半島漁港/阿翁火鍋館

营业中

休息中

今晚朋友約左去灣仔半島漁港食晚餐，入到去坐好先整個壽味飲住先，同埋食花生真係食炒花生。大家都一致諗好叫優惠一蚊極品BB豬同個優惠四寶，再整個粉葛鯪魚煲唐排湯飲下潤一潤，補多隻紅燒脆皮乳鴿。粉葛鯪魚煲唐排：足料老火湯，魚鮮味好濃味骨湯，好好飲。優惠四寶就係以下四樣-蒜子陳皮蒸頭腩：魚鮮味再加上蒜子陳皮去蒸會更加帶出魚鮮味。油泡龍躉球：厚厚龍躉肉，有口感之外仲口口魚肉鮮味。龍躉要厚肉先可以做到這個口感。連帶配菜木耳，蜜糖豆，紅黃椒加上蒜蓉炒真香口。雙冬羊腩煲：滾住羊腩煲加埋生菜煲。羊腩肉質好，唔會羶，馬蹄枝竹竹筍入晒羊腩煲味道。重點係個腐乳，配合羊腩煲係一流 。頭抽皇焗海蝦：海蝦一食就知，肉質係比較實同時味道比較鮮甜。頭抽爆洋蔥令到蝦味道更鮮甜。$1極品BB豬：BB豬最驚得肥膏，佢唔使太肥。皮脆肉同肥比例適中，咬下來有不同層次香味。紅燒脆皮乳鴿：外脆內熱，肉質好。皮脆得來又鎖住肉汁。守尾門梗係整碗紅豆沙先叫完美。紅豆沙甜度適中，紅豆完全夠淋，有口感又美味。

放工後，同阿爸阿媽相約到灣仔的半島漁港食晚餐，晚市可選火鍋或小菜，下次三五知己過去打邊爐都係一個唔錯的選擇。剛好店員安排卡位，坐得闊落又舒適。😁🍽️🫖✨ 柚子大蝦球（$158），每隻蝦球大大隻，爽口彈牙，炸得脹卜卜、酥脆可口，外皮很薄又鬆軟。炸完再撈上柚子汁，味道帶點酸甜，真是胃口大開。🦐🔥✨ 沙爹金菇肥牛煲（$138），平時都會點呢味作為撈飯之選，肥牛煲大大煲，粉絲和金菇撈滿了沙爹，非常惹味。肥牛香滑，滿滿的沙爹汁炒得夠哂入味，回味無窮。🐮🍄‍🟫✨ 馬拉盞豚肉芥蘭（$148），煲仔上枱時冒哂煙，需要自行炒多幾下，芥蘭超幼嫩，入口無渣，豚肉選用了黑毛豬肉，入口鬆軟彈牙，吃過不停。🐷🥬🔥✨ BB豬（+$1），平日的星期一至五晚市，可用$1的價錢選一款燒味（選擇分別有海南文昌雞、至尊燒鵝皇、極品BB豬），2-4人可獲1/4份。我地就選極品BB豬，BB豬排列整齊，外皮燒得香脆，而且脂肪比唔算多，再點上乳豬醬甘香可口。🐷🤤最後，店鋪逢送南瓜西米露作為飯後甜品，真係又飽又滿足。🎃😋🙌🏼

大漁缸，海鮮🦞仲可以+$1有一個好豐富嘅乳豬/燒鵝/文昌雞真係唔講得笑，堅抵食今日同老豆食得豐富D～慰勞一下辛苦嘅爸爸$1「一蚊乳豬」脆皮肉唔肥，份量夠我哋仲叫埋隻新鮮龍蝦加芝士伊面足足一斤重的西澳龍蝦🦞都係$448仲有芝士🧀伊面,抵食夾大件，啖啖都係肉，鮮甜爆芝士京蔥炒牛肉～酸酸甜甜的上湯什菌浸魚肚～清甜，鮮味，又唔油膩 清清地又好豐富嘅魚肚推介燒味雙拼～叉燒任何時候都係嘅No1 choice,肥淋燶👍👍👍👍👍👍👍魚肚羹正規味道👅真材實料仲有南瓜露送～一絲一絲的南瓜，甜甜的味道，好窩心總共七送一湯，加埋新鮮龍蝦🦞連加一都係1K,真心抵食下次試埋火鍋放題先

