南豐餐廳

营业中

休息中

勁香花生醬味勁濃郁，星期日早上石硤尾球場踢完波，跟住波友去附近南山村，食早餐，隔離果間最出名嘅無去到，2號餐火腿炒蛋，好滑好香無溝水，凍咖啡好香好濃，迷你菠蘿包真係好鬆化同埋香，同埋仲係熱! 38幾蚊性價比勁高💯😋

During our visit to Nam San Estate, we had the opportunity to stop by Nan Fung, a bustling restaurant located nearby. It proved to be a popular spot, especially during lunch hours, with a constant flow of customers. Despite the initial impression of a crowded space upon entering, we soon discovered that there were additional tables located behind a partition, allowing the restaurant to accommodate more guests.One of the standout aspects of our experience was the warm and friendly welcome we rec

其實石硤尾個個都食品x 樓，我自己就中意食南豐餐廳多d, 首先佢杯奶茶真係好唔錯，我差唔多每日經過都會飲1杯。今日又黎食lunch, 揀左自選麵：辛辣麵+擔擔湯底+豬扒，小食就揀左芝士吞拿魚豬仔包。其實好鍾意食麵轉辛辣麵，但係佢個擔擔麵湯底實在太濃了，加埋辛辣麵嗰種辛辣口感，真係太濃稠喇！成碗麵嘅感覺就好似變咗沾麵咁，所以如果下次揀擔擔麵湯底都係要返普通米線咁就算， 或者可以試下辛辣麵配佢個酸辣湯底，應該都會幾出色。然後塊豬扒好大塊， 又好嫩滑，58蚊嘅餐真係好抵食！最值得讚就係佢個芝士吞拿魚豬仔包，外皮超脆，吞拿魚有好多，完全係可以單點嘅一份小食。另外嗌咗份午餐， 揀咗佢當日嘅快餐：章魚雞粒燴飯， 個口感好似福建炒飯大大份又濃味！佢啲午餐都唔錯，真心值得推薦。

預先資料搜集中，發現此屋邨中小店有不少正評，有機會在石硤尾朝早醫肚，便一試。早餐餐單選項：腐竹雞肉米線 + 煙肉 + 炒蛋 + 菠蘿油 + 凍奶茶。首先送到係凍奶茶。喺冇指定奶與茶比例情況下，呢杯奶茶茶味偏重。指明要少甜少冰，餐廳做到。轉個頭其他食物都送到。全餐份量真係唔少，好豐富。炒蛋正常質素。煙肉如煎至脆口會更佳。等食物上菜時，聽到餐廳職員講外賣落單電話時有特意說明「有菠蘿包供應」，相信菠蘿包係小店嘅熱門產品。作為牛油狂熱喜好者，我有向餐廳要求菠蘿包「多油」，相信廚師係有特意滿足要求。但咬落，個菠蘿包非開口處係唔夠牛油去滿足我。味道與質素方面，菠蘿包符合性價比，溫度則微暖。不多茶餐廳 serve 腐竹雞肉米線配搭，個人十分欣賞此配搭。南豐餐廳此米線多料，令人滿足。清清哋魚湯暖胃，食落感覺幸福。滿意的去找數。

今日行咗去南山邨食午餐，你係間餐廳裝修一般但係好多街坊幫襯，我估係因為呢度嘅侍應熱情、價錢合理我嗌咗一個常餐，但佢係非一般嘅常餐，因為佢係魚湯雞肉皮蛋米線；皮蛋有大半隻，好有誠意；湯底嘅魚湯有少少甜，好清甜；上面仲有好多雞肉，呢個價錢真係算唔錯；米線分量足夠，但可以硬啲另外呢個餐仲可以配唔同嘅嘢食，我叫咗火腿蛋加多士，都整得幾香口，多士都幾脆佢仲有好多唔同嘅嘢食例如每日都唔同嘅午餐，唔怪之得咁多人嚟食

