南記粉麵 (京瑞廣場2期)

营业中

休息中

下午茶好抵食，春卷牛腩沙嗲河都係$38，仲會送杯豆漿，2:30左右去到都已經幾多人食，我自己特別鍾意個沙嗲河，幾重沙嗲味，味道對得住價錢，地點好近地鐵站，只係餐廳冷氣大咗少少

係南記外賣apps叫左個外賣招牌辣豬肉春卷小窩米線(2條春卷), 拎走返到去一打開, 唔見左2條春卷, 已經係第二次漏左其中一樣餸, 咁我就諗住第二日去同佢講番啦, 就咁影相算, 跟住店員話, 原來係要即日打電話話俾餐廳知, 先可以俾返兩條春卷, 不過佢都肯俾返我, 但無講唔好意思!跟住就順便係度買外賣啦, 費時真係就咁拎兩條春卷走, 落左單之後, 店員叫我拎左2條春卷走先, 我話你幫我擺埋落腕米線湯到麻得囉, 唔駛要我專登拎住, 店員態度麻麻, 個面口好唔願意咁, 同埋正常即刻食, 都會放落碗湯到啦, 到最後佢地係無做到, 就咁用膠袋入住!真係浪費左我時間, 漏餸情況要專登去到店舖再同佢地講, 跟住都再次幫襯啲服務態度又唔好!希望該店可以改善一下漏餸情況和員工態度!不過都會減小幫襯~

在ulifestxtxe的網上平台得到優惠卷，可以免費來吃南記最新出品的鱻米線！碰巧經過，就決定來到這裡一試！石門的南記環境狹窄，就是等閒之輩也難以穿梭，但員工服務態度好，出餐姨姨笑容滿面，回盤速度迅速，能夠抵銷環境上的缺陷！我們點了1）魚米線小鍋套餐（內含生魚片、魚肚、魚腐）配蕃茄芝士味，免費熱情果鴨屎香茶！魚片有4塊，魚肚2塊，2塊魚腐，吃貨還可以把其中一款配菜轉成芝士蟹柳！湯底也可以挑選蕃茄味，辣蕃茄味，看吃貨的需要而定！筆者挑選了蕃茄芝士味，吃下去覺得蕃茄和芝士味燶郁，互相輝映，南記繼芫荽湯底之後，又一力作！至於熱情果鴨屎香茶，起初喝下去沒特別，以為是伏！但老婆提醒我可以用攪攪棍把它溶入當中，這樣下來就迅間變得好喝了，下一次有機會會再吃！

見南記出左個新野：芫茜蓉湯米線，芫茜控既我一定要試下😃我就轉河粉 $58 連飲品佢嘅湯底係用芫荽打碎，加芫荽湯皮蛋一齊煮，比起傳統嘅芫荽湯更加濃味，芫荽肉丸好彈又充滿芫荽味，好正啊😍佢嘅爽豬肉，應該係豬頸肉嚟嘅，整體好夾，其實碗湯麵嘅餸都好多，好夠飽🥰

好耐都冇食過南記啦！🐧難得公司樓下有南記，一於食吓最近新出嗰個「胡椒•酸菜豬肚湯•雞扒米線」套餐啦！☺️套餐有「胡椒•酸菜•豬肚湯~雞扒旋風豆腐串米線」連特飲「紅胡椒菠蘿特飲 」，都只係$6️⃣0️⃣！ 呢個餐係由特級黑白胡椒•爽豬肚•酸菜，熬製而成嘅秋冬驅寒湯底🧡 當中黑白胡椒嘅香同辣味逼入了爽、厚豬肚同雞扒，加上吸收左每滴胡椒湯精華嘅「旋風豆腐串」令整碗米線口感昇華🥳 食落口感鮮美，豬肚同雞排嘅味道&胡椒同醬油等調味料完美融合，米線🍜口感彈牙，雞扒亦都有醃過，喺涼涼地嘅天氣食一碗真係好舒服😌好暖笠笠！再配上「紅胡椒•菠蘿特飲」🍍紅胡椒菠蘿特飲係一種健康有益嘅飲品，紅胡椒具有促進新陳代謝同消脂，而菠蘿則含有豐富維生素C同酵素，有助於消化同增強免疫力🦾 而且，如果您鐘意食辛辣同果味，呢款特飲味道新穎獨特，紅胡椒帶有甜味同香味，每一口都帶出溫和迷人嘅水果清香，可以一試💋@namkeenoodle @chillchipr總括而言 (5個🧡係最高)好味指數 : 🧡🧡🧡🤍🤍服務態度 : 🧡🧡🧡🤍🤍環境打卡 : 🧡🧡🧡🤍🤍回頭指數 : 🧡🧡🧡🤍🤍📍南記粉麵🏢 石門安群街1號京瑞廣場二期地下G22, G31

經過南記粉麵，見佢推出期間限定「胡椒•酸菜豬肚湯•雞扒米線」套餐，就入去試下🍵胡椒酸菜豬肚湯 🍜雞扒旋風豆腐串米線 🍹紅胡椒菠蘿特飲🤤天氣凍凍地又想食D驅寒湯底~surprisingly, 特級黑白胡椒+爽豬肚+酸菜是Good Match組合~雞扒爽脆口，醃得好入味❣而「旋風豆腐串」大大串吸收胡椒湯精華好好吃，搭配清爽口感「紅胡椒•菠蘿特飲」，啖啖果肉，加入紅胡椒帶點甜味同香味，整個配搭都好正！期間限定啊❣ 想食嘅朋友仔要去試下啦！

