增強口感，仲有大地魚粉底味，不錯！食咗咁多嘢之後都飽咗一半，但係而家先至進入火鍋直路，打邊爐配料非常多，太多不能盡錄，但係食個美國雪花肥牛都已經回晒本，仲未計佢色澤均勻送贈嘅阿翁極級牛頸脊，口感肥嫩而具彈性，被譽為牛肉的最高境

今日朋友帶我去南昌薈半島漁港食飯話好抵食，行到門口，見到有人等位，知道應該冇去錯地方。入到酒樓，地方好大，裝修豪華好光猛，店員好有禮貌。坐低見到，有幾個餐牌，有套餐、有散叫，仲有一蚊嘅燒味好抵食，有乳豬、燒鵝、文昌雞。我哋四個人可以叫全隻。文昌雞～皮薄肉質嫩滑，連雞胸都好滑，非常有雞味，超正。石斑兩味～油泡龍躉球，啖啖肉，份量又多。蒜蓉陳皮蒸頭腩，蒸得時間啱啱好，仲連埋厚厚嘅魚皮，充滿骨膠原。最後嚟多個～頭抽皇焗海蝦，店員遞上已經聞到陣陣香味，食落有豉油香，海蝦好彈牙，要嚟送啤酒一流。總括嚟講，呢間酒樓，有好多唔同菜式，有海鮮，燒味，仲有埋火鍋，真係想食咩都有，一於支持流港消費！

最近天氣涼涼，心血來潮想食羊腩煲，剛好經過半島漁港，門口展示的餐牌好吸引，有羊腩煲、特價美食一大堆，一於入去開餐。首先上桌是羊腩煲，搭配唐生菜，羊腩煲煮得恰到好處，湯底濃郁，羊腩軟滑入味，配上新鮮的唐生菜，簡直係完美。接著是菠蘿脆皮咕嚕肉，外脆內嫩，菠蘿的甜味同咕嚕肉的酸甜剛剛好，咬落去口感層次豐富，實在令人回味無窮。$1 特價的文昌雞，雞肉鮮嫩多汁，皮脆肉滑，完全唔會有油膩感，真係好抵食。食咗咁多肉，當然叫返碟菜，来平衡一下，蒜蓉炒菠菜，不錯之選。總括來講，半島漁港的羊腩煲和其他美食絕對值得一試，無論是同朋友聚餐或者家庭聚會，都會食得開心！下次再來試試其他特價菜式！

燒鵝醬汁香濃，又唔會蓋過鵝肉香味鵝肉味香煙韌， 瀨粉爽滑彈牙燒鵝瀨，簡直完美配搭週日10:30前早市點心優惠11:00後，燒鵝套餐先有得落單家庭飲茶聚會，食燒鵝得體又好食每次飲茶地點首選10點後人多，預早攞位真係太多客人，搭枱即有位坐唔好預期待應，會招呼周全到位#香港必食

國慶日約左一家大細出黎吃個飯聚一下舊，今日揀左黎南昌既半島漁港吃飯。本身已經book 左檯，點知黎到都仲要得大約20分鐘，而且人山人海等位，可見人氣真係高。佢既一盅兩件唔算超級高質，特別好食既可能係流心奶黃包，岩上菜熱辣辣流心好正！黑金既包望落幾高級。但本人對佢既腸粉真係失望，粉漿厚得黎太重米味，唔好食。。。燒鰻魚都幾唔錯，會附上一細碗燒汁比你。鰻魚黎講肉質好厚實，入口係彈牙既，幾特別，仲有佢層皮好糯，充滿油脂，邪惡，正！最後當然要講下佢最出名既燒鵝，成隻上好療癒！皮係燒到香脆充滿鵝香，表皮下既油脂令你食落更加滿足！淨係食佢既皮加梅子醬都已經好正！特別要講既一家係佢既肉質，好嫩滑之餘都好有肉汁，燒鵝黎講真係無得輸，必點！

成個屋邨祇得一間酒樓，所以每逢週末、假期例多人排隊等飲茶😑鳳爪排骨飯飲茶必食咸水角蒸腸粉煎釀茄子沙律卷流心奶皇包真係要好流心食👍👍黃金糕唔係好多酒樓有售👍潮州粉果豆苗餃蟹籽燒賣臘味糯米飯臘味太肥無油香總括半島點心係有水準，燒味都唔錯👍

起7/9嘅時候，香港同我嫲就走左去南昌試下佢嘅半島酒樓食下午茶。環境算係同灣仔嗰間都係唔錯下，食物同價錢就有啲區別。當時就叫左燒鵝瀨粉，炸两，野菌千層竹，薄撐，同芝麻馬啼糕。當時，我地叫左2個薄撐，2個都唔錯。芋頭粒薄嘅話，餅皮幾鬆脆，而且芋頭口感粉粉地幾香芋頭味下。外加上通常薄橕係用蔥或者雜豆，好少用芋頭粒整落去。另外個就係花生碎味，味道就比較甜口，可以食到除左花生碎外，仲會加椰絲同糖，會似甜品。另外，黑芝麻馬啼糕都係推薦。糕點食落去會有香濃嘅芝麻香味，外加馬啼嘅清脆同糕點本身軟諗嘅口感互相做陪襯，令到風味幾和諧下。瀨粉嘅話可以見到應該係佢招牌，大部分人都叫，外加價錢去合理，23個幾一份，都唔錯。整體來講就下午茶而言其實唔錯，價錢經濟實惠，都多人食

朋友住喺南昌站樓上，放工約埋帶我去品嚐環球美食，阿翁火鍋館 位於南昌薈，地點非常方便，最緊要係無限時任飲任食，可以慢慢嘆海鮮火鍋，同朋友傾吓偈，又唔會趕時間。無限時任飲任食 $298/位7:30pm 已經滿座，門口排隊等咗一陣有位，下次最好訂位就唔使等啦！啤酒汽水任飲天氣熱辣辣，坐低飲返罐凍汽水或者冰凍啤酒，超級爽！重慶辣雞煲新玩法～可以無限添食！CP值很高，重慶麻辣非常惹味，雞件肉質嫩滑，可口多汁，食過翻尋味。環球海鮮盤天天新鮮，款款不同，經理話今日有六款精選食材，每位一份！海鮮沒有劃一的，有驚喜！竟然有生蠔。海鮮拼盤非常豐富，新鮮鮮甜，海蝦、蟶子、元貝、墨魚仔、生猛海蟹。全部海鮮都肥大肉厚，海蝦彈牙，海蟹多蟹膏，蚝肉肥大，環球滋味一次過品嚐，滿滿的海洋鮮甜味。刺身拼盤刺身質素很高級，鮮甜冇腥味。有我喜歡的甜蝦、帶子，赤背和三文魚也不錯。阿翁極級牛頸脊我哋兩個都係牛肉控，食到碟咁高級嘅牛肉真係賺咗！賣相漂亮，雪花分布平均，脂肪比例適中。放落湯底滾幾秒已經食得，牛肉嫩滑，味道濃郁，原汁原味最好吃。至尊水餃皇超級大隻的水餃，大個一個乒乓波，入邊嘅大蝦非常鮮甜好味，每位一隻，少食多滋味。蠔