協奏坊西餐廳 (已結業)

今次係第二次黎呢度食，上次同同事食完之後，大家都覺得呢度好抵食，想encore，不過約極都約唔齊人，今日終於齊人開飯啦😆今次轉左主題，蟹🦀 。不過我對蟹麻麻地，因為太麻煩，要拆。我只係食左啲蟹腳，同事話蟹腳咸，但我就接受到。之後就食沙律，佢沙律款式都ok; 跟手食左啲熱盤，不失不過；再食就係佢呢度即叫即煮既炒天使麵，都係不失不過；最後就當然係甜品啦！今次好surprise, 有芋圓呀 因為我對芋圓有情意結，今次要加分比佢自助餐黎講呢度真係好平，加上OpenRice 優惠，買單只係288，平過食放題如果你要請一家大細黎，呢度絕對係抵食之選！

好耐之前食過呢度嘅自助晚餐，真係好抵食，只係放題嘅價錢就得到酒店嘅享受。咁啱weekend想食自助午餐，諗起呢一間協奏坊，一問之下原來自助午餐只係$118，大小同價，工聯會會員仲有免+1優惠，可以由12點食到兩點半，真係超級抵，喺Facebook訂位好快又回復值得一讚！12點未夠就黎到，未可以開始食但係就可以坐低同周圍睇下先，其實環境好乾淨地方都好寬敞，因為唔滿座😂擺放食物的地方其實唔大，首先由熟食開始介紹。炸嘢有三款，炸雞超好食熱辣辣。仲有幾款唔同嘅熱盤，當日有朱肋骨，炆牛面肉，煎比目魚(推介)，點心，福建炒飯同埋意粉。雖然選擇唔太多，不過全部都好味，緊有一款啱你食！當日仲有忌廉湯同埋中湯。酒店最搶眼嘅就係一個超大嘅沙律吧，真係黎食沙律都抵啦，仲要食材唔求其，有羽衣甘藍架，其他配料仲有蟹柳，鷹嘴豆等等，一啲都唔行貨。冷盤海鮮方面有青口同埋峴，都OK。刺身有三款，其實我淨係鍾意食三文魚，所以三文魚係新鮮嘅。去到甜品方面，又係覺得好驚喜。有椰汁糕桂花糕，涼粉，紫米露，生果，豆腐花等等，佢仲可以等你自己mix and match，仲有芋圓同珍珠係隔離等你自己加，自由度非常高。👍🏿另外仲有幾

這間自助餐已經幫襯了幾年，可以講佢既長腳蟹是幫襯過的buffet裡面數一數二的。再加上超級優惠價錢 (記得預早訂)，是超值之選。餐廳環境光猛乾淨，侍應都好有禮拜，食物refill得好快，雖然種類沒有其他BUFFET咁多，但以其價錢及海鮮新鮮程度來說，非常足夠。海鮮方面除了長腳蟹非常值得推介之外，麵包蟹和海蝦都是令人回味之一，麵包蟹更加有蟹膏，最重要是唔需要同人爭，食物refill好快。刺身方面有三文魚，吞拿魚同希靈魚，每件都切得相當厚身，另外還有一些壽司。非常抵食!

一家人食飯諗唔到去邊好最好就係食自助餐呀，咩都有，大人小朋友都啱食！呢到價錢好抵，嘅款式都唔少冷盤海鮮區有長腳蟹，有蜆，有小龍蝦，有蝦，好豐富！另外壽司、甜品都有唔少款式！

因為酒店地點不是好就腳，跟開飯指引坐地鐵站奧運站出；跟本這樣走就中了《大伏》，行到脚軟。到達酒店餐廳問有沒有《印優惠券》？不是訂了位置上已有；打電話確認又沒說明，(店舖對着有着數就要客用(無紙世界)，不是宣傳就【為難客】)。【大家如遇上這樣下次訂位如到這麼說：真的要走人；因為店沒有顧客人感受，客人也應該有應行權利。沒錯沒優惠為何還來付正價試吃，走人才是正確態度😅！】店家後說下次要帶，但吃過後我確定無下次😂😅😄！最好是從東鐵旺站坐小巴，或的士也好近。這自助餐好多人讚送的鮑魚仔，其實是現成盒裝中國製急凍品；只是加了些裝飾，和一些不對味的醋！有凍海產(小龍蝦仔)，(蝦)，(細蟹《無味，柴》)，蟹腳細也是無鮮味。沒有任何羊，牛扒，只有一樣是比較好点，壽司內的飯卽製不是硬。水果我也有拿，但不最吃；咬一下有不鮮的味；快快吐出，免得之後找洗手間麻煩😧！但總體數質是好《街坊味》，或許在外的街坊美食更好^_^！

