南記

营业中

休息中

黎到屯門探親戚方便老人家都係揀反最近佢地既酒樓舊式酒樓最鐘意就係會地既人情味📍枝竹火腩煲聽聞佢呢到啲燒腩仔都唔差又想濕濕地所以叫左呢個餸的確係有穫氣 腩仔肥瘦均勻👍🏻📍雜菜海鮮鍋唔好睇個鍋好淺呢到啲份量都幾大碟睇落好清 但又唔會淡而無味📍菠蘿咕嚕肉又係最欣賞啲肉唔會炸到乾曬再炒甜酸度適中 唔錯👍🏻📍東星班每日限量供應，我地留左一條都幾滑又夠大條👍🏻整體黎講味道好ok價錢合理 值得再試

我哋成日都去飲茶食飯個度啲姨姨好有禮貌唯獨個男經理超唔掂經常6大兩細比張4人枱/比啲直立式冷氣吹住既位（個經理自己放張枱仔就當係一枱）/佢服務態度本身都麻麻…….就因為老人家好說話就可以隨便對待？😡希望老闆們能夠處理下呢個問題！！！！

今朝置樂南記去飲早茶發過啲蝦餃畀以前細咗三分一 ，啲鵪鶉蛋燒賣嘅肉同鵪鶉蛋差不多大小， 即係話畀你聽唔加價就縮水，真係無良姦商， 為咗節省成本連八達通都不收， 越做越衰， 即時將佢列入黑名單。 有枱唔畀客人， 留枱畀熟人。 要每張枱坐滿人先準開第二張枱，呢啲服務真係差。 呢啲酒樓嘅服務態度 即係趕啲客返北上消費， 終於會自食其果。

唔知有冇人好似我咁好鍾意打呢啲一人邊爐？🙌🏻當我唔想食得咁Hea，但又可以平平地輕輕鬆鬆食一餐，我就鐘意去南記打邊爐。一星期一次😂小癲。一人套餐☀️麻辣湯底🫶🏻肥牛🫶🏻米線🫶🏻春卷🫶🏻娃娃菜🫶🏻芝士蟹柳🫶🏻金菇兩個人食，我叫咗個一人套餐，再不斷add-on加料🤤加鐘意食嘅料！春卷😍魚腐😍肥牛😍墨丸😍金菇😍 🫶🏻免費配冰凍豆漿✔️最後$140左右埋單😆糧尾恩物🫶🏻❤️又好食🤤

今日玩對襯家遊戲。先去三聖上記買海鮮，再去置樂南記加工食晚飯，席間傾吓結婚、過大禮、回門等安排，象徵式同襯家吹吓水，聯絡吓感情。五個人海鮮買咗1000蚊，加工費連燒鵝吾使800蚊，話時話凍豆花好正！芝士龍蝦伊麵底西蘭花炒龍躉球砵酒煮桶蚝聖子皇煎米粉底油鹽水胡椒蝴蝶蚝招牌燒鵝例牌冰凍杏仁豆腐花聽講三聖果邊的酒家又貴又手工一般，揸車或行過去置樂，南記算吾錯啦！餸菜手工靚吾靚，睇相啦！問我今餐好吾好味，嫁女喎！吾食都甜到漏啦！😚😚

南記應該係喺三聖發跡喺置樂開咗一排，遇上疫情，多咗好多外賣款式。有個四人套餐，只係298，有四個白飯，或者四個汽水，自選三款小菜，仲會送糕點。真係四個人有時都未必食得晒。菜遠炒豬肉，生炒排骨，好夠鑊氣，有大排檔feel！燒味味道都唔錯，比嘅豉油雞份量好大，肉質依然鮮嫩，唔會話好老諧霎霎。大家仲可以打電話叫外賣，等佢哋煮好先去拎！