只需要一蚊咁就可以食到燒乳豬或者文昌雞，甚至燒鵝都得呢個價錢真係好誇張，只要兩位入座就可以用呢個一蚊優惠所以我即刻叫咗一份燒乳豬，兩個人嘅話就會有¼隻嘅燒乳豬可以享用佢嘅乳豬皮好脆，再加小小嘅糖醬汁就更加正我另外叫咗佢晚市優惠三寶，只需398就可以有三款菜式。當中會有蒸富貴班，魚肉好鮮甜厚實，再加埋佢嘅蔥花同埋豉油就，真係好好味。冇諗到呢個價錢，就已經有一斤嘅富貴班，同埋有額外兩個小菜。另外兩個小菜就係白汁明蝦球同埋欖角骨，蝦球裏面嘅蝦好大隻，欖角骨嘅肉酸酸地好開胃。

今次食評有啲私心😂, 唔係針對食物而來，而係一班朋友太耐冇見敘舊傾偈飲嘢， 揀咗依間唔算太貴嘅灣仔火鍋店，其實有時搭車都見開，但係冇留意到佢有夜晚火鍋任飲任食。今日星期五貴少少三百幾蚊一位，都算唔差嘅，一來有個刺身，有個海鮮拼盤同一個靚牛肉…..食完個辣雞窩，之後hot pot 可以任點, 另外響鈴丸菜等嗰啲食物就可以出出邊夾。 如果一大班人又唔想食太貴又想坐成晚, 對食物要求又唔係話太執着的話😂😂可以值得一試, 而且雖然星期五晚比較繁忙, 但見啲夥計都冇狂躁症, 服務都算係咁

是日同朋友到灣仔半島漁港吃晚飯。好快安排好座位，叫左優惠四寶（龍躉兩味蒜子陳皮蒸頭腩，油泡龍躉球,雙冬羊腩煲，頭抽皇焗海蝦）$1一味極品BB豬，粉葛鯪魚煲唐排，紅燒脆皮乳鴿。邊飲住茶邊食住花生等餸黎。龍躉兩味蒜子陳皮蒸頭腩-陳皮香味加上蒜子香令蒸頭腩更加好味道。油泡龍躉球-龍躉球啖啖肉，味道鮮甜好味道。再加上蜜糖豆，木耳，紅黃椒蒜蓉炒更加好味道。雙冬羊腩煲-羊腩煲暖笠笠，有碟生菜可以自己加入煲中烹調。枝竹，筍，馬蹄都吸收晒羊腩煲汁的香味。頭抽皇焗海蝦-海蝦實肉，頭抽味道岩岩好。$1一味極品BB豬-皮脆又唔會過肥，肉又唔會韌。$1超抵食。粉葛鯪魚煲唐排-飲得出好足料,味道好濃。排骨都食晒。紅燒脆皮乳鴿-皮脆內熱。仲有煲到紅豆好淋既紅豆沙，非常好味道。

和舊同事敘舊，想吃中菜，於是便來到位於軒尼詩道的「半島漁港」，酒樓現在有個$1抵食優惠，分別可以在海南文昌雞、極品燒鵝皇及極品BB豬3選1，我哋揀咗文昌雞，有半隻咁多，而且都幾好食，真係$1雞，絕對超值！另外我哋揀咗2-3人晚飯優惠套餐，有自選小食、燒味、小菜及糖水，估唔到份量咁大，呢個餐4個人食都夠！🔹豆腐海皇羹：粒粒滑豆腐，配上蝦仁、竹笙等，熱辣辣好好飲🔹醋撈海蜇：海蜇爽口香脆，是我喜歡的味道！🔹蜜汁叉燒皇配冰燒三層肉：呢度嘅燒味都幾有質素，唔錯唔錯！🔹滑蛋炒蝦球：大大隻蝦球，新鮮彈牙，蛋又真係炒得幾滑！🔹海皇雜菜煲：用料豐富，份量十足！而且味道鮮甜，雜菜煲內的粉絲吸收了海鮮湯的甜味，食到唔停得口！