今日黎左呢度買外賣返公司食，有同事推介佢地既炒粉麵，話鑊氣好夠同好食，今日就黎買乾炒豬扒炒烏冬。外賣大概等左10分鐘，拎到返公司既時間野食仲係好熱既。豬扒份量好多，好有驚喜，食落最後發現有5大塊，而且做到外脆內軟，因為豬扒偏肥，油脂香味出眾，個人黎講幾中意但如果有人唔中意食肥豬扒既話就要留意烏冬個調味都滿意，味道香，有鑊氣，但又唔會太咸，而且口感都好，唔會好腍啤啤連埋凍飲$57，我覺得係好抵食，因為佢好大份整體來講滿意的

住石硤尾區，最出名嘅係品香樓，但係其實南豐餐廳都係唔錯嘅選擇，經常會去堂食或者外賣。今日朋友嚟屋企玩，本身想去品香樓，但係實在人太多，南豐餐廳有位就入去坐低啦。 價錢相對較便宜。 合掌瓜湯味道夠濃，合掌瓜煲到溶曬，入口即溶， 應該冇味精。 奇妙雞煲食過好多次都好好味， 甜甜地嘅醬，雞好嫩滑，好惹味， 送飯一流。 鄉下佬炒雜菜菜係鮮綠色，好爽脆魚香茄子茄子仲係深紫色，賣相好靚，食落有啲咸，又係送飯之選。 京都豬扒好大碟，肉質都係腍嘅，唔會硬掘掘好難咬咁，酸酸甜甜，幾好味。

今天到了南豐餐廳吃午餐 ，午餐非常抵，要了一個蒸倉魚飯，包一杯嘢飲，都只係$45，條魚非常新鮮，沒有腥味，健康的一餐！朋友叫了蒸肉餅飯，佢話都好味，附上一張相。另外個朋友叫了常餐，有腸仔、炒蛋、丹麥多士，多士勁好味！仲有一碗皮蛋雞肉米線，都係健康之選！三個人食都係$185 ，真係好抵食，所以經常會來吃，價錢真係抵！環境都算OK，午市比較逼夾，通常都要等位，不過都值得嘅。服務都OK，上菜速度快，最啱我呢啲急嘅人。

在我的補習社對面的南豐餐廳真是很美味如果不是早點去都已經排長龍了我嗌咗一個沙爹牛肉麵炒蛋腸仔多士沙爹牛肉畀多個驚喜沙爹牛肉麵夠濃夠味配埋軟淋淋嘅牛肉就最好吃了,奶茶又唔會太澀個炒蛋炒得夠曬淋夠曬軟但係腸仔就麻麻地還有服務態度超好今日我原先那個位置滴水那個少服務員毫不猶豫地說不如你轉位呀那個時候想現在有那麼態度好的工作人員都算是「稀有人員」了。呢間餐廳是我少數好到我要直接寫食評我通常會寫太多字今天這一篇食評算是破紀錄了

呢間經常同事黎食既餐廳早餐好多款揀特濃沙嗲牛肉公仔麵，湯底濃好香，麵唔會煮得好冧，剛好彈牙；牛肉夠多唔韌配炒蛋，火腿，最特別呢度既包系比菠蘿包唔系比多士。據知非常搶手，過左某個時間想食都嗌唔到。

喺九龍塘返工嘅打工仔除咗去又一城個food court之外想搵啲平靚正嘅午餐一定去南山村南山村通常都係有兩個快餐選擇一係就品香樓一係就係你平時一向都係叫常餐最欣賞佢就係個丹麥多士😋😋真心好味同埋真係好食過普通烘底多士好多不過平時午餐都有九個選擇如果好彩嘅話就會遇到黑椒薯仔牛柳粒焗意粉所有同事一見到都係清一色叫哩個餐～如果午餐見到佢都係必叫！ 正！ 讚！ 推介！