平日間中都會黎哩度，今日同成家人一齊黎，我哋食咗好多款菜式。帶子蝦球炒菜，鹹蛋蝦仁，肉碎炒通菜，燒腩仔，蠔仔粥同埋薑蔥蒸紅魚。整體上，食物質素普通。先講帶子蝦球炒菜同鹹蛋蝦仁。帶子同蝦球個質感都唔夠彈牙，無乜鮮味，帶子帶雪藏味。鹹蛋蝦仁有陣怪味，屋企人覺得係有陣碗布嘅臭宿味，靠鹹蛋嘅香味都難以遮蓋。肉碎炒通菜都算係普通啦，味道一般，冇特別嘅驚喜。蠔仔粥都係一般，蠔仔鮮甜，粥底稀薄，同埋啲蠔仔有啲細，有啲可惜。燒腩仔就真係好食，好脆同埋好肥美！至於薑蔥蒸紅魚，個魚肉鮮嫩，薑蔥豉油起初俾得好少，我哋要求佢俾多啲，整體嚟講冇咩特別嘅特色，有啲普通。今日個餐廳真係好滿座，座無虛席。如果你想食燒鵝，最好係提前預約。不過，整體嚟講，呢間餐廳嘅價錢偏貴，大部分野都唔好食/普通。另外一個缺點係服務員嘅工作量好大，佢哋好忙碌，可能會有啲等待時間。如果你想食得快啲，可能要有啲耐性等待。總括而言，食物質素一般，燒腩仔係我最推薦嘅菜式。不過，如果你追求平價啲嘅選擇，可能要考慮其他餐廳。

疫情現在尚算穩定，多人聚餐也越來越回復正常。久違了的公司聚餐，這天總共有10多人，要有氣氛，又可以飲飽食醉，盡興而歸，首選一定係食海鮮。屯門三聖，價錢比起鯉魚門，流浮山，都更為合理。人多自然種類也可以選擇更多，我們在附近街市選好海鮮，就準備大快朵頤。吃海鮮最重要是新鮮，然後就是廚師的功夫，炸野方面，椒鹽鮮魷，咱美國桶蠔 ，炸漿厚薄適中，在油中浸泡時間得宜，所以外脆內嫩。白灼東風螺，蝴蝶蚌，做到每隻剛剛開口離殼，完全唔會老。全場最好味一定係豉椒蟶子米粉底，米粉炸得乾身，蟶子飽滿又滑口，處理得很好，汁醬份量剛剛好，充分滲入米粉，又不會造成過度濕潤。這晚大家都吃得盡興，是久違了的歡愉。

年紀漸大，近幾年慶祝生日，都是老婆仔女安排的。今年一行七人，三代同堂就去青山灣買料，再去置樂南記加工擦餐勁。第一次去南記，初以為只是屋邨飯檔，環境裝修應該近年翻新過，侍應的態度值得一讚，不論生客熟客都親切招待，一餐飯換了3輪碟，臨尾食生日蛋糕還主動清理全枱餐具，幫客影大合照都落力，真是高級酒樓食肆都未必做得到。返回正題，點評加工餸菜質素。先飲燉湯才上菜，川芎白芷天麻燉魚頭，魚頭幾乎燉到融化晒，算好嘢掛，份量每人兩碗。煮功最好是砵酒煮蚝，煲仔上碟，蚝身嫰滑，邊皮脆口吾un，下次一定要翻焯。黃金蝦，蛋黃醬落足料，好香口但吾燶。豉椒聖子煎米粉底，我指定兩面煎，更香脆，聖子吾使買大隻聖子場，一般中size一扎扎果款已夠食。大斑兩味傳統煮法，炒球和粉絲底蒜蓉蒸頭腩、粉絲蒸象拔蚝、芝士龍蝦伊麵、燒鵝等屬正常水準啦！買海鮮料1700，加工費+燉湯和燒鵝又1700，全餐消費3400，性價比抵吾抵食？我冇乜理喎！反正後生比錢，享兒女福嘛！晒多一野吖！捱左幾十年，每個老人家最想要嘅咪睇到仔女成家立室，搵到兩餐食，吾使問老野攞錢開飯，得閒請我地班老野飲餐茶、回家食餐飯，咁咪老懷安慰，完滿人生囉！感恩上主，暫

