影片
港铁尖沙咀/尖東站 N3 出口, 步行约2分钟
继续阅读
其他资料
电话订座
以上资料只供参考，请与餐厅确认详情
食记 (44)
料足，比較咸，有條眼睫毛⋯⋯🥹😶🌫️碗嘅邊緣上面正中間位置搭咗半個鐘頭車以上都仲係暖暖哋❤️🔥❤️🔥❤️🔥阿姐幾好禮貌😙😙隔離涼茶舖都係佢哋，經過見到佢哋包韓國紫菜卷，食物都幾多種類
继续阅读
尋日行過啲咖喱香味就已經引嚟我食慾大開🤤，咖喱魚蛋一啖咬落去，外皮就緻啲，裏面嗌咸鮮，微辣微香，真係掂到一流！嘆埋牛柏葉，簡直夠晒彈牙，入味之餘仲有嗰種肉感，食落滿口留香，啖啖肉味，質感好正啊！😋 兩串搭配埋，一辣一鮮，完美啊！再諗起啲彈牙魚蛋夾咗嗰勁咖喱，仲要隔離杯凍檸樂，真係消暑又開胃。呢間嘅食物以平民價錢，造就咗一個幸福小確幸，下次行過一定要再打卡，記住嘆多幾串！👍 難怪咁多街坊排隊，原來幸福味道可以咁簡單！
继续阅读
我就係咁講啦，呢間華記小食啲嘢一啲都唔得。我去到之後，所有野都有奇怪嘅味，啲服務態度真係冇得頂，點餐嗰個人都係一張臭嘴臉，取餐時又唔理人，樣樣都攬住翻白眼，瞪大眼睛罵人。鋪面環境都好似廢墟咁，啲傢俬舊舊地，衞生狀況又好爛，真係唔知佢哋有冇清潔過。我就係想問下佢哋，係咪只係想著銷售，但唔係著緊食品嘅質素？定係佢哋咁樣覺得唔好都冇所謂？我真係好失望，好憎呢啲不負責任嘅餐廳。佢哋應該好好檢討下自己嘅問題，改善菜品質素、服務態度同環境衞生，唔好繼續係呢個行業撈錢呀。我係唔會推薦呢間餐廳俾任何人，佢哋係浪費時間同埋金錢。
继续阅读
今天想推介依間好食既煎釀炸物鋪頭比大家依間小食店D炸野都好出名嫁,路過可以一解口癮價錢都抵煎釀五寶 $20 5件炸得夠喉到位 落多D椒鹽會更好味,魚蛋 非常彈牙 調味剛剛好紅腸 厚度足夠又貼服有口感又好食豆卜炸到脹卜卜,外層口感酥脆,入面微微濕潤炸豆腐 魚肉比較薄，魚肉味同豆腐味配得剛剛好。韭菜餃足料,又唔會好厚炸粉 塊皮卜卜脆華記小食地址 :尖沙咀寶勒巷1號玫瑰大廈地舖
继续阅读
機場接駁巴士直達尖沙咀中間道，距離晚飯還有成個鐘時間，心思思想食牛雜魚蛋，專程行九條街探訪華記吉兩串。路過香噴噴點忍得到，像魔鬼般的引誘！魔力沒洗擋，按捺住心魔離開都要截返幫襯！州民天生無規無矩又打尖，文化根深蒂固，唔搶無得食咩？我港民有修養讓您買先，您食得晒咩。魚蛋檔生腸墨魚被個州叔肥佬霸佔玩得興高采烈，唔講以為包場添！後面排隊中的五六七個食客黑面起火，我當然唔參與，行過隔離先食牛雜好過。牛雜檔竟會那麼冷清既？無緊要，還有我幫襯您，那麼美味的牛雜都唔試貨！牛雜叔叔手藝高超，乾淨俐落的剪刀法剛柔並濟！眼見滾燙的滷水汁內炆著各種牛內臟，全部我都很喜歡，除了牛肺。滷水牛膀牛腸，買一串 $13 蚊，買一碗 $65 蚊，價錢不平宜。膀棉嚥韌，腸彈肥美，味道香濃完全透徹，好想再來二三四五吋啊！牛腸彈滑嚥韌，不是得層皮，仲有嫩滑絨毛完全保留在內，甘香可口，美味無窮。牛膀夠腍夠入味，滷水味強烈，不咸不濁香濃味美，鬆軟得像海棉一樣，非常高水準！添上芥辣更食得津津有味。忍不住食完再添食多幾串！強味略咸，不過咸得黎有美妙滷水味，加上芥辣提香更和味！膀肉棉但膀皮韌，腸爽爽的彈彈的，每口都是滷水跟肉汁，滿足！咖哩魚蛋，魚腥味強烈，幸好有咖喱有辣醬掩護一下。質地超讚，綿中帶彈，真材實料的真魚蛋 ﹗滷水生腸，瘦瘦爽爽的，滷味濃濃，有甜甜的餘韻。滷水魷魚，海鮮味突出，嚥韌帶點脆口，美味可口。來 3 串淋上大量辣椒醬，我唔客氣喇！煎釀三寶，$20 蚊 5 件那就紅腸、豆腐、茄子、尖椒、魚蛋吧。妹妹即幫我翻炸暖一暖先，最敝油溫不高，變成油浸呢！炸魚蛋外皮嚥韌咸咸的趙落裡面腍劈劈，茄子索油超強成口油爽爽的茄子鞋鞋的茄皮，咸咸的紅腸頭，什麼牌子來的？尖椒爽甜，最好食係豆腐外香內嫩豆味濃。全部外暖內凍，魚蓉一篤仔腍劈劈無味道粉多魚少。食完雙脣立立令，油膩感爆燈！
继续阅读