系$1️⃣就一碟至尊燒鵝皇，大家真係冇聽錯，真係$1️⃣🤩🤩🤩喺灣仔呢間中式菜館，宜家做緊$1️⃣優惠，只要$1️⃣就可以揀至尊燒鵝皇、極品BB豬同埋海南文昌雞，真係超抵!(不過提提大家要留意返:優惠只限 三款選一款 ·全部優惠只限星期一至五晚市,公眾假期除外 同只限堂食)我同朋友今日就專登嚟試吓佢哋嘅$1️⃣優惠餐⭐至尊燒鵝皇$1- 我地2位就1/4隻燒鵝，皮脆肉嫩，而且肉質仲好滑，賣相仲夠曬靚，絕不欺場，通常有驚喜!⭐豐料老火湯(例)$128- 老火湯用料十足，每啖湯都夠曬甜，系店員嘅極力推!⭐瑤柱扒豆苗$158- 豆苗都炒得好入味，而且菜苗新鮮一啲都唔老!🍻大藍妹$32 - 朋友話食燒鵝一定要飲啤酒😆整體中菜館嘅環境氣氛都非常之好，晚飯時段見到成場都係客人，坐無虛席。而且每位店員嘅服務態度都好好，係好值得推介大家去嘅平靚正中菜館!

將軍澳的半島漁港去得多，今晚和老公途經灣仔，一於試試這間分店的小菜。🥬蒜蓉炒莧菜～通常外出吃莧菜也會吃到有沙，但這裡算洗得乾淨。以蒜蓉爆炒後，亦吃不出莧菜的草青味。🥚菜甫肉菘煎蛋角～蛋煎得香脆可口，菜甫的鹹香及肉菘的嚼勁令蛋角的口感更突出。🦐香芹藕片炒蝦球～蝦球彈牙，藕片爽脆。🐷極品BB豬～酒樓現在進行一項推廣：星期一至五，燒味三選一(海南文昌雞，至尊燒鵝皇及極品BB豬)只需$1。以$1這個超級優惠價，便可吃到乳豬，我們當然不會錯過。酒樓沒有將貨就價，乳豬份量足，皮脆肉嫩，卜卜脆的乳豬皮令人食指大動！

今晚約左幾個舊同事飯聚，她們最鍾意打邊爐，所以揀了灣仔半島漁港/阿翁火鍋館的無限時任飲任食火鍋，價錢實惠，選擇豐富，值得一試！首先每人送上炆鮑魚鴨掌西蘭花，色香味俱全，鮑魚和鴨掌都吸收了醬汁的精華，鮑魚爽口彈牙，鴨掌軟腍，令人垂涎欲滴，給人一種奢華的感覺。再來刺身四款，有三文鱼、帶子、虾和希靈魚，我最欣賞的是三文魚，非常厚身，肥美甘香，而附送的海鮮併盤，有蟶子、生蠔、鮮蝦、青口、墨魚、凡立貝等，用料新鮮，本地手切肥牛，油脂均勻，肉質嫩滑，牛味濃郁，十分美味，至尊水餃皇，好飽滿，皮很薄，蝦好爽，口感彈牙！自選區提供大量丸類、魷魚、豆腐、粟米…等等和不同種類的菜、響鈴、炸魚皮、公仔麵等，飲品選擇多樣化，除了有汽水、啤酒外，仲有店內每日新鮮煲既夏枯草，微甜，打邊爐後飲返杯，清熱解渴，一流。除左自選區，餐廳提供多款火鍋配料，如大魚頭、魷魚、鳝片、脆肉鯇魚、美國雪花肥牛、豬潤、羊肉、 四寶丸、鮮蝦滑、墨魚滑…..等等，可以依自己喜好，無限時任點任食，最啱一大班朋友聚會，可以慢慢享受各式各樣的美食。這裡環境寬敞，坐得舒適，食物質素高，員工服務也殷勤有禮，值得推薦。