朋友成日話呢間的 lunch buffet 好抵食, 中秋放半 day, 一於約埋大家踩下場.半自助午餐, $108+10% (做緊工聯會會員免加一), 有一個自選 main course, 出面 D 沙律/小食/甜品/飲品任拎, 真係好OK喎!!今餐 main course 3 選1 有 :~ 紅酒燴牛面脥    我揀左呢款, 牛面脥好林, 無咩紅酒味~ 龍蝦汁海鮮義大利麵    朋友點嘅, 我坐隔離都聞到個龍蝦汁味, 好好好濃~ 雜錦肉腸    睇落好少, 但朋友食吾晒, 話好 "漏"出面個自助 bar 真係不得了, 同平時酒店 buffet 比梗吾算多/豪, 但 $108, 我完全收貨.沙律 bar~ 有廿幾款菜揀, 有未 mix 嘅又有 mix 好嘅, 掂 熟食~咖哩魚蛋蘿蔔豬皮, 好好味, 蘿蔔超入味, 呢個季節都仲俾佢入到咁靚嘅蘿蔔, 真係得.~鼓油皇炒麵, 得! 有大排檔鑊氣, 食左2碟~蒸粉果都吾錯, 食左2粒~白酒煮青口, 洋蔥+白酒同青口真係好夾, 睇住廚師即場煮, 感覺超良好, 食左3碟, 起碼廿隻 ~ 炸魚柳一般~炒雜菜 (食肉獸吾食齋)~有湯 (呢樣漏左無試到

幾個月前來過食已經感覺可以回頭，近期餐廳正在做$288自助晚餐優惠，見網上的評語說這樣的價錢食物也不錯，便立即提早15日上網訂檯來大刷一餐！餐廳職員先為我們每人送上原隻日式磯煮鮑魚一隻。或許是角度問題，在網上看見的好像都比較大隻一點，但沒有關係，這鮑魚質地爽又夠淋幾開胃，算是不錯，亦為整頓期待已久的自助餐揭開序幕。其中一大吸引就是長腳蟹，無論是平時還是現在$288優惠價都有供應，反而有些中價至中高價的酒店是沒有供應的，喜歡食長腳蟹的我們當然也食了很多！只要把殼打開一看就知道蟹很新鮮，肉質鮮甜，很易離殼，餐廳也把蟹適當地放在鹽水裡，沒有令蟹過鹹的同時凍的溫度也控制得好，甚至好過我曾經在中價酒店自助餐食過約$400自助晚餐的超鹹長腳蟹。不要看輕這個沙律杯，這看似簡單的沙律我前前後後共食了三杯！高身的沙律杯裡蔬菜有生菜，上面也加了一塊風乾火腿，乾麵包粒，芝士粉和沙律醬。生菜冰凍新鮮，咬下去的聲音十分清脆，加上其他配料會令人胃口大開，非常清新我喜歡；風乾火腿就麻麻，偏硬又沒有甚麼香味。看見有中式點心我又貪得意取了一兩件試試。一粒蝦餃是大的，餡料算多，皮厚。中式菜式還有燒味，我沒有食，家人說正正

自助餐每位有一份冰鎮鮑魚。而海鮮、熟食、沙律和甜品，雖然款式唔多，但食物質素ok。即煮意粉就最吸引，煮好意粉放入一大舊芝士攪勻，意粉的熱力把芝士溶化。濃濃的芝士香味分佈在每條意粉上，真係好惹味。

