南昌冰室

营业中

休息中

咖喱薯仔牛脷飯濃郁的咖喱醬汁帶有豐富的香料味道和微微的辣味，與牛脷和薯仔完美融合。薯仔吸收了咖喱的濃郁味道，口感軟糯。牛脷經過精心處理和烹煮，質地嫩滑且富有嚼勁，帶有濃郁的肉香，值得再吃一次。

每次到南昌冰室必選早餐😋醬爆豬扒通粉不過今次豬扒醃料太濃味🙄(由最初推出價$28慢慢加到$34，都算合理！)煎雙蛋醬爆豬扒早餐套餐😋咖央多士餐好少茶餐廳供應咖央多士㗎👍所以係我必叫嘅多士👍甜味適中熱奶茶不過不失

光顧一餐二佰幾元晚餐，換來一肚氣，男侍應餐送到並不小心把餸汁倒在我白色波鞋上，事發侍應立刻取紙巾給我抹鞋，但可惜地上的汁仍在，我當時揮手叫企在舖內一邊的女侍應可否拖一拖走地上餸汁，免我鞋再踏上，誰知這女侍應大大聲回應：我收銀吾得閒，一手拿一張報紙在我鞋位置蓋住餸汁就算，還不斷企返收銀位置用不滿態度嘴藐藐地自吟，真離普，就連一句不好意思都沒有，難怪香港飲食業差得很，多得這位無冇禮貌的侍應，另香港人個個北上享受賓客如歸的食店。

今日去深水埗買嘢 順便就食埋飯咸魚雞粒炒飯 56蚊 味道幾好 凍飲加3蚊咖喱焗魚柳飯 52蚊呢個飯我中意食 炒飯底 唔會太辣 熱啡朋友就飲唔慣 因為佢話超超超苦😅呢間阿姐都幾好禮貌👍👍張單好出色😂😂😂感受到以前年代嘅手寫單

凍檸檬茶 不鏽鋼杯夠凍而且大杯，茶底香醇夠厚，茶底熱沖岀黎加埋撞冰，推薦推薦。牛肉三文治 下午茶$30連嘢飲加三文治，性價比高，三文治正常發揮。下午茶時間餐廳爆曬場，餐廳有電視新聞直播，非常熱鬧。

喺南昌冰室食咗個超抵食嘅早餐，真係過癮到不得了！👌煎雙蛋流心得啱啱好，嗰種咬落去蛋黃緩緩流出嘅感覺，撻實多士上夠晒滿足！猪扒公仔面嘅猪扒肉厚汁滿，熱辣辣咬落去簡直口感一流！再加杯香濃嘅奶茶，真係滿足到彈晒起！🍜🍳遲啲中午又喺度試咗碟乾炒牛河，鑊氣足夠，牛肉夠嫩滑，乾身唔泥笠，嘴感一流。同行朋友叫咗杯維他奶雪糕紅豆冰，好得黎唔膩口，份量正正好，啲紅豆夠晒香口，添咗雪糕後冰涼爽口，呢個炎炎夏日真係咁正！對於南昌冰室嘅蒸鯪魚腩飯都唔失望，份量足夠，味道鮮美，而且砵仔飯嘅溫度同配搭都啱啱好，碗例湯都幾好喉，服務仲算貼心，等你食到暖笠笠。😊呢家食肆，無論係食物質素定係服務態度，都算係相當唔錯。下次再去深水埗，一定會再探探。

深水埗餐廳有好多不過經過見到呢間下午茶價錢都ok就同朋友一人一個餐試下。乾炒牛河味道正常唔算太油食完都唔會特別口渴。瑞士汁雞翼撈面叫多汁但都係冇多到味道亦都普通。番茄焗豬扒飯亦都不過不失正常水準。想搵個平平地嘅快餐食下都可以

今天既第一餐,試下南昌冰室.咖喱牛腩飯+奶茶咖喱和牛腩,表現正常,都是茶記的平均水準,而白飯,無味,食起來就差過一般茶記.奶茶,可以接受,一般水準.服務,尚算正常.

