南記粉麵 (中海日升中心)

营业中

休息中

又到晚餐時間啦黎到南記緊係要食佢既「招牌」除左平之外有3餸 重要可轉麵底添最緊要有 佢最好食既 ～春卷招牌河 由於河粉太油 我會轉左米線招牌河 我諗大家都應該有食過架啦！佢有2粒白魚蛋+2粒牛丸+2條春卷重有小鍋米線 都要叫啦魚蛋無乜魚味 要 靠佢最好食最辣個個豆瓣辣醬牛丸反而重好味春卷唔洗講啦 一如既往咁 好食我地外賣自取 原來網上落單有9折 我蠢左 因想去到等都唔會太耐啦外賣 緊係要分湯 啦！真係間唔到食下 係幾滿足既～

今日放早，去觀塘處理完啲私務已經三點幾，個肚餓到打晒鼓，即刻諗起要食南記。南記下午茶餐好抵食，冬菇春卷酸辣米線都係$38，仲要包埋可樂或熱豆漿。春捲係南記招牌，好食就唔使講，但係連個厚身冬菇都煮到多汁又爽滑就真心正。另外個酸菜都係我杯茶，甜得嚟又爽口，連平日唔鍾意食鹹酸菜嘅我，都覺得佢好好味，特別係個菜頭，爽得嚟又甜，可以食晒落肚，一啲都唔嘥。港飲港食香港仔，抵佢越做越大!

話說係觀塘都返左接近2個月新工，每日lunch時間都會經過南記，望到佢個奇觀，餐廳入面有唔少位，但所有人係收銀排唒長龍，1個cashier 應該10幾人嘅人龍上星期放工收到屋企人通知無住家飯食又見南記無人排緊隊，咁就入左桌6啦食南記就必食春卷同辣豬啦，叫左個套餐，兩樣野都有齊，仲有埋豬扒，59蚊包埋杯野飲，晚餐價黎講ok喎不過一點完餐坐低我就明白左lunch奇觀個由來，cashier 姐姐其實做野Ok，慢嘅係廚房出餐問題好講返野食，豬扒比想像中大塊好多，辣豬肉份量都足夠，春卷水準依舊

又在觀塘開餐今晚好想食麻辣米線黎左南記平時食米線通常揀酸辣湯底但南記就揀麻辣佢個湯我幾鍾意雖然唔算好麻但有香味湯底少少油可以接受啦點左魚片加芽菜兩樣都好鍾意食呀加左半份芽菜超多呀好滿足米線份量都好夠飽GOOD~

相信人人都聽過呢間連鎖米線店嘅大名，南記~由港島南區開到九龍，幾時開埋過嚟新界。所以平時都係咁啱出開個頭先食到。嚟到下午茶時間好抵食，一向鍾意食酸辣湯底，下午茶比其他時段平成$10，我一定揀酸辣湯底啦🤤🤤🤤餸揀咗春卷同魚片，兩條春卷配5塊魚片，春卷係佢哋最好食架，點可以唔食。配上好多酸菜，餸都真係幾多。由於我叫咗少米線，米線份量真係少咗好多，岩岩好呀，啱晒我呢啲唔想食咁肥嘅人。水準依舊好食😊

今朝係官塘呢頭食早餐，見到南記有比較少見既米通粉就入左去食～叫左個早餐A，招牌春卷🍅湯米通粉配魚皮餃西生菜加指定飲品💰3️⃣0️⃣(個人認為呢個餐係非常夠飽😂)佢嘅蕃茄湯係食到粒粒嘅蕃茄，味道唔會太酸，濃稠適中，米通粉口感煙韌， 配埋南記必食嘅春卷，冇得輸！😋👏魚皮餃都係煙韌嘅口感，不過我本身對呢樣嘢一般般🙈西生菜分量都唔少，爽脆，湯底比較清唔太覺得味精👍豆漿幾重黃豆味👍$30食到飽一飽又好食，值得推薦😋

如果要講性價比高嘅下午茶，南記粉麵真係冇得輸。仲要講緊星期六日都keep住有下午茶優惠，如果你食清湯都只係$26蚊就食到招牌春卷牛丸河粉，仲要包嘢飲，不過我一向都好欣賞佢嘅酸辣湯底，所以叫咗招牌春卷冬菇酸辣米線，連一杯豆漿都係＄38蚊，仲要講緊如果你有飛尾，可以升級加半份生菜😏講吓環境，我自己覺得好舒服，木紋feel嘅枱櫈，仲要係枱與枱之間嘅距離唔會太近，柔和嘅黃光感覺好放鬆，仲有自設自助專區，有醬料、裝醬料兜仔、紙巾同碗仔。都幾方便，你要用幾多就自己去拎，值得一讚👍🏻係時候講吓我最鍾意嘅酸辣米線🤣，其實佢都幾大碗，入面嘅配料都好多，芽菜、韭菜、腐竹、酸菜仲有肉碎，我覺得唔係太辣，佢以酸味為主，真心開胃🙂，我通常連啲湯都飲埋😂 其實佢個招牌春卷真係好好味，用腐皮包住魚肉，爽口彈牙，真係feel到有魚肉唔係淨係粉，冬菇令我有驚喜，好有媽媽嘅味道，佢係用乾冬菇整嘅，仲要講緊大大粒好入味😍，如果勁鍾意冬菇嘅朋友可以一試。送嘅生菜真係好大份，跟餐送豆漿，唔太甜ok 綜合咁多點，環境、味道、價錢同味道性價比高😊大家得閒真係可以落去食下

