南記粉麵 (香港仔大道)

营业中

休息中

想食個快餐，諗起好耐冇去過南記，好想食佢嘅酸辣米線，雖然啲餸冇車仔麵咁多選擇，但對於有選擇恐懼困難症嘅我其實都足夠。我點咗酸辣貢丸魚片小窩米線，個貢丸係有heart 果d，好味，不過魚片就好一般，食落膠膠地😢。好多人都鍾意南記嘅春卷，我就覺得味精多咗少少，比較少食。香港仔在2間南記，今次去E間比較細，我坐係收銀旁，聽到好多人都係外賣拎走。其實lunch 都有set 包drink , 可以選豆漿，汽水，不過甜野唔啱我。

魚腐春卷河粉 配 大豆漿本身我話要魚腐春卷河，但個嬸嬸落錯單，比左魚餃春卷河我，我同佢講返我要魚腐，佢地都好好態度咁改返魚腐比我南記真係由細食到大，以前中學放 LUNCH 一趕時間就會去食南記，雖然無以前咁好食，但都真係好大碗，食得好飽

我係一個湯麵怪，特別是酸辣湯麵，發明依樣野食既人我真係愛死佢! 😆😆 我都吾記得左第一次南記喺邊度食lu，我好鍾意佢地既腩肉同春卷酸辣米線大辣，但係印象中第二次或之後食既都冇以前甘好食。試過灣后，中環果兩間，旺角等等.....都冇左果種味道。一係個湯吾夠濃，一係D麵超林...直到前幾日見到香港仔有，就左食我既"常餐"。真係，好似我同佢初戀既感覺又返黎喇!! 😲好耐冇食過甘彈牙既米線喇!! 個湯又夠香濃😋😋😋原來好食既南記喺香港仔...

今日係香港仔食晚餐。平時自已一個都成日黎食南記，好方便又唔貴。今日又黎左我叫左個南記全日套餐，份量都好足！招牌河粉清湯底裡頭有蔥花，帶多點鮮味，牛丸咬口，但內裡不夠暖，春卷口感不錯，而且不太油，因為休魚期而用魚片取代魚蛋，但比起之前沒有太大的分別。枱邊有不同調味料，例如豆板醬和魚露，供客人因應不同口味選擇自行加添。套餐價只需40元，更可以加一碗生菜和一杯細豆漿。真係經濟又實惠👍🏻得閒一定會再黎！

去咗香港仔食墨丸魚蛋米線。因為是12:00正午，不是太多人。墨丸同魚蛋好彈牙。兩個配料肉質好鮮嫩。米線好彈牙。個湯好鮮甜。地方好乾淨。加杯荳漿，價錢$37。荳漿好飲好重原味。價錢好抵。好正。誠意推介。

一年沒來 店面裝修好看不少喇 要說南區特色飲食 只能想到「香港仔南記粉麵」「招牌套餐A2滋選」 56蚊包含一碗米線+一杯飲料（可樂或小豆漿）番茄湯底 整體味道還行吧 就這樣 無功亦無過 春卷最好吃啦跟其他餐廳的春卷不一樣 也不是平時茶樓吃的炸春卷 南記春卷外面是一層腐皮 裡面包著魚肉的感覺 整體給人QQ的口感 「招牌春卷牛腩米線」40蚊一碗 不錯呀 牛腩不會很肥 招牌春卷必吃 如果能吃辣 還可以自行加一些南記自家辣椒醬 挺有特色的 畢竟是自家醃製 所以味道和市面上的辣椒醬還是不一樣口味 加到麵裡面 其實也不會很辣 它家的辣椒醬聽熱門的 所以還可以出售好似係40蚊一樽辣椒醬附上帳單 可以參考

經同事介紹,今日第一次去咗南記食米線。叫咗一個珍寶米線。睇圖明明有五個餸,但最後只有兩條春卷加米線。。。。。。其他配料唔知去咗邊。。。。。。。明明叫酸辣,但成碗米線只有酸菜味,毫無辣味。咁的質素叫人點食同行的同事叫咗個大什錦米線都俾我多,雖然係午餐時間,但未至於會俾少咁多料掛

