南記粉麵 (黃埔天地奇妙坊)

营业中

休息中

平民之選 南記米線 有套餐簡有散點一碗 自由選擇今日經開過 好耐冇食 心思思就入左去食啦而南記個酸辣湯底係我每次都必定點😌 今次叫左春卷魚皮餃 雙餸 河粉 酸辣湯底其實佢唔係好辣 通常我都會再加佢枱面既自家製辣椒醬 成個味道會更好食下次大家可以試下佢個辣椒醬 佢湯底酸酸辣辣 酸菜唔咸 甜甜地 佢唔會雲南米線個類出面食到既湯底係較特別既 春卷都係我每次必叫 依然都係咁有咬口今次再試埋佢既魚皮餃 都唔錯呀 仲帶3大粒 加埋$45食到飽飽咁走 南記呢間環境不過不失啦

南記早餐從來係我至推介之一，沙爹仔以及鮮茄仔都性價比極高，沙爹味濃，平時外賣分湯就會加少少撈黎食；鮮茄湯底加埋鮮茄，清甜又好飲。近日南記推出腐皮牛乳湯底，我就當然去支持下啦。① 春卷腐皮牛乳米通 + 魚皮餃湯 + 豆漿 $36價錢一貫大件夾抵食，試飲第一啖呢個新湯底，喂！蜜瓜荳奶味黎既？！真係搞唔掂，好奇怪，完全唔Match！我足足加左三包辣椒醬，溝到成碗哈密瓜荳奶咁樣，用辣味蓋過蜜瓜味先食得落。歡迎大家試伏

南記嘅春卷，食咗咁多次都依然覺得好好食，一直都keep到水準！今次決定買啲春卷同魚蛋返屋企擺喺雪櫃，隨時都有得食😋今次先留意到，原來齋買材料都幾抵，$32/6條春卷，$23/4両魚蛋

凍凍地，又唔想煮嘢食！所以經過南記買碗米線食！買咗個春卷牛腩小窩米線！$46南記嘅米線，其實一向都係唔差，雖然有人話佢比起以前啲水準，現在確實係有啲分別。但係因為我今日係外賣嘅，攞到返屋企嘅時候都成大約20分鐘後，但係啲米線仲係好彈牙，而且份量十足，👍🏻反而令我覺得佢都係唔錯，牛腩今日係比較多，同埋佢牛腩煮得幾淋嘅，春卷就兩條，春卷一向係佢招牌菜，所以都好食！另外加埋杯免費豆漿！😋感覺物超所值！

🌟艇仔粉🌟 一碗充滿水上人家味道既粉麵💁🏻‍♀️正式登陸左南記粉麵啦🥳南記「艇仔粉」套餐🔥❇️艇仔粉❇️Sh ake 脆魚皮（附香辣粉）❇️芒果冷泡鐵觀音💟艇仔粉💟湯底由大地魚同蝦熬製而成，每一啖湯都保留著大地魚既鮮甜濃香味道🪄配料有實淨又彈牙既招牌春卷、香滑皇牌爽爽豬肉、脆炸香口銀魚仔同港式風味紅腸等等，份量十足，大大碗😋 😋充滿懷舊老香港避風塘既風味，食完超滿足🤟🏻💟Shake 脆魚皮💟香脆魚皮，加埋香辣粉，夠哂惹味‼️一口酥脆魚皮，一啖鮮甜大地魚湯，實在別有一番風味😎💟芒果冷泡鐵觀音💟淡淡芒果清香，結合鐵觀音既甘醇，好解渴💡$58 起就可以食到呢款七、八十年代懷舊避風塘食物😮仲唔快d去南記粉麵試下🔖期間限定，MISS咗就無🙆🏻‍♀️齊齊細味品嚐獨特風味情懷🥰 🥰