見到南記出咗新湯底，仲要係我好鐘意嘅擔擔麵湯，身為南記春卷fans嘅我今日就去買咗返嚟試😎湯底入面本身有酸菜、豆卜條同好多炸蒜，湯飲落口有花生味，帶微微辣，質地較一般湯底杰，所以我建議揀啲冇咁索水嘅麵類會好啲，如果唔係食到最尾應該會太杰😂 我咁啱揀咗配米線，覺得兩樣野好match，絕對會encore🥰唯一可惜嘅係佢限定咗有特定嘅配菜組合，我揀嘅係春卷加菜肉餃，春卷一如以往好食，菜肉餃就超普通。如果可以配搭返自己平時食開嘅配菜就更好🥲

觀塘的午餐時間真是好多人，來到了相對少人的南記食lunch，今日叫了兩個餐分別是酸辣春卷墨丸小鍋米線和牛魔王（肥牛，牛丸，牛腩）小鍋米線。飲品要左可樂同凍奶茶。湯底顏色睇落好紅，但食落唔算重味。亦都唔算辣。配料方面，牛丸同墨丸都ok的，夠實唔會鬆鬆散散，但肉味唔算濃。肥牛普普通通，牛腩唔夠淋，太硬了，牛味普通。最出色是招牌春卷，餡料充足，味道唔錯，份量亦大，配料中春卷最出色。飲品方面奶茶奶味太重，而且茶味不濃，沒有餘韻，只屬普通 。

 我一向都係南記嘅粉絲，今日order左招牌春卷牛腩米線，揀酸辣湯底🍝味道依然keep到水準👍🏻，酸酸甜甜好味。春卷揀咗另上，keep住脆脆地。平時我係食春卷做配料，今日配多牛腩一個餸，唔會肥，味道都唔錯喎，值得推介。😋😋

一直都好鐘意食南記，由重口味嘅小鍋酸辣到清湯招牌河 (清湯先可以落辣椒油，小鍋酸辣落咗都遮哂，同埋佢本身都夠哂味) 我都好鐘意，雖然餸方面我淨係鐘情腩肉 (唔知點解近年餐牌改咗叫辣豬肉) 同埋春卷，幾乎來來去去都係揀呢兩樣餸咁滯，但係都無損我對佢嘅熱情，自從年零前嘅新湯底麻酸辣 (我覺得呢個湯底太鹹) 之後，今日如常去南記發現又有新湯底喇，就係酸菜魚湯底，酸菜石班魚米線套餐跟杯豆漿盛惠53，呢個湯底味道夠哂酸，非常頂癮，本身唔係好辣所以有條件落辣椒油，落完之後嗰個酸度同辣度係我至愛嘅水平，餸菜方面，收得你嗰53蚊，個”石班”魚係點相信都會有心理準備，比較特別嘅係入面有花生芽(雖則我唔係好好) 同幾舊醃過嘅酸蘿蔔，夠哂誠意，暫時呢個酸菜魚湯底成為咗我喺南記嘅飛佛。

一向係南記嘅擁躉😁，今日外賣又食我最鍾意嘅酸辣米線🍲雙拼配料就揀咗春卷同墨魚丸。 米線份量即中，春卷2條、墨魚丸3粒。每次春卷都叫另上，因為咁樣可以保留外層脆卜卜嘅感覺🥰尤其外賣就更加要另上喇，唔使浸喺湯裏面；墨丸依然我鍾意嘅質感😚  對於我呢個小辣愛好者而言，呢個酸辣度就最啱我啦。haha😆  $38 好味米線🍜，值得推介😉

星期六放工在觀塘找晚餐 ，第一次食南記，入到門口個收銀阿姐好不耐煩，無乜笑容。求其點左招牌套餐，$58我覺得譚仔好食d 😂Ps. 晚餐杯豆漿勁細杯，覺得呢間野好孤寒。

呢日下晝 #小秘書 懶得落街，只係食咗兩隻 #烚蛋 當 #午餐，放工嘅時候已經好想食嘢，諗住慢慢行過去「南記」，時間啱啱好仲趕得切食 #下午茶餐，點知 #收銀姐姐 話已經過時（當時係17:28），佢話因為公司個系統較快咗個鐘，已經向公司反映過，但係最終都冇人理會🤨 咁我唯有叫個 #大什錦米線 啦👉🏻👈🏻 好彩質素依然無變，湯底夠熱，#墨魚丸 彈牙，而我最愛嘅 #魚皮餃 同 #春卷 同樣出色，加少少 #辣椒醬 落 #湯底 特別鮮味🤤每次嚟到我都會買一份 #春卷 返屋企俾 #爸爸媽媽 做 #小食，例牌會要求 #跟湯另上，唔知係我唔夠大聲定係收銀姐姐無寫抵，廚房阿姐將成碗湯淋落我啲春卷上面，淋晒邊好食㗎，我梗係叫停佢啦😅 不過我阿姐反而黑我面，仲話我一早唔講低... 認真無奈👉🏻👈🏻

放工好想食南記, 但而家夜晚禁堂食, 屋企附近又冇分店.買外南記外賣返屋企食, 又驚佢凍晒, 點算?佢新出嘅外賣自煮就幫到我喇!外賣自煮 (HK$138)材料包係3人份量嘅.包括春卷、墨魚滑、 魚片、辣豬肉、麵&湯底.湯底可以揀蕃茄、麻辣、麻酸&酸辣.買完就可以拎返屋企慢慢煮喇.我揀咗酸辣湯底.同係店度食嘅味道係一樣嫁.不過個米線我就煮得腍咗少少.整體來講, 依個外賣自煮嘅idea係幾好嘅, 起碼我係屋企都食到南記.不過屋企冇爐嘅話就難攪D, 買依個自煮就唔適合喇.