尋日同老公去灣仔半島漁港食任食火鍋，呢度係無限時的可鍾意食吓唞吓都唔會趕你走，可以慢慢食慢慢嘆，唔會有一種好趕嘅感覺，我地Book左咗枱6點去到，侍應帶我哋入座入面個環境好大好闊落，坐位都舒適同埋唔迫，出邊其他火鍋店有陣時座位會比較擠迫坐得唔舒服，呢度座位夠哂闊落舒適，我覺得呢度係值得一讚，嘢食方面今次就揀咗佢個鴛鴦鍋一邊係芫荽皮蛋另一半係沙嗲，尤其係沙嗲我同我老公給予超高評價👍🏻香味濃鬱，首先會上刺身拼盤有三文魚、帶子、生蝦同希靈魚，每款都爽口彈牙新鮮嘅，絕對唔會攞啲次貨去應酬你，然後到蠔皇鮑魚扣玉掌，呢個真係炆得好腍好入味，佢腍到俾你吮就可以食到👍🏻非常推介，之後再上埋是日海鮮拼盤有蟶子、帶子、海蝦、魷魚同埋生蠔，特別要讚吓佢嘅海蝦同埋生蠔👍🏻，個生蠔真係超新鮮會有嗰種鮮味，唔會有任何臭腥味，啲海蝦送到嚟仲識得郁，應該真係啱啱喺水缸攞上嚟插竹籤送過嚟，蝦肉食落超彈牙爽口，呢兩款海鮮我覺得真係好值得推介👍🏻，如果喺肉類方面的話牛頸脊就不得不提la，如果鍾意食高質嘅牛肉就一定唔好錯過，因為佢啲脂肪分布均勻肉味好濃睇見都食慾大增😋，咁我覺得呢個牛頸脊係鍾意食牛嘅朋友一定要去試吓，跟住再嗌

🍱餐廳：半島漁港/阿翁火鍋館（灣仔）🏫地址： 灣仔軒尼詩道71-85號熙華大廈地舖及1樓我哋最鍾意係食餸唔食飯，打邊爐就啱晒啦🤣今晚揀了喺修頓球場對面的半島漁港/阿翁火鍋館嘅任食火鍋，材料新鮮，服務周到，值得推薦！～按人頭計唔使諗嘅美食*蠔皇鮑魚扣玉掌，鮑魚同鴨掌都炆得夠淋兼入味，美味😋*刺身四款，有三文魚、帶子、蝦及希靈魚，個人最喜歡三文魚同帶子，厚切三文魚夠晒肥美，帶子鮮味冇得頂🥰*海鮮併盤，有蟶子、生蠔、三文魚及青口等，全部食材夠新鮮，仍回味嗰兩隻爽口彈牙的大蝦呢❤️*至尊水餃皇上枱平平無奇，食落去會有驚喜，皆因餡料豐富，最欣賞嗰啲蝦加木耳，好爽口😍*本地手切肥牛肥牛質地柔嫩，油脂分布平均，肉汁豐富，口感嫩滑，正😁～任食配料食完以上嘅美食都飽咗八成，只叫了四寶丸、鱔片、鮮蝦滑同大魚頭，全部都在水準之上👍～自助區有菜類、丸類、魷魚、響鈴、粟米、豆腐、公仔面等等，不過太飽了，我只食了菜同粟米，生菜爽口，粟米超甜；另外仲有飲品任飲、最鍾意飲啤酒的姐夫開心到爆啦，飲咗五罐🤣，我就最鍾意飲清熱解毒的新鮮煲既夏枯草，配打邊爐一絕😆總括嚟講，呢度地方寬敞，無限時任點任食打邊爐最啱一家人或朋友聚會

