南記粉麵

营业中

休息中

買外賣自取兩個麵，一個要蕃茄，另一個加$4要麻酸走辣，揀明走辣。點知拎咗返到屋企，就見到啲辣椒浮喺湯面，飲咗啖，辣到飛起，完全食唔到好在有另一兜要咗蕃茄湯，分咗一半先唔駛食乾麵牛魔王啲牛已經少過以前好多，又肥，而家連湯底都搞錯，離哂譜，仲要收銀員態度勁差，好似啲客買嘢係阻佢收工咁。屋企人早前去食，爸爸坐住由媽媽拎住兩張樂悠卡去買，想每碗送個菜，指埋俾收銀員睇爸爸坐邊，收銀員睇完仲要質疑，竟然要求媽媽除口罩對樣，先黑口黑面咁打單，搞到媽媽好唔開心話以後都唔食。嗰時我聽完本身安慰媽媽話佢兩個個樣後生，但而家睇黎收銀嘅面口係真係差🤯🤯🤯

冇意中見到南記推出1人火鍋，牛乳湯底，新嘢喎，就試吓啦！一人火鍋有個明爐仔，眼見店內唔多人食火鍋。肥牛有6-8片，半碗米線、我揀牛乳湯底，裏面有一條蟹柳兩片南瓜片少少腐皮一片仔粟米兩片白蘿蔔一條春卷，配豆漿，一人唔大食的話份量剛剛夠。牛乳湯好鮮味、香甜有啲似椰子湯底，未落牛肉之前比我飲咗好多🤣，其他食材平時南記都有，keep 住水準！ 我覺得重點係湯底個度，如唔係過下打邊爐癮，食返南記招牌嘅小窩米線仲豐富啦！味道性價比

早上7點56分，室外氣溫17度，叫個堂食早餐12號餐，除咗豬扒同咖啡飲品係熱之外， 煎蛋餐包火腿香腸茄汁焗豆全部都係凍嘅，唔係暖係凍嘅！ 不敢想像外賣會係點樣。真差勁！