華源茶餐廳

营业中

休息中

之後再搵返呢間餐廳，明明門面相當舊式，印象中10年前在這區工作已經見過呢間餐廳，但入內之後又不太感受到它歷史悠久呢。🤭之後搵搵食評。的確，只有七八篇食評，不過有啲想就耐到2009年甚至毛2006年，應該是舊式原有的餐廳，不過翻新了，然之後用返舊式的裝修。這次試下午茶，不過由於是星期六日的下午茶，因此款式減少，又或是收費比較貴😯這個沙礓雞配麵，都算係幾大份，雞應該都差不多有例牌那麼多，雞都顯得比較滑，不過吃得多，以及底下的雞，浸在沙礓醬汁裏邊比較來，😲因此顯得比較鹹，不過就未到來說都算是不錯的。這個瑞士雞翼沙嗲牛肉撈麵，雖然號稱是瑞士汁，不過由於撈了沙嗲醬，因此難免越吃越鹹，底下的醬汁位置吃得很鹹，😲瑞士雞翼沒有什麼特別，另外嗰隻煎蛋就比較可口。果然，到這類型的傳統舊式茶餐廳，茶味最濃郁，看看這杯凍檸茶，首先佢唔係而家新式茶餐廳最鍾意用嗰啲大大隻膠杯，然之後放大量冰那種，而係用番普通細隻的凍飲杯，這個大小剛剛好，冰不太多，茶味夠晒香濃，三四篇檸檬就已經夠晒鮮美

望入鋪入面，十個客有九個麻甩佬，真係膽小啲都未必夠膽入去。坐低伙記熱情有禮既態度即刻同成個鋪頭有巨大既反差，真係貴價餐廳都未必有既服務態度。伙記推介葱油系列 ，咁我當然信佢揀左個葱油雞扒蛋飯。碟飯來到當堂有驚喜，塊雞扒大到呢，完全遮住啲飯，外皮脆口，點知入面都鮮嫩多汁，配上葱油的確係好食。隻蛋完美呈現太陽蛋既狀態，將蛋液撈入飯到又多個層次，估唔到小小茶餐廳都咁高質。碟頭飯連凍飲都係50大元，而且只收現金，下次來食一定要記住扲定現金！

🐻重點‼️👩🏻‍🤝‍👨🏿服務態度好過出名既餐廳/航空公司 🍴佢地既必食係雞扒蔥油太陽蛋飯，雞扒入味嫩滑重要大大塊，正👍🏽呢個雙豬飯就一般，豬扒較‘鞋’🐻本身只係茶餐廳簡單食個晏，無諗過呢間茶餐廳會令我真心想為佢出個post,因為佢地既服務態度真心令我佩服！值得令人尊敬同珍惜香港仲有咁有心既舖頭

記得小時候食過1次，所以小店都真係有d歷史。大個因為成日見到好多賭馬既叔叔係入面高談馬經，所以冇點再去。前排得知就嚟結業，所以去懷緬一下。平日下午茶時間入到去，人不是太多。裝修依然是小時候的舊式風格。一般茶餐廳既食物其實佢都有，門口還有應是自家製既麵包，西餅，係間好傳統既茶記。最後點了炸髀燴意粉(蒜蓉汁)，蒜蓉汁真係幾蒜蓉，係以前果種既味。炸髀都ok，外皮都香，肉質都ok，但肉既味道就冇乜點醃，味道不太足夠。意粉旁再有點菜，真係好舊式做法，但又真係幾好。飲品方面，見到d都幾特別既野，而且只係加$5就轉到。最後揀了阿華田咖啡，都幾特別，估唔到會可以有咁既配搭。如果有下次，可以再試下其他。價錢只係$43+5(轉特飲)，經濟實惠，絕對係街坊價。

在元朗吃過兩次最好食的蛋撻， 其中一次是來自這間茶餐廳， 另一次在某間餅鋪， 今日特地買了這兩款蛋撻同時食作比較， 一決高下。這間茶餐廳的蛋撻外表正常，經攤凍後， 用微波爐燒烤模式翻熱， 一打開微波爐 ， 已經聞到出爐蛋撻的味道 ，可是蛋漿與曲奇餅皮已經變得蛋餅分離。 一咬下去 ，發現蛋撻的曲奇餅皮雖然能保持香脆，但卻變得易碎， 就像朱古力脆皮雪條的脆皮一樣， 一咬下去已分裂成幾塊 ; 至於蛋漿方面 ，蛋漿亦充滿蛋的香味， 甜度適中， 可惜稍為乾身，像焗老了一樣。 後記： 買完兩款蛋撻後， 法國蛋撻張墊底紙的花紋一樣， 再仔細看， 原來這兩款蛋撻都是來自同一間餅鋪的。雖然兩款蛋撻都來自同一間餅鋪， 但首先在價錢方面， 當然原本餅舖的蛋撻會賣得較平 ，另外我覺得在餅舖買啲蛋撻較為好吃。 可能由於這間茶餐廳的蛋撻不是自製， 經原本的餅舖製成後再自行翻熱出爐， 而原本餅舖的蛋撻卻是直接出爐， 故此當我回家再自行翻熱後， 原本餅舖的蛋撻仔焗熱了兩次， 但茶餐廳的蛋撻可能已焗熱了三次。 所以這間茶餐廳的蛋撻的蛋漿可能因而較為乾身， 餅皮亦都較為容易碎裂。 而餅舖的蛋撻經微波爐自行焗熱後， 仍然

