協奏坊西餐廳 (已結業)

同朋友去佢屋企附近嘅酒店，聚下舊兼食自助餐。餐廳環境唔錯，我地都坐得好舒適，傾計亦好方便。可惜食物種類唔算多，我地有不停重覆食某幾種食物，最吸引我地嘅係長腳蟹而且佢lee度嘅雪糕甜品係movenpick，我地臨尾都每人食左2杯先走～

有朋友來香港玩，入住珀麗酒店；所以收工就去見下佢順便係酒店食buffet～朋友係住戶既關係，佢入住時就已經book好今日食飯餐廳位於二樓🌝 今期既buffet主題係亞洲美食所以全部都係亞洲既食物：韓國、日本、越南、泰國、潮州（連蠔仔粥都有！）、港式等～不過甜品就係西式既嘿嘿餐廳入去就有消毒濕紙巾機彈出俾客人消毒雖然好細微但係好貼心😳哩到每一個客人入座都會有一份冰鎮鮑魚沙律作頭盤做starter～正然後就可以開動！我二話不說就食日本嘢同埋飲蘑菇湯♥️朋友就挑戰長腳蟹同小龍蝦等海鮮冷盤產品啲長腳蟹啖啖肉🤩好味～然後我就再戰泰國既烏頭同埋韓式泡菜煎餅我地都陸續出入5-6次攞食物哈哈朋友今次係第一次黎珀麗酒店～我亦係第一次黎內部餐廳食飯～感覺都唔錯！而且餐廳唔會太大，食物擺放集中！而且服務態度都非常好（可能係酒店的關係）我同朋友今日用餐時都見到60% full house係一次唔錯既香港酒店自助餐體驗👍🏻

朋友生日，但係之前成日食放題/火鍋任食都食到好厭，香港有咁多自助餐其實講緊個價錢同放題差唔多，但係真係好正。呢一間餐廳係奧運站附近，其實就係酒店入面嘅，價錢一位其實唔貴＄300有找有交易。帶大家睇吓裏面，有好多個唔同部門，有海鮮、甜品、即叫即整、牛扒、刺身、壽司、湯、粉面飯等等！我哋一坐低就有隻鮑魚係送嘅，味道鮮甜爽口彈牙。當然我哋都試吓啲刺身同壽司，味道都算OK ,普普通通不過不失，當然自助餐我都唔期望刺身，反而係期望熟食。隔黎師傅即燒嘅牛味道就真係唔錯，口感軟熟而且大概六成熟左右質素不錯👍🏻海鮮都算係我哋最期待嘅一環，除咗膏蟹之外，仲有好多松葉蟹，有清新嘅鹹香而且啖啖肉，出水份即係代表佢真係好新鮮。仲可以試吓啲雞肉或者鹹肉，都係小食唔錯嘅推介，唔會話好鹹。Pizza比較香脆，春卷炸得好香口可以點埋甜酸汁；仲有意大利飯真係有少少硬，好正宗。嘢飲款式就少咗啲啦，得普通咖啡奶茶檸茶等等，竟然冇可樂，不過好彩最近Facebook做緊推廣活動讚好Facebook專頁會送果汁。食得多海鮮自然好快飽，甜品仲有麵包布丁同埋藍莓芝士蛋糕，麵包布甸甜甜地真係好開胃好吸引。甜品仲有當然唔少得雪糕，佢個牌

