南記粉麵 (中海日升中心)

营业中

休息中

已經想食南記想左成個禮拜，但地點唔就腳所以一路都未去，今日收工之後無無聊聊終於行左四五個字去觀塘呢間分店食～係我前面落單個麻煩女人叫左四碗外賣同幾款小食加幾杯凍檸茶，自己唔睇清楚啲套餐選擇就係度鬧個收銀員，不知所謂！😡 好彩收銀姐姐eq高叫大家冷靜下兼好有耐性覆單俾佢聽 👍👍食物方面，我叫左碗招牌春卷竹笙酸辣河粉扣底，兩三年前係附近返工間唔中都黎食，可惜宜家差左好多。。。。首先個酸辣湯底得個酸字完全唔辣 (我本身幾唔食得辣都覺得唔辣)，而且隻色好稀好唔吸引，似係本身一個酸菜湯底求其加兩滴辣溝出黎。。。配料方面，竹笙上菜時係白雪雪就咁整熟黎，我一心係黎食招牌春卷，點知一放落口條春卷係勁硬！！似岩岩係雪櫃拎出黎。。。。👎👎👎👎我無刻意望入廚房睇佢地點整，不過宜家佢俾我既感覺就係將所有配料一早煮熟，有客人點就淨係煮個麵底再加啲配料係面頭，麵還麵，湯底還湯底，配料還配料。。。非常失望既體驗，一直覺得南記酸辣係幾好食，但宜家都幾唔肯定將來仲會唔會幫襯。。。🤦

觀塘區中午時段出名多人但依間鋪，可以一個朋友搵位坐，一個朋友排隊買嘢食落單又快，出餐都快而且眼見好多人買外賣，都好快就有我就堂食叫左：牛魔王小鍋米線（蕃茄湯），送細豆漿都真係幾好食，仲要d肉煮得岩岩好，唔會老哂，唯一不足係蕃茄唔夠多

講起都低能，我哋試過用唔同嘅App，都因為各種各樣嘅理由而失敗😅 今日叻叻🐽終於成功叫到 #外賣😅 自從搬咗黎 #守衛森嚴 嘅 #荒島，#小秘書 唔落街嘅話，都只可以留喺個位食草... 悶到呢😏 所有今日有碗「南記」#雜錦米線喺面前，已經非常感恩😉不過時間上我哋仲係拿捏得唔係咁好，可能今日好多公司做節， 加上 網上外賣平台 個司機又心急，居然想早半個鐘頭過嚟😅 同平時早早俾人cut單成好在對比👉🏻👈🏻講返碗 #米線，估唔到擺咗咁耐都仲熱熱地，好在「南記」夠細心，幫我哋 #分湯，不過就真係唔係咁 #環保🥴 而我就最鍾意食佢哋嘅 #春卷，每日新鮮炸起，咬落去啖啖魚肉，加埋佢哋嘅 #秘製辣椒醬... 正呀🤤 呢排 #網上外賣平台 #新客戶 仲有$60優惠，我哋三碗外賣連埋 #運費都只係$120... 我儲嘅第一桶金又邁進一步啦🤪

今日撞岩同事都冇帶飯返公司，就約埋佢落街食個lunch，嘩，熱辣辣都冇嘜胃口，想食下啲粉麵類，於是就去左南記😋。今日食左個牛腩春卷米粉配蕃茄麻辣湯底，酸酸辣辣醒下胃；先飲啖湯，味道濃郁，只小小辣唔會太麻；牛腩有小小鞋口起渣，但春卷就保持一貫水準咁好味，最鍾意係成碗粉配左好多酸菜同芽菜😋。

最近2次 lunch 幫襯覺得差左除左收錢店員態度非常不耐煩(都理解lunch 時段多人又忙)2次都落錯單 (第1次點牛筋變左牛腩, 第2次墨丸變左貢丸)牛腩偏硬牛筋無以前好食, 依家大大舊偏硬唔琳

南記粉麵真係食極都唔厭，最鍾意食佢個酸辣湯底。今日嗌咗個四條春卷加腩肉。春卷真係呢度嘅招牌菜，外層炸過，入邊啖啖魚肉條，好厚真，又爽又彈口，真係無得頂。腩肉切到好薄好薄，索曬d湯汁。好有咬口又香，米缐煙煙韌韌，入口滑啫啫，好味。配埋d肉碎、芽菜，味道豐富，一大滿足👍🏼

太座返教會上堂，做柴可夫司機嘅我一早嚟到觀塘，諗住同佢食個早餐先，見到太座住香港仔時嘅至愛南記，仲要8點幾就開咗門，咁耐冇食嘅佢梗係拉咗我入去啦，原來南記有好多款早餐選擇，但我仍然揀返招牌河，太座就要春卷魚片酸辣小窩米線，南記嘅春卷就係好味道，已往我地打邊爐嘅必買之選；太座嗜辣所以無辣不歡，南記嘅酸辣佢話係唔錯的，其實仲有好多款早餐，等我嚟緊每星期幫襯一個試哂佢

