半熟工房 (已結業)

一路有食開呢度既半熟芝士撻, 相比起同區既另一間.. 我覺得半熟工房更勝一籌的.今日又心思思想買黎食下 每次心情唔好既時候 黎食一個就會開心番晒~ 美食對我黎講實在太重要!!呢度既半熟芝士撻每十二分鐘出爐一次, 今日去到出爐左一陣, 唔算太燙口, 八分熱, 咁樣仲好, 會容易D入口~我鍾意佢撻皮係用牛油曲奇餅底, 好鬆化, 好香!!!個撻面焗得好靚, 漲卜卜咁樣, 薄薄一層咁包實入面準備流出黎既半熟芝士......咬落去芝士餡呈流心半熟既狀態, 質感軟棉棉, 夠晒軟滑creamy, 超級正, 聽店員講個芝士餡仲係以北海道和美國忌廉芝士兩款芝士調製, 所以芝士味都好夠香!人流方面, 依家真係冇之前咁多人排隊, 甚至有時係唔洗排就買到, 但對我地呢D真.芝士控黎講其實係一大喜訊~因為可以快D買到黎食 我一定會多D黎支持!!!!順帶一提, 依家出左一樣叫"葉子派"既新產品, 好得意 形狀係一塊葉~好似都唔錯, 下次食完再分享!

這一天，又開始踏入了全年最忙碌的月份，整天忙個不停，再加上感染了風寒，累得要死了﹗幸而，飯聚時，窩心的友人，又送上了「精神食糧」給小妹，為小妹打打氣，謝謝﹗小禮物乃半熟工房出品的「半熟朱古力蛋糕」，一盒有5小件小巧的骰橢圓形的蛋糕，每件均以牛油紙獨立包裝，方便取出食用。先後吃過半熟工房出品的半熟芝士撻和半熟芝士蛋糕，半熟朱古力蛋糕還是第一次見到。盒內有張小卡，寫道：「嚴選素材，用上法國高級品牌朱古力，配上日本幼滑麵粉及法國鮮香牛油。再以特製的烤焗方法，交織出「半熟」的質感，鬆鬆軟幼滑，清新香濃而不膩。」咬一口，半熟朱古力蛋糕的上層乃半熟朱古力，質感非常輕柔軟熟且幼滑，有點兒像朱古力慕絲；下層乃鬆軟具彈性的朱古力海綿蛋糕。個人而言，朱古力味濃淡得宜，啖啖幸福愉悅，盡在不言中﹗瞬間，疲憊身心，充滿力量也!

之前好紅嘅半熟芝士撻！ 呢間餅店都有賣撻，裝修黃色好搶眼，除了蛋撻仲有其他西餅！啲餅幾靚！ 入店內L型玻璃櫃，都唔知去邊度，問近門口一個女店員，佢好冷淡咁講：買撻入面櫃檯喇！ 行到入面櫃檯，兩個店員，其中一個問我：要幾個？我話要四個， 另外一個就將四個撻分成兩盒！再加個紙袋！我八達通比錢！ 回到家：打開紙盒，芝士撻幾大個，焗得金黃色，不過唔係新鮮出爐，所以唔熱嘅，中間芝士醬軟滑，芝士味香濃，不過幾膩口，撻皮脆口，好香牛油味！好味！ 蛋撻味道唔錯，包裝衛生，店舖裝修又靚，只欠店員，買嘅過程感覺好唔helpful!好冷淡！唔會再來！

當有新食品於市場面世， 香港人就好鐘意第一時間去排隊， 但我實在係一個懶人， 叫我排兩個幾鐘去買樣野食， 我寧願隔多一排先去買。半熟芝士蛋撻， 係香港都興左一排， 今日經過銅鑼灣， 見到條人龍終於去到可接受範圍， 就買左十個回家與家人一齊分享， 平時出街買蛋撻大約5蚊個， 半熟芝士蛋撻竟然要廿蚊個， 真係有點貴。半熟芝士撻， 非常香芝士味， 撻皮硬身， 內裏軟身既芝士餡， 形成大對比， 正食完啖啖既芝士香仍停留在口內， 感覺用料十足 就咁我就食左3個， 肥死la

據知半熟工房成日都要排長龍，所以一直都沒空排隊。剛巧今天經過只有十零個人排隊，便去排左陣就買到了。回家後馬上食，芝士流心一流，有啲似乳酪。餅底紮實，一口氣食哂兩個。