平日出街食晚飯，要比較有質量的西曰菜，每位以$400起跳。發現這間位於大角咀的酒店供應自助晚餐，只要十五曰前訂枱，優惠價只是$288！即使無預早訂位，也只是$368/$398，或部分信用卡仲有八折優惠。是一個中價的午餐價錢，卻有酒店海鮮自助晚餐，一於同honey 試試看。步入餐廳，一貫白色的室內環境，還有葉形天花燈作裝飾，感覺時尚又優雅。是次自助餐除了豐富來自世界各地的海鮮外，還有各種亞洲特色美食涵蓋日本、韓國、泰國、新加坡及香港等，真是應有盡有。既有西式、也有中式和曰韓美食，認真合家歡。估唔到一坐下，餐廳為每人送上一只冰鎮鮑魚！鮑魚口感爽彈又冰感。只要like他們的facebook,更送上青檸特飲，味道酸酸甜甜的，十分冰涼消暑嘩！好多海鮮呀！既有小龍蝦、麵包蟹、鱈場蟹腳，仲有青口！好大隻麵包蟹呀！認真震撼！這麵包蟹充滿蟹膏，十分甘香肥美，完全可以滿足我這個蟹痴！這鱈場蟹腳是來自北海道，啖啖肉，蟹肉十分鮮美！光光吃這兩款已經回本了！烤牛肉烤到medium rare, 肉質軟腍有口感，肉味濃十足，又juicy。這兒設有喇沙station,即點即造。喇沙有水準！既有咖喱風味，微微的辣，又充

以前食過不錯，昨晚約朋友再去食，蟹腳咸到苦，蝦梅，三文魚腥及梅，其實佢冇加價，但食物全部轉晒粉面飯d普通野，連最普通豬頸肉同雞鴨蒸魚都冇，主打和牛鴨肝冇味重要用細爐慢慢煮，排晒隊，另一主打芝士意粉也是冇芝士味和咸味，甜品除左雪糕外，其他應該不是酒店自己做，因我去除他放題食過，超超超難食，如果$288去食垃圾，我呈願比多小小錢食d 好味自助餐，最慘諗住飲湯食面包，中湯是紫菜肉丸湯，西湯白湯，兩湯都好難飲，面包硬到食唔到，refill 食物好慢，想睇下有幾差就即管試下啦！

今日生日食好西一年一次點都要豪一豪😎來到酒店後，侍應先給我們每人一隻免費飽魚，味道不俗，口感彈牙，但係就有D似罐頭鮑魚，不過以免費嚟講，都算好食我先食長腳蟹，初初食頭幾隻都好好味，但係越食就越覺得味道偏鹹。識食的話當然要食蟹鉗，因為比蟹腳好食好多。 其他的冷盤都不錯，都是一般酒店貨色，肚子有位置的話，可以一試；沒有位置的話，可以不試。我最LIKE的是麵包蟹，因為差不多半個蟹蓋都是膏，喜愛食蟹膏的人一定不能錯過﹗好﹗沙律都好新鮮，凱撒沙律加紅菜頭等配料，撈埋沙律醬，真係一流的配搭﹗而且好少酒店會有紅菜頭的沙律﹗外形係成隻沙律杯，好得自助餐必有的熱食就像雞肋一樣，食之無味，棄之可惜，比較適合不食冷盤的人。後生識食，通常都不吃，但這裏的熱食，味道都算不錯。肚子有位置的你，可以試一試。🍕熱食類的煎炸食品：鍾意食香口、惹味的朋友，一定要一試﹗^^水果健康之選🍈🍉：喜愛健康的你，一定要食﹗餐後果^^最好味的，當然係時令的🍉🍉🍉🍉🍉西瓜啦。這是整pancake的配料，款式都有很多，全部也是新鮮的，不像其他酒店，有時像放了十世紀般，乾乾巴巴的。女士最愛甜品系列：蛋糕、甜品等味道不俗，可是款式較少。日本

今餐係為左同朋友仔慶祝生日OPENRICE有優惠卷 計落約$300/位吾算貴早到左小小 入座坐低等開始細心留意到待應人數都吾小之後成餐收碟等速度都好快手今期做優惠 自助晚餐每位有原隻冰鎮日式磯煮鮑魚一客而LIKE酒店fb page仲有得送飲品黑洞我當然有做喇自助準時0630開始第一轉即食海鮮好開心有我最愛既麵包蟹 超爆多蟹膏足足食左隻半哈哈長腳蟹都好鮮甜 重點吾會浸鹽水咸爆冰蝦亦都係我的最愛 食左10幾隻哈哈肉質夠爽吾”梅”食左幾ROUND海鮮就開始熱食呢個蕃茄多士有驚喜 多士好香蒜味面頭蕃茄酸酸地好開胃現場仲有廚師即製芝士黒松露意粉見到勁大舊芝士真係口水都流即整熱辣辣的確特別好食另外仲有牛肉係即製 坐係到都聞到香味入口幾香夠冧口至於壽司選擇吾太多 但我中意食玉子同蟹柳呢個沙律杯岩我口味 夠多黑醋醬最緊要一杯杯整好晒吾洗我自己拎完又撈方便好多之後掃左幾球movenpick雪糕超中意焦糖燉蛋味雪櫃仲有阿波蘿雪條 可惜食吾到太多雪糕最後食埋幾件哈十蜜瓜消化下 完美既一餐