南記已經食過無數次，不過次次都係食麻辣湯底或者酸辣湯底，見啱啱病好仲有兩聲咳，一於健康D就試吓個蕃茄湯底啦😬，老公就一於好小理照舊食佢既麻辣湯底😏招牌滋選小窩米線餐米線餐包汽水或細豆漿就我加$3轉凍檸茶，而湯底可以自選唔洗加錢，我就選擇咗蕃茄湯底🍅蕃茄湯底好重蕃茄味唔會淡，而且重有好多一舊舊蕃茄，而米線會有招牌辣豬肉、春卷、魚片同冬菇，招牌辣豬肉係我食南記一定叫既送，佢既辣豬肉唔會好辣，最重要夠瘦冇肥豬肉，仲唔會嚡，非常好食，而春卷方面味道保持水準，依舊係好好食，但係size大細條就差好遠，而冬菇同魚片相對就比較普通炸魚片頭同麻辣湯米線，因為炸同辣嘅關係，老公唔比我食今次主要係想介紹蕃茄湯底，有時唔想食辣係一個唔錯既選擇

員工服務態度真心差，餐廳果然經不起時間考驗，見佢每次都在退步中，分店開得多，請不到足夠質素和數量的員工，食品開退步，員工服務態度真心爛，希望會有改過的打算，否則都不會再光顧，改善啦，改善啦，基本上人客數量已減少，不自我反省，還這樣經營下去，好快會被途態，曾經也有名一時的春卷米綫已不再，聛請員工真的要很小心，做不好就退步，客人是不會體諒的，只有強者生存，劣質的餐廳便要結業，分店太多是主要因素，反省反省

作為一個芫茜控，行過見到有呢個「芫茜蓉米線」即刻對眼發曬光；更重要嘅係芫茜「蓉」而唔係純芫茜「湯」，令件事更吸引！盛惠$53大元，米線同湯底分開上。米線丶皮蛋丶芫茜丸，同大大塊嘅嘅炸豬扒裝埋一碗，芫茜蓉湯另上。急不及待將啲芫茜蓉湯倒落米線入面，撈一下啲米線擺落口… 嘩，真係好得呀，芫茜味喺口腔爆發出嚟，一啲都無欺塲！可能放湯淥耐咗，啲芫茜丸就淡口好多，食落冇乜肉味估計係豬肉丸，如果佢比粒山竹牛肉，可能會正好多。塊炸豬扒大就大啦，不過冇任何味道之餘仲好乾身，好似食緊條柴咁。總括嚟講$53蚊，有好大程度係俾咗落，一塊好掂嘅豬扒度，雖然芫茜味夠，不過真係唔值呢個價錢！芫茜蓉湯米線：👍🏽👍🏽👎🏽👎🏽👎🏽後話，個餐會跟埋芫荽味可樂，不過呢個真係仲未接受到。

吃咁酸辣河粉米線好快吃完，想飲下個湯，點知食到條蟲仔，好似係菜蟲…. 好彩唔係甲仔，如果唔係真係要食環署見….好心整乾淨d，以後真係唔想再食南記…..好恐怖呀 如果我唔小心飲左啖湯點算呀！！ 真係唔明白點解可以咁樣！！！ 好過分呀！ 食左好多次一路以為都ok既唔會有咁嘅事情發生 ！！！！！！！ 個河粉ok既， 以後可能最多只會單買春捲 ….. 真係好失望 好失望 好失望 好失望見到條蟲仔 ，我尼世人都唔會估到有一日係南記食到蟲仔！

上個月仲有晚市堂食個陣，心情唔係幾好，約左朋友出黎食下野，想食碗粉就去左南記。紅磡分店夜晚都幾多人，本身諗住坐張吉枱，點知有個阿嬸話佢見到張枱先，是但啦，食野啫，最後撘左另一張枱，對方唔知係咪好怕疫情，我地坐低除口罩食野佢就即刻離坐，碗粉同豆漿都未食完…Anyways，自己叫左麻辣擔擔麵春卷菜肉餃米線套餐，飲品就要左可樂。碗粉都幾大碗，熱辣辣幾香，湯底有啲稀又無乜花生味，飲落完全唔似擔擔麵湯底，少少辣都幾好味嘅。米線好爽口，春卷同菜肉餃正常味，整體黎講都叫幾好味啦。朋友叫左牛魔王麻酸辣米線配豆漿，有肥牛、牛腩、牛丸等，料就幾多啦，但個湯底唔掂，唔麻唔辣淨係酸，而且係超酸，酸到一食就咳出黎，食得好辛苦呀…五十蚊左右個人，價錢係幾實惠嘅，希望個湯底會改善啦。

