博多拉麵-火之鳥

营业中

休息中

因公司在附近，呢兩個月大約去過五六次午飯和晚飯，真係忍唔住要投訴！嗰度D後生女侍應態度散漫無禮，想再加食物認左又唔嚟！無笑容，一間食物咁一般嘅店若然有咁嘅員工真係等摺埋！一句講哂我和班同事以後都唔再去，比七十多元一碗麵唔係要四季酒店服務，但絕不能食到一肚子氣！！！！😡

岩岩去堅尼地城卑路乍街新鋪，我地知道新鋪岩岩開人手唔夠，所以我地都盡量體諒。但我地落完單等咗35分鐘都未有就叫人幫我地跟跟，因為見到旁邊枱比我地遲黎既人野食都已經黎晒。之後等左十幾分鐘都無消息我地又叫另一個侍應跟，等多十分鐘我地再問多一次先話原來張單都唔見埋。。。加加埋埋前後係餐廳坐左一個鐘先走黎問我order左啲咩？真係一肚火最後我地咩都無食就走左香港食肆做唔住係有原因Blacklisted….

拉面好咬口，湯好味好飲，想起味道便流口水那種。日本人主理，想一食再食。 但下午太多學生，基本等20分鐘以上，等得太久，店太細。 保持以往在石塘咀的水準，好味道的肉，湯及面

之前食過一次但無影相，嗰次已經覺得佢哋態度麻麻地。食物味道唔算差。今次再去，兩個人食。咁佢要食之前畀錢咁咪畀咗錢先囉。無散子拎咗兩個五毫子出嚟，個呀嬸店員話唔收，話係規矩，又話可以畀Alipay同payme。咁真係兩樣嘢都無嘛…個呀嬸唔信又話無理由。唔收毫未係重點，而係講埋畀你聽你又唔信。然後個呀嬸拋低一句：咁你地再諗下先啦。本身我都無嬲到，一聽到佢話叫我諗下先真係即係刻上火！諗乜嘢？我咪講咗無毫子！五毫子唔係錢？又唔係幫手諗辦法，又唔係入去問一下老細，完全唔識做生意，返入去你自換返個一蚊畀老細都已經處理咗！我唔係要佢幫到咁，唔好到我講個個係咁佢咪好唔得閒！而係佢態度問題，叫我諗下先。不如諗下自己態度有幾差先！不知所謂！已經唔係一個半個人話同一個呀嬸態度差！上次serve我係個係後生嘅，態度好好多！一樣還一樣，味道方面唔係差，不過不失。

食過三次，食物都ok，也不算貴，但是有兩次都感到服務真係差勁。第一次是外賣，店員話要5-10分鐘請在門外等，我就站在門口滑手機，結果等咗25分鐘纔好（很熱的七月），店員還忘記給我飲品，連句唔好意思久等了都無。第二次OK。第三次，午市套餐，又等超久（25-30分鐘）纔等來拉麵，小食（炸雞）等到我食完面又等了快10分鐘都沒來，問店員纔知我的炸雞被遺忘了（again，連句唔好意思都無）。我未估到這個簡單午餐要等咁長時間，又急趕回返工，問佢炸雞可否拎走，拎走又要加2蚊。不會有第四次了。

日本餐廳黎講，佢哋既服務態度真係差到暈，點完餐要先比錢，店員找錢時係掉落枱上，咩都無講，真係好無禮貌。隔離位點餐時要加麵，點知食哂先到，但真係得碗麵，無湯，於是同店員講，無湯又食哂先到，又唔講聲，於是乎就同店員講，一係退一係加湯比佢食，點知加湯要比30蚊，係數回爭論後，店員好悔氣咁掉返15蚊落枱面，又係咩麵唔講。態度差到咁，都唔會再有下次幫襯。

係高街有間搏多拉麵店，入去試下先，有個日本人師傅親自煮，坐位不多，得高椅子，好似bar枱甘，如果有正常枱椅子就好坐d 。要自己用筆落單，同比錢先，我揀左三號博多豚骨湯拉麵同餃子🥟原來打卡之後可以有免費可樂/醬油蛋，我要左可樂。仲有兩盤 配菜伴菜 可以自己自由加，係紅色薑，同 好似鹹鹹地 菜，我加左好多，因為幾好食😋。拉麵雖然細細碗，幾好食，個湯好味，幾有日本風味，整體幾好！都不算貴，七八十蚊。小店仔，不錯☺️

唔知點解openrice顯示裝修中，不過行過見到正常營業西環難得嘅正統拉麵拉麵同炸雞都唔錯lunch set都算飽肚，價錢唔貴三文魚飯有驚喜，同前排係日本京百名店麵屋豬一食過嘅和牛飯有D似，當然無日本咁好食不過食完會再肥D，女仔食完拉麵應該都食唔落上左汽水先見到lunch set可以唔要汽水轉其他嘢不過位置都唔算好，宣傳應該都做得唔夠今日12點半都得一半人左右希望做得住啦，西環正常拉麵好似得佢同彩aya?不過彩aya係食沾麵