去開香港仔又想食返碗南記米線....我點知去開呢間香港仔大道208號南記米線....！竟然重新裝修....給人一個煥然一新嘅感覺我不過有一樣野成日都唔變.....就係入親去都爆曬棚....想搵個位坐下都難我今日又要食返五個餸先得佢哋嘅招牌春卷係我每次都必食嘅之前都未見過呢個logo.....可能係新設計都幾特別又係想搵個位坐下都難....實在太多人除咗食佢嘅招牌春卷....！我仲鍾意食佢嘅貢丸同墨魚丸因為勝在夠大粒又彈架食到飽一飽都係＄56

今日一早就去香港仔食野之後去釣魚。成日都食西式無乜新意所以就去左食南記早餐，叫左2碗熱辣藍春卷河，我朋友對呢度d春卷情有獨鍾，周不時都黎食，唔知點解出面食d春卷同南記d完全唔同，食落外脆內軟熟每碗仲有4條加埋佢地獨有辣醬同魚露，2個字好掂價錢都係每碗26蚊，唔算貴

今日lunch 屋企冇野食 野起好耐未食過嘅南記就落左去買外賣啦南記真係由細食到大 睇住佢由15蚊一碗搭牌河 加到而家23蚊酸辣米線由23蚊左右 加到而家要30幾蚊先買到但係味道依然冇差左 仲越開越多分店我我最鍾意麵係係番香港仔食🤗🤗🤗今日我1130前去到 趕得切早晨優惠21蚊 招牌河 / 31 蚊 春卷魚片酸辣米線咁我就叫咗個春卷魚片酸辣米線加辣豬腩肉（加$8）小辣之後依家晨早優惠加＄3就有一杯細豆漿我覺得今日個湯底咸左少少但係依然都係我最鍾意嘅酸辣粉味道我覺得未試過南記酸辣粉呢幾日一定要試吓👍🏻👍🏻

初五仍然放假中，訓到中上三竿，已錯過早餐，午餐時間，有嫲嫲買外賣賑濟災民，我好耐無食南記嘅外賣，包裝幾企理，因為湯同麵分開，有成6個碗，每層有個有凹位嘅卡紙層隔，每層兩個位，放6碗都唔會歪！大腸小窩米線（少辣）食時先將湯倒落米線，搭完車湯已經唔夠熱，微微辣，湯底好濃，夠味，米線無浸淋仲彈牙，酸菜爽口酸酸地開胃，大腸片比以前薄同少，幾彈牙，點佢哋嘅秘製辣醬好味！加上爽脆芽菜好味！雖然餸菜縮水不過整體ok! 

招牌河已經好耐無食南記，今日甘岩黎到香港仔就去試下！叫左個招牌河，問職員先知無左菜蒲加，頓時好失望無左菜蒲個湯好淡，無物味。而碗野湯多，粉少，河粉好碎，好難夾。食到最尾個底都仲有好多碎，但夾唔起。。。魚蛋、春卷、牛丸味道都ok, 係細粒左啲。呢餐有啲失望

星期一至五1730前都可以黎南記提早食個晚餐，一黎平二黎唔多人，南記係香港仔我諗最少10幾20年，由細陪伴到大，剩係香港仔都有2間分店。今日食春卷魚片酸辣米線，佢D米線同出面其他地方好唔同，比較幼身，春卷係鎮店之寶，打邊爐都要黎幫襯佢D春卷，$35就可以食飽，仲有杯玫瑰茉莉花茶。

南記早幾十年前在香港仔發跡，由初初街邊檔賣粉麵起家，後來發展酸辣小窩米線大受歡迎，現今分店已遍佈全香港，讓更多人可以試下＂香港仔＂的口味我的至愛：春卷牛丸小窩米線黎南記唔叫春卷即係唔識食，用腐皮包住魚肉黎炸，外面脆入面彈牙，放左湯外皮會林左，可以叫不放湯拎走當小食；牛丸有牛肉味絶不欺場，而且爽口彈牙，米缐煙Un，配菜甚為豐富，有肉碎，腐皮，芽菜，枸菜，酸菜。。。成碗面酸酸辣辣好醒胃

呢次特登選擇下午茶，貪它平幾蚊除了招牌四寶河之外，小窩米線特別酸辣底好多肉碎，夠酸菜，多芽菜，非常足料！春卷好好味，配上秘製辣椒醬真係一試上癮，好辣好刺激！魚片我就一般，因為不是我所好！肥牛配小窩米線都係我平時之選，非常好味！百食不厭！