協香麵飽西餅

营业中

休息中

今天是幸運日！到達的時候，雞腿包剛出爐雞腿包--HKD8.5nomnom指數(5最高分):+0.5剛出爐的麵包永遠一定會加分。麵包皮脆小甜，內裏不能說非常鬆軟，但有應有的軟度；小小的豉油雞腿，有光澤。雞肉不算老，有豉油味；豉油沒有因為太多而令麵包變'林'，它滲入了包著雞腿附近的麵包變得更惹味。其實香港已很難經營傳統麵包店，要於眾多麵包突圍而出也要花點心思。協香的雞腿包絕對是好例子！

去了粉嶺一躺,難得來到,當然要睇下果頭有咩食,上網介紹出名的是雞脾包,一於去試下先。買左三個回家。雞脾包,每個$8.5。都幾大個呀。豉油雞脾夠入味,肉質尚算滑嫩，麵包甜甜地,都幾抵食好味呀。

雞腿包 $8.5［分數：8/10］早排見過不少人介紹過雞脾包，雖然十萬個想吃，但由於麵包店位於粉嶺再入的聯和墟，為了一個麵包，究竟可以去到幾盡呢？！終於在剛過去的星期天，忍不住山長水遠的走到粉嶺，還要再多走10多分鐘，終將走到了聯和墟！沿路上也見到不少途人手持麵包袋，隱約還看到袋內載著雞脾包！走進麵包店內，果然人頭湧湧，而且大部份人的麵包盤內也有一個或數個雞脾包！雞脾包索價$8.5，比想像中平一點，尚算抵吃雞脾雖然外表黑炆炆的，但鹹度不高，可惜肉質就不夠嫩滑 。反而我會比較喜歡外面層的麵包，麵包本身夠香夠軟，還帶點微甜，加上再吸收了少量雞油，非常好吃！下次再到粉嶺時亦會再吃，支持小店！不過由於這次購買這個雞脾包前沒有想過普通的麵包竟令我如此欣賞所以沒有拍下太多相片，只有簡單的兩張作紀錄***************************協香麵包西餅 (粉嶺)粉嶺聯和墟和隆街24號地下***************************以上消費：$ 8.5味道：8/10環境：6.5/10服務：7/10衛生：6.5/10抵食：8/10

協 香 麵 包 🍫🍞#其實我真係好鐘意食麵包🌝係協香見到尼個流心朱古力包$7.5😍即刻想買黎試下我知尼d野好肥 我知架我知架但又好想食啵👉👈人一世物一世食埋今次先減啦😢尼個包外表睇落就好似朱古力鮮奶球咁叮左30秒湯開佢個肚嘩 D朱古力爆流😳😳😳😳我食到隻手、件衫、個地下都有朱古力醬痴線咖點解可以咁邪惡😚朱古力包係甜咖啦🌝但又真係好正唔該要多個呀🙋 #協香麵包西餅 (粉嶺)粉嶺聯和墟和隆街24號地下

坐56 k小巴回到粉嶺市區後。未咁快走住！ 去聯和墟走走吧！聯和墟最岀名的就是豬手麵，bagel那天無食到，去了協香麵包西餅買下午茶食！雞脾包$8: 麵包入面包住雞脾，色澤油亮，而且好香，好吸引。吃下，雞脾還算滑嫩，有很濃的豉油香味找回兒時在茶餐廳吃豉油雞脾的回憶呢！包身吸了雞的醬汁及澤岀的油脂，只嫌包有點硬，不夠軟身。整體而言，味道不算突出，但值得一試。另外也買了蛋白蛋糕。雪白的外表，蛋糕組織很細很密。 吃下，蛋白絕不會有煋味，反而有淡淡的蛋白香。 即使留待第二朝做早餐，蛋糕還很軟熟，推介。協香麵包西餅地址: 粉嶺聯和墟和隆街24號地下______________________________這次的星期日，陪了屋企人到郊外走走1.看到蘆葦草2.尋獲到穩世的紫薯茶果3.吃到雞脾包同蛋白蛋糕我們大了，他們老了，二十出頭，步伐變得輕快，他們步伐卻變慢了。 有時間，應該要陪陪父母。