服務好，地方新又乾淨，生熟食物味道款式多又美味，open rice print coupon 10日前訂288 有長脚蟹，凍蝦，沙律調味可口，芝士龍粉，鵝肝，鮑魚，甜品，movenpick 雪糕，任飲咖啡檸茶抵到爛。。。味道仲好味過好多大型既酒店。。。

小女生考完試放假數天，又是去大吃大喝的時候。小朋友特別喜歡吃自助餐，因為可以自己挑選吃什麼，也有各式各樣的甜點，可以開懷地吃。記得上次中秋一家人在這裏慶祝，今次再來encore.三百元的自助餐，以這個價格來說，食物種類也不算少 。海鮮冷盤方面，有長腳蟹，麵包蟹，凍蝦，青口，沙白等。必食回本首推蟹腳和凍蝦。長腳蟹腳肉厚多汁，海水的鹹味讓蟹腳更鮮甜。凍蝦爽口肉脆，味道鮮甜。今期主題是西班牙及日本美食 。冷盤的海膽豆腐，海膽入口即融，配上滑滑的豆腐，健康美味。此外有多款的西班牙火腿，我喜愛把Parma ham 配上哈蜜瓜，蜜瓜的清甜中和了火腿的的鹹味！伴著橄欖和法式麵包條來吃，口感不錯，火腿很香，加入橄欖和油浸辣椒來吃，味道層次豐富。燒安格斯牛肉，熱辣辣的，外表燒得金黃，內裡肉質軟嫩多汁，小女生吃到停不了口。小女生推介我吃的蕃茄法包，酸酸的蕃茄，讓人開胃，感覺很清新，實在值得一試。多款的手握壽司，食材新鮮，味道不錯 自助餐中每人有一客日本磯煮鮑魚，廚師用醬汁及昆布慢火去炆鮑魚，，令肉質保持鮮嫩彈牙，又可讓濃郁的湯汁裹住鮑魚，是夏日必備的下酒菜呢！小女生被這個來自Holland的wheel c

盛夏的雨季，天總是灰濛濛的，讓人做任何事提不起勁來，便相約家人找間環境不錯的自助餐飽腹一頓為自己打打氣。於是這次便找來這間位於大角咀的酒店自助餐一嚐。先談餐廳的環境，對於自助餐廳而言，乾淨的樓面十分重要的，協奏坊便深知此重要性，樓面潔淨且整齊，員工服飾也是乾淨，讓作為客人的我可放心去享用他們的食物。接著便談談開胃菜，餐廳提供了林林總總的沙律冷盤供客人享用，其中我試吃了圖中的沙律杯，杯中盛有果醋與菜果混在一起味道酸酸甜甜，十分開胃。隨後當然少不了要嚐嚐餐廳主打的自助海鮮，當中的長腳蟹蟹肉鮮美多汁，另外蟹蓋更是有著罪惡的肥美蟹膏，味道濃郁可謂齒頰留香！青口亦算新鮮，點些辣汁更惹味餐廳亦可另外加錢去享用這個鮮美有咬口的鮑魚，很鮮味！值得一試餐廳亦有多國的菜餚提供給客人享用，便如上圖有中菜如東坡肉和港人最愛的雞煲，香辣惹味！歐式的pizza和烤包！也是讓想食西式菜色的客人有多款選擇！當然少不了的便是日式的料理，壽司刺身這些都少不了，也夠新鮮，值得一試！值得一提的是當晚我去吃時還有一個猜芝士重量的環節，最後還僥倖獲勝，可以免費來食多餐飲品方面餐廳提供的選擇不多，茶是其中一個，中國人一向有飯後喫茶