餐廳提前15日預訂平日晚市自助餐就可以以$288/人埋單，因此我們早在八月已經訂座。餐廳環境不錯，乾淨俐落，服務員都好有禮貌，食物更新得頻繁，雖然唔係好高級，但都似酒店用餐的感覺。用facebook讚好可以贈飲凍金柑橘檸檬蜜，有少少薄荷葉清涼開胃，酸甜程度剛剛好。人均一份的原隻冰鎮日式璣煮鮑魚會首先上枱，鮮鮑魚都幾大隻，厚肉爽口彈牙好入味，而且腸臟個d全部已經清理好，好乾淨。海鮮區有青口，蜆，海蝦，小龍蝦同長腳蟹麵包蟹，幾種海鮮都算新鮮，我自己就食蟹食得最多。旁邊仲有一杯杯沙律，方便懶人食客直接拎返自己位食。蟹腳好多肉，又方便食，就咁剪開兩邊，成條蟹柳就出左黎，蟹肉鮮甜唔散，咸咸地食唔停。蟹蓋仲正，啲膏多到爆炸，啖啖甘香好滿足，如果唔係怕膽固醇過高同埋肥，應該會食到飽為止。隔壁的沙律吧主要有沙律菜同羽衣甘藍做base, 菜都幾新鮮，3款基本沙律醬都夠滿足不同的需要。今次餐廳主題為味歷亞洲，顧名思義有多種亞洲熱食，韓國區有八爪魚沙律，韓國年糕，炸雞，煎餅等。個人最鍾意八爪魚沙律，彈彈的章魚配上泡菜青瓜別有一番風味。泰國區有烏頭魚，豬肉生菜包，龍蝦冬陰公湯，鳳爪等。龍蝦冬陰公湯都幾有創意，

星期四，又係食自助餐嘅良辰吉日💮今日揀嘅係九龍珀麗酒店嘅協奏坊西餐廳💃🏻🎹呢個夏天☀️佢地推出咗「味歷亞洲 海鮮自助晚餐」(Taste of Asia, Seafood Dinner Buffet) 🎊🎉來一趟，你就可以嚐遍亞洲各國美食🌎😍中國🇨🇳、日本🇯🇵、韓國🇰🇷、泰國🇹🇭，保證你肚滿又腸肥🤰🏻。雖然我減肥中，每款食物都只係淺嚐，但都spot到幾款特別正嘅美食，不得不推介一下😛1️⃣麵包蟹蓋🦀比我搵到隻佈滿蟹膏嘅蟹蓋，蟹膏多得好誇張，真係不得了，必食‼️2️⃣喇沙麵🌶雖然只可選油麵，冇其他麵底可揀，但湯底確實唔錯，椰香好重，微辣，夠濃郁，我忍唔住口飲左幾啖湯呢🙈3️⃣砂鍋雲吞雞🐔雞肉煮得好嫩，啖湯清甜又好飲，正👍🏻4️⃣豆腐花通常酒店自助餐嘅豆腐花都好鞋，但呢度幾有驚喜，夠嫩滑，仲可以自行添加芋圓🙆🏻‍♀️大加分💯5️⃣楊枝甘露非常香甜美味，甜度適中，有好多芒果粒同西米，勁想添多一碗😝。另外，酒店會為每位客人送上一隻冰鎮日式磯煮鮑魚，用醬汁以慢火去炆，鮮嫩彈牙，真係令人回味無窮㗎🤤。Like佢哋嘅Facebook page仲可以免費獲贈凍柑桔檸檬蜜一杯🍊🍋沖調得非常好飲，我嗰杯都俾人搶埋黎飲😂。——————

從一班喜好吃自助餐的朋友的口中得知 ,大角咀 - 九龍珀麗酒店 - 協奏坊西餐廳 的自助餐抵食又好吃 , 全都是大胃王的我們又豈能錯過 ~餐廳的環境整潔光猛 , 自助餐吧檯的食物琳瑯滿目 , 款式多多 , 應有盡有 , 而且更不時更新 , 保證有驚喜 ~每一枱預早訂了枱的顧客 , 都有磯燒鮑魚一隻 ~海鮮當然就是熱門的選擇 , 這裏雖然沒有生蠔 , 不過種種海鮮都有鮮味 , 我最鍾意吃時長腳蟹 , 味道不俗 ~刺身是厚切又肥美 , 當然都是非吃不可 ~熱盤的選擇可算是多 , 當中必吃的就是燒牛肉、東坡肉、釀蟹蓋、砂鍋雲吞雞 , 全都煮得很有水準 ~筆者不是甜魔一族 , 但都吃下了不少甜點 , 由此就可知道這店的甜品確有其獨特之處 ~本篇完 ~

