南豐餐廳

营业中

休息中

今年聖誕節一家三口去搵好嘢食，我哋叫左一個羊腩煲很大煲，羊腩好多很足料，另外再叫了倉魚餐，倉魚亦很新鮮仲大大條，美味而且非常抵食，會再幫襯👍🏻👍🏻👍🏻

去到茶餐廳食野，識食一定會食沙嗲牛😋濃濃花生醬香味既牛肉，真係會令人欲罷不能!所以今日放學黎到南豐餐廳都即刻叫個沙嗲牛常餐食下先，只係$37，加埋凍飲都係$40，勁抵！沙嗲牛麵+多士+火腿煎蛋真係絕配💯雖然間間茶餐廳都有沙嗲牛麵可以食，但好食既真係唔多，而呢一間既沙嗲牛都可以話係好食！牛肉嫩滑又彈牙，唔會好難咬唔會好老唔會好鞋👍🏻加埋惹味既沙嗲汁超入味！公仔麵都軟硬適中👍🏻三樣野(麵+牛肉+沙嗲汁)都好出色，所以先有一碗出色既沙嗲牛麵👍🏻以後Lunch又多個選擇了😋

【九龍城區】【南豐餐廳】寫咗用餐體驗三年，有啲餐廳好難寫，就係嗰啲純粹因為夠鐘食飯而去食，冇乜原因經過嗰頭。而食物嘅味道又冇乜切入點可以寫到嘢，食完就好似冇食咁，呢啲餐廳係好難寫嘅。要湊字數，最簡單直接嘅方法就係食兩次。咁講明唔係有事經過，又點會咁容易食到兩次。因此而家我轉咗型之後，呢啲食得一次但又唔知點嘅稿又可以重見天日喇。今日要講嘅就係呢類餐廳，入去食個 $48 嘅「全日常餐」，價錢唔算平，但質素上又唔知點講好嗰隻。個餐裡面主食係「南豐叉燒湯意粉」，睇圖片大家應該都會了解到件事係平庸到可能出門口已經唔記得佢咩味。反而配菜嗰碟嘢有得揀「叉燒奄烈」算畀到驚喜，但其實咪又係嗰啲叉燒，電影<飯戲攻心>提過嗰啲呀，哈哈。杯「熱奶茶」佢哋係唔差嘅，幾滑，只可惜嘅係喺香港要搵一杯好嘅熱奶茶又真係唔難，攪到好似好普通咁。總而言之，我用 $48 完成咗呢餐，維持咗我嘅生命，而有時人生都係咁，冇可能每一日都咁精采，平平淡淡都好。。。（地址：九龍城侯王道61-63號）#1amfoodie #foodie #hkfoodie #thatfoodiething #hkfood #food #

無意中经過不顯眼的餐廳 前面有燒鴨之類外賣 在中午時叫了一碟豆腐卜蒸鲩魚加白飯 坐下不够五分鐘 碟菜已經上枱 覺得非常新鮮及大碟 沒有魚腥味 相信是非常新鮮 的魚腩 杯熱奶茶亦非常熱及美味 以後我都會用來的

估唔到啲燒鵝咁好味👍🏻👍🏻奶奶從上水過嚟九龍城，必食燒鵝😍再打包半隻返屋企，我哋訂成隻燒鵝，約定嘅時間去拎，即斬，皮脆，肉嫩，唔騷，好夠味！（我絕對唔係打手），仲有佢哋嘅頭抽叉燒，好好味，一啲都唔硬！我想坐低食碗燒鵝叉燒瀬粉或者返去加餸都一流🥰🥰🥰值得要讚：店舖老闆做事好認真，好細心！兩個燒味師傅，工藝一流，燒味係自家製，喺餐廳即燒即賣，絕對唔係外來交貨，而且唔會大大嚿斬，師傅到刀功精緻，又細心幫我哋切走啲肥油，令人好想食多幾舊😋😋😋

11月10日又係揾食肥華到九龍城覆診攞藥日子，諗住因利成便，便約定靚媽在此區食午飯，等佢食完晏就返公司開工，為求方便肥華選擇呢間位於診所附近的食店進食午飯，肥華和靚媽各自點了一個此店嘅是日午餐，靚媽個雪菜肉絲炆米粉賣相就普通，但味道就尚好，至於肥華所點嘅鷄鵝双拼飯，賣相就吸引望落係啖啖肉位，啱晒肥華口味，可惜此情況是幻像實則兩款肉都是，皮笑肉不笑貨色，無論鵝肉及鷄肉都係簿簿的，骨多過肉令肥華對此餐午飯完全失望，忽忽食完埋單走人，就同靚媽田鷄過河，講多都無謂👎🤐🤐

自問對食要求唔高，只要正正常常我都滿意⋯⋯雖然呢個奶油豬上果陣都算暖，但食落就知唔知擺咗幾耐，一啲都唔香唔脆，口味似吃咗奶油嘅紙皮。大拿拿下午茶32蚊之先我去食麥當勞🍔都冇咁嬲⋯⋯一路食一我一路諗，九龍城咁多出色食肆，點解呢間南豐仲做得住，價錢唔係特別合理，質素比不上一般茶餐廳⋯⋯我諗唯一可取之處係間茶餐廳人唔多可以坐一陣⋯⋯下次一定會睇清楚食評先入餐廳，無謂無神神食到一肚氣⋯⋯無謂三十幾蚊買紙皮嚟食

Sunday takeaway dinner for three pax. Self collect. Quick turnaround. Kai Lan in ginger juice and Roast Tofu both quite agreeable. See receipt for details. Staff diligent on making recommendations from the menu. The roasts look good too but didn’t order any.

