華嫂冰室 (蝦尾新村)

营业中

休息中

平日中午來食，不需排隊叫左一個豬扒太陽蛋出前一丁轉蕃茄湯一杯凍奶茶，共$74價錢不是重點，而係一個麵餐由落單1點39分起計，足足25分鐘先到餐以茶餐廳同麵餐黎講實在太慢味道方面，麵是麵蛋是蛋，沒有太多技術含量豬扒只可以講係正常，但無切件原件上，成塊棉被咁大，食起上黎唔舒適蕃茄湯底濃郁唔錯，但未至於係驚艷總結：普通茶餐廳貨色，唔明點解有人要排隊食，同埋等餐太耐，配以此價格是為性價比很低我相信支持者會繼續支持，但我不是hater, 純粹表達個人意見，返出去食牛奶冰室無咁嬲，因為預左係普通野。

近排同老公送完小朋友放學，搵地方撐枱腳食早餐，我哋第一時間想食華嫂冰室嘅招牌菠蘿包同埋蕃茄湯底瑞士雞翼豬扒招牌米線～之前舊地址已經成日幫襯！而家keep住好多人排隊～轉咗地方之後，環境大咗座位闊落有室內有室外座位～冇以前個位咁多蚊！服務態度好好！老人家孕婦等等會先入座！唔使排隊！👍🏻呢個值得一讚啊⭐️我哋都係等咗10分鐘就入得，而家有QR code落單超方便！美食⭐️⭐️⭐️⭐️🩵瑞士雞翼豬扒蕃茄湯底米線佢哋最出名就係呢個蕃茄超級濃郁湯底淡淡都係蕃茄🤤瑞士雞翼大大隻炆到好腍身！豬扒有咬口彈性！揼得好鬆，好好食！米線都好滑，啱啱好～🩵招牌菠蘿包菠蘿包夾住流心煎蛋、蕃茄、牛油🧈超級夾好有層次～🩵鹹牛肉包超級鬆軟麵包夾住鹹牛肉餡加流心煎蛋超級惹味～新鮮出爐麵包焗到熱熱地！裏面超級軟熟～🩵招牌奶茶超級香濃茶味～加埋奶超級香滑！一定要點啊！

幾乎每次去親華嫂，都好多人要等位。今日星期四閒日大約12:30左右，無論室外定室內都滿曬。拎完飛大約等5分鐘就有位，都好快。-鮮油奶多 $17每次都必點😆我知係好邪惡😈入面塊牛油係厚切(我同自己講，耐唔耐食一次無問題嘅😜)牛油好軟，配埋奶油超夾😋-香煎豬扒(出前一丁+3)(蕃茄湯底+10) $43豬扒煮到好淋，而且煎到好香口😋同埋好大塊，食到好飽-所向無敵餐蛋(出前一丁+3)清湯 $31呢度嘅午餐肉係幾好味👍🏻我對午餐肉好有要求，有時喺出面餐廳食到有d有怪味，我會成塊唔食😅呢度係煎到啱啱好，正😋雖然唔包飲品，要另外加錢，但埋單都係$133，人均$67，抵食👍🏻出面有空地免費泊車，好方便。

剛好來到天水圍，便試試一直bookmark 左華嫂冰室，點了人氣豬扒餐肉炒蛋麵，雖然價格實惠，但整體表現並沒有太多驚喜麵條煮得剛好，但口感平平，缺少了應有的彈性和風味。豬扒方面，雖然外皮酥脆，但肉質稍顯乾柴，沒有特別的調味，讓人覺得有些單調。至於炒蛋，雖然滑嫩，但缺乏香氣，與麵條和豬扒的搭配似乎也不夠出色。整體來說，這道菜吃起來還算可口，但如果你期待更豐富的味覺體驗，可能會感到失望。華嫂冰室的其他招牌菜或許更值得一試。