番工番到餓餓地要食d甜野提提神，今日趁有時間諗住去買芝士撻，無意中發現新出左半熟朱古力撻,平時好鐘意食朱古力既我當然無放過佢啦!《半熟朱古力撻$22》因為要攞番公司同人happy share,唯有再整番熱佢，但完全無影響入面半熟既效果。新出既朱古力撻都幾香濃滑溜，中間好creamy,熱辣辣既時候食好幸福《半熟芝士撻$22》另外見到半熟芝士撻剛剛出爐，忍唔住買左個，水準仍然保持住，咬落軟滑，芝士味道清新香濃而唔會覺得膩。

早排去咗婚展諗住做下資料搜集籌備下結婚既野....逛逛下之際竟然突然見到前面有半熟工房既BOOTH....仲要即場有芝士蛋糕賣....見到有個粉紅盒裝住幾靚既東東~原來係情人節特別版半熟蛋糕嚟...特別在於佢一次過有五款味道, 有原味芝士味, 朱古力味, 抹茶芝士味, 黑糖栗子芝士味 同埋 藍莓芝士味! 我之前已經試過佢既原味芝士味同埋抹茶芝士味, 兩者都係有綿密幼滑既口感... 尤其鍾意原味芝士味...入口陣陣芝士香味實在係一流既享受....最重要係芝士濃之餘但食落又唔會有種膩既感覺... 可能係因為"半熟"口感吧! 今次就特別期待未試過既其餘三種新口味: 首先講黑糖栗子芝士味先,  呢款真係好香黑糖味, 仲真係有成粒栗子喺入面, 口感依舊係超軟滑, 好味! 而藍莓芝士味亦都有驚喜, 好似食緊blueberry cheese cake咁, 但質地再唔係O個D 硬硬的, 而係好creamy 滑滑的質地~~ 味道酸酸甜甜, 成舊食晒一D都唔會覺得漏~ 個人黎講覺得呢款比黑糖栗子芝士味優勝~而我最最最鍾意就係朱古力味!! 一拎起手就聞到超香既朱古力味...質地軟綿幼滑 再加上特濃郁嘅朱古力

昨天看Facebook知道半熟工房將於今天推出了半熟朱古力撻.....於是放工後, 就立馬去銅鑼灣店買來試試!!可能熱潮已經減退的關係.....我們大概晚上8點到達也不用排隊~直接進去就可以買到了!!買了一個半熟芝士撻和半熟朱古力撻......即場食~芝士撻依舊的好吃~撻皮鬆脆....流心內餡好滑溜, 夠熱, 卻又未至於燙口....陣陣的芝士味和奶味~叫人回味***半熟朱古力撻,,,,,,朱古力味濃濃的~吃起來有點像吃太軟的感覺***但來流心程度不及芝士撻!!!我個人還是喜歡原味的半熟芝士撻多一點.....$22一個雖然是有點小貴~可是偶然吃一次也不錯呀!!

之前o係尖沙咀店試過呢度既半熟芝士撻同半熟芝士蛋糕，覺得幾好食，今日經過銅鑼灣店，見到新出左朱古力撻，心思思又買左黎試下~ 同尖沙咀店一樣，銅鑼灣店都有芝士蛋糕同cake賣 除左朱古力撻，仲出左朱古力味既芝士蛋糕 朱古力撻一個$22，大大個，表面幾平滑，咬開裡面係半熟狀態既軟心朱古力，朱古力味幾rich, 有少少蛋味，餅底幾薄好脆身而且有朱古力味，餅底比朱古力餡做得更好，整體味道唔錯，但朱古力味唔夠另一酒店出品既朱古力撻濃~

過完新年假又開始寫番d食評先～之前一路都聽好多人講呢間半熟工房既半熟芝士蛋糕好正，早排o係電視咁啱見到呢間餅店既訪問，睇完之後決定去開銅鑼灣就買嚟試個究竟～先講店內環境，好日式感覺～簡約裝潢～最重要係地方夠乾淨～都算幾闊落～不過如果可以有埋枱同椅子比人坐低食就最好啦今次我諗住剩係試左芝士蛋糕先～佢分兩種包裝，一盒5或10件，價錢係75或150蚊～平均一件15蚊～以呢個size黎講價錢唔算便宜，但一場嚟到照買盒5件裝黎試下有幾正先啦～一打開個盒已經好香，拎上手有少少濕潤既感覺，唔會太乾身～咬落去口感軟綿綿～除左覺得creamy之外，質感都好幼滑，味道充滿芝士香，我估可能係因為半熟蛋糕既口感發揮作用，所以件蛋糕雖然芝士香濃 但食完一件又一件 都唔會覺得好“漏”！質感屬於輕柔o個種～一口氣ko 左3件。。。。留番2件番屋企比媽媽試下 媽媽試完都話正，甜度剛剛好，唔會太甜～曾經見過討論區網民話覺得咁細件唔抵食。。令到我冇一早就仆去買嚟試，但試完真係覺得係一分錢一分貨。睇訪問佢地話自己製造蛋糕既材料都係日本貨，材料健康，講求食材質素，我估食開cheese cake既人一食落去都會相信佢地係用靚料