自從出左來做野好少可以同到屋企人飲茶，記得細個既時候每星期都會去飲茶食點心。打鐵要襯熱，心血來潮試吓約番個午餐先！今次就簡左係屯門置樂既南記，除咗食點心仲可以食海鮮🥰必食灌湯餃 頂點由細到大都勁想去鐘意食不過好以前要同大家share，而家可以一個人獨霸🤭薑蔥牛柏葉 大點牛栢葉爽口彈牙又入味，一啲都唔un,食牛栢葉最怕一定係un。粉絲蒸元貝 時價豉椒炒蟶子 時價果皮蒸鮑魚 時價明明係去食點心，但係又心思思想食海鮮，所以我決定滿足晒我自己既願望，又新鮮又好食，特別係啲元貝勁大粒，大粒到要戒一戒開來蒸😍

南記下午有個光頭嘅男部長，如果你唔搭枱唔會安排枱畀入去食，要你喺出面等。佢同啲職員講有佢（客人）喺出面等，唔搭枱唔好畀佢入，呢啲叫做什麼服務，經常都係這樣，如果你哋唔搭枱千祈唔好去。 食物唔錯，但呢個職員服務實在太差，其他職員服務不錯。

呢個排骨係用泡打粉過多定唔熟😓😓，下次飲茶自備茶葉，我估個茶可能係二手，講到餐具全黑色， 睇唔到’色香味。 假如餐飲業都算不專業。食物 質数一般倘可 , 但不算好， 服務員態度冷淡。祇可說這處是街坊茶樓。

經網上介紹去屯門仁愛街市買海鮮，所以朝早11點左右去買海鮮，11點半攞去屯門南記報價加工、訂左枱夜晚6點半開餐。芝士脆皮焗開邊大蝦，呢個好好味鹽焗蟹，超多膏龍蝦上湯伊麵蒜蓉粉絲蒸聖子椒鹽賴尿蝦辣酒花螺，辣得黎甜甜地，估計加左豆瓣醬蒜蓉粉絲蒸元貝蒸魚蒜蓉炒菜芯陳皮蒸鮑魚豉椒炒花甲，呢個都幾辣，好惹味最後有老闆送既桂花糕，唔算太甜

本身初來屯門置樂工作，第一次買海鮮去加工前，聽我老闆娘話聽過好多街坊話買海鮮比南記煮好正，咁岩當時班兄弟傾開想過來屯門食飯，我就係仁愛街市買左蟹/瀨尿蝦/大花甲/海花螺去加工成，避風塘炒蟹/椒鹽瀨尿蝦/鼓椒花甲米粉底/辣酒花螺。好有驚喜！好有水準！唔係普通酒樓既行貨，原本無諗過有驚喜只諗住整d香口海鮮同兄弟飲酒傾下計，但真係一路傾一路飲一路講呢餐好好食！我地食飯咁多年都真係少有出現。之後認識大廚基哥，基哥手野真係好好，我買海鮮比南記加工已經第4次，避風塘/椒鹽/辣酒花螺，佢都會比到一個好好既交代比我，樓面大佬同其他同事服務都好好。平時都睇開opr,禁入來置樂南記睇卻竟然無乜食評真係唔知點解。但請注意⚠️以上海鮮都係街市買入南記加工，南記本身無以上海鮮。

在疫情的底下全個香港忽然間變得好安靜 🙊🤫不過香港人好鍾意出街😅所以今日喺附近街市入貨，順便嚟試下呢間新餐廳支持下小店啦 😊其實當初行入嚟呢間餐廳主要係因為佢主打燒鵝 👍 本人亦極為喜歡食燒鵝 💖於是好奇心驅使下就入咗去😆一坐低餐牌都唔睇叫個例牌燒鵝試下先總括嚟講唔係咁差，但係胸肉都係有啲柴同店員講咗，師傅話呢個季節嘅燒鵝啲肉無可避免係會柴喎🤦‍♀️ 但係我喺深井食嗰間長期都咁好食🤷‍♀️第二樣比較有印象就係呢個煎肉餅 👍 份量幾大，煎得幾好食又唔鹹我都幾推介