一個人，平日下午3:00到達。搭枱冇所謂，四人枱，有三人一家，安排我坐第四個位。同一時間，有張兩人枱，有一個人坐緊。嗰一家人，明顯就係熟客。華嫂駐場，問佢啲夥計，點解安排我一個人坐落去人哋一家人嗰張枱。咁佢夥計話，想留返張二人枱做生意。我都冇乜所謂，因為都唔係有好多空位。順利落單叫嘢食，食物到咗，豬扒米線，唔難食，但係冇乜特別。發覺唔夠飽，再後+1個鮮油多，咁佢哋都係用qr code落單，我自然地就係掃返頭先叫米線，喺枱上邊嗰個QR code。隔咗一陣，有個夥計走埋嚟，話我落錯單，應該要掃枱上邊個QR code，語氣其實係話緊我點解會落錯單，我都有禮貌咁同佢講，我就係掃枱上面個QR code，我周圍都冇第二個QR code俾我婦，我點樣掃錯呢？伙記冇答我行開咗。呢樣嘢我就覺得，你哋個系統就算啱又好，錯又好，你都搵得到我，需唔需要怪責個客人呢？之後嗰家人走咗，又嚟咗三個人坐落嚟，今次又係熟客，華嫂自己安排，叫個三個人坐去另一張枱。嗰陣時候已經唔係太多人，再隔一陣有兩個人坐落嚟，跟住叫嘢食，我見到冇乜嘢人，我背脊有個手提袋，放咗喺背脊好耐，放喺隔籬個位上邊。放咗都冇5分鐘，又再安排一個人，

12點到左華嫂喇，等左5個字左右叫到我地張飛。入去之制，因為有個fd 岩岩泊緊架車可以入去叫定野食，佢話未到要等齊先入得，一等就等多三個字。所以大家入去前要到齊喇😂豬扒雞翼公仔面豬扒好爽趣無乜冰鮮味，雞翼一咬就鬆不錯哦，個面就岩岩好好爽😄魚餅都好香好鮮值得一試！有8件 食左先影

好耐冇嚟過華嫂食嘢，對上一次仲喺舊舖，今次新舖都係第一次嚟，華嫂啲嘢食唔使講大家都知好食，今次嗌咗三樣嘢食分別係招牌菠蘿包，豬扒雞翼蕃茄通粉，煎魚餅豬膶炒蛋公仔麵。首先嚟咗個招牌菠蘿包，說穿了就係菠蘿油加蕃茄加煎蛋，老實講，比起招牌菠蘿包，我更加鍾意食菠蘿油，嗰種冰火嘅感覺，牛油同菠蘿包嘅水乳交融令人久久不能忘懷🤤蕃茄湯底同以前一樣都係咁出色，豬潤亦都好爽嫩，煎魚餅非常香口，而且啲餸嘅份量好多！總括嚟講，華嫂就算搬咗新舖啲食物依然冇跌watt，而且有得泊車係非常之好，但值得留意嘅係同舊舖一樣，好大機會冇冷氣，因為冷氣位有限😂😂😂

今日入嚟天水圍探長輩，上網睇吓有咩食，搵到華嫂決定一定要encore ！以前食過觀塘嗰間都覺得好鍾意，不過太偏僻，所以好耐好耐冇食，而且淨係食過一兩次當時都係要排隊，估唔到嚟天水圍呢間都真係要排一段時間！兩點幾入座，即刻嗌個皮蛋芫荽湯，豬膶牛肉配搭米線！米線煙靭 有口感 咁幼都唔會話好易爛，非常好記得之前觀塘有一次係啲米線太碎$52大大碗， 加$10有皮蛋芫荽湯底，勁足料好多芫荽，皮蛋亦都超級足食極都有，懷疑佢會唔會落咗成一粒半？🤣🤣🤣🤣🩷豬膶好味大大片，不過只有三片，份量算係好合理，不過我太想食哈哈🤣牛肉就正常鮮牛肉質素份量都唔少，如圖所見超級滿足，而家見到都想食🫡推介之下男朋友都要皮蛋芫荽湯，不過其實呢度蕃茄湯都好濃郁，不過皮蛋芫荽湯就只有華嫂做得到！鯪魚餅原來都好好味，彈牙得來有啲軟熟，而且好香口超讚肉眼間唔知係咩部位，但牙爽口又唔會話太瘦 有啲似豬扒嗰條邊記得呢度滷水雞翼都好好味，而且見到隔籬枱都食緊超吸引！等到好肚餓嘅我當然要加一份熄水非常靚而且大大隻非常靚超吸引如果開多啲分店就好啦，不過都明白而家鋪租好貴，生意難做