我就比較喜歡辣，所以見到最近南記期間限定「胡椒豬肚湯•雞翼米線」，當然去試下。「胡椒豬肚湯•雞翼米線」湯底由特級白胡椒、爽豬肚及雞，熬製而成，非常驅寒，胡椒香辣夠味，旋風豆腐串吸收了精華，豬肚爽口及雞翼惹味，仲有鮮甜爽脆的超大「花生芽」，真係大大碗暖胃又飽肚。連特飲「香蘭葉桂圓茶」（凍/熱）〈套餐價$53 〉另可以套餐價$18 (原價$28) 試埋小食「辣爽爽豬肚」記住南記「中小學優惠」，以正價購買任何正價粉麵，可免費享用汽水或大豆漿一杯。

今日返工見到南記就入咗去食個早餐餐蛋公仔麵,早餐餐蛋麵好鬼抵食只係28蚊,有兩塊厚切嘅午餐肉,兩塊火腿同一隻半熟嘅雞蛋,啱曬鍾意食餐肉既朋友仔，食完依個早餐人生即刻充滿朝氣！

今日去試下南記全新期間限定「胡椒豬肚湯•雞翼米線」。由特級白胡椒，爽豬肚，雞，熬製而成的秋冬驅寒湯底充滿胡椒香❤️ 同小辣味逼入了爽、厚豬肚及雞翼，配合鮮甜爽脆超！超！ 超！大「花生芽」(真係好大，每次見到都覺得好funny 😂 ) ，同吸收左每滴胡椒湯精華既「旋風豆腐串」。另外個小食好好味，為個餐加分！都幾辣下，但接受到，豬肚亦好爽！唔知大家有冇我咁著重細節，我每次見到我D「心機位亅都覺得好開心，好似小朋友見到玩具咁， 做人咁辛苦，就係呢啲細節令到我可以會心微笑😊 重點👍🏼雖然係連鎖店，但係味精鹽份真係唔多覺，我食完都冇渴住要飲水呢！🍜 「胡椒豬肚湯•雞翼米線」連特飲「香蘭葉桂圓茶」（凍/熱）〈套餐價 $53 〉🌶另可以套餐價$18 (原價$28) 試埋小食「辣爽爽豬肚」*南記「中小學優惠」，以正價購買任何正價粉麵，可免費享用汽水或大豆漿一杯(我就諗住著校服嚟搏一搏😂)

Good morning😊朝早啱啱訓醒緊係要食個靚早餐先係一日既好開始🥰我就係南記食新早餐系列既精選麵餐😋早餐時間至到11:30ga，想訓晏d先起身都無問題啊☺為食餐單: 南記粉麵新早餐系列精選麵餐D餐: 豬扒沙嗲公仔麵配牛油餐包+炒蛋及指定飲品🍱 $37豬扒煎得好金香香口，食落好惹味，又超大塊厚身，好好口感好多肉汁😋公仔麵煮得剛剛好，唔會淋，好正😙食左碗面已經超滿足好飽肚😆再黎多個牛油餐包，好香軟，炒蛋炒得好靚，好軟綿綿又香蛋味，係用Anchor牛油黎炒蛋味道真係特別香😋配多杯熱奶茶好暖胃又香滑😍

一段時間冇食，今晚晚餐一於食南記，南記嘅酸辣湯底冇食一段時間真係會好掛住。而家南記外賣自取，滿$80即減10元。都幾抵食。而且我鍾意食南記嘅原因，就係覺得佢每間分店都keep到個水準。每一次食嘅味道都可以一樣。今次嗌左春卷辣豬肉米線，酸辣湯底。春卷每次去到都必點，真係南記先食到。再加左兩個配料，墨魚丸同菜肉餃。講真墨魚丸就真係一般般，譚x好食好多😂所以我覺得南記，最好食嘅就係春卷同埋辣豬肉。另外叫左個冬菇西生菜，佢有埋上湯，而且份量都好多。都係$22元。