表姐從國內來港公幹，住在大角咀柏麗酒店，她約我見下面聚一聚，表姐訂左酒店二樓的協奏坊西餐廳食自助餐，餐廳環境高雅，地方整潔，座位舒適。侍應招呼週到。而且食物的款式和質素也不錯。入座後，侍應送上磯煮鮑魚，每人一隻，味道鮮甜有口感。之後我們就出去睇下有乜食，原來都有好多選擇，冷盤有龍蝦仔、凍蝦、麵包蟹、蜆、長腳蟹、青口等，全部都好新鮮，味道鮮甜。尤其是麵包蟹，除了蟹肉鮮甜，還有令人回味的蟹膏。熟食的有中、西菜式，中式有意大利香草烤春年雞、意式蕃茄芝士西菜，焗龍脷魚柳、南瓜海鮮意大利飯、牛尾等。表姐特別喜歡Pizza、即做的芝士忌廉意粉、即燒的牛肉。特別是即做的意粉，廚師將意粉放在像大鼓般大的芝士上，再將意粉反來覆去，令每條意粉都沾滿了芝士，入口香濃美味。還有自助班戟機，一分鐘有得食。按掣後，班戟就會從機慢慢地走出來，快捷衛生。甜品和生果也不少款式，我最喜歡的是又滑又甜的燕窩燉蛋白和香甜的菠蘿。日本刺身和壽司也有，因為已食到好飽，只食了我最愛的三文魚刺身和壽司，刺身都好新鮮，味道不錯。自助餐供應飲品有咖啡、奶茶和熱湯，如要啤酒和橙汁就要另外下單。

今晚book左大角咀呢間酒店食自助餐，其實地點都有少少難搵，係奧運站出行去大角咀街市果邊，或者旺角站出行過去，不過呢個方法就要行遠少少。。我地6點半就去到啦，未有好多人，已經可以開始拎野食。呢度食物種類就吾算好多，基本上一眼睇哂！但勝在質素高！酒店會每人送一份鮑魚，鮑魚味道不太濃，都幾好食既，又吾算太細隻。海鮮類:有長腳蟹，青口，蝦🦐，蜆，小龍蝦，味道鮮甜，不停refil！真係可以不停食沙律🥗:有好多沙律杯，整得好靚😍好食，菜好新鮮，仲有自己夾已經拌好既凱薩沙律，我反而覺得吾太好食，無甘新鮮。一杯杯好食啲！熟食：有咖喱雞，東玻肉，金菇菜，茄汁魚，關東煮🍢，燒雞，小炒王。種類就真係吾算多。但每樣食啲都夠啦炸物&pizzaizza我就無食啦，因為睇落吾吸引。炸物就有點厚粉，吾算好特別啦芝士黑松露意粉:師父煮好意粉會放落成個芝士入面拌炒一下。令成個意粉變得好芝士😍😍😍但食落就吾覺得好肥，哈，放棄治療冷麵：有一盤冷麵，自己可以加汁，幾得意壽司🍣刺身同燒肉：壽司飯又實又硬，吾好食既，刺身就得三文魚，希靈魚，吞拿魚。都係好普通。仲有煎牛扒同煎3文魚！好食😍不過就搞到成個場好大煙同好大陣煎食物味道。

自助餐，對於香港人來講是非常熟悉。一般自助餐都會諗到酒店，相信食自助餐的原因，第一可以品嘗不同種類食物，第二享受食物環境，去酒店吃的話更有渡假feel。今次友人帶我去食酒店自助晚餐。三百元吾使，的確是個驚喜的價錢。這間酒店自助餐每晚只做一輪，時間係六點半至九點半，我們一早來到，先視察下周圍環境。空間寬敞，裝潢簡潔又優雅，兩邊是方枱，中間有圓枱，配上梳化式白餐椅，感覺舒服自在。另一邊係排列整齊嘅食物區。海鮮區有蝦、蜆、魷魚、青口，特別隆重推介的是麵包蟹和長腳蟹，麵包蟹肉質又厚又實，充滿蟹篙仿佛在吃蟹扒一樣，啖啖肉，鍾情蟹的朋友，只是食蟹就已經值回票價了。驚喜不斷，忽然餐廳送來每人一隻凍食鮑魚，我們一行七人，每人獲贈送一隻。清爽鮮甜，嫩口彈牙。想食得健康，沙律係必選之一。除了可以自選嘅沙律菜讓自己混合之外，還有一杯杯已經調配好晒嘅沙律，放在高腳玻璃杯上，賣相吸引，食起嚟酸酸甜甜，非常開胃。食完鮑魚驚喜不斷，此時讚好一下Facebook成為粉絲，就獲免費贈送凍蜜桃蘋果茶一杯。壽司方面，由師傅即場製造出來，整齊排列，款式不多，但勝在新鮮。壽司旁邊提供一個小型燒烤爐，鍾意食牛扒的朋友，可以叫師傅