Hello 大家好👋🏻！今日我同同事嚟到位於石門嘅「南記粉麵」食早餐。 適逢初二都要開工😭， 我哋又早到咗所以周圍睇下有咩食。 行行下就嚟到「南記」。今次同大家分享一下佢哋嘅早餐同服務。石門呢間「南記」唔算大， 坐位唔多，不過都算舒服， 而且服務員態度親切友善， 好細緻咁講解最近嘅優惠， 大清早受到咁嘅禮待，真係值得一讚，仲要今日係大年初二👏🏻👏🏻👏🏻。美食攻略：今日我點咗「鮮茄湯魚肉春卷米粉+滑蛋配牛油餐包+凍齋啡」。 先講下個鮮茄湯底， 呢個鮮茄湯底真係無得輸， 番茄味好真實，質感濃厚帶有番茄蓉，配米粉食味道好好。 魚肉春卷係佢地嘅招牌菜， 仍然keep到水準， 春卷彈牙好食。滑蛋嫩滑份量恰到好處😋。 件牛油餐包細細個，用餐時仲溫暖👏🏻。不過杯凍啡就一般， 飲得出係即沖咖啡粉， 飲品唔係佢哋主打算不過不失啦。全餐@$38（凍飲加$3但有優惠😚）， 基本早餐價錢但有咁嘅質素，確實抵食。同事點咗「鮮茄湯魚肉春卷米粉+魚皮餃湯+熱奶茶」。 同事都覺得茄湯米魚肉春卷好食。至於個魚皮餃湯個湯底稍為咸咗少少，除咗魚皮餃仲有生菜墊底， 成件事又好平衡😆。 至於杯奶茶… 同事話都係不過不失。

期待已久嘅南記粉麵終於開入沙田中學時代已經經常去食，味道真係冇得輸！今日叫咗清湯系列招牌河，裏面有招牌春卷，牛丸同魚蛋，河粉份量足，味道仍然維持水準，希望可以繼續保持，保留記憶中的味道！！

外賣兩送米線，返屋企發現得三粒墨丸，沒左兩條春卷。打電話問店員可否退錢，店員說唔得，只可以退回兩條春卷。試問外賣搭地鐵5個站拎返屋企，又點會折返拿兩條春卷。過兩日經過店鋪想退錢，店長亦都話只能退回春卷。講真，咁搞法都唔想食啦，只想退回春卷的錢，但最後都係唔得。以後再也不會幫襯南記！兩送本身都係得兩款，都可以沒左一款，仲要態度咁差。做錯嘢唔緊要，可否考慮顧客感受再給予補償，真係非常惡劣的一次消費體驗。

南記粉麵🍜有新口味登場啦!!! 這次走懷舊風😆，是避風塘滋味「艇仔粉」套餐🍽️，你想不想吃呢～說真的，我還未吃過艇仔粉🤣，原來味道好特別呀～湯底由大地魚和蝦精心熬製，湯頭不但鮮甜，而且鮮味十足。再配上充滿港式風味的紅腸、脆卜卜銀魚仔和我最愛的招牌南記春卷😍，深得我歡心～套餐還附有香脆可口的香辣脆魚皮😙和芒果冷泡鐵觀音🥭。我特別推介把魚皮放在湯中浸一浸再吃，一魚皮二食呀😂😂😂～南記粉麵 沙田安群街3號京瑞廣場地下G31-G32號舖

開左南記，好開心，食左幾次外賣同堂食終於可以寫食評。食物午餐正常，不過豆漿個味好似水甘🥲要大讚早餐，個沙嗲湯底非常濃，豬扒大塊，炒蛋都好大份，做得好好～（去第間食邊有甘大塊），有次食肥牛份量都多，開心～仲有，個米通勁煙um, 正！職員可能新，收銀落單唔係好熟手，但各位都有禮貌，特別是男經理（應該係）堂食黎講位置小同細，有幾個單丁窗口位會好曬同熱，其實無風景睇，建議裝番啲防曬既裝置會好啲。外賣份量都好足，不過有次早餐比溜左個包，但早餐份量好多，唔食個包所無問題。

沙田終於開了南記，今朝去石門覓食所以入去試吓。叫了早餐A餐- 春卷鮮茄米通粉配魚皮餃生菜湯 & 熱奶茶。番茄湯不會太酸，味道濃郁，米通粉口感煙韌。魚皮餃普通，生菜份量很多，這餐食到很飽。

全新開張、石門獨有、漂白水味春卷！如果你覺得我地太遲入黎食飯、阻住你收工其實可以提一提，你地就快收工啦咁，咁我地都識做啦…轉叫外賣 or 去第二間食🥲結果2碗麵黎到食左幾啖，你地同事就開始掃地，用漂白水抹地抹枱？！？🥲🥲🥲大佬，成間餐廳都係漂白水味，點樣食呀？！洗唔洗落咁重漂白水？ 你地同事仲好意思話 係對面鋪既油漆味 ？ 擺明係漂白水 /綠水 / 消毒藥水呢類型既味黎架喔…漂白水味可樂春卷 ， 我真係唔識形容果種臭，真係食唔落！