好耐冇揸車入去華嫂食今日終於，有機會揸因為陪朋友喺隔離整趕車北上驗車入到去餐廳裝裝修好過之前舊嗰間好多，仲有個取票機取票等位，因為今日都算人多我都等咗大半個鐘咁嗰度有啲凳坐。咁到我哋食啦咁我就例牌叫咗個蕃茄豬扒雞翼烏冬。水準同之前差唔多蕃茄湯好濃豬扒都算嫩滑雞翼都算入味。之後飲咗杯凍檸多。即係益力多加檸檬第二度冇得飲幾特別除咗等位等得耐都冇乜嘢可以挑剔裝修環境服務態度食物水準都仲係幾好。下次有機會再嚟。

聽聞喺天水圍嘅華嫂係眾多分店之中最好食，所以就黎左試下係咪名不虛傳先我哋叫左一碗豬扒雞翼蕃茄湯米粉，一碗豬潤雞翼蕃茄湯米粉，招牌菠蘿包，招牌芝士咸牛肉蛋朱仔包，香煎魚餅飲品就叫左鴛鴦，阿華田，話梅柑桔同檸茶雞翼煮到好稔易咬，我都幾鐘意蕃茄湯底真係好濃郁，如果食得慢，會見到蕃茄蓉同湯分開左招牌菠蘿包好足料，啲菠蘿皮好脆，不過可能蛋即煎太熱，擺左一陣啲牛油完全溶晒招牌芝士咸牛肉蛋朱仔包真係好好食，芝士同咸牛肉互相配合，食到濃郁芝士味又唔會蓋過咸牛肉嘅味香煎魚餅好薄身，味道正常今次黎到都多人等位，可能我哋十二點就到，好快到我哋入座對於我黎講，食物味道都唔食算錯，但未至於會特登走入天水圍去呢間餐廳

不外如是的隱世茶餐廳今日過嚟附近驗車， 一早嚟到還有時間，於是諗住試吓呢間人氣茶餐廳。 我哋8:30到達，一去到有一位侍應便大聲說要安排我們2位，要坐4人搭枱位， 但是我見當時成間餐廳啲人客都冇－半，而佢哋都冇外面講到咁好生意，跟住我哋落咗單之後有兩位客人到了，便立即安排坐我們隔離， 但是當時有一半位置還是吉台， 真是覺得佢地啲安排摸不著頭腦， 隔離2 位人客都不悅說，大把位，駛吾駛咁啊！ 心唸算啦，如果野食ok 都冇所謂， 但結果未如所願， 個豬扒雞亦面真係吾掂，湯底非常清淡且無味，雞翼食得出overheat 左，質素非常－般般總括嚟講是一次很差的經歴。 冇下次難怪香港飲食業低潮，不是沒原因的！

華嫂冰室可以由大西北開分店到全港九，講求既就係質素，今日深入天水圍本店試下華嫂手藝，睇下有幾驚人。閒日來到都人潮湧湧，要等一陣先有位。坐低就即刻點食物，叫左個招牌芝士咸牛肉豬仔包，烤牛油豬仔包同豬扒雞翼蕃茄湯公仔麵。平時茶餐廳都係用方包為主，華嫂反行其道用左豬仔包，相當特別。豬仔包包質鬆軟，配上芝士咸牛肉食 ，都幾惹味。烤豬仔包外表脆卜卜，沾上牛油煉奶食，甜咸適中。最好食既都係蕃茄湯麵，蕃茄湯濃稠度十足，每夾起公仔麵都會掛起好多湯，包保唔會唔夠味，不過食起上來要小心，事關佢特別包温，小心燙口。華嫂不愧名不虛傳，以食物質素取勝。