哩間buffet唔係好貴，400蚊內一位，位於酒店黎講已經叫平，但一分錢一分貨，我覺得就麻麻地，刺身選擇少又唔新鮮，泰國區熟食，一係肉太乾，一係無味，只有少量食物岩食，我主要食甜品，因為甜品都ok好食，總括黎講還可以啦。

近來都響唔同group都有傾過一個話題，就係唔明點解香港食自助餐咁貴！今日相約了老朋友食自助餐，我地都不約而同話不如去珀麗酒店，我地早左成個月就book, 點知比我預期中比，晚餐$288一位，仲唔洗加一，響邊度揾吖！ 一入去就見到有好多盤海鮮，龍蝦仔，鱈場蟹腳，青口，鮮蝦, 唔同款嘅蟹，包括有膏嘅麵包蟹,或者有多肉嘅蟹. 都見到有好多人搶，應該依啲係”回本”食物! 刺身有厚切吞拿魚片，三文魚片同希靈魚片，都很新鮮，三文魚片又夠肥美，似係魚腩部位，魚腩部份油脂分部較多，魚油香味更濃郁！ 每位食客都可獲贈一隻磯燒鮑魚,餐廳用醬汁及昆布慢火去炆 肉質鮮嫩彈牙甜甜地幾好味! 砂鍋螺頭雲吞雞好夠原汁原味, 食得出無味精, 員工問我地意見時，我地話依個好食，他說大廚每日把原隻鮮雞、響螺頭及金華火腿熬燉成湯底，經過6小時的烹調, 所以保證湯夠清甜，滋潤！ 甜品都唔少選擇，除左有很多款式嘅中，西，泰甜品之外，仲有pancake,新鮮豆花，芋圓之外，仲有movenpick雪糕，三款口味都好味，雲尼拿，楓糖同Tiramisu！！ 豆腐花加不同嘅芋圓因爲睇到佢地嘅F

只餘一星期的暑假，我和三位朋友想找間不太貴.可以無限聊天不會被趕又可以食的地方，正好找到了這間3小時無限任食的自助餐。 第一次去地方不遠幾容易找又方便，餐廳侍應都好有禮貌經常都會有人幫你收走不要的碗碟不會積聚下來。 首先出場的是海鮮類有鱈場蟹腳、蜆、小龍蝦及面包蟹 非常搶手熟食亦有蝦餃點心、 東坡肉、 金菇瑤柱扒時菜等，除些之外還有泰式湯麵及燒牛肉……一定夠食至於日式方面除了刺身還有不同款式的壽司焗炸食物位於刺身旁邊， 有蟹蓋、 吉列豬扒和越南春捲

因為朋友生日想請佢食飯，之前問過其他朋友有咩餐廳介紹，就介紹左哩間buffet比我，價錢抵食而且質素不錯，就一於同朋友去試下，但發生左一d小插曲，忘記左book枱，好彩去到職員話有位，我地可能太早到，當時食客唔多，buffet亦都未開始。Buffet開始了，每位客人都會送一隻冰鎮磯煮鮑魚，口感煙煙韌韌岩岩好，好正，唔會煮得太耐而太過韌，而我朋友就出去拎左刺身返黎，刺身有三款選擇:三文魚，吞拿魚，希靈魚，三文魚好多油份，好新鮮！跟住當然去海鮮區，有7種食物可以選擇，蟹蓋膏係必食，我食左幾個蟹蓋，蟹腳其實都好鮮甜，不過食起上黎會有少少論盡，食完要洗手。熟食先去左韓泰區，鳳爪好大隻好厚肉，帶微酸辣，生菜包聞到香料已經好香，一樣有點微辣，仲有個冬陰公湯好好飲，值得一試。中式熟食居然有蝦餃，皮簿餡靚，唔會乾真真，仲有東坡肉，都係我至愛。哩個火腿凱撒沙律好好味，食完鹹味既火腿，再食返d疏菜中和返，咁就唔怕食得太膩，如果火腿切大片d就更好。最後食甜品，有M字牌既雪糕，平時在街買一杯都好貴，哩到有得任食梗係食返夠本，有3款口味: 奶凍，士多啤梨，焦糖。豆腐花旁邊有芋圓可以加，夾埋一齊食都幾特別。相中4