而家好多自助餐餐廳都會搞唔同嘅小噱頭 去吸引人客！呢間餐廳喺星期一二晚搞左個估芝士遊戲，6點就放左個時既芝士重量，要估8點既時候芝士重量變左幾多，估得最接近嗰個芝士嘅重量就可以有免費buffet食啦！我覺得都幾好玩！所以就同fd黎食！like Facebook仲可以有杯凍蜜桃蘋果茶，唔算太甜都幾好飲其實食物選擇相對好多餐廳嚟講唔算太多，但個人覺得而家食自助餐已經唔係只係睇菜式多唔多，有時菜式太多反而會覺得浪費 ，對我黎講食物有質素同埋服務嘅態度好就夠啦！ 冷盤熱盤甜品刺身基本上樣樣都有啲。 所以我已經好滿足㗎啦！幾特別嘅係佢有師傅係呢個鐵板燒上面唔係淨係燒牛，仲會燒三文魚！和牛粒都幾好味，油脂分佈都幾均勻，師傅掌握個生熟程度好好，唔會過分韌！ 三文魚扒唔係全熟，好嫩口，又有燒既香味！正！個意粉帶子就係用估果嗰嚿芝士黎緊煮嘅，都幾creamy，有啲洋蔥粒調味做得好好！ 佢仲有我好鍾意食嘅麵包條呀！我成晚食咗好多條！ 海鮮係用冬陰公喇沙湯底煮，都幾入味！ 長腳蟹不過不失。個紫菜肉丸湯都幾搞鬼，咁中式嘅嘢真係冇喺自助餐見過。 鹹咗少少，不過幾有新意！加分！ 焦糖燉蛋好好食！我食咗兩個！唔算太

這裡的buffet 只要10日前訂位，便可享 $288一位免加一 的優惠。 其實以酒店的自助餐來說，十分抵呢。另外原來在5日前 訂位，也可有 $318的優惠。惠顧晚市每位客人會有一盒鮑魚附送。它的鮑魚煙韌彈牙，而且很香甜。 配上它的source，很入味。另外只要like Facebook， 就會有一杯蜜桃蘋果茶。蜜桃蘋果茶的味道香甜，桃味不會太甜，不會把蘋果未完全遮蓋， 很好喝。它的鮮菜沙律賣相十分吸引，而且沙律菜和番茄都十分新鮮。這裏有不同的海鮮，例如有龍蝦、大蝦、青口、蟹鉗。 還有不同的熟食，倒如有燒雞、 紅酒燴牛尾、 芝士蕃茄魚柳、 照燒牛肉芝士卷。另外這裏還有炸物例如有炸蝦炸、咖哩薯餅和炸豬扒。而且這裏還有春捲和兩款不同的小pizza，和一個大pizza。當然不少得刺身和壽司啦。這裏還有安格斯牛肉和三文魚，是即燒的廚師燒完後，牛肉香香噴噴。 牛肉的肉質嫩滑，一點也不鞋。芝士忌廉黑松露意粉它的芝士味很香， 而且黑松露的味道亦很濃郁。這裏還有一分鐘即製班戟， 只要啟動機器，便會看見在機器內，正在運作製作班戟。十分有趣可愛呢！去到甜品區，這裡的甜品真的很多，任君選擇，總有一選啱不同顧