雖然係下午茶時段！菠蘿炒飯絕不馬馬虎虎的、料足、大大碟！馬來咖哩牛腩飯：飯係用砵仔蒸㗎！飯唔太乾又唔粒粒！而牛腩唔太韌同咖哩汁一齊食、好搶飯！老公至愛下午茶餐：菠蘿炒飯👍

呢間野一向有幫襯開,今晚同屋企人食飯,叫左4個送,食完就埋單走啦,俾左$500找$159俾我,趕時間走左,過左10分鐘左右,有時間就撳下個錢,先發現原來找錯錢,就叫屋企人番去拎番,個阿叔竟然話電腦單唔會計錯錢又咁又咁,搵張單又話搵唔番,我又衰既無拎底單,咁都係10分鐘左右既事唧,唔通我屈你1X蚊咩,總數找小$17呀阿叔,我同屋企人講錯$11,叫你撳多次張單又唔肯撳,俾個WTS你睇又唔睇,自己用人手計下啦,宜家唔係我屈你呀,係你地誠信有問題呀,數目如下 1.炒豬腸$682.支竹魚腩煲$753.口水雞$804.蒸蝦$98凍飲1杯+$3總數=$324你收我$341,咁都叫無錯

今日見到南昌冰室是日晚餐menu好抵，好多都包例湯同飲品，經open rice落單，入外賣自取code，有指定折扣，減完后更加抵食。今次叫左呢個 山楂醬爆一字骨 配X仔飯及例湯 $50，性價比好高。一字骨肉算多，混合山楂醬爆炒，好入味，配飯一流，而且一字骨份量多，有7-8塊。個湯暖暖D，係好好飲既豬骨湯。今次都係跟熱奶茶，好鍾意呢間餐廳既熱奶茶，好好飲。總體來說，呢個餐好抵食，質素唔錯，見到menu其他餐都吸引，下次再叫黎試試。

最近疫情好似又嚴重左，晚餐都係外賣翻屋企食安全D，今日係第一次係汝州街南昌冰室落單，見到是日晚市套餐價都合理，決定一試。農家酸菜炒豬大腸 配X仔飯及例湯 $65例湯係豬骨紅蘿蔔湯，好清甜，無味精。酸菜炒豬大腸份量好多，白飯都出乎意料幾多。農家酸菜好惹味，另外仲有配菜洋葱同菜椒，幾豐富。不過豬大腸炒得有D過硬了，味道一般。另外呢個餐廳仲會配埋熱飲，如果凍飲就+$2。今次叫左熱奶茶，重奶味，好正，外賣返到屋企，保持到熱辣辣。

乾炒牛河，一大劈牛肉成嚿擺落去，好似啱啱響冰箱攞出嚟就咁擺落去過兩過就算，牛肉入面都未熟😡😡，好彩仲未有血水出，呢條街我大部份餐廳都食過我惗最差都係係間南昌餐廳。

疫情来到今天，真係揾食艱難，星期日的油尖旺十間食肆八間休息，去到深水埗汝洲街先找到南昌冰室開門，二話不說，攰攰地坐抵即叫午餐蒸鲩魚腩飯。魚腩連奶茶、砵仔蒸飯、例湯都係收$50平民價。魚腩蒸得比較熟一點但件頭還算大，砵仔飯蒸得軟淋適中，又熱又新鮮，送魚腩剛剛好，腩位部份都算新鮮冇梅，水準中上啦，例湯㷛得好，喝了唔口渴，湯料足，奶茶一般港式做法，没令人失望。店内座位充裕，坐得舒服，待應姐姐很主動又有禮貌，港式茶餐廳中少見，可能老細又做埋一份啦！

茶餐廳有鑊氣外賣冇得堂食，即刻搵多啲唔同嘅外賣返屋企食，呢間茶餐廳好特別，全港都送貨，真係冇乜邊間可以做到，而且價錢同一般茶餐廳一樣，又方便又抵食。我哋四個人叫咗6個小菜，最後食唔晒，份量都幾足。黑椒茄子牛仔骨--好鍾意佢嘅小菜會加入蔬菜，茄子好𣺉好入味，牛仔骨都係。欖菜肉鬆四季豆--呢個菜真係點食都唔厭，呢度嘅四季豆偏𣺉，送飯一流。薑蔥霸王雞--雞都夠嫩夠滑，薑蔥汁好味。豆腐魚腩煲--魚腩同豆腐炒埋一齊原來都幾夾。沙嗲牛肉炒芥蘭--炒得夠鑊氣，健康又好味。XO醬菜心炒鮮魷--鮮魷彈牙，夠鮮味。我哋叫嘅幾樣野都有菜同肉，營養比較均衡，味道都好唔錯，落單都好方便，可以社交平台落單添。1. 外賣自取及外送方法(OpenRice & 點單 & 社交平台）2. 點單 & 社交平台送貨範圍覆蓋全香港3. 外賣自取及外送優惠外賣優惠係點單/社交平台落單滿$300有9折，滿$600有8折