好耐冇去華嫂，以前舊舖去過幾次，仲曾經見鄧達智喺度食野。搬左去蝦尾新村之後，反而第一次去。如果揸車去，佢出面有大空地俾你泊車。蝦尾新村華嫂座位有室內同室外，咁啱室內full左，侍應就叫我哋坐室外，就當去咗郊外😂🥢自選兩餸，煎魚餅同豬膶米線芫荽皮蛋湯底米線🍜煎魚餅有三塊好彈牙，如果厚身D口感仲好，豬膶煮到唔老，湯底勁多皮蛋同芫荽真係好鮮甜。🥢自選兩餸，肉眼筋同豬膶米線芫荽皮蛋湯底米線🍜肉眼筋原來好爽口，口感似豬頸肉同樣豬潤煮得唔老，芫荽皮蛋湯底好飲。☕️奶茶就茶味偏濃，所以又叫咗侍應俾D奶俾我加落奶茶中和一下。💰是日早餐消費$136 (2人)💰

今日星期六4點左右嚟到，等一枱就入得💕不過菠蘿包就賣晒了🥹招牌蛋沙律多士🍞呢款招牌蛋沙律多士真係無得彈👾佢嘅麵包烘烤得香脆金黃，一啖落口就好酥脆。而裏面嘅蛋沙律餡料，酸甜味道豐富❣️❣️凍話梅柑桔🍊凍話梅柑桔☺️佢有咁多層次嘅口感，一啖落去先係凍凍地，接著就嚟到酸酸地，最後又嚟到甜甜地🫨🫨貢丸豬膶皮蛋芫茜湯底🍲呢個貢丸豬膶皮蛋芫茜湯底真係有驚喜🫣🫣湯底濃郁香滑，貢丸有彈牙嘅口感，豬膶皮蛋好滑嫩，仲有芫茜嘅清香🎁無敵餐蛋出前一丁🍜見到每台都會嗌🙏🏻💕麵條煮得彈彈牙，加上蛋同出前一丁嘅味道，真係絕配🥰🥰香煎豬扒米線冬蔭功湯底🍲呢個香煎豬扒米線🍜冬蔭功湯底真入味🔥豬扒煎得香脆，肉質鮮嫩多汁，加上米線同冬蔭功湯底，味道更加豐富🥹

今日去屏山文物徑，難得到天水圍，一定去試埋鄧達志起名字的華嫂，順便比較一下上個星期系尖沙咀粉店邊間好。天水圍站行去大概10分鐘，用GPS會方便D 。去到8點半左右，都坐了差不多9成人，咁偏僻的地方又咁早，有咁多客真系吾簡單。服務都OK啊！雖然無笑口迎人，但要水要牙籤要碗仔都好樂意。比較尖沙咀店- 哩間有郊遊的感覺，食得比較放鬆，大部分本地客。- 哩間有室外部分，- 哩間價錢便宜D ，- 豬扒就尖沙咀好味D 新鮮D - 菠蘿飽就哩間好味D 。豬扒米（$28）（3分）- 豬扒可能比尖沙咀更大，雖然牆上面有寫現做要耐心等候，但一分鐘就有，但吾夠熱，味道受影響好大，應該系整定，有D失望，但$28真系超值。- 米粉同湯都好好味啊。鹹牛肉蛋菠蘿包（$29）4分- 菠蘿包吾同外面麵包鋪，個皮系鬆吾系脆，個芯飽系好特別。高分原因- 牛肉同蛋都比尖沙咀差-牛肉比較”鞋”口，- 雞蛋太熟又無蛋味。冰花奶茶（$29）4分- 吾系5分吾系吾好飲，系太大杯太貴。- 其他茶餐廳系一粒粒冰，哩度系好碎好薄的冰花，特別.- 茶好香，飲完無脷”鞋”同心跳。