影片
以上资料只供参考，请与餐厅确认详情
之前睇完MM发现公司附近有间隐世蛋包饭，已经帮衬过几次。见好耐冇去食谂住回味下，结果令人失望🥲之前未有咖啡档嘅时候两个老板都好好人好nice。直到今日去，堂食入座嘅安排已经系0，根本唔知要排入面定出面。因为我哋系附近返工放lunch过嚟，只系谂住问下可唔可以叫定先，我哋有位再入，但个咖啡档女士用一脸加一口气觉得我哋烦住佢嘅语气话：坐低有人会落。但系我哋角度系我哋决定咗食，而且知道煮需要时间 所以先问下。本身谂住系佢忙所以唔得闲理我哋，所以我哋再揾落单个哥哥仔问多次，结果个位女士用劲呼喝嘅态度重申一次: 坐！低！先！落！单！（然后反咗白眼加摇一摇个头）。见到佢咁我哋都费事再等落去 好可惜应该唔会再有下次嘅光顾🙇🏻♀️
继续阅读
华记士多嘅蛋包饭属地道小店出品，地点不方便，价钱少贵，餐厅座位不舒服，味道偏向家庭式，鸡扒煎得外皮微脆，内里肉质嫩滑，调味简单，鸡扒蛋包饭份量足，系够饱嘅。食落满足，系香港仔区好食嘅蛋包饭。手切封门柳，个名有少少奇怪，唔系手唔通机切？牛肉通常即叫即切即炒，牛肉鲜味唔出。蛋包滑溜溜，包住炒饭，炒饭底用豉油炒香，饭粒分明、干身，唔油腻，整体口感层次丰富，蛋香同饭香结合得恰到好处。.蛋包饭：1. 封门柳 $652. 照烧鸡扒 $60随餐奉送：纸包饮包乙包.手冲咖啡咖啡师推荐 Barista Recommendation +$45咖啡太多味道，介绍完都唔记得，好多层次，有需求跟据自己嗅觉闻一闻再简。..（根据现有资料，西湾河华记士多以芝士咖哩蛋包饭为主打，鸡肉饭底为主，但香港仔分店则有更多肉类选择，包括鸡扒、封门柳等，豉油炒饭底更配搭唔同肉类，味道各有特色）
继续阅读
🍳蛋包饭与咖啡爱好者必试☕️✨一次满足你两个愿望✨之前都食过西湾河嘅华记士多 主打超抵食咖喱蛋包饭🤭见网上有人介绍华记士多嘅分店 虽然系隔涉咗少少 喺香港仔网球及壁球中心一楼嘅餐厅🥹 但绝对冇令人失望‼️呢度蛋包饭嘅款式同西湾河𠮶间有啲唔同西湾河得鸡肉炒饭，可选择加芝士，但系冇其他款式🫣呢度嘅炒饭系豉油炒饭同埋会配唔同嘅肉类例如封门柳、鸡扒、汉堡扒等等我同男友都试咗封门柳蛋包饭（$65）😋😋真系食得出好用心制作🥹鸡蛋够晒滑🥚 入边包住封门柳肉味好浓冇渣🥩同埋甜豉油炒饭亦都炒得好香咖喱亦系比较淡味嘅咖喱唔会好咸好浓味🍛另外佢哋仲同 @under_coff 有合作嘅Pop up Store今次男友试咗barista recommendation 既哥伦比亚白山庄园酵母水洗 哈密瓜味道嘅手冲咖啡 （Cataloupe｜Juicy｜Vanilla flavour)佢有极高度嘅评价🫣 话系系香港饮过数一数二好饮嘅手冲咖啡我平时少饮手冲都试咗几啖 呢种系唔系好重咖啡烘焙味既手冲 反而超重果香同埋饮得出好香嘅哈密瓜味🍈 个人比较钟意fruity口味嘅咖啡 所以好啱我哋口味😋🥳买蛋包饭加多$45有呢杯咁嘅质素嘅手冲咖啡真系好抵🤩🤩下次有机会真系要试埋其他唔同口味🫶🏻
继续阅读
好耐之前去过，之后成日都唔见佢开，听闻佢又再开返，所以寻日行过去谂住食个蛋包饭，睇过餐牌，一啲都唔贵，最平$45嘅蛋包饭，仲有嘢饮包埋。点知除咗蛋包饭嘅满足感之外，还有手冲咖啡的惊喜，只需要加钱，最贵都系加多$45，相比出边平好多，一于试吓啦！原来咖啡师好专业，初时叫一杯Premium，点知咖啡师亲自过嚟讲解，依家用乜嘢咖啡豆，我顺便问吓有冇洪都拉斯嘅咖啡豆，超爽的回应，以下省却3000字……最后，咖啡师按着客人口味选择合适的咖啡杯，因为我要热咖啡，佢仲预先用热水暖杯……好细心！劲！真系无话可说😋
继续阅读
其实想试呢间餐厅好耐了，今日做完运动谂住去望下咩环境，点知我见到佢一个蛋包饭只系$48 仲要有三块汉堡扒，好想食 。但系谂谂吓无理由做完运动食咁多野架，咁做黎仲咩 ？ 但系市侩嘅我就谂$48一个饭 无理由唔食 ，所以最后屈服左， 个饭唔系白云黎个蛋仲要超滑， 不过就唔系好够咖哩汁，不过老板好Nice 我估到时有需要想多汁应该可以挂 。食完后，我同老板讲不如你加价啦，真心咁高质素 $70我都觉得抵食 。同埋见到老板好高大但系好Nice 我见到仲有手冲咖啡饮，不过我太晏去了 饮完实训唔著 不过下次有机会希望可以试吓 😂😂
继续阅读