朋友突然間過來灣仔搵我仲話搵我去打邊爐🍲😁正丫，佢仲記得我至愛，真係好開心😍😍佢話地鐵站附近就有間酒樓唔錯即刻去啦，又近又方便！打邊爐仲要係任飲任食😋！價錢又唔貴，真係唔錯👍🏻每人仲附送炆鮑魚鴨掌西蘭花海鮮併盤、刺身四款本地手切肥牛、至尊水餃皇！湯底有7款，除咗啲平時常見既湯底外，仲有重慶辣雞鍋同埋澳門豬骨鍋！自選區都有好多食物有丸、有魷魚、有豆腐、有菜、有響鈴、仲有公仔面，等等⋯⋯除左自選區，仲可以入紙order 其他肉類、丸類同海產類！飲品都係自己拎，汽水、啤酒、仲有每日新鮮煲既夏枯草！啲到地方真係好坐又舒服，傾計食飯都一流！豬骨鍋，湯底夠曬味！不論刺身、海鮮、食物都好夠新鮮！飲品又可任飲！正！

起23/8，我同我親戚走左去呢度食下午茶，諗唔到佢價格的確幾扺食下。10蚊1碗粥，16.8蚊一宗飯，應該係因為下午茶有優惠比較扺。當時就叫左鷄飯同肉餅飯，亦都有黑椒牛仔骨，王子包，炒河，奶卷，紅豆沙同2碗粥。我親戚就比較鐘意王子包，造型幾得意下，餡料係紅豆，所食落甜口幾好。炒河68蚊，都幾好。我嗰邊比較鐘意炒鮮奶卷，外脆內軟有奶香味。可惜紅豆沙比較水，似未煮到喉。粥品都唔錯，口感綿滑。另外點心嘅話，排骨都算有肉香，芋頭蒸得算係幾綿密。牛仔骨都有肉味，配黑椒汁食的確ok，不過未算真係好驚豔，但都好味。不過整體唔錯，環境格局還ok正常。推薦同親友一齊食下下午茶，性格比幾扺下，同食物質數唔錯，可以同人慢慢食慢慢傾談。

半島漁港/阿翁火鍋館 (灣仔)灣仔軒尼詩道71-85號熙華大廈地舖及1樓超抵任食火鍋！地點非常方便灣仔站過條馬路就到大大隻招牌 一定唔會怕搵唔到阿翁火鍋館往時走貴價火鍋路線，而家做緊超扺食任食火鍋，2百零蚊一位任食，8半後入座有8折，OT完黎食啱啱好任食啤酒汽水任飲之餘，仲有剌身水餃同高級牛肉送，食材高質，湯底足料齋食佢送嘅嘢已經值回票價鮑魚鵝掌，非常入味好好食刺身新鮮，三文魚非常厚身啖啖肉另外仲有蟶子、鮮蝦、生蠔帶子，海鮮好新鮮生蠔juicy 爆汁揀咗個冬瓜瑤柱湯，湯底煲到非常鮮甜入味瑤柱份量非常之多，超級正可以寫紙仔飲食或者出邊corner，外邊corner放得非常乾淨，選擇非常多新鮮蔬菜都有好幾款可以揀牛丸豬肉丸魚蛋腸仔都有，最鍾意嘅午餐肉一定唔可以錯過鵝腸魷魚都不錯另外有興趣可以試吓佢嘅響鈴魚皮飲品啤酒任飲，可樂汽水綠茶乜都有建議一定要試佢自家製嘅夏枯草任食火鍋唔使加錢有得飲，入口清甜舒服，打邊爐飲夏枯草清熱一流一家大細唔想食火鍋都仲有小菜可揀同樣係抵食優惠，仲有$1小菜職員非常有禮，周不時會走過來同我哋吹水會幫我哋碗污糟碟，收拾得好快服務態度一流，10個讚！