同事買了蛋撻返來同大家分享， 懷舊紙盒圖案好舊式，紙盒好處係可以吸走部分水氣，唔會整淋酥皮！ 酥皮蛋撻：只簡一個薄紙托住！酥皮邪惡，好重牛油，好香好酥脆，蛋撻仲熱！蛋黃好嫩滑，蛋黃味濃！好好味！懷舊餅店新鮮出爐！好味！

而家出街食隻雞脾都10蚊8蚊啦，終於有機會品嘗呢間聞名已久的麵包店的雞脾包。其實同普通腸仔包無乜分別，不過入面條腸變左鼓油雞脾，而且雞脾味都無乜特別，雖然幾抵食，但唔明點解咁出名。不過呢D老牌麵包店總好過連鎖餅店的空氣包，得閒都可以支持下！

過去四眼仔食腸粉，見到你呢間麵包店，剛有出爐嘅麵包，忍唔住入左去……入左去已經知道中伏！香噴噴既雞尾包， 新鮮出爐熱辣辣，仲有各式各樣的蛋糕！ 結果買左成袋返屋企……一個字，正！

雞脾包 ( 8/10 ) $8終於食到馳名嘅雞脾包啦，真係幾好味！等佢出爐即買即食，熱辣辣好正，麵包好鬆軟，有微微蛋香。入面雞脾size都唔細架，雞皮同雞肉都好嫩滑，仲唔太乾。大大個麵包包住雞脾，食完有飽肚感，大滿足！$8咁平仲要幾好味，性格比高到冇得再高，下次經過點都要買！如果港島都有呢啲就好啦！協香麵包西餅 (粉嶺)粉嶺聯和墟和隆街24號地下

媽咪忽然想食‎雞脾包‬,去到咁啱賣晒,等左15分鐘有‪新鮮出爐‬‪麵包‬！‪‎聯和墟‬呢間‪‎麵包店‬幾年前係《街坊廚神》播出之後紅過一排,好耐之前賣$4.5,依家加到$8,不過都算平。話就話係雞脾‬包,其實叫雞槌包較為貼切,將滷水‬‎雞槌‬煎香之後塞入甜包,完成。雞槌腍身但乾左d,冇乜特別,個包焗得脆,哈哈都係gimmick野黎。

雞脾包($8)其實只係用一個餐包包住個雞脾，但好食喎。我鍾意雞脾皮令個包多左雞油味。外面係酥皮，入面係朱古力海綿蛋糕($7.5)，正正常常，口感上有兩個層次，味道上沒什麼特別。我過左幾日係上環A1 Bakery見到個同佢好似樣嘅麵包，大小是這個的一半，價錢是他的一倍，味道就唔知。

喺粉嶺返左工兩年都係近排先知原來有雞脾包😳Lunch飯腳放飛機唯有自己去買野食，仲唔係去試雞脾包嘅好時機！雞脾包暖暖的好香！食落去個包甜甜地，再咬一啖個雞脾，個雞脾超好味！基本上就咁買呢隻雞脾都值得食！連包一齊食別有一番風味！$8呢個價錢呢個味道實在好值得，一定會再食

雞尾包可以冇雞尾菠羅包可以冇菠羅但雞脾包一定要有雞脾呢個就係聯和虛名物---雞脾包唔好睇佢包隻細細, 佢隻雞脾仲要食豉油脾, 真係花左唔小心機. 外面個包本身冇味, 但吸左d油髀味, 熱辣辣, 十分可口重點豉油脾十分入味, 由外到入到有味, 一口就咬得開, 8蚊仲想點呢隻包已經成為必買美食之一只要入到去. 見到有就唔好諗. 夾上盤先. 一次出20隻定30隻都冇分別唔駛1分鐘就可以比人清哂. 一個人買5,6隻. 手快有, 手慢冇

自從三色台介紹過後，人氣上脹了不少，成日去買雞脾包都係賣哂，一係就未出得切爐，今日終於有機會一嚐啦。真係包住成隻下脾，啱啱出爐仲好熱好香呀。隻脾滷得好入味，又夠淋，一咬就骨肉分離，好好味。但個包偏甜，焗得較硬，敗筆。但八蚊一個堅抵食，會再買的。

被面書介紹深深吸引，好彩同事住附近叫佢幫我買，同事之前已經試過3次買唔到.今次終於買到真係好開心。。隔一日拎返公司叮熱做lunch 依然甘好味.$8蚊驚喜價😱真係有驚喜架!雞腿超滑吖😍絕對可encore 麵包小店👍👍👍