華興

营业中

休息中

今日早上同同事去咗南朗山熟食市場度食早餐。入邊其實有好多間食店嘅。今日我哋就試吓未食過既店。坐低咗我就叫咗個豬扒煎蛋公仔麵加杯凍檸茶。等咗一陣個面就嚟到啦豬扒麵都唔錯正正常常。但同事就話杯凍檸茶啲茶味唔夠，唯一讚嘅係杯檸茶份量比較大杯，話隔離嗰間啲檸茶好飲啲。

話説最近同個friend 去左利東個邊 因為最近天氣咁好 最岩就係行南朗山 我地上去之前就去左港鐵站附近嘅熟食中心食lunch 麻甩嘅我就最開心啦 最鐘意食常餐 我地亂咁入 入左華興 比較大間 又多野食 我地十一點幾十二到去到 個到嘅員工話我地仲可以叫早餐 超好 不過我大食 最後叫左常餐 $34 有雞扒 雪菜肉絲公仔麵 仲有個方包 火腿奄列 我就切左少少奄列夾係方包入面 正正常常 不過要讚下碗麵 個麵好淋 雞扒易咬開 而且有雪菜肉絲嘅汁令到碗面好滑 而且多料唔會得一羹 食完唔會好飽 岩哂行山！

今日同friend行山之前黎呢個熟食中心搵早餐食第一次黎呢個熟食中心比想像中既多選擇而且乾淨一層都有差唔多10間餐廳 不過每一間既位置都唔多最後我地就隨心咁揀左呢一間坐低左我叫左個沙爹牛麵配腸仔煎蛋 飲熱阿華田沙爹牛麵好濃 仲有d菜絲跟麵唔會煮得好淋而且份量都好夠腸仔同蛋都煎得好食蛋中間仲係流心而且唔會好大陣油煙味不過就得油包 冇多士揀另一個friend就叫左吉列魚柳炒蛋多士呢度既吉列魚真係好水準肉質夠實唔會好似d連鎖店咁鬆散而且都唔會有雪味👍🏼

放假冇野做又肚餓就走左去屋企附近食下野...lunch時間ge熟食中心人頭湧湧..行左一個圈...睇到呢間有至愛ge干炒牛河做快餐就行入去啦緊係入面ge侍應幾有禮貌=]咁我叫左干炒牛河+涷奶茶...奶茶好快就到左...夠涷夠滑仲好有茶味,,,唔會覺得澀等左一陣...見到佢地一次過出5碟干牛河...本身諗住咁多一次過出都應該唔太好食..點知原來唔係!干牛河俾人感覺好油,,,但呢個就唔會...見到佢個色咁深色...以為佢會好咸..點知就好好味...又夠乾身!又夠大份!一次過炒咁多碟都可以咁好食...師傅好得啦=]埋單28蚊...好抵食...係出面一定食唔到呢個價ge干牛河,,,下次會再食

十一月中旬‧晴酒喝得太多，沒有什麼吃東西，結果當然只得一個。明早起來，人很「飄」，想吃碗粉，來了這裡。要了餐蛋米線，加杯熱咖啡。餐肉煎過，蛋是溏心的，米線不太腍，吃起來還帶韌度，都好吃。最好還是那個味精湯底，夠熱，吃完舒服多了。加杯熱咖啡，已經大至回復正常。

為公司車的事跑到來黃竹坑, 以我的性格, 必定會於當地食一個午餐或下午茶. 就近有巴士站又有食肆既地方, 就只有這南朗山道熟食市場.見到一家顧客較多的, 就毫不猶疑的行入去. 坐底後才醒起是以前來過的. 既然來了, 當然不好意思走人. 就立即看看下午茶有什麼別的. 因為以下午茶代午餐. 是日就選擇了豬扒包為我既食糧.再來, 人情一樣, 世故一樣, 食物也是一樣, 但我點的就不一樣. 上次吃凍的飲熱的, 呢次食熱的飲凍的. 豬扒包, 圓圓的一小個. 番茄生菜, 配料十足. 豬扒熱辣辣, 肉質帶點肥. 味道醃得好, 豬扒又腍又好咬口, 包仔脆脆地, 雖不是什麼澳門正宗, 但美味是feel得到的.奶茶, 今次飲凍的, 奶味好夠. 亦夠哂凍. 9月尾啦, 依然是大熱天時, 飲完, 透心涼, 涼涼快快的找數, 去巴士站....一到巴士站, 出中環既巴士又剛剛到......................開心的一句....天氣真好.

因公事又到了黃竹坑呢個地方, 事後, 總覺得出外辦好事, 不飲番杯午後紅茶實在對不起自己. 身在黃竹坑呢個工業區, 又是時候explore南朗山道熟食市場了.今次, 是吃過午飯才來, 亦有備而戰, 所以準備了充足時間行勻兩層, 再慢慢選一間, 食過"low tea". 不過, 過了lunch time, 沒有了黃竹坑邨, 只面對著工廠大廈. 難免有點難做, 很多只做午/晚市, 連茶檔, 也只有一兩間open. 當時只有兩間有開門的茶檔, 眼見華興有客, 而另一間座全虛席, 人總是朝著人群方向走的, 沒人的, 當然不去.點了一個奶醬多同奶茶. 入面的師傅慢條斯理地一份份整. 鄰檯有4、5人, 亦是到埗不久, 要等廚房弄好他們的order才能夠出我的多士. 下午茶是悠閒的, 慢慢等, 正有味道.奶醬多, 花生醬不太厚, 感覺上被煉奶味蓋過. 但好在是麵包即烘起的熱力仍在. 奶茶, 說起來是一般. 普通的濃, 普通的滑, 茶味感覺欠了一些. 如果不是落了淡奶, 味道可算像English Breakfast Tea.慢慢悠閒地蛇了半小時, 看看手錶已是5點, 搭巴士回到中環, 連塞車, 剛好收