星期日假期見好耐冇同朋友出黎打下波，於是約埋一齊落大坑東打波啦，因為附近食開d茶記都麻麻地，於是小弟提議不如去南山邨商場平台果邊試下。去到見到有間南豐好似好多人食，咁就梗係順應民意，入去一試！坐低環境都算舒適，早餐都好抵$32有五至六款俾你揀下，我呢d沙爹牛控當然二話不說，就order個沙爹牛肉麵B餐！佢跟餐個包係迷你菠蘿包，都幾新鮮又夠脆，平時多數茶記都係牛油方包或餐包，真係食到厭，所以個菠蘿包我絕對加分，然後個沙爹牛肉麵都到啦，沙爹汁好濃，但我覺得有少少偏鹹左，如果可以淡少少就一流，麵就著得岩岩好，又唔太林又唔太生，牛肉反而有驚喜，肉質不錯，幾有咬口又夠爽，所以小弟絕對推介，落石硤尾打波，呢間會成為飯堂首選！

路過食個Tea～～第一次惠顧此茶餐廳，進店之後自己選擇座位，店員見我企喺其中一張卡位隔離，立即過來幫忙清理之前食客的碗碟，讓我坐下。然後問我是否食下午茶，幫我打開餐牌下午茶果版。下午茶都好多選擇，樣樣都想試，原本想叫招牌菠蘿包，店員話有火腿蛋响菠蘿包入面，不過菠蘿包啱啱賣晒，唯有轉食炸豬扒沙律，友人就食炸雞脾沙律。雞髀同埋豬扒都頗大件，但係有點炸過龍，現場睇的話顏色比較深，影相就唔覺。豬扒炸得比較乾，雞髀我就冇試到。配嘅沙律有少少誠意，雖然都係罐頭水果，起碼冇薯仔，唔會話用好多薯仔沖撐場面，降低成本，而且沙律裏面有椰纖果，配埋炸嘢嚟食，感覺冇咁熱氣，不過都有一般茶餐廳嘅問題，就係太多沙律醬。我飲嘅係熱鴛鴦少奶，冇咩特別，飲完都冇咩印象。正正常常咁囉。雖然我去嘅時候只係四點幾五點，但見到好多街坊喺度食小菜，我打開餐牌睇吓，發覺佢啲小菜好多選擇，同埋幾抵食咁，走嘅時候行過，仲見到啲小菜幾大碟下，打算有機會再去試吓佢啲小菜。

黎到十二月頭，早晚一陣陣北風，開始有冬天嘅感覺。秋冬進補，當然要揀羊肉煲啦。雖然限聚令只可以有兩個人，但係圍住打邊爐，真係好暖笠笠！羊肉煲得夠曬淋，有小小羊騷味，我埝大多數人都接受到，羊肉夠大舊，份量夠曬。不過個湯底鹹左少少，要waiter另外加水，而且會越煲越鹹。另外送左一份肥牛同生菜，另外再加兩碗白飯，簡直係完美的配搭最後，當然少不了距嘅招牌奶茶啦！食完之後成個人暖笠笠，夜晚訓得好暖好舒服冬日一煲羊腩煲，我感受到幸福的滋味

遠道從新界到九龍開會，唔想幫襯大型連鎖店，想試吓本地小店，於是試試這間茶餐廳。點了我最愛的沙嗲牛肉通，沙嗲醬比一般茶餐廳更有花生味，牛肉份量不少，通粉如果硬身少少會更好。煎蛋火腿正常。一般茶餐廳通常只有麵包或者多士，但這間竟然有菠蘿包，仲唔需要加錢，算少有。菠蘿包咬落去皮依然脆，不會濕粒粒或者乾爭爭，如果整熱佢會更好味😋。奶茶味道OK，沒有苦澀味。早餐時間張張枱坐滿人，每張卡位都有吊到上天花板的膠布覆蓋。店員亦會要求探熱。我要求轉卡位，店員也很樂意有禮！唯一可以改善是他們寫單好似有點亂，見到有幾次阿姐都要搵客收餐。下次經過石硤尾一定會再幫襯。