好野!排左5分鐘就有得食啦(>﹏<)22蚊一個芝士撻感覺上好似有啲貴，但食落就知完全值得♡輪到我果陣好似剛剛新鮮出爐，整個排隊付款過程順暢。芝士餡料口感輕盈，有如梳乎尼啲泡泡一樣。芝士味重之餘唔會過咸同食食下變酸。

一年內的消費季節永遠離不開聖誕節、除夕和元旦。而消費熱點也離不開銅鑼灣。當行街買嘢及觀賞店鋪佈置的燈飾之餘，一定要食噃D精美小食，用嚟作休息時間。之後就有能量去行過不停。所以選擇小食都十分重要。半熟芝士撻是個非常要好及開心的決定！半熟工房 Hanjuku Kobo在由香港凱旋餅店家屬發展岀來，創辦後，就不用飛到日本品嘗此芝士美食了。此店獨有的芝士香味，並且帶着點點堅果味，令市民接受後不能忘記。半熟的狀態特別使我愛、恨交流。愛它的香滑、恨它的流動，當滑到咀裏就要留意温度。我經過多次練習才成功 享受到完美的半熟芝士撻。我立刻再買上原味及綠茶味來嚐嚐。當看到原味撻上面的烘焦片，就知道它甜到入心。而綠茶的香味在遠處已聞到，感覺到用料的充足。此刻在心中的,並不是手上那兩顆顏色吸引，香味四溢的半熟芝士撻！而是留家等待我的( 小親親 )！相信她一定喜歡它( 他 )!抹茶芝士撻、芝士撻$24

開業唔係好耐，已經有一大班人去左潮聖，每次經過半熟工房都見到一條大長龍，雖然一心想去試下，但又怕太晒時間！今次，終於比我見到條龍短短地，就即刻上前去排～唔洗一兩個就到我～不過原來大家排緊既係抹茶味！芝士撻可以直接行去買XD 可能芝士熱潮過左，依家多人買既係抹茶，但我始終對芝士從一而終，想食左咁耐，就緊係要好好品嚐～～專門店仲有半熟芝士蛋糕～環境乾淨整齊，就係等得比較耐～ 係網上睇過太多報導講芝士撻喇~雖然依家市面都有好多芝士撻，但依間芝士撻專門店，總覺得佢地原創啲，有非試不可既理由～HAHA有個紙袋裝住，拎上手已經充滿香濃既芝士味囉～～流心半熟芝士撻，食第一啖，已經有種幸福滿瀉既感覺～～咬落去既口感好似豆腐，味道有奶酪同濃烈既芝士味道，軟熟得黎，再加上香脆餅底，確實想一食再食～～不過食左一個都會幾飽濟，不過比芝士味覺充滿全身，感覺真係好幸福～～>_<

有時真係天意難逆, 放工走去總統後面寵物街探完貓貓, 徘徊搭巴士定地鐵之間, 最終揀巴士, 點知去到送車尾, 唯有搭地鐵, 途經半熟工房無人龍, 見到還有抺茶芝士撻及芝士蛋糕, 唯有跟天意去買啦.  真係有嘢襯熱食, 見個個都即買即食, 但我都係喜歡買回家和家人共享.限量每人只限最多買6件抺茶撻.買兩個, 包裝盒中間有間隔設計周到.顏色好深綠, 撻皮也混有抺茶, 皮還脆.  餡料半流心, 抺茶味濃但不香, 而回甘不多, 無驚喜.  這個不是不好味, 只是個人較喜歡原味芝士撻, 奶味及芝士味較突出.抺茶芝士蛋糕, 一盒5件.表面焦糖金黃色.令外型吸引.  口感沒有原味般入口即溶, 但仍是軟熟的. 味道雖無芝士撻般濃抺茶味, 但輕盈的一小件可能質地軟熟, 每啖都有淡淡抺茶味食而不膩.

感謝J小姐買來半熟工房人氣半熟芝士撻給我們嚐味。半熟芝士撻&綠茶半熟芝士撻 $22/件半熟芝士撻芝士味尚算香濃，口感軟腍滑溜，底撻香脆可口，不油不膩。而綠茶半熟芝士撻則散發著綠茶的甘香，跟芝士味道尚算配合，質感輕盈軟滑，喜歡綠茶味道的不妨一試