一枝公的時候，很多時，我會選擇吃茶記。看見這家華源有位，就不作他選，推門進去。大熱天時，胃口麻麻，所以點了鮮茄牛肉燴意，貪佢酸酸的，夠醒胃。意粉的酸度合我心水，牛肉軟腍，質感都總算不太假。還有不少的新鮮蕃茄，都可以收貨。想飲咖啡，又想飲奶茶，即管來杯凍鴦，是麻甩佬的好選擇。

上次比佢d咖啡香味吸引到, 食過覺得都OK, 所以今次再幫襯, 照舊叫2碟炒嘢SHARE食~ 干炒三絲意唔係好乾, 好少少汁, 咁樣反而覺得好過乾到焦, 濕濕地易入口, 佢D汁都幾濃味下, 其實睇色都睇得出, 好彩食落唔係好鹹啫............不過份量就細咗少少少, 同埋三絲只係得叉燒絲、火腿絲同芽菜LOR~~~ 生炒雞絲飯上次食過幾乾身, 今次ENCORE, 味道啱啱好, 唔鹹唔淡, 又粒粒飯都炒到分開, 不過又係唔夠雞絲LOR~~~ 凍奶茶茶奶比例好好, 茶味夠濃, 但又有奶香, 因為佢係用黑白奶的~ 熱華田好耐冇飲過咁濃的華田, 佢冇乜奶, 什至好似冇落奶, 成杯好深色, 好明顯係落咗好多華田粉, 超正~ 唔其他茶餐廳咁, 係咁落奶加味, 又搞到鬼死咁淡色~~

原本冇諗過食呢間, 但想食果間又冇位, 唯有周圍行, 睇下有乜好食, 但老公一定要飲茶, 所以目標一定係茶記........沿住大榮華一路行去投注站, 都有1-2間茶記, 但好似唔好太吸引, 所以又周圍望, 見到對面有2間茶記, 過咗馬路, 諗緊食邊間好, 因為2間都好似差不多, 又係隔間, 價錢就應該唔會相差太遠, 但見到呢間有卡位, 雖然卡位唔係梳化, 都係木版, 不過都係鍾意卡位, 所以決定呢間..............一入到去就聞到勁香咖啡味, 可惜我唔飲咖啡呢~~由於浪費咗幾個字去搵食, 不知不覺已經兩點半, 即刻問亞姐有茶餐未? 佢望一望個鐘, 雖然冇答我, 但佢即刻搵個下午茶餐牌比我, 唔知呢d service係好定唔好呢? 等咗一陣, 好快有飲品上, 可以嘆住等........... 凍奶茶 好濃茶味, 茶同奶的比例好夾, 而且唔會太甜, 好耐冇飲過咁正的奶茶~~ 熱朱古力雖然呢個只係用朱古力粉沖出嚟, 但唔夠濃味, 即係落唔夠朱古力粉............差不多飲咗半杯嘢, 再望望個鐘, 落咗單十分鐘有多, 仲未有, 老公竟然話, 咁咪即係代表即炒lor~~ 唔係

哈哈!我不是中年男人,不過呢間店9成9的客人都係中年男人.搵1個女性的客人都係一件難事..呢間茶記歷史接近30年.仍打掃得乾淨.沒有裝修只是加了二部新冷氣..一個下午茶.凍華田.炸豬扒.薯條....凍華田:味道似燕麥華田.抵讚..又不會太甜....炸豬扒.薯條:薯條完全無油.卜卜脆...但豬扒鬆肉粉落得太勁..令到豬扒沒有本身的味道.有點失色....回頭要看緣份

一個星期日，　大鄉里“入城”，因為好多年冇去元朗咯．．．．連大榮華都未食過，可惜真係搵唔到位坐，只好到對面既茶餐廳食覺得都幾好，一來有街坊風味，典型舊舊地的冰室feel ，市區難搵ｄ架喇～同埋老闆娘好好人，有朋友唔係叫套餐，本身冇湯飲，都俾佢地飲，　令全木台都有得飲，good! 好有開飯feel 另外，來得茶餐廳，一定要飲奶茶，咁先至試到此地是否一間水準好的茶餐廳，當然是好飲啦～奶茶應該是拉出ｏ黎既講真，　街坊式茶餐廳都是ｏ個ｄ菜式同套餐，廿多蚊有一碟飯／面，如滑蛋茄牛飯，雪菜肉絲炆米等，加一杯野飲及一碗湯，反而比較驚喜是個湯是真材實料，唔多覺有味精，抵讚～總結是冇得去大榮華，都好好彩去左間幾好的茶餐廳