濃厚味噌拉麵加紫菜湯底夠濃唔係好厚身口感個款～心機野唔似味精湯👍拉麵煮得剛好夠爽口彈牙～煙韌有咬口小編最鐘意🤡豚肉肥瘦均勻～可以切厚小小就好啦😜盛惠💰$100好味指數(7級最佳)▁ ▂ ▃ ▄ ▅ —————————————————☻非專業食評·純個人口味☻—————————————————📍總結:火之鳥仲有幾款拉麵湯底選擇～有機會小編都想試下其他～店員好有禮貌～大家不妨去試下👍

係我中意既麵質呀幼身實淨白色果隻拉麵。可自選硬、普通、軟，我就簡左硬一見到個面好似比較細碗，驚唔夠飽，但最後都夠既因為我地又叫左野飲同餃子🥟有諗過加麵，最後無加到個豚肉有少少un，不過都無乜野。而家喺香港食到好食既拉麵已經好難得，呢間係好味post拉麵相喺社交平台可以送一隻醬油玉子or一罐可樂俾你師傅好似好日本風，唔知係咪日本人呢～原來拉麵店喺西環搬左嚟西營盤高街會再嚟 下次想試下佢個炸雞

music is too loud jpopLorem ipsum dolor sit amet, consectetur adipiscing elit. Integer sit amet lacus sit amet nibh ultricies mollis eget at neque. Etiam ullamcorper nunc volutpat vulputate dignissim. Duis eleifend pharetra mi in dignissim. In enim odio, hendrerit in purus ac, sollicitudin porta urna. Integer tincidunt lectus eu libero laoreet porttitor. Integer egestas justo semper euismod sollicitudin. Vivamus varius faucibus feugiat. Nunc molestie odio ac leo scelerisque convallis. Proin hend

火之鳥係香港少有真正由日本師傅開店並親自煮麵既拉麵店。以前近香港大學站已經常常去，從未失望過，100%博多口味。宜家搬左去高街，味道依舊甘好，足料。湯底偏咸，不過我個人接受到。唯有不滿係只收現金，而且要先付款。

呢個拉麵店我見佢新開試業，於是放工過去試，6點幾去到都冇咩人，一去到就有位本來好開心，但原來係伏黎。叫左一個味噌豚骨同雞湯混合湯底嘅拉麵（餐牌7号），本來以為會好特別，但食落佢個湯底係好似啲公仔麵味噌湯底，又勁多油，食左幾啖都食唔落了，未食過咁奇怪嘅湯底，food court 都好食過佢了。另一碗叫左個豚骨湯，真係好普通，稱唔上好食，但未至於難食呢到位置又偏辟，不會再去，亦不值得再試其他麵，中上環區好食嘅拉麵大把

🧄🍜香黑豚骨湯拉麵(博多拉麵) $78 +🐷🍜醬油豚骨湯拉麵(粗麵) $83濃濃既豬骨湯♨️，啱啱上枱一兩分鐘，就已經見到有層油脂凝固咗喺面。試第一啖湯就飲到好濃郁既豬骨湯，油脂既香味好濃郁🤤，不過就略嫌鹹左啲🤔（同多數拉面湯底一樣），個人覺得醬油豚骨湯冇咁鹹，而且多份甜味😋。上完拉麵之後，店員仲拎左啲芝麻、酸薑同榨菜比我地自己加😆麵底方面，博多拉麵比較幼身，個人就覺得粗麵比較彈牙有咬口🤩同好多拉麵店一樣，拉麵既份量都係比較細，男仔建議要加個替玉先夠食😆不過豬骨湯比較濃郁，食完之後會有啲滯🤧個胃唔太好既人就建議唔好飲咁多湯啦～Btw一個扣分位係餐廳裏面都係高枱高凳，唔係坐得特別舒服😅除左豬骨湯，香蕃茄雞湯🍅🐔都好似幾吸引🤤下次有機會再黎一定會試下😆

西環比較少拉麵店，如果有人問起西環有什麽拉麵店，通常會想起在香港大學站附近的Aya彩，但Aya彩只是賣沾麵，沒有拉麵，要再想一想才會想起火の鳥，為什麼第一時間不能即時想起呢?原因是火の鳥舊鋪不多宣傳，位置較偏側，鋪面亦細小，燈光昏暗，不多食客會留意得到。火の鳥舊舖雖然在皇后大道西大馬路旁，但不太接近任何港鐵站，巴士路綫亦稀疏，不太易直接前往。現在新舖位置在高街，方便了很多，在港鐵西營盤站附近，不過若由西營盤站第二街出口前往高街，由於斜路需有上落石級和電梯，這是需要一點體力。火の鳥新舖位置比以前舊鋪好，由於新鋪附近都有食店，高街環境幽静無乜車，人流不多，散步倍感舒服之餘，新鋪亦比舊鋪光猛。火の鳥有三個主要特色:1)先付後吃，入店後要先選擇麵款就要即時付款。2)只有熱茶奉客，沒有冰水或室温飲用水。3)全鋪11個座位均屬於高櫈。新鋪亦附設有洗手間。火の鳥提供四種湯頭選擇，分別是豚骨/豚骨醬油/味噌/雞湯，由於此店標明屬於博多系拉麵，理應選擇豚骨白湯及細幼拉麵一定對辦，但我見到有純味噌湯可以選擇就即時選了，其原因是自從灣仔真武咲弥結業，香港可以吃副味噌的拉麵店都只是提供混合湯頭，最常見就以辣醬