影片
招牌菜
６／２７之前去完韩国食过正宗既石头饭．．突然想再食．所以选择左南山谷试下．同男朋友叫左个霜降牛．好好味．再叫左个石头饭一齐食．．虽然点都称不上韩国地道的．但总括黎讲都几好味．．本来谂住迟ｄ会再去食．新开左个ａｃ写食评先发现结左业．．可惜！
继续阅读
平时番工近新城市, 都会有时黎呢度食. 同同事大家都会叫个set lunch. 我就必会选传统石头饭. 初初都冇落尽佢碟浆, 但原来落晒最好味同埋唔辣. 亦都试过同事一啖海鲜石头饭. 虽然我都好钟意食海鲜, 但始终都会选传统.另一次帮衬, 第一次食晚市. 和三位朋友入座. 最后叫了Set Dinner.有个刺身拼盘. 有海胆, 有带子. good.热切期待既人参鸡汤. 朋友话味精重. 人参味不太重. 我觉得味似花旗参汤. 有原只鸡. ok传统石头饭. i like it牛柳粒(散叫, 准确名唔记得). 我觉得好好食. 有机会下次黎都会叫环境唔错, 服务冇问题. 价钱偏贵. 但位于新城市ok
继续阅读
2008-05-24是日晚与上年一起赴英交流的同学和教授聚旧，选址这间韩国餐厅。前菜为两小碟的泡菜和芽菜，前者辣味十足非常醒胃；后者则淡而无味。主菜方面则叫了一大堆，仍依稀记得的是那个杂菌炒年糕和石头饭是非常好味的，其他的也不赖。
继续阅读
在沙田冇其他韩国菜得拣的情况下入去食，友伴坚持，食得几无奈。二人行，星期五，六点半，入到去可能太早，只有五张枱左右，叫咗五食送，其中沙律和粉丝上到枱的速度是叫人惊！其实好好控制下做到一气呵成咁感觉会食得开心D！！味道 头盆－泡菜，芽菜，送的。虽然知道这里是港式韩国餐厅，但打正韩国𠮶名这两个头盆实在也太小家了！味道不提也算罢。宁愿你其他嘢贵D补返个成本！个餐牌可以叫的又尽是不伦不类的日式头盆！输咗𠮶头！南瓜沙律－卖相不算靓，质感怪，但很浓的南瓜味！喜欢南瓜的人必食。韩式粉丝－粗粗的米粉咁，味道很一般。韩式饺子棒－印象真喺唔多觉见过其他韩餐有饺子，抱着试试的心情，感觉几好，热辣辣！口感－流，但说穿了其实不过是好味的越南炸春卷，真系唔知有乜分别，但都系好味的！附上的酱汁有很重韩式烧酱味，希望佢哋本意唔系话点咗D酱就可以由越南嘢变韩国嘢啦！芝士煎饼－色香味都齐！推介，但系本人觉得附上的酱汁可以不沾食，本身也好好味！ps..煎饼的酱和饺子的系同–种酱！烧牛肉－唯－有惊喜的，味道鲜美，有牛肉香味伴有洋葱和草菇脚，比餐牌上仍图还要大还要多！肉感感动！环境+卫生 暗暗的，感觉干净！坐卡位，普通的舒服。服务一流，好有礼，自动自觉拾嘢比茶，同佢讲唔该，佢会有礼答你唔使唔该，不止一个系咁，少有！不过其中一位哥仔可能太勤力.....体味强横! 抵食 二人吃韩国嘢饮埋洒都系三百头，算平，但系D嘢又唔系好正宗又唔系好好味，拉返平，只可话ok抵食。会再吃都系因为沙田得佢一间，推介比friend就唔会啦，出面多的是。
继续阅读
13.05.2008响沙田揾地方食饭都几烦, 表面好似好多嘢食, 但系真系好食嘅真系唔多, 搅到食嚟食去都系果几间!!终于响上个星期食iunch嘅时候, 揾到间值得推介嘅韩国居食屋--"南山谷", 食过一次lunch觉得唔错, 所以今次晚饭再拣佢, 依然对办, 而且所点嘅菜式每款都好有水准!! 大约7:30去到, 竟然唔使等位, 一坐低鬼死咁肚饿, 即刻点菜, 叫咗"泡菜海鲜锅", "牛肉石锅饭"&"清汤煮蚬"好快就有得食, 就急不及待试下......连相都几乎唔记得影....."泡菜海鲜锅"哗~~啲海鲜舖满晒个锅, 而且颜色鲜红色好靓, 好似好辣咁, 其实唔系太辣, 相信一般人绝对可以接受, 其实咁红, 唔止因为啲泡菜, 里面仲有蕃茄, 好聪明, 因为蕃茄绝对可能中和泡菜嘅辛辣味, 而且仲带起蕃茄果种鲜味, 好配搭!! 海鲜仲有蟹, 蚬, 墨鱼仔, 立鱼, 带子, 蔬菜有金菇, 萝卜, 脆肉瓜, 鲜冬菇, 红萝卜等....材料非常丰富, 真系估佢唔到, 而且大大锅抵食又好食, 啲汤又好味, 正!! "牛肉石锅饭"生牛肉, 有啲冬菇, 红萝卜等蔬菜, 再混入韩式辣酱, 并即场帮你捞埋, 都唔错, 不过湿咗啲, 都好食!!"清汤煮蚬"(个菜名唔系好记得)好好味, 啲蚬肉涨卜卜, 好鲜嫩, 连带啲汤都好鲜味, 里面有洋葱, 仲有有黑胡椒嘅香味, 个呢一定要试!! 不过.....因为实在太好味, 食咗大半先记得影相, 唔好介意, 因为可以见到啲蚬肉涨卜卜, 肉酸啲都要登..... 绝对惊喜的一餐, 值得一试
继续阅读