從來去南記，都只會嗌腩肉春捲小鍋米線，貪佢夠辣夠嘢未， 原來早餐都有另類選擇 佢嗰D餐， 係辣肉魚片撈腸粉+ 牛丸紫菜湯 原來咁樣撈腸粉係好食過xo醬炒腸粉， 裡邊仲會有芽菜 非常惹味 配埋紫菜湯冇得輸呢一個早餐，不失為一個好選擇，我唔使成日再食沙爹牛肉麵

成日聽朋友同事講食米線 我就食過tam仔 雲貴香 呢間成日聽人講一直無試過 今次無意路過即走入去都幾多人好彩我地好快搵到位 佢叫野要再出去櫃臺排 都排幾耐 唔係太方便 同埋要自己拎餐 好似M記咁睇個screen去到幾多號 再出去拎 佢餐牌既野食同其他兩間米線好唔同 朋友佢地叫左招牌春卷話好好食 我以為真係春卷原來係魚蛋 下次試試先我諗左勁耐叫左個酸辣湯底 加左招牌辣豬肉 牛展 同生菜 佢望落湯底好濃 仲有好多酸菜腐竹個d配菜 湯底好好味！係惹味同其他米線好唔同 個招牌豬肉果然招牌勁正 然真係等得耐叫野小辛苦但太好食會再黎

又再一次南記，而家南記周圍都有，好似7仔咁，梗有一間係左近，再唔係淨係得香港仔！今日同同事一齊去食個lunch，大家口味一樣，都係要南記既招牌春卷，我絕對相信呢個春卷已經係每個人去到南記必食既野!😂😂春卷既水準一直不變，魚肉爽口彈牙，不論你去邊間南記，食到既口感幾乎一樣！

我成日覺得南記係大眾嘅恩物，尤其是月尾嘅時候， 經過見到南記係一件好幸福嘅事!因為佢哋價廉物美, 用好平嘅價錢已經可以換黎一餐溫飽🤗🤗🤗🤗下午茶時間，春卷魚腐番茄小窩米線 加送一杯細豆漿都只係38蚊! 蕃茄湯裏面真係有新鮮嘅番茄粒😋😋 湯底唔會太鹹雖然講唔上鮮甜，只係普通番茄湯一個 都可以飲少少 或者加少少南記嘅辣醬 都好好味 另外，有兩條春卷同兩大嚿魚腐 春卷基本上係黎南記必食嘅! 口感彈牙👍豆漿都唔錯，唔會太甜超級飽😁😁

Blue Monday，同一眾同事煩惱緊食咩之際，有同事提議去到公司附近食南記，由於天氣太熱，大家都唔想行咁遠就順應。午市既南記十分多人，不過叫野食速度快捷方便～由其最鍾意佢最出名既招牌南記春卷，再加埋佢既酸辣湯底，第二到係食唔到架！

以前食南記多數在香港仔， 而家好多地方都可以食到， 連觀塘都有真是很方便， 這裏的小鍋米線特別好吃， 今次點了春捲牛腩小鍋米線$41， 招牌河$28， 韭菜$15， 大豆漿 $12。 每次到南記必吃春捲， 煙煙韌韌，好吃！ 小鍋米線酸酸辣辣特別惹味， 入面還有酸菜，芽菜和韭菜等配料，很豐富。 但今次的牛腩有點硬， 下次吃返腩肉比較好。招牌河粉份量啱曬女仔， 有兩條春捲，兩塊魚片和兩粒牛丸。 魚片和牛丸很彈牙， 清湯味道冇味精。韮菜太老，又黐牙。 豆漿有豆味， 清清地幾好。南記由細食到大，正！

上堂前有點餓，行過見到南記，好耐無食，咁就諗住入去食過下午茶，今日唔算好多人其實下午茶既價錢都唔算特別平，人人都話必食春卷，最後就叫左個春卷小窩米線＋辣腩肉，加埋杯豆漿，盛惠$53。🤭🤭除左春卷必食外，仲有梗係南記秘製既辣椒醬，超級好味，一試難忘。

由細到大都很喜歡到南記吃粉麵， 記得細個媽咪亦會專程到南記買春捲給我吃， 而令到我對這裏的粉麵特別有情意結。近年已經推出很多不同的口味例如小鍋米線，蕃茄湯味等等， 都是我很喜愛的味道。今次我又食最喜愛的春捲小鍋米線加辣豬肉$47， 另外一碗是春捲牛腩蕃茄濃湯米線$45， 再加一杯凍檸茶$15。 春捲小鍋米線 酸酸辣辣非常惹味， 湯底非常濃郁一啖湯一啖米線，真是食到停唔到口！ 春捲質感煙煙韌韌， 辣豬肉味道濃厚， 食了這麼多年還是最喜愛吃的。春捲牛腩蕃茄濃湯米線的蕃茄濃湯味非常 突出， 但我食了一舊牛腩就比較硬身，如果牛腩可以軟一點比較好。而家觀塘有南記實在太開心， 隨時隨地都可以食到我至愛的小鍋米線了。