賣丼郎

营业中

休息中

較早前，平均每星期大約3-4日會訂購賣丼郎的外賣，而每次都必定會訂購其店鋪的鰻魚飯及魚生沙律！欣賞其鰻魚飯內飯面鋪上一層乾而微脆的蛋絲、飯粒粒粒分明，非常美味！此外，其魚生沙律的醬汁味道獨特一試難忘，每次食完都期待下一次再訂購。最初為食沙律而訂購，其後變成為有該醬汁而訂購。最近發現沙律醬汁改變，最初想更換及品嘗新口味也不錯，或許原醬汁材料欠缺，當嘗試第一次，感覺非常奇怪…又酸又鹹又似榨菜味…. 該次之後，極希望能夠品嘗返之前的醬汁味道….怎料再訂購後發現，又是這種又酸又鹹的味道…由期待已轉換成，不會再點購沙律….此外，鰻魚飯亦是由天堂變地獄…原來一層蛋絲鋪在飯面，變成隨意放兩件玉子在飯旁，而飯由原來飯粒，變成漿糊狀的飯，令人不禁想是否使用了預製飯，還是不懂得煲飯？飯由原來會全碗清，今次吃了1/3真的忍受不了，最後掉了！賣丼郎近來的水準，可以說$30、40的飯都還比你好食，以賣丼郎的價錢，可以有很多選擇，真的失望極！已經從喜愛列表中移除，無下次！實在超級難食，漿糊狀的飯…坦白說做生意也要用良心做事，幾歲小朋友煲飯都好過你！失望

Lunch唔知食咩好，同同事試呢間新野。不過叫完即叫即整都要等大概15~20min…🔅咖哩三寶蛋包飯 ($118)典型咖哩飯，炸野普通，但份量好多🔅燒汁三文魚扒 ($88)三文魚扒好大塊，呢個好食啲💬整體偏重口味，食完同事話好口渴😂。雖然份量多(個碗係超大😂，呢到2個飯夠3個人食)，但價錢都唔平，加埋要等咁耐未必會encore～可能要叫定黎拎會好啲🥢賣丼郎📍灣仔軒尼詩道111號地舖☎️6598 2724⏰星期一至四 12:30-02:00 || 星期五 12:30-03:00 || 星期六 17:0-03:00 || 星期日 17:00-02:00

包裝好靚叫左火炙 $884種魚仲有帶子 白身魚同三文魚都厚切最鍾意食左口魚邊如果可以自己簡點拼就好啦另外叫咗三文魚手卷，紫菜偏淋落單計起等咗20分鐘左右大家可以whatspp 佢地早d 叫

有日經過灣仔買SD CARD~見到呢間賣丼郎+價錢唔算好貴就試試好彩一早落單先再過去買嘢 10分鐘到返黎剛好唔使等!!!呢張係刺身個份量唔寒酸大大份+ can一啖一件加洲卷就正常發揮啦炸雞就即叫即炸~我比10/10!!想讚下嘅係：外賣包得好好唔會倒瀉搞到無得食!!心機100/100炸雞軟骨$48加洲卷（6件）$58刺身二人份（廚師發辦）個阿媽家姐就唔記得幾$$ Lu~

親子丼$58 三文魚海膽丼 $108而家好多食肆好10點前收，修頓踢完波無咩選擇，好在見到對面間賣丼郎2個人食，親子丼唔貴又足料，呢個價位灣仔都唔易食到夠飽又有誠意既飯 份量比想像中大三文魚海膽丼色澤無得呃，絕對唔係元氣同壽司郎之流! 下次踢完波應該會再試下其他款式

本身睇OpenRice見到佢啲相，睇落質素都唔錯，於是就同男朋友去買來試吓。我哋叫咗兩個丼飯，一個係月。五點刺身同海膽三文魚。淨係佢個外賣盒都咁靚，同埋見到刺身都俾得好足料，未食都好期待。我食嗰個係海膽三文魚，海膽都算俾得多，同埋一啲都唔腥唔苦唔臭。三文魚都幾多塊，味道就正常，冇咩特別，但佢係厚切，一啲都唔孤寒，加分。男朋友食嗰個五點刺身，見佢粒帶子都好大隻，不過懶得影相。但對比起，海膽三文魚只係賣$108好抵食。整體嚟講呢個價錢呢個質素，冇得輸！

火炙丼 hkd98好食，新鮮刺身有成11塊,4種魚，好神奇地白魚厚切，三文魚比白魚薄, 份量係夠飽最鍾意食左口魚邊，好似一係叫壽司，唔係的話得火炙丼有左口魚邊，如果可以有多d combination 就好價位以外賣計偏貴小小，但絕對值回票價如果keep到呢個資素，下次會想試下最貴果個丼包裝好細心， 欣賞店員真係會check下外賣會唔會放喺袋中間，我好憎拎拎下外賣斜埋一邊我夜晚幫襯時冇乜人幫襯，由落單計起等咗15分鐘左右，見店員(兼廚師)一腳踢, 非常合理。繁忙時間大家可能預早叫，預鬆時間會好d

見新開所以就試吓佢～佢呢間餐廳嘅海鮮好新鮮 勁好味，三文魚仲要係厚厚切～麵豉湯份量雖然唔大，但夠濃可以加熱水變多啲🙈餐廳嘅熟食丼飯算係灣仔正常價（要食刺身嘅就另計，因為不嬲都唔平），個份量足夠， 而且所有外賣全部新鮮熱辣辣整嘅 返到Office都仲係熱🫶🏼見到啲飯都喺飯煲潷出嚟，所有炸物都係即炸即入盒（親眼所見）👀的確～已經30分鐘前外賣自取叫定 去到都要等，但係佢哋嘅服務態度（店員非常親切）同食物質素，令我會繼續幫襯。特別位：親子丼嘅雞係炸雞🙈

首先外賣自取貪圖嘅就係一個快，先落單，到店即攞即走。唔明白點解一個薄燒牛肉飯，T001號餐，30分鐘先有得攞。更神奇嘅係，30分鐘之後到鋪頭，都仲要再等多15分鐘先出嚟。其次飯多數係微波爐飯，夾生加叮成干飯粒。唔係話外賣唔可以係微波爐飯，但賣到88一個飯，都仲俾微波爐飯，係咪有D唔夠誠意。最後薄燒牛肉，份量夠，但唔蘸醬會有腥味，又或者係因為已經好唔滿意所以評價有失偏頗。總之好唔好吃見仁見智啦，反正本人就冇下次了。

見同事說呢間好似唔錯，所以搵機會試下。中午叫左一個鵝肝飯同埋三文魚刺身， 鵝肝有差唔多四舊，都好抵食，三文魚刺身都ok， 兩樣嘢加埋好飽， 如果唔係咁大食嘅話，叫一個飯都夠曬。