一人下午茶入去有卡位又吾係繁忙時間，吾准坐卡位，一定要坐門口吾夠冷氣嘅位。如果繁忙可以理解，人又吾多，又有位就吾明咩嘢玩法。今時今日重可以有咁樣服務，消費券帶動消費吾住日 last 永遠，九龍城大把選舉，冇必要一疋幫襯佢地。

食暈九龍城不知道還有多少家早餐店未去過但..在下是否很無謂應該一直都是吧話說在下開始在九龍城吃飯最初也是因為被約在九龍城吃早餐吧半年前還跟這個地方不熟現在好像哪裡都出現著你的影子香煎豬扒出前一丁 $47跟蕃茄玉米奄列沒想到玉米是甜的這對在下來說還真的有點驚喜多久沒吃過帶甜味的玉米了相對之下蕃茄就是沒有味道蛋也是全熟的怎麼在下印象中學師時奄列是半熟的難道是老一輩的手藝嗎出前一丁跟上麻油在下卻突然有點飽了加上野味的麻油後還是覺得食之無味於是加了點辣椒油不小心就加了整整1/3瓶湯底被在下摧毀了 😅除了面頭的一層油外至少在下能吃得下只不過看來在下本日外出用餐不是個良好的選擇吧豬扒好肥是有2大塊但加上骨頭和在下伯怕的肥肉剩下也只有一塊左右的肉吧豬肉味濃郁還想說2個多月前腳的傷好像還隱隱作痛還是吃點魚豬看來選擇又錯了?熱咖啡淡淡的特別在沒什麼特別而早餐配咖啡也是這年裡跟你吃早餐後才開始的連一杯咖啡也得帶著你的回憶..日子難過...

呢間位於街市側邊街嘅侯王道，附近唔多早餐餐廳，我平時就算落九龍城食都係去獅子石道多（因為嗰邊多餐廳），呢間第一次。先讚環境啦⋯⋯光猛嘅，都算乾淨啦，我地八個月分兩枱，坐最入嘅卡位，其實舒服嘅⋯⋯問題係味道真係麻麻，唯一可取係杯凍檸茶。多士唔脆，死症！煙肉非常油，明顯係炸而唔係煎！炒蛋勉強算滑啦⋯⋯沙爹牛肉米粉，牛肉完全冇味兼只有梳打粉味。米粉係偏鞋嘅傳統米粉而非即食米粉，我個人不喜歡（但我知有啲人鍾意嘅）整體來講係下次唔會試。

九龍城茶記多個選擇常餐；茶餐廳最重要係沙嗲牛肉麵；第一次食呢間餐廳；沙嗲牛肉麵好出色牛肉好大嚿，濃味嘅湯底；配上叉燒，有幾夾！最重要係常餐有兩個餸揀多個選擇，然後暗列蛋；仲有得揀火腿或者餐肉配多士；很滿足。燒味飯；我老公揀咗個沙薑雞飯，白切雞厚肉有雞味；份量都唔算少!整體覺得幾好，環境寬敞光猛舒服。可以下次再光顧

同屋企人梨食過幾次，屋企人食燒味係唔錯既，我第一次食係麻辣魚腐魚麵(普通啦),第二次食喇沙魚腐魚麵(凈係得個辣字，似辣咖哩多過似喇沙,麻麻地),今次叫左麻醬雞絲扎肉撈烏冬(嬲左),根本就係煎雞扒，吾係雞絲😒烏冬麵質ok但凍左d

隱世美食餐廳！👍🏻👍🏻👍🏻今晚經過見到呢間餐廳坐滿人，所以入去試下，經過經理介紹，叫咗幾個小菜試下：1）肉蟹蒸蛋白，超好味！😋隻蟹超多羔，d 蛋白入哂d蟹味，再蟹肉撈飯，嘩⋯ 不得了超超超好味！仲有少少酒味！2）燒鵝，皮脆肉嫩！有dd肥係皮同肉之間，食落d肉同油香超正，原來係佢地自己燒㗎！3）走地雞拼燻蹄，走地雞肉質很好唔太肥，剛剛好！4）花枝片炒西蘭花，夠鑊氣，剛熟唔老！估唔到餐廳都有酒店中菜廳嘅水準，超正！整體味道調得好好，仲有係服務好好，仲送綠豆沙呀！下次會再試下蒸魚、燉湯先！

我真係覺得好奇怪，未試過有一間餐廳食完飯先俾例湯，我差唔多食完，個阿姐先俾例湯我，真係要俾個叻佢哋。凍檸茶少甜，佢就俾咗杯正常，我屋企人個杯正常，佢就俾咗杯少甜。我哋有三杯，佢淨係比咗兩杯，三催四請，先至俾埋最後一杯我哋。啲樓面阿姐好似第一日返工咁其實你價錢收得都算貴，我覺得一分錢一分貨，你俾唔到一個相對嘅服務，咁就唔需要再幫襯。都唔係話要你好好招呼，但係起碼你搞得清楚杯嘢飲係少甜定正常先啦係咪啊？呢間南豐，不了